#اغادير_ قصص رعب
#الجزء_التاسع
اول ما قعدت بقت تبص لى بصه غريبه مفهمتهاش ساعتها ..بس عملت نفسي مش واخد بالى و قلت اكيد عشان أعصابها تعبانه
اكلت ...و هى كانت بتاكل ببطئ شديد ...و بكميه قليله و انا بحاول اتكلم معاها و اضحكها
لحد ما جيت اشرب المشروب لقيت عينيها لمعت و للاسف برده مفهمتش
اول ما المشروب نزل جوفى حسيت بتنميل فى كل جسمى و إرهاق شديد جدا مش قادر اوصفه
حبيت اقوم من مكانى لقيت نفسي مش قادر اتحكم فى نفسي ، حسيت انى اتجمدت فعلا و بقيت زى المشلول
بصيت لها بصه اندهاش ...و انا مش قادر انطق ...ايه اللى حصل لى ؟
و هى كانت واقفه بتترقب بحذر شديد و تشوف هيحصل لى ايه ...
لما اتأكدت انى خلاص مبقتش قادر اتحرك قربت منى و همست جنب ودنى
متخافش .... متخافش يا شيخ ذاكر ...دى حاله مؤقته لما اخد بتارى من اللى قتل ابنى و هرجع افكك مره تانيه
مكنتش مصدق نفسي ...بقا دى مراتى ....عشره السنين ؟؟؟ معقول تعمل كدا فيا ؟؟؟
دموعى بقت تنزل و مش قادر اوقفها
هى بقا طبطبت عليا و قالت لى
كان لازم اعمل فيك كدا ...لتفسد لى اللى مخططاه انا و ابو العيون
انا سمعت الاسم و نزل عليا زى الصاعقه
كمان رحتى لابو العيون ؟؟؟
قصص رعب روايات جميلة روايات رومانسية روايات اون لاين روايات كاملة كتب وروايات
مراتى طلعت من عندى و راحت لابو العيون تقوله انها نفذت المطلوب و انها بانتظاره أنه ينفذ وعده لها و يحرق بيت الشيخ صالح
ابو العيون كان راجل فاجر و قالها
الشيخ صالح دايما محصن نفسه و بيته و مش سهل اللى انتى عاوزه تعمليه فيه
انت بتقول ايه ؟؟؟ امال خلتنى اجمد زوجى ليه ؟؟
كل شئ و ليه حل يا ست الستات
و ايه حل الموضوع ده ؟؟
الحل انك تغويه و تجيبي عاليه واطيه
انت بتقول ايه ؟؟
بقول اللى سمعتيه
بس انا مقدرش اعمل كدا فيه
امال كنتى عاوزه تولعى فيه ازاى ؟؟
من النار اللى جوايا
و نفس النار دى تخليكى تعملى اى حاجه علشان تنتقمى من اللى قتل ابنك
طب و لما اغويه ايه هيجرى فيه ؟؟؟
هيجرى كتير ...هينسي عبادته و يقل الذكر على لسانه و يبقى سهل نخترقه و نحرقه و نحرق بلده
ياريت ...يا ريت يا ابو العيون
ورينا شطارتك ...انتى بايدك تاخدى حقك ...اول ما يقع فى الرذيلة هتتشال الحمايه اللى عليه و هخليكى بايدك تحرقيه
و انا مستعده اعمل كدا و احرقه زى ما حرق ابنى ....بس كدا ذاكر هيفضل فتره طويله متجمد ؟
متخافيش مش هيجراله اى شئ حتى لو قعد عشر سنين كمان متقلقيش
انا عاوزك تظهرى للشيخ على انك ست غلبانه محتاجه المساعده و لما يآمن لك و يدخلك بيته تشوفى شغلك
حاضر يا ابو العيون انا فهمت المطلوب
و خدى دى هديه منى
ايه دا ؟؟
دول عطر و مكحله ....المكحله فيها كحل سحرى ميقدرش اى راجل فى الدنيا يقاومه ...لو حطتيه على رمشك هتلاقى الشيخ صالح اتحول لصبى مراهق بيبوس رجلك ...
و العطر هيسلبه عقله و يخليه فى دنيا غير الدنيا ...مش هيبقى الشيخ صالح اللى عنده خمسين سنه
حلو اوى ...نفسي اشوفه مذلول
هتشوفيه ...متقلقيش
قصص رعب روايات جميلة روايات رومانسية روايات اون لاين روايات كاملة كتب وروايات
و نفذت مراتى خطة ابو العيون الشريره و راحت للشيخ صالح و هى لابسه ملابس ست بدويه بسيطه و طلبت منه انها تبات ليلتها عنده و الصبح تكون ماشيه
الشيخ رحب بيها هو و مراته و دخلوها اوضه الضيوف و دخلوا لها العشا
استنت تانه بعد البيت ما نام ...و الشيخ صالح قام علشان يقوم الليل و راحت حاطه الكحل فى عينيها و غيرت ملابسها بفستان احمر مكشوف الصدر و شعرها الطويل كان نازل على الأرض و فى رجليها الاتنين خلاخيل لهم جرس جميل
و رشت العطر على جسمها و دخلت عليه
اول ما دخلت على الشيخ و شم عطرها ساب صلاته و انتبه لها
اول ما عينه وقعت عليها اتحول و بقا شخص تانى
جرى عليها و ركع تحت رجليها
انتى مين ؟؟ و ايه جابك هنا ؟؟ انتى اكيد حوريه من الجنه صح ؟؟
ضحكت تانه بدلال و اخدته من اديه وقفته على رجليه
الشيخ صالح مبقاش على بعضه ...بقى واقف محتار يعمل ايه
عمرى ما شفت جمال زى جمالك ده ...انتى مين ردى عليا ؟؟؟
ضحكت تانه و قالت له أنا تانه عاشقه و غلبانه
عاشقه مين ؟؟؟ مين ؟؟
عاشقه واحد مش حاسس بيا ... واحد تقيل اوى و قلبه مش عليا
هو مين دا اللى يخلى قمر زيك كدا زعلان ...دا اكيد حيوان
هههههه لا لا متشتموش دا راجل و سيد الرجال
هو مين ؟؟ ممكن تقوليلى ؟؟
هو .....اول حرف من اسمه ص ...عرفته و الا لا ؟
يعنى !! ....طب قولى كدا حرف كمان ؟
لا انت طماع اوى
طب بس قولى اى حرف تانى
اخر حرف من اسمه ح و مش هقول حاجه تانى
قصدك صالح ؟؟؟ انا ؟؟؟ معقول قصدك انا ؟؟؟
يا سعدك يا هناك يا صالح يا ابن نعمات
وطى صوتك لمراتك تسمعنا
تسمع مين ؟ دا مراتى مع الاموات ...
و للاسف مراتى نفذت اللى قاله ابو العيون الملعون و خلاها وقعت فى كبيره من الكبائر و بمجرد ما انتهوا ظهر قدامهم ابو العيون و هو بيضحك زى المجنون
ظهر بشكله القبيح و ريحته القذره
الشيخ لما شافه رجع له صوابه و أدرك أنه وقع فى فخ شياطين
ابو العيون شاور عليه و ايد اديه و رجليه حتى فمه مكنش قادر ينطق بيه
ابو العيون بص لتانه و قالها الشيخ بقا جاهز علشان تنتقمى منه هو و أولاده بس بشرط انتى من انهارده تكونى عبده عندى متقدريش ترفضى لى أمر
وقفت تانه محتاره ..بس دا مكنش اتفاقنا يا ابو العيون ؟
انا اتفقت معاكى اجيبه لكى ذليل و نفذت الوعد و فى مقابل ده لازم تنفذى طلبى يا اما هحرقك معاه
تانه وطت دماغها و مقدرتش تنطق ما هى بكدا غرست
ابو العيون احضر سكان بيت الشيخ ...مراته و أولاده التلاته متكتفين و رماهم بجانب ابوهم
خدى يا تانه الشعله اهى ...بمجرد ما هتولعى فى واحد الباقى هيولعوا قدامك
تانه مسكت الشعله بمنتهى الثبات و رمتها على الشيخ ...
الشيخ كله بقا كتله نار ...بعدها مراته ....أولاده مسك فيهم النار
تانه بعد ما كانت عماله تضحك بصوت عالى و تقهقه ...سكتت و هى بتسمع الاطفال بتصرخ ...افتكرت ابننا عبدالرحمن بس بعد ايه؟؟؟ ...قد فات الاوان 😔
قصص رعب
يتبع....
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
قصص رعب روايات جميلة روايات رومانسية روايات اون لاين روايات كاملة كتب وروايات
قصص رعب روايات جميلة روايات رومانسية روايات اون لاين روايات كاملة كتب وروايات
ياااه صعب اوى ازاى قدرت تعمل كده اللهم احفظنا
ردحذف