سلحوف الشجاع - قصص اطفال
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
اصحابى الحلوين
انهارده ميعادنا مع حدوته سلحوف الشجاع
كان يا مكان و لا يحلى الكلام إلا بذكر النبى عليه الصلاة و السلام
كان فى وزة معندهاش اولاد كانت ماشيه فى يوم لقت بيضه فرحت بيها اوى و قررت أنها تاخدها ترقد عليها علشان يكون لها ابن و فعلا أخدتها و كانت فرحانه اوى بيها و جت الفراخ و البط يهنوها و يباركولها على البيضه
و بعد ايام فقست البيضه بس للاسف الوزه ملقتش وزه و لا حتى بطه و لا حتى فرخه
يا خبر دا لقت سلحوف صغير
و مع ذلك الوزه فرحت بيه و اعتبرته ابنها برده
كبر السلحوف و حب يلعب مع أصحاب فلقى 3 كتاكيت راح يلعب معاهم مرضيوش و قالولوا انت شكلك مختلف عننا انت شكلك وحش
زعل سلحوف و قعد بعيد و كل يوم يشوفهم بيلعبوا و يتمنى يلعب معاهم
و فى يوم من ذات الأيام كان قاعد سلحوف على الشط لقى الكتاكيت التلاته جايين و جايبين معاهم طبله و علم و رايحين يركبوا مركب فى البحر
و نزلوا فعلا الميه و هما فرحانين و فجأه جت موجه جامده كانت هتغرق المركب قعدوا يقولوا الحقونا الحقونا لكن للاسف مكنش فيه حد
سلحوف شافهم راح نط فى الميه و قعد يعوم لغايه ما وصل لهم شالهم على ضهره و خرجهم بره الميه
الكتاكيت شكروا سلحوف و راحوا حكوا لمامتهم و قرروا أنهم يشكروه مع مامتهم مره تانيه و فعلا جم لسلحوف و معاهم كوره حلوه ملونه هديه له و اعتذروله عن كلامهم ليه قبل كدا و أصبحوا أصحاب و قعدوا يلعبوا بالكوره و هما فرحانين
إذا عجبتكم الحدوته ارجو الدعاء لوالدى الله يرحمه
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
و توته توته توته فرغت الحدوته
تعليقات
إرسال تعليق