قداره
الجزء الاول
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
🌷🌷🌷🌷🌷🌷
قداره
كم هى جميله !!
فجمالها أخاذ يسلب القلوب و العقول ....لقد أبدع الخالق فى خلقك و تكوينك
صوتك الرقيق اعذب من صوت الطيور...صوت ترق له القلوب
جسدك المرمرى تخضع له رقاب الرجال
لا يستطيع من ينظرك رفع بصره حتى تغيبي كغياب الشمس وقت الاصيل .......
انها قداره ...المعلمه قداره سيدة قلوب رجال الحاره
تلك السيده التى تبلغ من العمر ثلاثين و لكن خبرتها تفوق الستين ...فقد ذوبت من الرجال اربعه و مازالت تتربع على العرش كملكه لقلوبهم
يتهافت عليا الخطاب كلما تخلصت من زوج
و بالرغم من انها تسلبه عقله و ماله الا ان خطابها لا يكفون عن طلب يدها و كأنها ساحره تسحر قلوبهم
تجلس المعلمه فى المقهى الخاص بها تلبس جلباب بلدى مخطط خطوط طوليه ، يزين أذنيها قرطين على هيئه طاره من الذهب ، حول عنقها سلسله ضخمه بها مصحف كبير من الذهب الخالص... فوق رأسها رابطه مزينه بالخرز الملون
تلك الرابطه تأخذ من جبينها المرمرى قطعه
و تظهر جمال وجهها ...الحاجب المرسوم بعنايه ، الأنف الصغير ، الفم الذى يشبه قطعه من الفراوله ...كل شئ مرسوم بعنايه فائقه
واد يا حسنى
نعمين يا معلمه
هات يا واد كوبايه القهوه بتاعتى و الشيشه المظبوطه
عنيا يا معلمه
صباح الفل يا معلمه قداره
صباحك نادى يا معلم سعد ...تعالى اتفضل ...تشرب ايه يا معلم ؟؟
لا مش عاوز اشرب ..انا جايلك فى شغل
و ماله تاخد واجبك الاول و بعد كدا نتكلم فى الشغل
خلاص زى ما تشوفى
تشرب معايا قهوه ؟؟؟
اشرب ...مشربش ليه ؟؟
واد يا حسنى
نعم يا معلمه
هات قهوه مظبوط للمعلم سعد و هات له شيشه يا واد
حاضر يا معلمه
بقولك ايه يا قداره ...فى شغلانه سقع قدامى و مكسبها الطاق عشره
أنهى شغلانه دى يا اخويا اللى مكسبها عشر أضعاف ؟؟؟؟
قربى و انا أقولك
قربت .....ايه بقا الشغلانه دى ؟؟
نقلة حشيش من واحد معرفه انما ايه لقطه
حشيش ؟؟؟؟؟؟
الله.... وطى صوتك
حشيش ايه يا معلم هو انا برده ليا فى الكلام ده ؟؟
و ماله يا معلمه انتى قلبك حديد و تفوتى فى اى حاجه
بس مش لدرجه الحشيش يا سعد
و ماله الحشيش بقا .؟؟ دا نبات ربنا خالقه عشان يهون على الناس الهم اللى بيشوفوه فى الدنيا دى
بس دا موضوع خطر يا معلم
و لا خطر و لا حاجه
طب لو كدا ليه متعملش العمليه دى لوحدك و تاخد المكسب كله ؟؟ ليه عاوز شريك ؟؟
هقولك يا معلمه ...العمليه دى كبيره عليا حبتين فلوسها مش جاهزه معايا ..و عشان كدا لما فكرت ملقتش غيرك و قلت اهو الخير يعم علينا احنا الاتنين
و العمليه دى عاوزه كام كدا بالصلاه على النبى ؟؟
يعنى ...حوالى مئة ألف كدا
يااااااا مئة ألف حته واحده ؟؟
ايوا انتى النص و انا النص
لا بس دا مبلغ كتير اوى عليا
ميكترش عليكى غالى يا معلمه ...دا انتى لو ميلتى على اى حد هتستقضيهم فى ساعه زمن
ايه اللى بتقوله دا يا سعد ؟؟ المفروض انت معلم و فاهم كويس فى الشغلانه ...انت متعرفش انى لو طلبت مبلغ كبير زى ده العيون هتبقى علينا و الكل هيسأل عاوزه المبلغ الكبير ده فى ايه ؟؟
عندك حق يا معلمه ...فاتت عليا دى
خلاص سبنى ادور الموضوع فى دماغى و ارد عليك
بس متتأخريش يا معلمه ...خساره حد يلهف العمليه دى مننا
متخافش يا سعد هما يومين اتنين و ارد عليك
ترك المعلم سعد قداره و هى تفكر فيما عرضه عليها ...تنفث الدخان من أنفها الصغير ، تبتسم ابتسامة المنتصر ...فقدت اهتدت اخيرا للطريقه التى ستحصل بها على النقود دون لفت الإنتباه لها .
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق