القائمة الرئيسية

الصفحات

الزرافه زيزى


قصص اطفال جديدة - قصص اطفال جديده - قصص عربيه - قصص اطفال قصيرة -قصص اطفال قصيره - قصص اطفال عربية - قصص اطفال بالعربي - روايه رومانسيه - قصص رومانسية - روايات رومانسية - حدوتة قبل النوم - قصص اطفال مكتوبة - قصص واقعية - حدوتة اطفال - قصص اطفال مكتوبه - قصص الاطفال مكتوبة


كان يا مكان ، و لا يحلى الكلام الا بذكر النبى عليه الصلاة و السلام 

كان فيه زرافه ظريفه اسمها زيزى ،
كانت زرافه مرحه و بتحب كل حيوانات الغابه

و كل الحيوانات بتحبها 

زيزى كانت ماشيه فى يوم و لقت حاجه غريبه كانت أول مره تشوفها فى حياتها 

يا ترى زيزى شافت ايه ؟؟؟ 

زيزى شافت مرايه كبيره ضخمه و شافت صورتها جوه المرايه

زيزى افتكرت انها قابلت زرافه تانيه و فرحت اوى انها لقت اخت ليها تلعب معاها
 
زيزى قعدت تكلم صورتها و تقولها 

انتى اسمك ايه ؟؟ 

تلعبى معايا ؟؟ 

انتى مبترديش عليا ليه ؟؟ 

مر القرد قردود على زيزى الزرافه و هى محتاره 

مالك يا زيزى ؟؟ بتكلمى مين ؟؟ 

بكلم الزرافه دى يا قردود لكنها مش راضيه ترد عليا 

القرد ضحك لحد ما وقع على الأرض 
و زيزى واقفه محتاره 

بتضحك على ايه يا قردود ؟؟ 

اصل دى مش زرافه يا زيزى ، دى مرايه

يعنى ايه مرايه ؟ 

يعنى حاجه بتلمع تقدرى تشوفى فيها صورتك

يعنى دى صورتى انا ؟؟ 

ايوا طبعا ، دى صورتك

الله يا قردود انا اول مره اشوف صورتى و اعرف ان شكلى حلو كدا 

انتى فعلا حلوه يا زيزى و كلنا بنحبك

و انا كمان يا قردود بحب كل حيوانات الغابه و عاوزاهم كلهم يشوفوا صورتهم فى المرايه و يفرحوا زيى 

خلاص نعمل حفله كبيره ندعى فيها كل حيوانات الغابه و نوريهم المرايه

فكره حلوه اوى يا قردود 

و فعلا زيزى عملت حفله جميله هى و القرد قردود و دعوا فيها كل الحيوانات 

الحيوانات فرحت اوى بالمرايه و بقوا يعملوا حركات مضحكه قدامها و الكل كان فرحان و سعيد 

و توته توته فرغت الحدوته ، حلوه و الا ملتوته ؟؟ 

قصص اطفال جديدة - قصص اطفال جديده - قصص عربيه - قصص اطفال قصيرة -قصص اطفال قصيره - قصص اطفال عربية - قصص اطفال بالعربي - روايه رومانسيه - قصص رومانسية - روايات رومانسية - حدوتة قبل النوم - قصص اطفال مكتوبة - قصص واقعية - حدوتة اطفال - قصص اطفال مكتوبه - قصص الاطفال مكتوبة
هل اعجبك الموضوع :

تعليقات