قداره
الجزء السادس عشر
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
هى دى الازازه اللى تقصدها يا صلاح ؟؟
لقتيها فين دى يا اسماء ؟؟
جوه الصندوق ده
ريحتها بخور ....اكيد هى دى الازازه
عاوزها ليه دى يا صلاح ؟؟
هقولك ....أجرى يا سلوى هاتى لى ازازه فاضيه و هاتى كحل من بتاعك نحطه مكانه
انا معنديش كحل من ده بس فى كحل المرحومه ماما انا شايلاه عندى
طب هاتيه بسرعه
مش تفهمني انت بتعمل كدا ليه ؟؟
يا سلوى مفيش وقت قداره ممكن تطب علينا فى اى لحظه
حاضر ثوانى
وضع صلاح الكحل الخاص بقداره فى زجاجه فارغه و احل محله كحل عادى
يلا رجعوا كل حاجه مكانها علشان قداره متاخدش بالها على ما اروح مشوار كدا
هتروح فين يا صلاح ؟؟
مشوار مهم يا اسماء و هاجى على طول
اخفى صلاح الزجاجه و ذهب إلى الحاره و سأل عن سيده تدعى جوهره
علم انها سيده تعمل بالسحر و الدجل و تأكد له إحساسه بأن ما يحدث مع والده ليس بالأمر الطبيعى
سأل صلاح أيضا عن سعد و علم أنه تاجر خردوات ترك المنطقه منذ فتره
تحدث مع نفسه قائلا
انا لو عرفت حكايه سعد دى متأكد انى هوصل للحقيقه و ساعتها هظهر قداره على حقيقتها لابويا ...بس هوصله ازاى سعد ده ؟؟ و هعرف حكايته ازاى ؟؟
مفيش قدامى الا انى اراقب جوهره دى و مدام تعرف مكانه اكيد هتروح له عشان تحذره من قداره ما هو الناس اللى زى دى ميهمهاش الا الفلوس ...بس انا برده مقدرش اسيب شغلى و مراقبه قداره و اقعد هنا اراقب جوهره ....اه لقيتها مفيش غير علاء اللى كان شغال معايا فى محل ابويا و قداره مشته و جابت واحد من رجالتها مكانه و هو من يومها قاعد مش لاقى شغل
هو علاء ...واد جدع و ياما جربته فى حاجات كتير و انا برده هراضيه و لما قداره تنزاح هرجعه شغله
ذهب صلاح الى علاء و اتفق معه على مراقبة جوهره فى كل خطواتها و أعطاه مبلغ من المال
فى اليوم التالى عاد صلاح لعمله و بدأ يلاحظ تصرفات والده مع قداره و هل تغيرت أم لا
و لكنه لم يلحظ شئ فتعامل والده كان عاديا إلا أنه لم يجلس كثيرا أمامها و انصرف إلى أحد أصدقائه ليجلس معه
مرت الايام لاحظت قداره ابتعاد دهشان عنها و تجنب الحديث معها و لكنها لم تعر بالا للموضوع فهى همها الشاغل الحصول على المكاسب و السيطره على الوكاله
دخل موسي على قداره و هو متهلل الوجهه
سلام عليكم يا معلمه
و عليكم السلام يا موسي ...شايفاك مبسوط ...ايه ؟؟؟؟ حصل ؟؟؟
ايوا حصل يا معلمه و عرفت لك العنوان و كل حاجه عن اللى اسمه سعد ده
حلو اوى ...قول بسرعه
سعد يا معلمه بقا حاجه تانيه ...فتح شركه استيراد و تصدير فى نص البلد و مسميها شركة السعد للاستيراد و التصدير
بقا كدا ؟؟؟
ايوا و مشغل معاه موظفين ياما ...و بيقولوا بقى حد مهم اوى و له علاقات جامده
هات العنوان بسرعه يا موسي
اهو يا معلمه مجهزهولك
خد يا موسي ...حلاوتك اهى
خلى يا معلمه
لا دا حقك و تعبك
انا تحت امرك يا معلمه
مش هوصيك ..محدش يعرف حاجه عن الكلام ده
طبعا يا معلمه
اخذت قداره العنوان و توجهت إلى شركة السعد
وجدت مبنى كبير يقف أمامه ثلاثة أفراد من الأمن
دخلت لتجد شركه بها عدد كبير من المكاتب يجلس عليها عدد كبير من الموظفين
سالت عن مكتب المدير
ارشدها أحد العاملين إلى المكتب
توجهت إليه لتجد سكرتيره تجلس على إحدى المكاتب
عايزه اقابل سعد بيه
فى ميعاد يا فندم ؟؟
فندم ؟؟ ليه شايفانى لابسه فستان؟؟ و الا جيبه و بلوزه يا اختى؟؟ انا المعلمه قداره على سن ورمح ...ادخلى قوليله قداره بره و عاوزه تقابلك
مينفعش يا فندم لازم تاخدى ميعاد الاول
لا ينفع و اوعى من وشي يا بت انتى
يا سعد بيه ....يا سعد بيه
ميصحش كدا يا فندم ...هناديلك الأمن
امن ؟؟ روحى ناديه و شوفى هعملك فى ايه ؟
اقتحمت قداره مكتب سعد لتجده يجلس على إحدى الكراسي الجلد الفخمه و فى يده سيجار و يرتدى بدله فخمه
عندما رآها انتصب مكانه و أشار إلى السكرتيره بالخروج
اش اش اش ....ايه العز دا كله ؟؟ طبعا العز ده من فلوسي اللى نصبت عليا فيها يا حرامى
اقعدى يا معلمه هنتفاهم
نتفاهم مين ؟؟ دا انا هفضحك دلوقتى قدام الموظفين بتوعك دول و اقولهم مين هو سعد المدير بتاعهم
اقعدى يا قداره
لا مش قاعده الا اما تجيب فلوسى يا حرامى
وطى صوتك و اقعدى
طبعا خايف على شكلك يا حرامى يا نصاب
انا مش خايف منك يا قداره و ممكن فى لحظه واحده انادى الأمن يجوا يخرجوكى بره
اه دا بعد ما اعملك فضيحه
و لما تعمليلى فضيحه ايه النتيجه ؟؟ حتى لو مشيت كل الموظفين مش هيهمنى ...انتى بقا هتستفادى ايه ؟؟ و ايه يثبت انى اخدت منك حاجه اصلا ؟؟
انا اللى غلطانه انى امنت لواحد زيك
اقعدى يا قداره ....و احنا نتفاهم
ادينى قعدت ...هترجع لى فلوسي و الا لأ
فلوسك ....
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق