قداره
الجزء الثانى
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
ترك المعلم سعد قداره و هى تفكر فيما عرضه عليها ...تنفث الدخان من أنفها الصغير ، تبتسم ابتسامة المنتصر ...فقدت اهتدت اخيرا للطريقه التى ستحصل بها على النقود دون لفت الإنتباه لها .
عادت قداره لمنزلها المتاخم للقهوه ، ألقت بجسدها على السرير ....تخيلت المكسب الذى عرضه المعلم سعد ...لمعت عيناها عندما حسبت نصيبها من الصفقه
عشر أضعاف الخمسين الف جنيه ؟؟؟ يعنى خمسمئة الف ؟؟؟؟ يا خرابى ؟؟؟ معقول الرقم ده بصحيح ؟؟؟ انا اكبر مبلغ اتحصلت عليه من جوازاتى الاربعه ميجيش تلاتين الف على بعض و ياريتهم فلوس سايله دول محلات و بضايع يعنى حتى لو فكرت ابيعهم مش هيجييوا المبلغ اللى طالبه سعد
يبقى مفيش حل بقا الا الفكره اللى جت لى
بس الموضوع محتاج شويه تكتيك ...تعملى ايه يا قداره ؟؟؟ تعملى ايه ؟ ايواااا مفيش غير جوهره هى اللى هتساعدنى فى الموضوع ده
بت يا توحه يا توووحه
نعم يا معلمه
امشي يا بت انجرى روحى ناديلى خالتك جوهره
خالتى جوهره ؟؟؟ و دى عاوزاها فى ايه دى ؟
و انتى مال اهلك ؟؟ غورى يا بت و مترجعيش من غيرها ادينى بقولك اهو
حاضر ...الله هو انا قلت حاجه ؟؟
يا بت امشي و بطلى برطمه
ماشيه اهو
ذهبت توحه الى جوهره المعروف عنها انها تقوم بأعمال الدجل و الشعوذه ، تقصدها النساء لعمل اعمال المحبه لازواجهم و رد الاحبه ...دائما ما تدعى جوهره انها تقوم بالأعمال التى غرضها الخير فقط و لم الشمل و أنها لا تقوم بأعمال الخراب أو التفريق
حضرت الخاله جوهره برفقة توحه التى كانت تتسائل فى نفسها طوال الوقت لماذا استدعتها المعلمه إلى بيتها ؟ و ما الغرض الذى تريدها من أجله ؟؟
جوهره امرأه شديده السمار فى أواخر الخمسينات ، طويله قويه البنيه ، مرسوم على كلتا يديها وشم غريب الشكل ، ترتدى عدة خواتم كبيره بأحجار مختلفه الالوان ( احمر و اخضر و اصفر )
حول يدها سبحه طويله تقارب الالف حبه ملفوفه بعنايه حول معصمها
ترتدى جلباب واسع من الحرير الاخضر و تلف حول رأسها طرحه بيضاء كبيره
تعالى يا خاله جوهره المعلمه مستنياكى جوه ...اتفضلى
دخلت عليكم بالصلاه على النبي ..
اتفضلى يا خالتى تعالى
يزيد فضلك يا معلمه ...بسم الله ما شاءالله ...اللهم زيد و بارك ..جمالك مفيش زيه ...حقك تخافى على نفسك من الحسد يا قداره يا بنتى
سبيها على الله يا خالتى محدش بياخد الا نصيبه
و نعم بالله .....بس الحسد مذكور في القرآن ...بصى انا ممكن اعملك تحصينه حلوه اوى تبعد عنك العين
هنبقى نشوف موضوع التحصينه ده بعدين ...انا جايباكى عشان موضوع تانى خالص
عارفاه
عارفاه ازاى ؟؟؟
عيب عليكى تسالينى السؤال ده
طب قوليلى انا جايباكى ليه ؟؟
هنا نظرت جوهره نظره ماكره لتوحه التى كنت تقف بجانب قداره و تنتظر بفارغ الصبر أن تسمع لماذا أحضرت قداره الخاله جوهره
فهمت قداره نظرة جوهره ...صرخت بتوحه
امشي يا بت انجرى اعملى لخالتك جوهره حاجه تشربها
حاضر .. رايحه اهو
قوليلى بقا يا خالتى انا جايباكى ليه ؟؟؟
جايبانى عشان المعلم دهشان صح ؟؟؟
يخربيتك يا خالتى ...قصدى اللهم صلى على النبى .... انتى عرفتى ازاى ؟؟
عيب يا معلمه انا جوهره ..و عارفه انتى عاوزه منه ايه بالظبط كمان
لا انا كدا صدقت أن سرك باتع زى ما بنسمع
و لسه لما تشوفى انا هعملك ايه هتعرفى انتى بتتعاملى مع مين
بس الموضوع ده صعب شويه يا خالتى ..المعلم دهشان ده اكبر معلم فى الحاره و عنده شئ و شويات و متجوز من الحريم اتنين
طب و ماله ؟؟
منا زى الفريك مبحبش شريك ...يعنى عاوزاه خالص مخلص
دى فى ايدك انتى بقا
طب اجيبه ازاى ؟؟ دا عمر ما كان ليا علاقه بيه ...طول عمره له هيبه كدا و مبينفعش معاه كهن الحريم
هيبه على نفسه يا حبيبتى ....انا هجيبهولك على بوزه
اه يا خالتى لو عرفتى تعملى كدا هتبقى حلاوتك كبيره اوى عندى
هتدينى كام من الخمسين الف اللى ناويه تطلبيهم مهرك ؟؟
يا لهوى انتى عرفتى دى كمان ؟؟
منا قلت لك انى مبيخفاش عليا حاجه و قاريه و عارفه كل اللى جواكى و متخافيش سرك فى بير ....هتدينى كام بقا ؟؟؟
اللى تقولى عليه يا خالتى ...عنيا ليكى
عاوزه الف جنيه مقفوله
يالهوى ...مش كتير ؟؟؟
لا طبعا مش كتير ...انا هخليه زى الخاتم فى صباعك ....كأنه مشفش صنف الحريم قبل كدا
خلاص و انا موافقه
هاخد النص مقدم و النص التانى بعد الجواز
حاضر بس قوليلى اعمل ايه ؟؟ انتى عارفه انى مستعجله اوى
عارفه و هشتغلك انهارده بس عايزاكى تعرفيلى اسم امه و تجبيلى حاجه من قطره
و انا هجيب حاجه من قطره منين ؟؟ و اعرف اسم امه ازاى ؟؟
طب خلاص تعرفى تجبيلى صوره ؟؟
صوره ؟؟؟؟ تصدقى انا عندى صوره له كان متصورها فى فرحى على اول بختى
حلو اوى فين الصوره دى ؟؟
استنى هدخل اجيبهالك
و متنسيش الفلوس معاها
يا ستار ....انتى معاملتك صعبه كدا ليه ؟؟
لا انا معاملتى زى السيف و زى ما تحبى تاخدى شغل منى احب انا كمان اخد حقى
حاضر ...هدخل اجيب لك الصوره و الفلوس استنينى دقيقه
مستنياكى يا معلمه
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق