الجزء الخامس
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
طب مفيش حل يا سيدنا الشيخ ؟؟
مفيش غير حل واحد و خصوصا انك قربتى تولدى
ايوا يا سيدنا فاضلى حوالى ١٥ يوم و أولد...... ايه هو الحل ؟؟ انا مستعده اعمل اى شئ بس ابنى يعيش....
بس اللى هتعمليه مش هيبقى شي عادى ..دى حاجه واعره اوى
انا اعمل اى حاجه بس ولادى يعيشوا و يبقى ليا ذريه و ذكر على ضهر الارض
يبقى لازم جتت البنات دى ميبقلهاش وجود ....يعنى تبقى رماد عشان اللعنه تنتهى للابد
رماد ازاى مش فاهمه ؟؟؟
لازم تولعى فى جتتهم
اولع فى جتتهم ايه ؟؟ هما اصلا زمان مفيش منهم حاجه دلوقتى ...زمان الأرض كلتهم و مبقاش منهم اى شئ
عضمهم موجود لسه
طب و دول اولع فى عضمهم ازاى ؟؟
تروحى المقبره اللى مدفونين فيها و تطلعيهم و تولعى فيهم و تتأكدى أن مفيش و لا عضمه واحده فاضله
بس الحكايه دى صعبه شويه يا عم الشيخ
ايه الصعب فيها ؟؟ ما قلتى انك تعملى اى حاجه
لا قصدى ....يعنى هروح الترب ازاى ؟ و اولع كمان فيها ؟؟
خلاص انقيلهم عندك فى دارك
لا لا مينفعش برده ...ابوهم لو عرف معرفش ممكن يعمل ايه ؟
انتى مشكلتك فى ايه ؟؟
فى التربى ...و الناس
الناس.... تقدرى تروحى بالليل أظن بالليل محدش بيجى ناحية الترب
طب و التربى ؟؟؟
لا متشليش هم داود بس هتراضيه بمبلغ كدا ...هو عينه فارغه شويه إنما كله يهون عشان العيال اللى بتموت دى
و ماله أراضيه دى سهله ....لو جت على الفلوس مش مشكله
خلاص انا هكلمه و انتى هتروحى نص الشهر العربى بعد نص الليل هتلاقيه مستنيكى هناك بس قبلها بيوم لازم تجيلى هنا عشان هديكى ورق و حاجات تحرقيها مع العضم
حاضر يا سيدنا الشيخ ....طب ينفع اولع فيهم و امشي على طول ؟؟؟
لا طبعا مينفعش
مينفعش ليه ؟؟
عشان انتى لازم تفضلى واقفه لحد ما العضم يخلص و يتحول رماد ...تعبيه فى ازازه و تاخديه معاكى البيت
و اعمل ايه بيه دا ؟؟؟
دا هترشي جزء منه على عتبه الباب و جزء هتخليه لما تبقى تولدى تمسحى بيه جبين العيل و كل جسمه و تسبيه كدا اربعين يوم و ليله من غير ما تحميه ....اوعى نقطة ميه تنزل عليه
فى اليوم الواحد و أربعين تحميه بميه مدوبه فيها مسك و ريحان و كام ورقه كدا هديهم لكى
و بكدا مش هيموت ؟؟
الاعمار بيد الله يا بنتى ...احنا بنكسر اللعنه و بس
و نعم بالله يا سيدنا ....طيب انا هجيلك كمان خمس ليالى قبل البدر بيوم
و انا هستناكى
و فعلا زينب راحت الشيخ علام قبل اكتمال البدر بليله أداها ورق و ازازه فيها سائل احمر و فهمها هتعمل ايه
بكرا هتقابلى داود الساعه ١٢ بالليل و هيلم لك العضم فى نص الحوش هترشي الازازه دى على العضم و تحطى الكام ورقه دول عليهم و تولعى النار و تعدى من عليه سبع مرات رايحه جايه
بعدها هتلاقى النار هديت تفضلى قاعده جنبها لحد ما تتطفى و ميفضلش غير رماد
تحطى الرماد فى نفس الازازه و تلفيها بالشال اللى لابساه على دماغك و تروحى على بيتك تعملى اللى قلت لك عليه
ايوه عارفه ارش على عتب الباب و اخلى الباقى للمولود امسح بيه على جبينه و كل جسمه
تمام كدا يا زينب ....فين بقا حلاوتى ؟؟
عنيا ليك يا سيدنا الشيخ
لا انا مش عاوز عنيكى يا اختى انا عاوز الحلق اللى فى ودنك
ميغلاش عليك الحلق ....اتفضل اهو
هاتى و لما ربنا يجبرك و اللعنه تقف ليا غويشه من اللى فى ايدك دول
عنيا ...بس ربنا يخلى لى ابنى بس
باذن الله ...يلا قومى علشان بكرا تنفذى المطلوب
حاضرررر
راحت المجرمه المقابر زى ما خطط لها علام .
كانت رايحه فى نص الليل و خايفه و كان الحمل تاعبها و ماشيه بالعافيه بس كانت بتبرر لنفسها اللى هتعمله بإن الحى ابقى من الميت و أنها بتعمل كدا علشان خاطر ولادها و البنات دول كدا كدا ميتين يعنى مش هيضرهم لو اتحرق عضمهم
كانت معدومة الضمير ...ضميرها مأنبهاش لحظه واحده ...قلبها قاسي متعرفش ربنا و لا فى قلبها ذرة خوف منه
وصلت زينب و لقت داود مستنيها فى عتمة الليل و معاه كلوب منور حواليه و ظاهره كأنه شيطان فى وسط الضلمه .... قصير و عنده اتب... ودانه طويله ...و اصلع ..سنانه مكسره و سوده و على وشه غضب الله
شاور لها تنزل وراه
نزل داود و فى ايده الكلوب و زينب وراه
شاور لها على شويه عضم متكوم و قالها بصوت محشرج
المطلوب اهو
انت مش هتنقله فوق فى الحوش ؟؟
لا
لا ليه ؟؟ الشيخ علام قال هنولع فيه فوق
لا انتى اللى هتولعى فيه مش انا و بعدين مقدرش أطلعه فوق لحد يشم الريحه و يجى يشوف فى ايه
طيب خلاص
انا هطلع و لما تخلصى اطلعى ورايا
ايه دا ؟؟ انت مش هتقف معايا ؟؟؟
لا ...انا شغلتى انى فتحت لك و حضرت لك العضم غير كدا مش شغلى
لا بالله عليك انا خايفه طب خليك و هديك اللى انت عاوزه
داود بص لزينب بصه قذره خلى قلبها يترعب و ينط من مكانه فلحقت نفسها بسرعه و قالت له
خد ...خد الغويشه دى و خليك معايا لحد ما اخلص
داود اخد الغويشه و قعد على السلم و عينه مترفعتش من على زينب
زينب طلعت الازازه و رشت على العضم و حطت الورق وولعت
النار مسكت فى العضم كأنها رشت بنزين عليه و شعللت اوى و الدخان عبى المكان و بدأت تعدى من عليه سبع مرات زى ما قالها علام وفى اخر مره و هى بتعدى لقت نفسها داخت و فجأه ظهر لها 😳😳 ......
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق