قداره
الجزء الثالث عشر
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
قداره حبيبتى ...فى ايه مالك بس ؟؟
قوليلى يا حبيبتى
ما انت مش هاتصدقنى
ازاى تقولى كدا ؟ هصدقك طبعا اتكلمى يا قداره
الحكايه هى انى من اول يوم و انا مش مرتاحه فى بيتك يا معلم
ليه كدا يا حبيبتى ؟؟
عيالك يا معلم حاطينى فى دماغهم و مش سايبنى فى حالى و مكنتش عاوزه اقولك اللى بيعملوه قلت يمكن يرجعوا عنه لكن الموضوع بيزيد و انا الصراحه ست دمى حر و مقبلش اللى بيحصل
هو ايه اللى بيحصل ؟؟ ما تفهمينى بالمفتشر كدا
من اول يوم سبتنى و نزلت شغلك قلت اتكلم مع بناتك سلوى و اسماء لقيتهم مبوذين فى وشي و بيكلمونى بقرف
قلت لهم
هو انا زعلتكم فى حاجه ؟؟
انتى ملكيش كلام معانا انتى السبب فى كل اللى بيحصلنا ده
انا ؟؟ انا عملت ايه ؟؟
انتى سبب موت ماما و سبب أن بابا يطرد اخونا ...
انا عملت كل ده ؟؟ الله يسامحكم
كل يوم يا اخويا يسمعونى كلام زى السم و انا ساكته و مش راضيه اقولك و عشان كدا طلبت منك انزل شغلى منا زهقت و مش عاوزه ازعلك ....عارف لدرجة انى قلت فى نفسي انى اقولك يعنى نسيب بعض بالمعروف زى ما دخلنا بالمعروف و إن كان على المهر اللى دفعته هرجعهولك على داير مليم
انتى بتقولى ايه يا قداره؟؟ مهر ايه اللى ترجعيه ؟؟ دا انتى لو عاوزه اد المهر ده عشر مرات انا تحت امرك
ادها و ادود يا اخويا
طب و ايه حصل انهارده خلاكى مترجعيش البيت ؟؟
صراحه يا معلم مش قادره اقول انا خزيانه
لا قولى عشان ابقى عارف كل حاجه و مش نايم على ودانى
هقولك بس امانه عليك متتكلمش معاه دا برده لسه عيل و ميعرفش حاجه
هو مين ؟؟ قصدك مين ؟؟
محمود ابنك
ماله ؟؟؟ عمل لك ايه هو كمان ؟
لا معملش بس من اول يوم و هو بيبص لى بصات غريبه...فى الاول مخدتش و لا أديت
بس لاحظت أنه هياكلنى بعنيه ...قلت عيل صغير و بكرا يلم نفسه لكن اللى زاد و غطى أنه الليله دى دخل عليا الاوضه و انا نايمه
ايه ؟؟ انتى بتقولى ايه ؟؟
بالله عليك ما تتعصب و لا تزعل نفسك هو ملحقش يعمل حاجه و انا اول ما حسيت بيه فتحت نور الاباجوره اللى جنبى و قلت له بتعمل ايه هنا ؟؟؟
الواد اتلجلج و قال كنت بدور على كتابى اصل كنت بذاكر هنا
مفيش كتب هنا و يلا لاصحيلك ابوك
طبعا جرى بسرعه و راح على اوضته
و ليه مصحتنيش ؟؟؟ انتى غلطانه يا قداره
اصحيك ازاى بس ؟ و اقولك ايه ؟؟؟
قلت خلاص مبدهاش يا بت يا قداره انتى تسيبي البيت ده و ترجعى بيتك معززه مكرمه و لا حد يهين كرامتك و لا حد يبص عليكى بصه مش كويسه
متقوليش كدا يا حبيبتى ...بيتك هناك مش هنا و اولادى انا هعرف اربيهم ازاى ؟؟ و لو حد فيهم داس لك على طرف يبقى ليكى الكلام
اهو ده اللى انا كنت خايفه منه ....لا يا معلم انا ميرضنيش انك تتخانق مع ولادك عشانى
لازم يتربوا من اول وجديد ..الظاهر أن امهم كانت مدلعاهم اوى
يا معلم اعذرهم موت امهم و بعد اخوهم عنهم برده مزعلهم
طب هو انا اللى موتت امهم ؟؟
لا مش انت طبعا بس انت اللى طردت اخوهم
ما انتى شفتى قل أدبه ازاى عليا ؟؟
معلش يا معلم عيل و طايش ...انا عاوزه اطلب منك طلب يا معلم
اتفضلى يا قداره اى حاجه تشاورى عليها اجيبهالك
لا انت مش مخلينى عاوزه حاجه بس انا عاوزاك تبعت لصلاح ابنك و ترجعه البيت يمكن لما يرجع اخواته يهدوا شويه و يبطلوا يعاملونى بالطريقه دى
انا برده اللى اروح اصالحه بعد الكلام اللى قاله ده ؟؟
معلش يا معلم انت الكبير برده
ما هو عشان انا الكبير يبقى لازم الصغير يحترمنى و يجى يبوس ايدى عشان اسامحه
معلش يا معلم
لا الموضوع ده بالذات متتكلميش فيه يا قداره
حاضر يا اخويا ...حقك عليا متزعلش نفسك انت بس
و قومى يلا عشان نروح
ما تسيبنى هنا يا معلم ...انا مش عاوزه اعملك مشاكل مع عيالك
مفيش مشاكل و لا حاجه قومى يلا معايا
قامت قداره بعد أن نجحت فى تغيير نفس دهشان نحو أبنائه
عادت قداره مع المعلم و الذى فور وصوله استدعى الجميع و اوقفهم أمامه
انتوا طبعا عارفين مين الست دى ؟؟؟ و الا تحبوا اعرفكم ؟؟؟
الست دى مراتى شئتم أم أبيتم ...الست دى انا اتجوزتها على سنة الله و رسوله و دا حقى ...يعنى مفيش حد فيكم له حق الاعتراض ...حتى الله يرحمها امكم لما عرفت مزعلتش و قالت لى الكلام ده بنفسها ....انا عاوزكم تحترموا الست دى و كأنها امكم مش عاوز اسمع شكوى منها مره تانيه لتحصلوا المحروس اخوكم
و انت يا واد يا محمود من هنا و رايح متدخلش الشقه هنا ...تطلع حاجتك كلها فى الشقه اللى فوق و ام عبده تبقى تجيب لك الاكل و حسك عينك المحك هنا مره تانيه
يلا اتفضلوا على اوضكم
نظر الاولاد لبعضهم البعض بعجب فهم لا يفهمون سر هذه الكلمات ، لماذا تحول والدهم المعروف بحنانه لهذه القسوه الشديده ؟؟
جميعهم فهم أن السبب فى هذا التغيير هى قداره و لكنهم لم يستطيعوا نطق كلمه واحده مخافة أن يكون مصيرهم كمصير اخيهم
اتجه الاولاد إلى غرفهم بينما أخرج المعلم علبه من القطيفه الحمراء و قدمها لقداره
ايه دا يا معلم
دى هدية الغاليه
و لزومه ايه بس ؟؟
من غير لزوم و لا حاجه ...افتحيها يا رب ذوقى يعجبك
اكيد هيعجبنى ....الله .....ايه ده ؟؟ طقم الماظ ؟؟؟ تعيش و تجيب لى يا حبيبي
تعيشي يا حبيبتى ...يلا بقا انا هدخل معاكى الاوضه علشان البسهولك بنفسى
معايا ؟؟؟
ايوه يا قداره ...مش كفايه كدا ؟؟
كفايه يا معلم
طب يلا بينا ....
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق