أنس
الجزء الثامن
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
امى قربت منى و هى زعلانه و شكلها كان معيط و قالت لى بصوت حاد
ايه اللى حصل يا شهد ؟؟
هنا انس اتنطر من مكانه و قال
حمد الله على سلامتك يا حبيبتى
مقدرتش ارد عليه و لقيت دموعى نزلت
و امى و ابويا على وشهم نفس النظره المتجهمه
ايه اللى حصل يا شهد فهمينى
انا ...انا
انتى ايه انطقى ؟؟؟؟؟
بالراحه يا طنط ..انتى مش شايفه حالتها عامله ازاى ؟؟
من فضلك يا انس ...أخرج دلوقتى على ما اتكلم مع بنتى كلمتين
لا مش خارج دى خطيبتى و من حقى اكون جنبها
خطيبتك ؟؟؟
معلش يا انس يا ابنى اسمع كلام الحاجه عاوزين نفهم ايه اللى جرا بالظبط
انس بص لى يشوف انا عاوزاه يكون موجود و الا لا ...
كنت اتمنى أنه يفضل واقف ...كان نفسي يخبينى فى حضنه ...يغطينى عن عيونهم اللى هتاكلنى
بس مقدرتش ...انا مش عاوزه اتكلم قدامه و مقدرش متكلمش
وديت وشي الناحيه التانيه و انا مش قادره اكتم دموعى
انس اتدور الناحيه التانيه من السرير و بقا قدامى و عينه مليانه دموع و نزل على ركبته ووشه بقى قدام وشى
أخرج من فضلك يا أنس
انا هنا جنبك يا شهد
من فضلك يا انس يا ابنى أخرج ...هى نفسها قالت لك كدا
انس قام و خرج و هو زعلان و كنت حاسه ان روحى خرجت معاه
ابويا كان واقف زعلان لكن مبينطقش
امى بدأت تستجوبنى
ازاى حصل دا؟
ليه مقاومتيش ؟؟
ليه مقتلتيش اللى عمل فيكى كدا ؟؟
ليه مقلتيش لا حتى لو هيموتك ؟؟؟
الف ليه و ليه ...لدرجة أن جالى انهيار عصبى و قعدت اصرررخ اصررخ
كنت فاكره أن أقرب الناس ليا هيدعمونى ..هصعب عليهم ...هيطبطبوا عليا و يقولولى معلش
لكن لقيت العكس ...لقيت انهم بيلومونى كأنى انا الجانى مش المجنى عليه
نظراتهم ليا كأنها سكاكين بتشرح فى لحمى
اذا كان دى نظره اقرب الناس ليا ما بالى بباقى الناس ...هيعملوا ايه ؟؟ و هيتصرفوا معايا ازاى ؟
الممرضات لما سمعونى بصرخ دخلوا بسرعه و كان انس واقف على الباب
الممرضات خرجوا ابويا و امى بره و هما بيقولولهم عملتوا فيها ايه ؟؟
كنت لحظتها عاوزه انتحر ...لو كنت اقدر اقوم كنت رميت نفسي من الشباك و ريحتهم و ريحت نفسي من العذاب اللى انا فيه .
الممرضات حقنونى بحقنه مهدئه تانيه و فضلوا واقفين جنبى ماسكين اديا لحد ما هديت و رحت فى النوم
بدات بعد كدا حالتى تسوء اكتر و ينتابنى حالات هياج شديد
الدكتور منع عنى الزياره و طلب لى دكتور نفسي يشوفنى
قعدت فى المستشفى شهر بتعالج نفسيا و عضويا
فى اخر الشهر اتصلوا على اهلى و قابلهم الطبيب النفسي
اتفضلوا ..عاوز اكلمكم عن حاله شهد بنتكم
خير يا دكتور طمنا
شهد اتعرضت لحادثه بشعه زى ما انتوا عارفين ...و دا أثر على نفسيتها جدا
احنا بقالنا شهر بنعالجها نفسيا و عصبيا و لسه قدامها وقت طويل على ما ترجع كويسه مره تانيه
انتوا عليكم دور كبير اوى فى دعمها و إخراجها بسرعه من اللى هى فيه ده
يعنى مطلوب مننا ايه يا دكتور ؟؟
مطلوب منكم يا حج انكم تعاملوها كويس
محدش يسألها على اللى حصل لها و لا يفكرها بيه ..حاولوا تخرجوها و تعملوا اى حاجه تفرحها و تنسيها اللى حصلها
لو بتحب أشخاص معينه زى جده خاله ..حد قريب منها حاولوا يكون دايما معاها
ايوه هى بتحب جدتها اوى ...هنجيبها تقعد معانا
عظيم جدا ...انا كاتب لها ادويه مهدئه و ادويه تانيه عاوزكم تنتظموا معاها فى العلاج ...علشان متدخلش فى حاله اكتئاب لا قدر الله
ماما و بابا دخلوا عليا بعد ما الممرضه ساعدتنى فى اللبس ...
عينى بقت على الباب ...كنت منتظراه ...كنت فاكره أن انس معاهم
لكن للاسف ملقتوش
مشيت مع اهلى من غير و لا كلمه
ركبت عربيه بابا و امى قعدت جنبى مكلمتنيش طول الطريق
رجعت بيتنا لقيت اختى و اخويا الصغيرين مستنينى
اول ما شافونى اخدونى بالحضن
امى زعقت لهم و قالت لهم سيبوا اختكم عشان تدخل ترتاح
دخلت اوضتى ..بصيت حواليا
صور انس فى كل مكان
هداياه قدامى و مع كل هديه ذكرى حلوه
افتكرت كلامه ...افتكرت كل حاجه حلوه عملها عشانى
بس هو عنده حق أنه ميجيش انهارده و لا يكمل حياته مع انسانه زيى
ايه يجبره على كدا ؟؟
ربنا يوفقه فى حياته مع بنت احسن منى
نمت على سريري و دموعى مغرقه وشي و صوره انس فى ايدى
حلمت بيهم ...بالمجرمين اللى عملوا كدا ...ساحبنى بحبل لفينه حوالين رقبتى و جرنى فى طريق ضلمه و انا بقع من كتر ما هما شدنى وراهم بلا رحمه
وشى و أديا بقوا كلهم دم ... و فجاه الدم بدأ يكتر و يكتر...... الدم ملى المكان و غرقه و لقيت نفسي انا و هما بنغرق فى الدم ده
بقيت احاول أخرج منه لكن كان تقيل و لزج جدا حسيت نفسي بغرق ...بقيت اصرخ فى الحلم
و صحيت و انا بصرخ و لقيت ابويا دخل على صوت الصريخ فوقنى بسرعه و اخدنى فى حضنه ...اهدى يا بنتى أهدى يا شهد ...انتى بتحلمى .
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق