قصة التلات قطط _ قصص اطفال
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
كان يا مكان و لا يحلى الكلام الا بذكر النبى عليه الصلاة والسلام
كان فى تلات قطط ماشيين مع بعض
لقوا سمكه مرميه فى الارض
اول قطه قالت انا هاخد راس السمكه
تانى قطه قالت انا هاخد ديل السمكه
تالت قطه قالت انا هاخد بقية السمكه
التلات قطط خدو السمكه و روحوا البيت
اول قطه قالت انا هجيب السكينه و اقطع راس السمكه
القطه التانيه قالت و انا هجيب المقص اقطع ديل السمكه
القطه التالته قالت و انا هاخد بقية السمكه
القطه الاولى خدت الرأس
القطه التانيه خدت الديل
القطه التالته خدت الباقى و فتحت السمكه لقت حاجه غريبه جواها
يا ترى لقت ايه ؟؟
لقت خاتم 😳😳
القطط التلاته ابتدوا يتخانقوا على الخاتم
القطه الاولى تقول أنا اول واحده شوفت السمكه يبقى الخاتم من حقى
القطه التانيه تقول لا انا شفتها معاكى يبقى الخاتم من حقى
القطه التالته تقول لا انا اللى لقيته يبقى من حقى انا
التعلب المكار مر عليهم لاقاهم بيتخانقوا سألهم عن السبب
حكوله على الحكايه
التعلب فكر شويه و قالهم انا عندى فكره حلوه
انتوا تدونى الخاتم ده اروح ابيعه و اجيب لكم فلوسه تقسموها عليكم انتوا التلاته
القطط فرحت و قالت له فكره جميله اوى
التعلب اخد الخاتم و مشي خطوتين و بعدها رجعلهم و هو بيقولهم
بقولكم ايه ؟ ما تجيبوا السمكه دى كمان عشان لو حد سألنى جبت الخاتم ده منين أقوله انى لقيته جوه السمكه دى
القطط صدقت الثعلب و ادته السمكه
و طبعا يا حلوين التعلب بيضحك على القطط و اخد السمكه اكلها و اخد الخاتم باعه و مش اداهم اى حاجه
القطط لما عرفت زعلت اوى و قالوا احنا الغلطانين أننا نصدق اى حد ، بعد كدا مش هنعمل كدا تانى ، و مش هنتخانق مع بعض تانى و لا ندخل حد غريب بينا
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
و توته توته فرغت الحدوته حلوه و الا ملتوته
تعليقات
إرسال تعليق