اغادير الجزء الثامن _ قصص رعب

#اغادير_ قصص رعب

#الجزء_الثامن

انا اللى ضيعت ابنى ...انا السبب انا المجرمه 

و انتى الوحيده اللى تقدرى ترجعيه

ازاى ؟؟؟ ارجعه ازاى ؟

هقولك ازاى ...اسمعى يا بنتى

انا مستعده اعمل اى حاجه فى الدنيا بس ابنى يرجع 

ابنك روحه محبوسه فى العروسه اللى معاكى دى 

ابنك فاضله يومين و بس ...بعد كدا مش هيبقى فى حمزه و العروسه ساعتها هتختفى 

يا حبيبي يا ابنى ...يا حبيبي 

مش وقت عياط دلوقتى انتى لازم تسمعينى بسرعه علشان تنقذى حمزه و الاطفال اللى معاه 

حاضر ...قولى اعمل ايه و انا اعمل 

بس قبل ما اقولك انا عاوزك تعرفى أن باللى هتعمليه ده ممكن تفقدى روحك علشانه 

مش مهم المهم انى أنقذ ابنى 

لا ما انتى لو فشلتى ابنك كمان هيموت ...يعنى هتعيشوا سوا أو تموتوا سوا 

و انا موافقه 

كنت عارف إن روحك روح حد مقاتل و عشان كدا اخترتك من ضمن مية ام

اخترتنى ؟؟؟ هو انت مين ؟؟؟ 

انا ذاكر  من الجن المسلم و ليا حكايه مع ابو العيون الملعون و عشان كدا نفسي اتخلص منه و من اذاه اللى بيطول الانس و الجن 

حكاية ايه دى ؟؟؟ 

انا ليا ابن مات و هو عنده اربع سنين و عارف يعنى ايه حرقة القلب على ضناه ...مراتى مع انها مؤمنه بس مكنتش قادره تتقبل أن ابننا توفى 

بقت تعيط ليل نهار و كنت مقدر حالتها جدا و كل يوم ادخل اواسيها و اطبطب عليها لكن هى كانت بتبعد عنى و بقت تنفر منى

عدى اسبوع و حالها ساء اكتر ، دخلت عليها و قعدت تحت رجليها 

متزعليش يا ام عبدالرحمن دى مشيئه الرحمن 

ابننا اتقتل و انت بتقول ايه ؟ دا بدل ما تروح تنتقم من الانسي اللى قتله 

خليكى مؤمنه بقضاء الله الانسي مكنش يقصد يقتل ابننا 

انت بتبرر له فعلته الشنيعه ؟؟ دا بدل ما تروح تحرق بيته و تقتل عياله 

انتى بتقولى ايه ؟؟ احنا مسلمين و موحدين بالله و مينفعش الكلام اللى بتقوليه ده 

الاسلام طالبك بالقصاص يا شيخ ذاكر ..

بس الانسي ميعرفش أنه قتل ابنى مكنش قصده ..دا قتل خطأ ...سامحى لله انا مسامح 

لا انت تسامح براحتك انا مش مسامحه و لا يمكن هسامحه ابدا و لازم ادفعه تمن اللى عمله ده غالى و غالى اوى كمان 

انتى اعصابك تعبانه ...انا رايى تستريحى و بعدين نبقا نتكلم 

طول عمرى بكرهه ضعفك ده ...دايما معلق خيبتك على شماعه المسامحه و الحقيقه انك ضعيف متقدرش تعمل اى حاجه 

الله يسامحك يا تانه انا مش هزعل منك علشان عارف انك متقصديش 

              

لا اقصد ...انا زهقت زهقت منك ...الله لا يسامحك.... الله لا يسامحك

قصص رعب روايات جميلة روايات رومانسية روايات اون لاين روايات كاملة كتب وروايات

و سبتها و خرجت  و انا قلبى بيتقطع مقدرش اطاوعها على اللى فى دماغها لانى بخاف ربى ....بس هى مقدرتش تستنى و خرجت من ورايا و راحت لابو العيون 

ابو العيون كان معروف عنه أنه من سحرة الجن القذرين ... اللى لا له مله و لا دين ....عنده الأذى سهل جدا و علشان كدا كنا بنبعد عنه و منقربش منه 

تانه راحت له و قالت له انها عاوزه تنتقم من الانسي اللى قتل ابنها اشد انتقام 

ابو العيون قالها بس جوزك مش هيسيبك تعملى كدا و هيقف لك فى اى حاجه هتعمليها 

ابو العيون كان عارف  انى مش ضعيف زى ما هى اتهمتنى و كان خايف منى ..و للاسف مراتى ادته الفرصه أنه ينال منى

مراتى قالت له بس زوجى ضعيف و مش هيقدر يعمل حاجه !!!

لازم نأمن شره الأول يا تانه

ازاى ؟؟؟ انا معاك فى اى شئ تطلبه منى 

جوزك لازم يتحبس عقبال ما ننتقم من الانسي و عيلته 

يتحبس ؟؟؟؟ يتحبس ازاى ؟؟؟

 يتحبس جوه جسمه ....لازم يتحول لحجر و بعد كدا هديكى ترياق تانى تفكى بيه حبسه ده 

و انا موافقه 

طيب خدى الازازه دى حطيله تلات نقطات منها فى اى حاجه بيشربها ... متخافيش مش هيحس بطعمها ...بعدها هيبقى هو و الكرسي اللى قاعد عليه واحد مفيش غير عنيه اللى هتكون بتتحرك ..هيكون سامعك و شايفك بس لا هيقدر يتكلم و لا يتحرك من مكانه و دا اللى احنا عاوزينه

بعدها هننتقم من الانسي و ترجعى تديله الترياق و يرجع زى الاول مره تانيه

هات الازازه ...انا اعمل اى حاجه علشان اطفى النار اللى فى قلبى

قصص رعب روايات جميلة روايات رومانسية روايات اون لاين روايات كاملة كتب وروايات

و اخدت تانه الازازه و سيطر عليها غلها و حقدها على الانسي و اختارت انها تسجنى جوه جسمى علشان تنفذ خطه ابو العيون الشريره.

طيب و الانسي قتل ابنك ازاى ؟؟

ابنى كان بيلعب كعادته ...احنا عمار بيوت و بنأنس بالبيوت اللى فيها ذكر الله و بنحب نقعد فيها 

كنا قاعدين فى بيت راجل صالح اسمه الشيخ صالح و كنا مستأنسين بيه و بالذكر اللى شغال فى بيته ليل نهار 

الشيخ صالح كان صوته حلو جدا و على طول بيتلوا القران الكريم بصوت عذب رخيم و عشان كدا اخترت البيت ده انى اسكنه انا و اسرتى و كنت فى منتهى السعاده 

لكن للاسف فى يوم من الايام كان الشيخ قايم بالليل كعادته عشان يصلى قيام الليل ، و كان حاسس بالنعاس فحب يدخل يعمل كوباية شاى علشان يعرف يسهر و يصلى زى كل ليله 

الشيخ ولع على براد الشاي و راح بدأ فى الصلاه و نسي أنه مولع على الميه 

الميه قعدت تغلى تغلى ....

لما الشيخ خلص صلاه افتكر أنه سايب البراد على النار جرى عليه و فى لهوجته و سرعته وقع البراد من ايده على الأرض و كان ابنى عبدالرحمن واقف جنبه و للاسف الميه المغليه وقعت عليه و موتته ...

مراتى مقدرتش تتقبل ابدا أن الشيخ مكنش يقصد و لا شاف عبدالرحمن 

طيب كمل مراتك عملت ايه لما اخدت الدوا من ابو العيون ؟

رجعت البيت و هى ساكته مبتعيطش قلت الحمد لله انها فكت شويه 

لقيتها بتقولى اجيب لك حاجه تاكلها أو تشربها ؟

قلت لها كتر خيرك دا انا اللى اخدمك و اجيب لك الحاجه لغاية عندك ...انتى بقالك اسبوع الزاد مدخلش بطنك

هزت راسها بالموافقه و رحت انا حضرت ما لذ و طاب ليا و لها ...و حطيت مشروبها المفضل فى كوبيات و جبت الصينيه و كلى فرح انها هتاكل و هتخرج من اللى هى فيه 

اول ما قعدت و داقت الاكل قالت لى معلش يا ذاكر عاوزه شويه ملح 

عنيا ليكى يا تانه 

و رحت اجيب الملح ...كانت هى حطت لى التلات نقطات فى كوبايتى 

اول ما قعدت بقت تبص لى بصه غريبه مفهمتهاش ساعتها ..بس عملت نفسي مش واخد بالى و قلت اكيد عشان أعصابها تعبانه 

اكلت ...و هى كانت بتاكل ببطئ شديد ...و بكميه قليله و انا بحاول اتكلم معاها و اضحكها 

لحد ما جيت اشرب المشروب لقيت عينيها لمعت و للاسف برده مفهمتش 

اول ما المشروب نزل جوفى .......

قصص رعب روايات جميلة روايات رومانسية روايات اون لاين روايات كاملة كتب وروايات

يتبع....

 ‏#دجيهان_عادل

#قصص_وحكايات_د_جيهان_عادل.

فضلا غير مسموح نقل أو نسخ القصه إلا بعد اذن الكاتب ...

قصص رعب روايات جميلة روايات رومانسية روايات اون لاين روايات كاملة كتب وروايات