قداره
الجزء العاشر
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
بابا جاى ورايا يا حاجه همتك بقا معايا
خير يا حاجه ؟؟؟ تحيه تحيه
ماما ...ماما
دكتوووووور 😳🥺
حضر الطبيب مسرعا ، أخرج الممرضات صلاح ووالده خارج الحجره
بعد دقائق خرج الطبيب ترتسم على وجهه علامات الحزن
البقاء لله يا جماعه
انت بتقول ايه يا دكتور ؟؟؟ امى ممتتش امى عايشه اكيد مغمى عليها ...دى كانت كويسه اوى من دقيقه ، دى اكلت كل الاكل اللى جبتهولها ، دى كانت بتفكر فى خطوبتى ...امى ممتتش ...
وقف دهشان فى حاله ذهول حاول أخذ صلاح بحضنه لكن صلاح كان فى حاله هياج شديد
دفع ذراعى والده قائلا
اوعى ...انت السبب .. انت اللى موت أمى ..انا مش مسامحك .. مش مسامحك يا معلم
اخرس يا ولد ... انت اتجننت ؟؟؟
انت اللى جننتنى ...انت اللى مراعتش أن عندك اولاد مفروض تروح تجوزهم مش تروح تتجوز انت
اخرس يا كلب ...انت ازاى تكلمنى بالطريقه دى ؟؟ هو انا كنت اخدت فلوسك اتجوز بيها ؟؟؟
انصرف صلاح مسرعا إلى سلالم المشفى حتى لا يطيل الحديث مع والده و يخطئ بالكلام ....هبط عليها و هو لا يرى أمامه
خرج إلى الشارع و عبر الطريق وسط عدد كبير من السيارات
جلس على الجانب الآخر المقابل للمشفى ارتفع نحيبه ...وضع رأسه بين قدميه و هو يبكى بكاء شديد
يا حبيبتى يا ماما ....ليه سبتينى ؟؟ انا زعلان منك اوى ...انتى مش قلتى عاوزه افرح بيك ...كنتى بتضحكى عليا ؟؟ ...طب ضحكتى عليا ليه ؟؟؟ ضهرى اتكسر يا اما ....ااااه يا حبيبتى ...يا نور عيني ...ياريتنى انا اللى مت و انتى لأ ...حبيبتى يا امى
ظل صلاح يحدث نفسه كالمجنون و ينتحب إلى أن رأى اخوته الثلاثه يهبطون من السياره و يبكون بشده
مسح دموعه و اسرع إليهم عابرا الطريق دون أن يلتفت للسيارات
اخذ اخواته فى حضنه فقد شعر بمسئوليه تجاههم خاصه أنه اخوهم الأكبر ...( فسلوى تبلغ من العمر ١٩ عام ، و اسماء ١٧ عام اما محمود فهو مازال صبى فى الصف الثالث الاعدادي و لم يتجاوز عمره خمسة عشر عام )
بدأ الجميع فى وصله من البكاء المرتفع الذى لفت انتباه الماره
انهى المعلم إجراءات المشفى و استخراج تصريح الدفن
اقام لها سرادق عزاء لمدة ثلاث ايام
انشغل المعلم بوصول مئات المعزين و أهله الذين حضروا خصيصا من الصعيد
أمر المعلم بذبح عجل و إقامة الموائد على روح زوجته
اما عن قداره فقد علمت بموت ضرتها فاتصلت بدهشان لمواساته بعد مرور أيام العزاء الثلاث
البقاء لله يا معلم
البقاء و الدوام لله يا قداره منعزكيش فى حبيب
كنت عاوزه اجيلك اعزيك بنفسي بس خفت لاولادك يضايقوا و الا حاجه
واجبك وصل يا معلمه ...زى ما تكونى جيتى بالظبط و بعدين متقوليش كدا ..ولادى متربين و عارفين الاصول كويس و لا يمكن هيضايقوا و انتى جايه تعزى فى امهم
صحيح ؟؟؟ طب ممكن اجيلك النهارده فى البيت ؟؟
تشرفى و تنورى يا معلمه
ارتدت قداره جلبابا لونه اسود لامع يفصل تقاسيم جسدها
ارتدت طرحه من التول الاسود اللامع ظهر منها نصف شعرها الناعم و التى كانت ترسم وجهها الابيض و تظهره كأنه قمر فى ليلة ظلماء
وضعت من كحل جوهره مع بعض الحمره البسيطه و الرائحه النفاذه
ارتدت حذاء اسود عالى جعلها تتمختر كفرسه عربيه اصيله
دخلت على المعلم و أسرته و هى ترسم علامات التأثر الشديد على وجهها و كأنها بريئه من ذنبها
ابتسم المعلم فى خجل عند رؤيتها تطل عليه ...ود أن يحتضنها و لكنه خشي من نظرة أولاده له
جلست قداره أمام المعلم و الاربع اولاد و جميعهم ينظرون لها باذدراء شديد
البقاء لله يا اولاد
البقاء لله يا اسماء
البقاء لله يا سلوى
لم يرد عليها أحد
شعرت قداره بالحرج و نظرت إلى المعلم
اغتاظ المعلم من موقف أولاده قائلا
مش تردوا على مرات ابوكم ...جايه تعزيكم ؟؟؟؟
هنا نطق صلاح
صحيح اللى اختشوا ماتوا ...تقتل القتيل و تمشي فى جنازته
اخرس يا ابن الكلب ...دى مراتى و كرامتها من كرامتى و مسمحش لك ابدا انك تهينها
خلاص يا معلم متزعلش نفسك انا همشي
لا و الله ما انتى ماشيه ...و ايه رايكم بقا أن قداره هتفضل هنا معانا و هتحل محل المرحومه
هنا هاج الجميع و علا صوتهم بالبكاء و لكن اكثرهم هياجا كان صلاح
على جثتى أن الست دى تنام مكان امى الله يرحمها ....دا انا اقتلها
تقتل مين يا صايع يا ضايع ...اما يبقى بيتك ابقى اتحكم فيه ...دا بيتى و انا اللى اقول مين يقعد و مين يمشي
انت ظالم و اللى بتعمله دا ميرضيش ربنا
انت كمان بتقل ادبك عليا ؟؟؟ امشى اطلع بره مشوفش وشك لا هنا و لا فى المحل
هنا صرخ الاخوه و تشبثوا باخيهم
لا يا بابا ...ارجوك ...
انا اللى مش هقعد لك فى البيت ...انت هتذلنى ؟؟ اللى كنت قاعد عشانها خلاص راحت
غور فى داهيه يلا
اسرع صلاح الى الباب المفتوح و خلفه اخواته
هنا نطق دهشان بكل حزم
اللى هيجرى وراه يحصله
وقف الثلاث اخوه اسماء و سلوى و محمود فى موقف صعب و لكن صلاح سهل عليهم الموقف بأن دفعهم للداخل و اغلق الباب سريعا
اما قداره فكانت تقف تراقب الموقف دون أن تنطق بكلمه و لكن بداخلها فرح شديد لأنها ستحل محل زوجته القديمه ام أولاده و ستعرف كيف تسيطر عليه بشكل أكبر و تتحكم فى زمام الأمور
انفض الموقف و دخلت الاولاد إلى غرفهم و بقيت قداره مع المعلم الذى كان يجلس حزينا بعد هذا الموقف العصيب
جلست بجانبه قداره و ربتت على كتفه ، أخذته بحضنها و اخذت تملس على شعره الفضى اللامع
انخرط المعلم فى البكاء بين يديها إلى أن هدأ كطفل صغير تعلق بصدر امه .
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق