أنس
الجزء الثالث
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
قعدت على الحال ده ساعه و دماغى مش مبطله تفكير لحد ما جرس تليفونى رن و لقيت رقم غريب
قلت فى نفسي دى اكيد ايمان
رديت بسرعه
الوو ...الووو ...الوووووو
الو
مين معايا ؟؟؟
انا واحد قابلتيه انهارده
انت أنس
ما شاء الله ..عرفتينى بسرعه اوى ..كنت عاوز احيرك شويه
انت خدت نمرتى من إيمان ؟؟
لا
لا ازاى ؟؟
انا حفظتها نمرتك سهله اوى
امممم و بتفتكر كل النمر كدا على طول ؟؟
لا نمرتك انتى بس ....على فكره انا عارفك و بدور عليكى بقالى كام شهر
عارفنى ؟؟ عارفنى ازاى ؟
مش انتى اللى كنتى جايه من الدرس متأخر و كان فى اربع شباب بيعكسوكى ؟؟
ايوه انا ...كنت فاكراك نسينى
لا عمرى ما نسيتك ...صورتك محفوره جوه قلبى و عقلى و بقيت كل شويه اجى لصاحبى اللى قلت لك عليه يمكن المحك ..أو اشوفك مره تانيه
و كنت عاوز تشوفنى مره تانيه ليه ؟؟
عشان تشكرينى طبعا ههههه
يا سلام
لا ...كان نفسي اشوفك تانى ... انا شفت فى عينك نظره ليلتها عمرى ما شفتها قبل كدا
نظرة ايه يعنى ؟؟
نظره غريبه مش قادر اوصفها بس دخلت قلبى حركته لدرجة انى كنت بضرب فى الاربعه مش عارف ازاى
اه صحيح هما عملوا معاك ايه ؟؟
لا مفيش .. شويه كدمات... وواحد منهم سهانى و خبطنى بخشبه خبطه بسيطه كدا فى دماغى خيطها عشرين غرزه
يا خبر ...عشرين غرزه ؟؟ انا اسفه جدا أن حصل لك كدا بسببي
لا و لا يهمك المهم انك وصلتى لبيتك بخير
متشكره اوى يا انس ...انا برده من ساعتها نفسي اشوفك عشان اشكرك
الله ...قولى كدا تانى
اقول ايه ؟؟
قولى انس كدا تانى ؟؟ ..دا انا أسمى حلو اوى يا جدعان
انت فعلا اسمك حلو و اكتر بنى ادم شهم شفته فى حياتى
و انتى اجمل بنت أشوفها فى حياتى
🌷🌷💕💕🌷🌷
من هنا بدأت قصه حبى انا و انس
بقينا روح واحده فى جسدين
انس اطيب و اجدع شخص ممكن تقابله فى حياتك ...
كل مواقفى معاه بتبين أنه إنسان مفيش زيه ..عمله نادره فى زمننا دا
انسان تتسند عليه و انت مغمض عنيك ، اى مشكله تهون فى وجوده ...مكنتش اخاف من اى حاجه مدام انس موجود
انس خلص اخر سنه فى الجامعه و دخل الجيش
و كانت سنه صعبه اوى عليا لانه كان بعيد جدا و كان الاتصال بيه صعب شويه
كل ليله كنت اقرى رسايله اللى على موبيلى و احضن صورته و انام و ادعى ربنا انى اشوفه فى احلامى و احس بلمسه ايده على شعرى أو كتفى و هو بيطبطب عليا
الليله اللى كان يعرف يكلمنى فيها من هناك كانت تبقى اسعد لياليا ...
كانت الدنيا تتحول وردى مره واحده ....اشوف كل حاجه منوره و بتضحك حواليا ..احس انى بحب كل حاجه
صوته طاقه حب كبيره اوى لما كان يكلمنى أو يغنيلى بصوته الحلو كنت احس انى ماشيه اوزع حب و طاقه ايجابيه على الجميع حتى على عم عبده البواب 😁
خلصت سنة الجيش على خير الحمد لله
و اشتغل انس فى شركة ابوه
و جه علشان يتقدم لى
اهلى رحبوا بيه جدا لانه فعلا شاب فوق الممتاز فى كل حاجه
ادب و اخلاق و شكل ...امى كانت طايره بيه و كانت دايما تقولى بضحك أنه احلى منى و انى مستاهلوش
و هو بقا كان يرد عليها
ازاى يا طنط تقولى كدا ؟ ..دى شهد دى اجمل بنت شفتها بعينى ...شهد روحى اللى مقدرش اعيش من غيرها
سيدى يا سيدى ...هو فى كدا ؟؟
و الله يا طنط لو خيرونى بين عينى اللى بشوف بيها و بين شهد لاختار شهد
ياااا للدرجادى ؟؟
و اكتر كمان ...انتى متتخيليش انا بحبها اد ايه
ربنا يصلح حالكم يا ابنى و يخليكم لبعض ..انا بهزر معاك عشان اشوفك بتحب بنتى اد ايه بس
بحبها دى كلمه قليله على اللى حاسه ناحيه شهد حياتى
خلاص يا انس كفايه ...امى هتقلب على ابويا
هههه اه و الله يا شهد ابوكى عمره ما قالى كلام حلو كدا
ههههههه ربنا يسترها انهارده
عيلة انس كانت مكونه من ابوه و امه و اخوه حسن و أخته ثناء
عيلته كانت عيله طيبه اوى ووالدته كانت مديره فى التربيه و التعليم و ست حنينه و مثقفه جدا و حبتنى اوى على حب ابنها ليا
والد انس كان عنده شركه استيراد و تصدير صغيره كانت بتدخلهم دخل كويس و موفره لهم وضع اجتماعى فوق متوسط
اخوه حسن كان دكتور و بيشتغل فى السعوديه ...متجوز و معاه طفلين
اما أخته ثناء فكانت أصغر منى بحوالى تلات سنين و كانت بنت روشه و حبوبه اوى مش زى ما بنسمع عن اخوات العريس أنهم بيغيروا و يحقدوا على العروسه
بل بالعكس كانت دايما تقول لانس خد شهد و فسحها و هات لها هدايا ...البنات بيحبوا الهدايا و لو حتى ورده
بابا لما انس جه يطلب ايدى اتفق معاه أن الخطوبه هتستمر سنتين و الجواز بعد ما اخد شهادتى ...و يكون انس خلص شقته
مرت اول سنه فى خطوبتى كأنها حلم ...حلم جميل مكنتش عاوزه اصحى منه
مكنتش مصدقه نفسي من كتر السعاده اللى انا فيها ...كنت ساعات أحسد روحى عليه
انس مش انسان دا ملاك عايش على الأرض
لحد ما جه اليوم اللى غير حياتى و قلبها رأسا على عقب 😔🥺
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
ايه اللى حصل؟
ردحذفدايما الحاجات الجميلة بيببقى عمرها قصير
سلمت اناملك حبيبتى