القرد ميزو_ قصص اطفال
كان يا مكان و لا يحلى الكلام الا بذكر النبى عليه الصلاة والسلام
كان فيه قرد صغير اسمه ميزو كان قرد كسلان و مبيحبش يتعلم اى حاجه
مامته حاولت تخليه يتسلق الأشجار زى باقى اخواته لكن دايما كان بيرفض
ماما قالت له
ليه يا ميزو مش عاوز تتعلم؟؟
رد ميزو
و اتعلم ليه يا ماما ؟؟
ماما قالت له
تتعلم عشان تقدر تحصل على طعامك بنفسك
ضحك ميزو و قالها
و ليه اتعب نفسي ؟؟ ما انتى بتجبيلى الاكل لحد عندى
ماما زعلت من ميزو علشان مبيسمعش
الكلام
مرت الايام و ميزو زى ما هو مش عاوز يتعلم ووزنه زاد من قلة الحركه ، اما اخواته بقا فكانوا بيتعلموا و بقا عندهم عضلات
و فى يوم من الايام جه صياد للغابه ،
القرود اول ما شافته طلعت فوق الشجر و هربت منه الا ميزو الكسلان مقدرش يتحرك و لا يتسلق فوق اى شجره
الصياد مسكه بسهوله و حطه جوه قفص حديد و قفل عليه
ميزو قعد يعيط و معرفش يعمل ايه
ماما لما شافت كدا نادت على كل القرود اللى حضروا بسرعه و هجموا على الصياد فخاف و هرب
ماما فتحت الباب لميزو و اخدته فى حضنها و قالت له
شفت يا ميزو كسلك عمل فيك ايه ؟؟
رد ميزو و هو زعلان :
ايوا يا ماما انا كنت غلطان و اوعدك انى مش هكون كسلان بعد كدا
و فعلا يا اصحابى ميزو مبقاش كسلان و بقى نشيط جدا و اتعلم ازاى يتسلق الأشجار و يحصل على طعامه بنفسه
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
و توته توته خلصت الحدوته ، حلوه و الا ملتوته 🙄😃
#د.جيهان_عادل
تعليقات
إرسال تعليق