أنس
الجزء السابع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
بعد ما خرجت لقيت ظابط المباحث موجود مع الدكتور و بيستأذنه أنه يستجوبنى و يعرف انا مين و مين اللى عمل فيا كدا ؟؟؟؟؟؟😔😔
الظابط دخل عليا و هو مبتسم
حمدالله على السلامه يا آنسه
الله يسلمك ...انا فين ؟؟
انتى فى مستشفى سيدى ابو العباس و بقالك حوالى اسبوع فى غيبوبه و لسه من شويه بس فايقه
و انا ظابط المباحث أسمى محمد نصر المسؤل عن قضيتك و عاوز اخد منك كلمتين كدا
انا مش قادره اتكلم
لا ...انتى لازم تساعدينا علشان نجيب لك حقك ...انا معايا تقرير من الطب الشرعى اهو مكتوب فيها انك اتعرضتى للاغتصاب الوحشي و كمان التعذيب الشديد اللى ميتحملهوش بشر ...
انا هنا مش ضدك بالعكس أنا معاكى و بطمنك انى هجيب لك حقك باذن الله بس عاوزك تذكريلى كل حاجه حتى التفاصيل الصغيره اللى تشوفيها مش مهمه ...لأنها ممكن تكون مهمه اوى عندنا ...ها ؟؟ هتتكلمى ؟؟
مش قادره صدقنى
لا لازم تقدرى لو عاوزه تجيبي حقك من اللى ظلموكى بالشكل البشع ده ...انا زى والدك و بحلف لك انى مش هسيبهم و لازم العداله تقتص منهم بالاعدام باذن الله
صحيح هيتعدموا ؟؟
ايوا طبعا ...اللى يرتكب جريمه زى دى ملوش جزاء الا الإعدام
و تفتكر حقى كدا هيرجع لى ؟؟
ايوا طبعا ..
ازاى ؟؟ هرجع زى الاول تانى ؟؟؟ طب و الناس هترحمنى ؟؟
ملكيش دعوه بالناس ...انتى لازم تكونى شجاعه و بشهادتك على الكلاب دول بتحمى بنات غيرك أن يحصل لهم كدا
حاضر ...هتكلم
و ابتدأ ظابط المباحث يسالنى عن أسمى و محل اقامتى و عن اللى حصل لى
كنت فى الاول مشوشه و حاسه انى مش مركزه اوى ...لكن بعد شويه بدأت اركز اكتر و خصوصا أنه كان شخص لطيف جدا و أكد لى اكتر من مره أنه بيسالنى كل الاسئله دى عشان يجيب لى حقى من الكلاب اللى عملت فيا كدا
حكيت للظابط على كل حاجه ...و دموعى مغرقه وشى ....كنت بحكى و حاسه ان كل حته فى جسمى بتتوجع كأنهم لسه بيعذبونى.....
تذكر الأحداث نفسها فى منتهى الالم ...
الظابط اكتر من مره يمسح دموعى و يطبطب عليا ويحاول يهدينى
حكيت له كل حاجه لحد ما اترميت فى الصحرا و حسام و طارق لقونى
و عرفت بعد كدا أنهم كانوا حاجزينهم لحد ما يعرفوا حكايتى و لما ادليت باقوالى افرجوا عنهم .
كان نفسي اشوفهم عشان اشكرهم و اعتذر لهم عن اللى حصل لهم بسببي
بعد ما الظابط مشى دخلت عليا ممرضه شابه شكلها ودود اوى
حمدالله على السلامه يا قمر
الله يسلمك
دا انتى كنتى قالبه المستشفى كلها
ياااا ليه كل دا ؟؟
حالتك كانت صعبه اوى ...و مدير المستشفى نفسه كان بيدخل لك كل يوم و كان مكهربنا من اصغرنا لاكبرنا
كتر خيره و خيركم
المهم انك قمتى بالسلامه
الحمد لله ...ممكن اطلب منك طلب
اتفضلى يا حبيبتى عنيا ليكى
عاوزه اكلم اهلى
بس كدا ؟؟ عنيا ...قولى الرقم ....خدى يا حبيبتى جرس
الو..
الو ايوا يا ماما
شهد ؟؟؟ انتى فين يا شهد ؟؟ ليه تعملى فينا كدا يا بنتى ؟؟ احنا قلبنا الدنيا عليكى و خطيبك هيتجنن عليكى ....اتكلمى انتى فين و مع مين ؟
انا ...انا يا ماما فى المستشفى
فى المستشفى ليه ؟؟ حصلك ايه يا بنتى ...ردى عليا
هنا مقدرتش اكمل كلام ...هقولها ايه ؟؟ دى ممكن تقع من طولها لو عرفت اللى حصلى ..هقول لانس ايه ؟؟ اكيد هيسبنى لما يعرف اللى حصل
الممرضه اخدت التليفون و كملت المكالمه
ايوا يا حاجه اتطمنى بنتك بخير ... احنا كنا فين و بقينا فين ؟ سبحان من نجاها
هى عملت حادثه و الا ايه اللى حصل لها ؟؟
لما تيجى هتعرفى كل حاجه ..حمدالله على سلامتها
الله يسلمك ...طب المستشفى دى اسمها ايه يا بنتى ؟
احنا هنا فى مستشفى سيدى أبو العباس فى اسكندريه
منا عارفه انكم فى اسكندريه و احنا كمان بقالنا عشر ايام بندور عليها فى اسكندرية كلها ... نص ساعه و هنكون عندكم انا و ابوها و خطيبها
ماشي يا حاجه مستنينك احنا فى غرفه 501
الممرضه قفلت و هى مبتسمه ...ابسطى اهلك هنا فى اسكندريه و جايين دلوقتى هما و خطيبك
لا ...لا خطيبي لا ...مش عاوزاه يجى ...مش عاوزاه يشوفنى ...لا لاااااا لااا
أهدى ..اهدى بس ....يا دكتور
الدكتور جه بسرعه و لقانى عماله اصرخ و فى حاله انهيار ادانى حقنه مهدئة
اخدت الحقنه و نمت
فقت بعد ساعات و كلهم حواليا
امى و ابويا اول ما فتحت عينى لقيت فى عينهم نظرة لوم
نظره عرفتها من اول ما شفتها ...و فهمت أنهم عرفوا الحكايه كلها
زى ما يكون كانوا عايزين يقولولى ليه محفظتيش على نفسك و لو فيها موتك
أما أنس مكنتش عاوزه ابص له و لا اشوف نظرة عينه
هو كان منكس رأسه فى الارض و ماخدش باله اول ما فتحت عينى
امى قربت منى و هى زعلانه و شكلها كان معيط و قالت لى بصوت حاد
ايه اللى حصل يا شهد ؟؟
هنا انس اتنطر من مكانه و ....
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق