قداره
الجزء الخامس عشر
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
ايه اللى جابك انت متعرفش الست دى بتعاملنا ازاى ؟ و بابا مبيكسرش لها كلمه ، احنا تعبنا اوى اوى يا صلاح و كنا بنفكر نسيب البيت
لا اوعوا انا عشان كدا رجعت
ازاى ؟؟ احنا مش فاهمين حاجه
هفهمكم بعدين المهم انتوا تاخدوا بالكم من دراستكم و ملكمش دعوه خالص بقداره دى
احنا كدا كدا ملناش دعوه بيها ...دى ابشع انسانه شفناها فى حياتنا ..دى خلت بابا يطرد محمود و ميدخلش البيت
عرفت ....و عشان كدا رجعت ..لازم حد يقف لها
بدأ صلاح فى الذهاب الى الوكاله و مراقبه كل ما يدور من بعيد
كاتت قداره تبعثه إلى التجار فى بلاد مختلفه حتى تبعده إلى أن تجد له مصيبه تضعه بها
ذات يوم كان صلاح يقف بالمخزن الملحق بالوكالة يقوم بالاشراف على ترتيب البضاعه، فوجد إحدى السيدات ذات الصوت المرتفع تدخل على قداره و تتحدث بعشم شديد
اقترب صلاح ليستمع إلى كلماتهم سويا
الله اكبر الله اكبر صلاة النبى احسن
ايه دا ؟؟ انتى ايه اللى جابك يا وليه هنا ؟؟ وطى صوتك ده انتى داخله على طابونه ؟؟
بقا دى مقابله تقابليهالى يا ست العرايس ؟؟
انتى عاوزه ايه يا وليه ؟ و جايه محل شغلى ليه ؟؟
بقا كدا ؟؟ بقى دا جزاتى ؟؟ دا انا السبب فى كل العز اللى انتى فيه ده ؟؟
فشرتى ....سبب ايه يا مرا ؟؟؟ انتى عملتى شغلانه و خدتى تمنها و خلاص خلصنا ...حسك عينك اسمع منك الكلام ده تانى
بالراحه يا ست الناس مالك حاميه عليا كدا ليه ؟ انا جايالك عشان اقولك انى عندى لكى خبر حلو اوى
خبر ايه اخلصى
عرفت معلومات عن اللى ميتسماش سعد و أنه رجع مصر و حاله اتبدل اوى
حاله اتبدل بفلوسي ؟؟؟ هو فين الكلب ده ؟ دلينى عليه
بالراحه يا ستنا انا هقولك بس عاوزه حلاوتى
حلاوتك ايه ؟ انتى مبتشبعيش حلاوه ؟؟؟
انطقى يا وليه ؟؟ هو فين ؟؟
لا و الله ما انطق بكلمه الا اما اخد منك الفين جنيه
نعممممم الفين مين يا ام الفين جتك الفين عفريت لما يلهفوكى
كتير عليا الفين ؟؟؟ دا انا هرجع لك الخمسين الف اللى لهفهم سعد منك و بعدين ألفين جنيه تيجى ايه فى اللى عندك ؟؟ انتى ما شاء الله بتتمرمغى فى خير المعلم اللى انا كنت السبب أنه يتجوزك
بقولك ايه يا جوهره الكلام ده مش عاوزه اسمعه من بوقك تانى المعلم يا حبيبتى كان بيحبنى من زمان و ميقدرش يرفض لى كلمه مش شويه الهبل اللى عملتيهم و نصبتى عليا بيهم هما اللى كانوا السبب فى جوازتى بيه
الا بقولك ايه انا يا قداره ؟؟ الكحل اللى عملته لكى يا اختى لسه عندك و بتحطى منه للمعلم و الا لسه ؟؟
كحل ؟؟؟ لا ...اه لسه عندى بس مبحطش منه
متاكده انك مبتحطيش ؟؟؟
ايوه ...دا انا حتى معرفش هو فين اصلا
طيب لما تحبى اعملك غيره انا تحت امرك
لا مش عاوزه من وشك حاجه
انتى حره ... استأذن انا بقا
راحه فين ؟؟؟ فين عنوان الكلب سعد ؟؟
لا بقا مليش فيه ...انتى مش قلتى مش دافعه ابقى اعرفى مكانه لوحدك بقا سلام يااااا يا معلمه
غورى ....همست قداره بغيظ شديد
انا بقا هعرف مكانه بمعرفتى هو انا قليله ؟؟يا انا يا انت يا اللى اسمك سعد انت
واد يا موسي
نعم يا معلمه
عاوزه منك خدمه يا واد بس مش عاوزه انسان يعرف عنها حاجه و لا حتى المعلم
عنيا يا معلمه انا عمرى ما انسي فضلك عليا و ازاى وقفتى جنب أهل بيتى لما كنت فى الحبس
متقولش كدا انت راجلنا يا موسي
اؤمرينى يا معلمه
كان فى واحد اسمه سعد كان فاتح محل خردوات كدا معانا فى الحاره
سعد ...سعد اااه افتكرته ماله ده ؟؟
انا عاوزاك تعرف لى اى حاجه عنه و تشوف لى راح فين ؟؟
حاضر يا معلمه ...انا ليا واحد مخبر صاحبى عرفته لما كنت فى الحبس ممكن يدلنا على طريقه
يبقى لك الحلاوه يا موسي لو عرفت لى مكانه
ميكونش عندك فكر ...هجبهولك حتى لو رجع بطن أمه
خلاص ماشى خد المتين جنيه دول تحت الحساب
عيب يا معلمه
خد بس يا واد و لسه هحليلك بوقك لما تقولى مكانه
تحت امرك يا معلمه استأذن انا اروح الحق رجب المخبر قبل ما يمشى
بالسلامه انت
سمع صلاح الحديث و لكنه لم يعرف اشياء كثيره ذكرت ...و لكنه اشتم رائحه غير جيده بالكلام
خطر على باله الكحل المذكور و قرر أن يبدأ منه
اسرع صلاح الى المنزل و دخل حجره قداره
لحقته اسماء و سلوى
انت بتعمل ايه هنا ؟؟؟ مرات ابوك لو جت دلوقتى هتعمل مصيبه
انا بدور على حاجه مهمه يا اسماء
حاجه ايه دى ؟؟
دوروا معايا بالراحه على ازازة كحل كدا ؟؟
و عاوزها فى ايه دى ؟؟
دوروا و بعدين هقولكم
بحث الاخوه الثلاثه عن زجاجه الكحل ...وجدوا الكثير من المساحيق و زجاجات الكحل العاديه اعطوها لصلاح و لكنه لم يقتنع انها الزجاجه المطلوبه
ظل البحث مستمر إلى أن وجدت اسماء زجاجه شكلها غريب موضوعه بصندوق من الارابيسك
هى دى الازازه اللى تقصدها يا صلاح ؟؟
لقتيها فين دى يا اسماء ؟؟
جوه الصندوق ده
ريحتها بخور ....اكيد هى دى الازازه
عاوزها ليه دى يا صلاح ؟؟
هقولك ....أجرى يا سلوى هاتى ....
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق