#غاده
#الجزء_السابع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
اخيرا يا غاده ...اخيرا هتجيبي اللى نفسك فيه انتى و اولادك ؟؟ احمدك يا رب على فضلك العظيم عليا 😍
دخلت غاده إلى بيتها
يا احمد ...يا لميا تعالوا شوفوا يا اولاد جبت لكم ايه ؟؟
ايه الحاجات دى كلها يا ماما ؟
دا اكل يا احمد و جبت لكم كمان لبس حلو اوى انت و لميا و بابا
بص يا عبداللطيف اشتريت لك قميص و جاكت و بيجامه بس حلوين اوى
قميص ايه و جاكت ايه ؟ انتى طيرتى الفلوس كلها ؟؟
طب و ايه يعنى ...دا رزق ربنا رزقنا بيه و قلت افرحكم
تصرفاتك كلها غلط ...رزق زى ما بتقولى نحوشه و نعمل لنا حاجه ...يعنى مثلا هنفضل طول عمرنا كدا فى ايجار ؟؟ مش لازمنا شقه ملك
ماشي يا عبداللطيف بس لازم نوسع على عيالنا برده
ايوه بس مش بالهبل دا كله ..انتى كدا تقريبا صرفتى كل المرتب
لا لسه معايا جزء
اللى هو الايجار ...طب و باقى الشهر هنعمل ايه ؟
ما هو ده اكل هيكفينا كتير
لا انا بقولك بس عشان بعد كدا تبقى تتصرفى بالعقل
حاضر يا عبداللطيف انا بس دا اول مرتب كبير ليا و قلت افرحكم ...مش هتقيس الهدوم بقا ؟؟
مش دلوقتى ...كمان شويه
زى ما تحب ....تعالوا يا اولاد قيسوا اللبس الجديد
لا لبس ايه؟ اعملى الاكل بسرعه انا جعان
حاضر ...انا جايبه برجر و عيش كيزر هيتعمل فى ثوانى
لا لا برجر ايه دا ؟؟
طب اشوح لك جنبه حتة كبده ؟؟
ماشي ...بس بسرعه
وقفت غاده فى المطبخ تعد الطعام و تفكر فى كلمات عبداللطيف
هو عنده حق برده ...انا لازم احافظ على القرش علشان يكون لنا شقه ملك احنا مش هنفضل طول عمرنا فى ايجار
انا من الشهر الجاى باذن الله مش هصرف الا اللى كنت باخده من الحكومه و الباقى احوشه لحد ما ربنا يسهل
مر عام و غاده تقتصد ثلثى مرتبها الى أن تكون معها مبلغ
فكرت غاده فى شراء منزل فى إحدى المدن الجديده حيث أنها كانت تعمل لفتره بها و علمت أن هناك منازل بسعر منخفض نظرا لكونها منطقه جديده
سألت غاده عن الاسعار ووجدت انها تمتلك تقريبا ثلث ثمن البيت بهذا المكان
ذهبت لعبداللطيف و أخبرته بفكرتها
ايه رايك يا عبده نشتريلنا بيت من بيوت ابنى بيتك اللى فى سته اكتوبر ...البيوت هناك برخص التراب
و ايه اللى هيودينا فى الحته دى ؟
بقولك البيوت هناك اوضتين و صاله و جنينه بمبلغ قليل اوى
مساحه كام متر دى ؟؟
هى المساحه الكليه 150 متر بس المبانى على 70 متر و الباقى جنينه قدام وورا
70 متر دى صغيره اوى
على اد فلوسنا ...هنعمل ايه يعنى ؟؟ ايه رايك نروح ندور سوا بكرا على بيت فى مكان كويس كدا
لا هروح انا ادور على بيت من البيوت اللى بتقولى عليها دى و نشوف
ماشي ربنا يخليك لينا
و بالفعل ذهب عبداللطيف للبحث عن بيت و عاد لغاده غير مقتنع كالعاده
انا اتفرجت على كذا بيت بس معجبونيش ...بقولك ايه اصرفى نظر عن الموضوع ده دلوقتى على ما نجمع فلوس اكتر
دى فرصه يا عبده ...البيوت دى بتغلى يوم عن يوم ...يعنى اللى هتلاقيه انهارده بعشر قروش كمان شهر هتلاقيه بخمستاشر
بطلى فلسفه فارغه ...و اصبرى شويه
عشان خاطرى يا عبداللطيف ... البيت ده هيكون لينا و لأولادنا هنبنى لاحمد دور و للميا دور و احنا دور
بطلى زن يا غاده و بعدين مساحتها صغيره اوى البيوت دى
معلش اهى حاجه تكون ملكنا و خلاص و يمكن بعد كدا نبيعها و نشترى الأوسع ..طب اقولك انا هخلى حد يدور لنا على بيت كويس فى مكان كويس عشان متتعبش انت نفسك فى التدوير
لا متدخليش حد و لا تعرفى حد انا خدت نمرة سمسار هناك و وصيته اول ما يلاقى بيت فى مكان كويس هيقولى
بس مش عاوزين ننام
متخافيش يا ستى ...أجرى اعمليلى شويه ميه بملح اغسل رجليا ..انا لفيت كتير اوى
حاضر ..من عنيا
مضت ايام لم يتحرك عبداللطيف فقررت غاده البحث بنفسها عن بيت للشراء
و بالفعل ذهبت الى المنطقه و بحثت مع السمسار إلى أن وجدت بيت مناسب و لكنها لم تكن تملك كامل المبلغ
باعت غاده ذهبها و اقترضت مبلغ من أخيها ووالدتها و اقترضت من البنك مبلغ اخر
جمعت غاده المبلغ اخيرا
بقولك ايه يا غاده
نعم يا عبده
انا عاوز اكتب البيت باسمى مؤقتا لأن اخويا هيكون حاضر و هيبقى شكلى وحش اوى لو اشتريته باسمك قدامه
تكتب البيت باسمك ؟؟
متخافيش هنقله لكى بعد ما نخلص ..بس عشان شكلى قدام الناس زى ما قلت لك
ماشي و مالوا
و متخافيش هرجعهولك
لا اخاف من ايه ؟؟ انت جوزى ابو عيالى و مأمناك على نفسي مش هأمنك على حتى بيت ؟
ربنا يبارك لى فيكى يا ام احمد
أخبرت غاده بحسن نيه أخيها أنها ستكتب البيت باسم زوجها و أنه سينقله لها فيما بعد
ثار اخوها ثوره شديده
انتى هبله يا غاده؟ بيت ايه اللى تكتبيه باسمه ؟؟ بيت بالمبلغ الكبير ده ازاى تكتبيه باسمه ؟ هما متين جنيه دول متين الف جنيه يا بنتى نصهم عامله بيهم قرض
بس يا مصطفى هو وعدنى أنه هيرجعهولى
تبقى هبله لو صدقتى الكلام ده ...ابقى قابلينى لو عمل كدا
اوعى اوعى يا غاده ...جوزك مش دافع مليم فى البيت و كله شقاكى و عرق جبينك و القرض عليكى انتى يعنى لو مسدتيش انتى اللى هتتحبسي و هو مش هيجراله حاجه
بس انا قلت له حاضر يا مصطفى خلاص
ارجعى قوليله لا يا غاده ...اسمعى كلامى بالله عليكى
حاضر يا مصطفى هقوله و ربنا يستر
ليه يعنى ؟
اكيد هيزعق لى و يعملى فيلم
يعمل اللى يعمله المهم متغلطيش الغلطه دى يا غاده انا بحذرك اهو و انتى حره .
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
يتبع
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق