#غاده
#الجزء_السادس
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
لو خرجتى من البيت يا غاده هتبقى طالق
هخرج يا عبداللطيف ... انا عاوزه اكون طالق 😠
و خرجت غاده من البيت و ذهبت إلى والدتها
عبداللطيف طلقنى يا ماما
كدا ؟ الف مبروك لوللللللى ...بركه أنه طلقك ابن عديله و طلقك ليه المعدول ؟؟
بيحلف عليا عشان مجبتلوش النمره بتاعه الدكتور عشان يودى أمه اول ما اتصلت و قالت تعبانه ...طب منا بقالى اسبوع عيانه مفكرش انه يقولى اروح معاكى حتى
احسن ...الواد ده انا مبقبلوش و مكنش نازلى من زور من يوم ما دخل البيت ده
و كان نفسي تطلقى منه بس انتى اللى كنتى حايشانى عنه ...فاكره لما ضربك و ابوكى راح له بيقوله بتضرب بنتى ليه يا عبداللطيف ؟؟ بنتى لو غلطت قولى و انا اربيهالك راح رادد عليه بمنتهى قلة الذوق و قاله خلاص خلاص انا هطلقهالك ...هشوف الإجراءات اللى بتتعمل و أطلقها
ابوكى ساعتها معرفش يرد عليه ،
خلاص يا ماما انا فيا اللى مكفينى
ليه يا اختى ؟ هو اللى زى ده يتزعل عليه اصلا ؟؟ طول عمرك هبله و بيديكى على قفاكى و انتى بتقولى كمان
بالله عليكى يا ماما كفايه
انا متغاظه منه اوى ...عاوزه اروح اشتمه و اطرده من الشقه اللى بتدفعى انتى ايجارها
يا ماما ارجوكى ...هو ابو عيالى برده
هه... اهو ابو عيالك رماكى على طول دراعه اهو على حاجه هايفه
ارحميها يا بسيمه مش كدا ...تعالى يا بنتى ادخلى ارتاحى انتى و عيالك
عبداللطيف طلقنى يا بابا
سمعت يا بنتى و انتى بتقولى لامك ...معلش يا حبيبتى البيوت ياما بيحصل فيها
يقوم يطلقنى كدا بسهوله يا بابا ؟؟ دى جزمته القديمه اللى بيلبسها طول ما فيها الرمق شويه عمره ما يرميها
معلش يا حبيبتى يمكن ساعه شيطان و دلوقتى يجى يصالحك
يصالح مين يا صالح ؟؟ مفيش مصالحه ...دا انا ما صدقت انها خلصت من ابن الجزمه المقيح ده ....دا عمره يا كبد امها ما جاب لها حاجه زى بقية الستات و مستحل عرقها و بيحوش فلوسه
اسكتى يا بسيمه بقا بنتك فيها اللى مكفيها مش ناقصاكى
ادخلى يا بنتى ربنا يهديلك العاصى يارب
دخلت غاده إلى غرفتها و بحضنها أطفالها ...لم تكن تصدق إلى تلك اللحظه أن عبداللطيف يطلقها بهذه السهولة ...و هى التى قدمت له كل ما تملك ..أحبته أكثر من نفسها و اولادها
مضى يومان و حضر واسطه خير من طرف عائلته ...زوج أخته و اخوه و طلبوا الصلح
و لأن عائله غاده عائله طيبه ليس لها فى المشاكل قبلوا عودتها له بكل سهوله
و عادت غاده إلى بيتها وسط اولادها ...
كانت تنتظر منه كلمه يطيب بها خاطرها ،
كانت تنتظر أن يقول لها احبك لا تصدقى انى استغنى عنك
و لكنه كالعاده لم يقل
مرت الايام متشابهه ..إلى أن أتى اليوم الذى غير حياة غاده كثيرا
حضر المهندس حازم مهندس كبير بالسن فى سن والد غاده ...
حازم لديه شركه تتعامل مع الاداره التى بها غاده و قد لاحظ انها جاده بعملها جدا و فى غايه الاتقان و أن لديها ضمير
سلام عليكم يا بشمهندسه
و عليكم السلام بشمهندس حازم
اتفضل ...الورق بتاع حضرتك خلص اهو ...
ما شاء الله انتى مجتهده جدا و سريعه و بلاحظ انك مبتأخريش اى ورق
دا شغلى يا بشمهندس
طب انا عندى عرض حلو اوى ليكى
عرض ايه دا ؟؟
عاوزك تيجى تشتغلى معايا فى شركتى و هديلك اد مرتب الحكومه تلات مرات
انا ؟؟؟ اشتغل مع حضرتك ؟؟ معقول ؟
انا محتاج الناس اللى عندها ضمير زيك كدا معايا
بس شغلى هعمل فيه ايه ؟
يا ستى خدى اجازه بدون مرتب و لو معجبكيش الشغل معانا مع انى اشك فى ده ابقى ارجعى تانى
و الله عرض حضرتك ميتفوتش بس لازم برده اخد رأى زوجى ...علشان دا قرار مصيري
براحتك ...خدى الكارت بتاعى اهو و ردى عليا
حاضر ...شرفتنى يا بشمهندس
لم تمتلك غاده نفسها من الفرحه ، شركه المهندس حازم من الشركات الكبيره و التى يتمنى الجميع أن ينضم اليها ..بل تعتبر حلم من احلام الكثيرين
كما أن راتبها ثلاث اضعاف ..اى ان غاده ستستطيع أن تشترى لأطفالها و لنفسها ما تريد ...سترفع من حاله الفقر اخيرا
عادت غاده و كأنها طائره من السعاده ، وجدت عبداللطيف جالس على الأريكة كالعاده
ازيك يا عبده
اهلا يا غاده ...الغدا بسرعه اصلى جعان اوى ..من كتر الجوع اكلت الخس اللى فى التلاجه كله بس معملش حاجه ...عصافير بطنى لسه بتزقزق
عندى خبر لك بمليون جنيه
مليون جنيه ؟؟ و المليون جنيه هتجيلنا منين يعنى ؟
لا ..قصدى خبر حلو اوى ...انا بكلمك على فكره انت مش منتبه و باصص للتلفزيون كدا ليه ؟؟
سامعك ...قولى
انا جالى شغل كويس جدا فى شركه تعتبر من أكبر الشركات الهندسيه فى مصر
جالك ازاى يعنى ؟؟
فى ...فى واحده مهندسه جابتهولى
اه و بعدين ؟
بعدين ايه ؟ بقولك شركه كبيره طالبنى بالاسم
يا سلام ...بالاسم ليه يعنى ؟؟
عشان انا شاطره و مجتهده
بذمتك مصدقه نفسك ...اسكتى اسكتى
طب قلت ايه ؟
فى ايه يا غاده ؟ خلصى و ادخلى اعملى الغدا
اروح يعنى و الا لا ؟
هيدوكى كام ؟؟
هى قالت لى أنهم هيدونى اد الحكومه تلات مرات
اعتدل عبداللطيف فى جلسته عندما سمع الرقم
لا مش موافق
ليه يا عبداللطيف بس ؟؟
خساره شغل الحكومه ..محدش يلاقيه بالساهل
لا متخافش انا مش هستقيل انا هاخد اجازه بدون مرتب
و ليه اجازه بدون مرتب و تدفعى تأمينات و ضرايب ما تاخدى حضانه طفل و خلاص على الاقل مش هتدفعى حاجه
تصدق فكره حلوه ...ماشي هاخد إجازة حضانة طفل ...يعنى انت موافق صح ؟؟
اخلصى يا غاده ...الغدا بقا ..هتفضلى تعيدى و تزيدى فى الكلام ؟
انتقلت غاده إلى وظيفتها الجديده ، ابتعدت عن وظيفة الحكومه و كل ما بها من أعباء
اصبح لها مكتبها و مكانتها بين أفراد الشركه الجديده
اجتهدت غاده كثيرا مع انها لم تسلم من تلميحات عبداللطيف بأن عملها بدون قيمه ..و أنهم يعطوها راتب على لا شئ
عندما استلمت غاده راتبها الاول من الشركه كانت سعيده ايما سعاده
نزلت إلى السوق و اشترت اللحوم و الدجاج و الفواكه و الخضروات
لم تقدر على السير من ثقل ما تحمل
اخذت تحدث نفسها
اخيرا يا غاده ...اخيرا هتجيبي اللى نفسك فيه انتى و اولادك ؟؟ احمدك يا رب على فضلك العظيم عليا 😍
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
يتبع
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق