قداره
الجزء السادس
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
يخربيتك يا جوهره انتى سرك باتع صحيح ...كنت فاكراكى نصابه ...انا دلوقتى افوت على سعد و أقوله الفلوس هتبقى جاهزه على اخر النهار علشان يعمل حسابه ....و الله و البليه هتلعب معاكى يا قداره و هيبقى معاكى فلوس زى الرز .
ذهبت قداره إلى سعد حيث يجلس بمحله الخاص ببيع الخردوات و العلافه
سلام عليكم يا معلم
و عليكم السلام ...خطوه عزيزه يا معلمه
يعز مقدارك يارب ...الطلب اللى كلمتنى عليه هيكون جاهز الليله باذن الله
كنت متأكد انك ادها و ادود يا معلمه
تشكر يا معلم
طب افوت عليكى امتى اخدهم ؟؟
لا الليله مش هينفع ...بكرا هبعتهم لك مع البت توحه
ازاى يا معلمه تآمنى البت على مبلغ كبير زى ده ؟؟ و بعدين احنا مش عاوزين اى حد يعرف حاجه عن شغلنا ده
طب و بعدين ؟؟ انا النهارده مش فاضيه و لا عارفه هقدر اجيب لك الفلوس دى امتى ؟
و الله يا معلمه ما عارف ...بس الفلوس لازم تسلميهالى فى ايدى و ميبقاش فى طرف تالت ما بينا ....الشغلانه دى حساسه شويتين
طب خلاص انا هستأذن و اجيب لك الفلوس و امشي على طول
امتى أن شاء الله ؟؟
بص هضرب لك تلفون فى القهوه اللى قدام المحل بتاعك ...بعدها تطلع تقابلنى على رأس الحاره
وجب يا معلمه
استأذن انا بقا
طب مش هتشربى حاجه ؟؟
قهوتك مشروبه يا معلم ...سلام
عادت قداره إلى منزلها و هى ترسم آمالا عريضه ، تشعر أنها بهذه الزيجه وضعت يدها على كنز سليمان ...فزوجها الجديد يمتلك من المال الكثير ، بالاضافه الى تجارتها مع سعد و ما سوف تجنيه من اموال طائلة .
بت يا توحه
نعم يا معلمه
روحى يا بت ناديلى خالتك سعاده خليها تيجى توضبنى
ليه يا معلمه ؟؟ انتى عندك مناسبه و الا ايه ؟؟
و انتى مالك يا حشريه ؟؟ بتدخلى فى اللى ملكيش فيه ليه ؟؟
لا ...مليش ...حقك عليا
بعد كدا تيجى تحطيلى العبايات الجديده و الهدوم اللى لسه شارياها كلها فى شنطة السفر الكبيره
هو انتى مسافره يا معلمه ؟؟
تانى ؟؟؟ تانى بتسألى ؟؟ غورى يا بت اعملى اللى قلت لك عليه
حاضر رايحه اهو
حضرت سعاده ، تلك المرأة خفيفة الدم ، ذات اليد الساحره المعروفه لدى كافة نساء الحاره بأنها المزينه للفتيات فى مناسباتهم الخاصه
دخلت عليكى بالصلاة على النبى
اللهم صلى عليه ...تعالى يا سعاده ...اتفضلى
يزيد فضلك يا ست العرايس
يوه جتك ايه يا سعاده ...انتى يا وليه بتقرى الطالع ؟؟
من غير ما اقرا و لا حاجه ..هو فى عروسه اجمل منك يا ست العرايس ؟؟
انا عاوزاكى توضبينى و تخلينى على سنجة عشره
و الله انتى ما محتاجه ..دا انتى اللهم صلى على النبى قشطه بلدى و يا بخته اللى هيفوز بيها
انتى صحيح هتتجوزى يا معلمه ؟؟
و انتى مالك يا بت انتى ...غورى يلا سخنى ميه لخالتك سعاده و شوفى هى عاوزه منك ايه ...بعد كدا لمى الهدوم زى ما قلت لك
حاضر
قامت سعاده بتجهيز قداره و رسم الحنه على يديها و رجليها و إخراجها فى أبهى صوره
بعد اذان المغرب وجدت قداره أحد رجال المعلم دهشان يدق الباب و يحمل بيده حقيبه سوداء
سلام عليكم
و عليكم السلام
المعلمه هنا
ايوا ...ثوانى
مين يا توحه ؟؟
انا يا معلمه مهدى من رجالة المعلم ...المعلم بعتنى بالشنطه دى و قالى اديهالك و هو هيفوت عليكى بعد صلاة العشاء عشان تروحوا مشواركم سوا
ماشي يا مهدى ...بالسلامه انت و قول للمعلم انى مستنياه
انصرف مهدى ... دلفت قداره بالحقيبه لداخل غرفتها ...فتحتها سريعا لتجد عقدا من الذهب الخالص و مبلغ الخمسين الف جنيه ...فرحت قداره كثيرا فقد حلت مشكلتها مع سعد
قالت لنفسها
هو ده شغل المعلمين اللى على حق ...الراجل بعت المهر قبل حتى كتب الكتاب ...شكلك اخترتى صح يا قداره
كويس اوى أنه بعتهم الاول ...دى فرصتى انى اروح اديهم لسعد بنفسي
ارتدت قداره عباءه سمراء و أسرعت بالحقيبه إلى سعد
خد يا سعد الفلوس اهى
الله مش قلتى هتتصلى الاول ؟؟
لا ربنا حلها و قلت اجيلك بسرعه انت عارف محلك قريب من بيتى
تمام يا معلمه
موصيكش بقا على الفلوس يا سعد
عيب يا معلمه ..فلوسك فلوسي و اخاف عليها زى عنيا
انت واثق من العمليه دى يا سعد ؟؟
هو انا تلميذ يا معلمه ؟؟ و الا دى اول مره اعملها ؟؟
يعنى مفيش خطر ؟؟
حتى لو فى خطر هيبقى عليا انا بس انتى لكى انى اجيب لك الفلوس خالصه مخلصه و لو حصل ايتها شئ سيرتك مش هتيجى فى الموضوع نوهائى
و امتى بقا هتجيب لى الفلوس
هو شهر واحد بس
ياااا شهر بحاله ؟؟
على الإكتر يعنى ...على بال ما نصرف البضاعه ؟؟ و الا ايه ؟؟
طيب ...خلاص ...موصكش بقا
لا متخافيش ..فلوسك فى الحفظ و الصون يا معلمه
ربنا يسترها
عادت قداره لمنزلها و ما هى إلا دقائق ووجدت المعلم دهشان ينتظرها بسيارته يلبس جلبابا ابيض اللون فوقه العبائه الحرير ، صابغا شعره و شنبه و حاجبيه
قداره كانت ترتدى فستانا ابيض اللون مزين بورود بيضاء صغيره بفصوص لامعه منثوره على الفستان بالكامل ....واضعه الكحل الذى أعطته لها جوهره و باقى الزينه المعتاده
عندما رآها دهشان اسرع بالنزول من السياره .......اخذ بيدها و قبلها
اتفضلى يا عروسه ...
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق