الجزء الرابع عشر
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
يلا بقا انا هدخل معاكى الاوضه علشان البسهولك بنفسى
معايا ؟؟؟
ايوه يا قداره ...مش كفايه كدا ؟؟
كفايه يا معلم
طب يلا بينا ....
قضوا ليلتهم الاولى بعد أن نجحت قداره فى السيطره على عقل المعلم و لبه
لاح الصباح و دهشان غارق فى حلم لطالما حلم به
استيقظت قداره لتجد نفسها تنام على صدره ...تأملت وجهه عن قرب وجدت ملامح طفل رغم كبر سنه ...تأملت تفاصيل وجهه و شاربه المرسوم بدقه ، لاحظت لمعان و احمرار وجنتيه كالاتراك ...
طبعت قبله على جبينه استيقظ ليراها أمامه
ابتسم ابتسامه عريضه و اخذها بين ذراعيه
الله ...ايه يا معلم مشبعتش منى و الا ايه ؟؟
لا يمكن اشبع منك ابدا يا قدوره
هههههه قدوره ؟؟؟ انت بتدلعنى كمان ؟؟
أن مكنش العسل ده يدلع مين بس اللى هيدلع ؟؟
خلاص انا كمان هدلعك و اقولك يا دوشي
دوشي ؟؟؟ تصدقى اول مره حد يدلعنى و يقولى كدا ؟؟ بس طالعه من بقك زى العسل
طيب يا دوشي يا حبيبي عاوزه اطلب منك طلب
انتى تؤمرى مش تطلبى
عاوزه انزل معاك الوكاله
الوكاله ؟؟ ازاى يا قداره ؟؟؟
زى الناس يا معلم ....انت مستعر منى و الا ايه ؟؟
لا مستعر ايه بس ؟؟؟ بس الوكاله كلها رجاله و شغلها يعنى ...
قصدك انى مش هفهم فيه ؟؟؟
قصدى أنه صعب عليكى و مينفعش....
اخص عليك يا دوشي بقا اول طلب اطلبه منك تكسفنى كدا ؟؟
بس منظرى هيبقى ايه قدام الرجاله ؟؟
يقولوا جايب مراته معاه ؟؟
و ماله يا معلم ...منا كمان معلمه اد الدنيا و عندى بدل المحل تلاته و اكبر قهوه فيكى يا حاره
بس الوكاله مش فى الحاره ..و محدش يعرفك هناك
و عشان كدا لازم يعرفونى و يعرفوا انى هبقى دراعك اليمين كمان
بس شغل الوكاله تقيل عليكى يا حبيبتى
جربنى ...انا اعجبك اوى
طب سبينى افكر يومين كدا
و ليه بقا ؟؟
انا مش عاوزك تتمرمطى معايا
طول ما انت موجود و حسك فى الدنيا عمرى ما هتمرمط ابدا
خلاص يا قداره هتنزلى معايا الوكاله ...بس مش انهارده
و ليه بقا يا معلم ؟؟
عشان انا نفسي مش نازل انهارده ...هو انتى مش واخده بالك أن انهارده صباحيتنا
اه صحيح فاتت عليا دى
ههههههههه بس مافتتش عليا انا
يووو جتك ايه يا راجل مكنتش اعرف انك شقى كدا
انتى لسه شفتى حاجه ....؟؟؟
🌷🌷🌷🌷🌷🌷🌷🌷
استحوذت قداره على كل شئ ..قلب المعلم ، بيته ووكالته
كانت تجلس على مكتبه بينما يجلس هو أمامها كالتلميذ و هى تدير كل شئ
كان المعلم منبهر بعقلها الفذ فى التعامل مع التجار و اخضاع أعظم شنب لرغباتها
مرت الايام و الربح يزداد و يزداد معه تعلق المعلم بقداره
بعد مرور شهرين استدعى المعلم حماد صديقه دهشان إلى محله ليفاجئ بوجود صلاح ابنه هناك
توسط حماد فى الصلح بينهم
انكفئ صلاح على يد والده باكيا
انا اسف يا بابا ....حقك عليا
خلاص يا صلاح قوم يا ابنى متعملش فى نفسك كدا
انا ضايع من غيرك يا بابا ، معدش ليا حد فى الدنيا دى الا انت و اخواتى
طب و خالتك اللى سبتنى و رحت لها ؟؟
خالتى ست كبيره و انا حمل عليها خصوصا انى ملقتش اى شغل اصرف على نفسي بيه
طبعا متلاقيش مفيش تاجر يقدر يشغلك عنده طول منا مدتش الاذن
خلاص يا بابا انا عرفت ان الله حق و مش هزعلك تانى و مستعد ارجع المحل اللى فى الحاره و اعمل اللى تقولى عليه
لا المحل اللى فى الحاره مبقاش بتاعنا خلاص
مبقاش بتاعنا ؟؟ ازاى مين اشتراه ؟؟
خالتك قداره ....المحل بقا بتاعها خلاص
اااه ...طيب امال انا هشتغل فين ؟؟
خلاص تعالى اشتغل معايا هنا فى الوكاله بتاعتنا
ازاى يا بابا ؟؟ هى مراتك مش شغاله هناك برده ؟؟
و ماله مراتى هى انا بالظبط و إن كان عاجبك
عاجبنى ..خلاص يا بابا انا تحت امرك
بس بقولك اهو قدام المعلم حمدى ...اوعى قداره تشتكيلى منك
لا متخفش انا عمرى ما هزعلك و لا ازعل خالتى
لا خلاص يا دهشان صلاح وعدنى أنه يسمع الكلام و ميعملش مشاكل تانى
على الله يا حمدى هنشوف ... طب تعالى يلا سلم علي خالتك قداره و قولها الكلام ده بنفسك
حاضر يا بابا
نستاذن احنا يا معلم حمدى و متشكرين اوى يا اخويا
لا شكر على واجب انت اخويا و صلاح ابنى
دخل صلاح على قداره و هى فى حاله اندهاش و لكنها حاولت السيطره على مشاعرها أمام المعلم و ابتسمت ابتسامه صفراء لكليهما
صلاح ابنى جه اعتذرلى يا قداره و جاى يستسمحك انتى كمان
لا متقولش كدا يا معلم صلاح زى اخويا الصغير و لا يمكن ازعل منه ابدا
انا اسف يا ست قداره بس موت المرحومه امى كان مأثر عليا شويه
لا و لا يهمك انا مقدره طبعا ...يلا يا حبيبى روح دلوقتى عشان تاخد دش و تغير هدومك دى
حاضر ...استأذن انا
خرج صلاح و قداره تفكر لم يخطر على بالها أن دهشان سيصالح ابنه بهذه السرعه ، و أن وجود صلاح سيؤثر على ما تخطط له
قطع تفكيرها صوت دهشان و هو مبتسم ابنسامه طفوليه
كنت متأكد أن قلبك طيب يا قدورتى و هتسامحيه على طول
طبعا يا اخويا هو انا ليا بركه الا انت و اولادك ...دول اخواتى الصغيرين
عاد صلاح للبيت وجد كل شي قد تغير فقد غيرت قداره كل الاثاث الموجود
وجد اختيه منكسرتين و لا يخرجن من غرفهن كانهن محبوسات
عندما رأت سلوى و اسماء أخيهم صلاح أقبلوا علبه باكين
اخذهم بحضنه و ربت على أكتافهم
انت جيت يا صلاح ؟؟
ايوا يا سلوى
ايه اللى جابك انت متعرفش الست دى بتعاملنا ازاى ؟ و بابا مبيكسرش لها كلمه ، احنا تعبنا اوى اوى يا صلاح و كنا بنفكر نسيب البيت
لا اوعوا انا عشان كدا رجعت
ازاى ؟؟ احنا مش فاهمين حاجه
هفهمكم .....
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق