أنس
الجزء العاشر
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
بعد العصر جرس الباب رن و قلبى وقع معاه ...كنت حاسه ان نهايتى قربت ...
اللحظه اللى انس هياخد شبكته و يمشي هكون فعلا انتهيت فيها ...بس دا حقه برده 😔
اول ما اختى فتحت الباب سمعت بابا بيرحب بيه هو ووالدته و سمعت صوت تيته و هى بتقوله
اهلا يا أنس يا ابنى
اهلا يا تيته
تيته ؟؟ تيتة ايه بقا ؟ انا كنت متخيله كدا انك تيجى و البت شهد تزرونى فى البلد و تقضوا معايا اليوم لكن ظنى طلع مش فى محله
معلش يا تيته انتى عارفه أن شهد عندها دراسه و انا كمان عندى شغل
يعنى مبتفضاش يوم جمعه ؟؟
بفضى طبعا ...اوعدك هبقى اعملها باذن الله
سمعت تيته بتضحك اوى اول ما سمعت انس بيقول كدا ...و فهمت اللى انا فهمته ...أنه لسه باقى عليا
بابا و ماما رحبوا بيهم وبعد ما ماما قدمت لهم واجب الضيافه لقيت بابا بيتكلم
اهلا يا ست ام انس شرفتينا
الشرف لينا احنا يا ابو شهد
اظن انتوا عارفين احنا طلبنا زيارتكم الكريمه ليه ؟ احنا بنحلكم من ....
قبل ما تكمل يا عمى بعد اذنك ...انا مش هسيب شهد ابدا
يا ابنى متتسرعش و لازم تاخد رأى اهلك برده
انا اللى هتجوز مش اهلى و امى عارفه الكلام ده كويس و انا جايبها معايا مخصوص عشان تعرفوا أنهم موافقين على قرارى و معندهمش اى مانع ...ليه نحاسب شهد على حاجه ملهاش ذنب فيها
منتهى الظلم أننا نعاقب الضحيه و نسيب الظالم ...ذنبها ايه ؟؟ هل هى كانت تتمنى يحصلها كدا ؟؟
لا طبعا
امال ليه حضرتك جايبنى دلوقتى و بتقولى لو عاوز تسيبها سبها ؟؟
يا ابنى دا تفكير معظم الناس ..و اى حد مكانك هيعمل...
الكلام ده لأى حد مبيحبش ...انا بحب شهد اكتر من روحى ....شهد حياتى لو سبتنى حياتى هتروح معاها
خلاص يا ابنى زى ما تشوف ...انا قلت اعمل اللى عليا و اعافيك من الحرج
اى حرج يا عمى ؟؟ شهد شرف ليا و على دماغى ...كفايه انها قاومت عذاب محدش يحتمله ...و أنا متأكد انها قاومت عشانى
كلامك ده يا أنس متتصورش عمل فيا ايه ؟؟
انا عاوزه اقول كلمه يا ابو شهد
اتفضلى يا ست ام انس
لما سمعنا اللى حصل لشهد انا دخلت لابنى وقلت له يا ابنى انت هتعمل ايه ؟؟ قالى اعمل ايه فى ايه يا ماما ؟؟
يعنى هتسيبها و الا هتكمل معاها ؟؟
هكمل طبعا و عمرى ما اسيبها
طب و كلام الناس يا ابنى
تغور الناس يا ماما ...المهم انا ...المهم انى عارفها كويس و عارف هى على ايه
ابنى يومها هاج جدا و وصل أنه كسر ازاز النيش بايده و خدناه خيطناله ايده
عرفت ساعتها أن ابنى روحه فى بنتك يا ابو شهد و اننا لو قلناله ابعد عنها يبقى بنموته و نموتها معاه
خلاص زى ما تشوفوا يا جماعه ..انا مقدرش اتكلم بعد الكلام اللى قلتوه دلوقتى
ممكن ادخل لشهد يا عمى ؟؟ عاوز اطمن عليها
ايوا طبعا ...اتفضل
انس خبط على الباب و دخل لى كنت قاعده و سانده راسي على شباك السرير و دموعى نازله
انس قعد جنبى و مسك أديا الاتنين و باسهم و حط رأسه بين أديا و بكى
انا و هو بكينا كتير اوى ...مكناش قادرين نتكلم و لا كلمه
انس اخدنى فى حضنه و قالى مش هسيبك يا حبيبتى ...مش هيفرق بينا الا الموت ...انتى روحى ...انتى النفس اللى بتنفسه
بس انت مش ذنبك انك تاخد واحده زيى
متقوليش كدا ...انتى مفيش زيك .. اوعى اسمع منك الكلام ده مره تانيه
يااااااا ....بعد الموقف ده حسيت أن روحى اتردت لى ...حسيت انى رجعت انسانه مره تانيه
دعم انس ليا كان غير اى دعم ....كأنى كنت ميته و هو صحانى
مفيش احسن من انك تلاقى اللى يسندك و يدعمك وقت حاجتك له ...
الحب مش بالكلام و الهدايا و الاغانى الحب بالتصرفات و الأفعال
اللى بيحب بيسند حبيبه بيقف جنبه بيكون سنده و ضهره اللى بيبقى عارف و متأكد أنه لو مال هيلاقيه واقف و بيسنده
و دا اللى لاقيته فى انس ...ربنا سبحانه و تعالى اكرمنى بيه
مفيش اجمل من أن ربنا يكرمك بحد يحبك حب حقيقي ...صدقونى دا أعظم مكسب تقدروا تحققوه فى حياتكم...أعظم هبه يهبها لكم الرحمن
بعد الموقف ده بدأت أشد حيلى و بدأت روحى تتعافى و جسمى كمان
الجروح و الحروق اللى كانت فى جسمى بقت تختفى بشكل عجيب و ميكنش لها أثر
استعدت كتير من روحى بفضل الله و بمساعده انس و جدتى
انس شجعني انى ارجع لكليتى بس مكنتش مستعده انى أواجه الناس خاصه أن اهلى كانوا واخدين منى جنب و تقريبا بيتجنبوا الكلام معايا
انس هو اللى كان بيتكلم معايا ليل نهار و شاغلنى عن الدنيا كلها
و بعد محاولات منه انى ارجع الكليه اتفقت معاه انى احضر الامتحانات و خلاص
ووافق انس مع أنه مكنش مقتنع و كان عاوزنى أواجه الدنيا كلها ...بس فى الاخر احترم قرارى و بدأ يساعدنى بأنه يجيب لى المحاضرات و كل الدروس اللى فاتتني
انس كان دايما يشجعنى و لما كنت اشتكيله من معاملة اهلى كان يقولى علشان انتى باصه لنفسك بنظره مش كويسه و دا بينعكس على معامله الاخرين معاكى ...لو حبيتى. نفسك زى ما هى و محملتيهاش ذنب مرتكبتهوش هتلاقى الناس بتعاملك بطريقه عاديه
دخلت الامتحان و نجحت بتقدير مقبول بعد ما كنت بنجح دايما بتقدير جيد جدا ...بس الحمد لله انا مكنتش مصدقه اصلا انى هعدى السنه دى
بعد اسبوع من نجاحى عرفت انهم قبضوا على المجرمين اللى عملوا فيا كدا و كان لازم اروح عشان اتعرف عليهم 😔😔
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق