#شقة٧٧(الجزء_الثانى)
#الحلقه_الثانى_عشر :
فى ايه يا شيخ ؟؟ انا عملت ايه ؟
بقى يا راجل يا عره تدى بنتك لواحد من الجن ...لا و مش اى جن
مكنش قصدى ...و الله ما كان قصدى
متحلفش ...انت مديلوه بنتك عشان يخدمك
صدقنى انا مكنتش اعرف أن ده اللى هيحصل
هو ايه بالظبط اللى حصل ؟
فى يوم كنا بننقل عفشنا من بيتنا القديم اللى جاله ازاله و كنت مش عارف اروح فين و لا اجى منين ...لغايه ما ناس ولاد حلال اتصرفولى فى اوضتين فوق سطح عماره ليا و لاولادى
و انا بنقل فى العفش كان فى كرتونه قديمه فيها كتب تخص والدى الله يرحمه و تقريبا كدا هو وارثها عن جدى
الكرتونه دى كانت تحت سرير ابويا و لما مات قفلنا الاوضه على حاجته و محدش فكر أنه يدور فيها
لما جينا ننقل مراتى طلعت الكرتونه دى من تحت السرير و سالتنى انت عاوز الكتب دى يا عبداللطيف ؟
لا هعوزها فى ايه حطيهم فى شوال لما حد من بتوع الروبابيكيا يجى بيعهم له
حاضر
مراتى جابت شوال و ابتدت تحط الكتب فيه لاحظت فى ايديها كام كتاب شكل الجلده بتاعتهم غريب و عليهم رسوم غريبه كدا
معرفش ليه لقيت نفسي بقولها استنى يا توحيده سيبى اللى فى ايدك ده و روحى اعمليلى كوبايه شاى
هو ده وقت شاى يا عبده انا عاوزه ألم الدنيا
يا ستى روحى بس و انا هلم الحاجات بنفسي
امرك يا اخويا
مراتى رمت الكتاب من ايدها داخل الكرتونه و انا قمت بسرعه اخدته و فتحته و ابتديت ابص فيه
فى الاول كان حاجه غريبه اوى عليا طلاسم و حروف و رسومات عمرى ما شفت زيها ...بعد كدا فهمت أنه كتاب من كتب تحضير الجن و مش ده بس اللى لقيته دا انا لقيت كتابين غيره لنفس الغرض
اخدت الكتب و طلعت فوق سطح البيت جرى و ابتديت اقرا و احاول افهم لحد ما لقيت الصفحه اللى فيها تحضير الشاه جنابور و فهمت أنه ملك من ملوك الجن العظام اللى ممكن يسخر آلاف لا ملايين من الجن للى يديله العهد
الموضوع كبر فى دماغى اوى و حسيت أن دى الطريقه اللى هحل بيها كل مشاكلى
فى اليوم ده نزلت جبت كل المطلوب للتحضير بخور معين و فلفل اسمر حب و شمع اسود و ملح خشن و كسبره حب و عين عفريت و كان مطلوب من ضمن الطلبات شويه شعر لصبيه عذراء
حضرت كل حاجه من عطار قديم عندنا من الحته و فضل الشعر و كنت محتار اجيبه منين ؟
هدانى تفكيرى انى اقص خصله شعر من بنت من بناتى التوأم و للاسف انا مكنتش اعرف انى بكدا بأذيها
استنيت لما الكل نام و دخلت على آيه و هى نايمه و قصيت جزء من ضفيرتها و اخدته ورحت اوضه ابويا لانها فى اخر البيت و كانت بعيد عن باقى الاوض
ضلمت الاوضه و ولعت السبع شمعات و البخور و ابتديت اقرا من الكتاب و اعمل كل اللى مكتوب فيه بالظبط و كانت اخر خطوه انى أرمى الشعر اللى جبته على البخور ...اول ما رميت الشعر ظهر دخان كثيف اتشكل لمارد ضخم جدا شكله مخيف
انا اترعبت و اتمنيت لحظتها انى مكنتش عملت كدا لكن خلاص معدش ينفع ندم و بقيت وجه لوجه لجنى ضخم شكله مرعب جدا و لازم اثبت ليأذينى
المارد ده بصلى بكل كبر و قالى
انت حضرت جنابور ليه ؟؟؟
عاوز مساعدتك ...انا عرفت عنك انك ممكن تساعد اى انسان
ههههععععع ....و اساعدك انت ليه يا انسي ؟
تساعدنى عشان ...عشان ...عشان انا محتاج مساعدتك
عظيم ...انت طالب منى خدمه و قدام الخدمه دى لازم انا كمان اطلب منك خدمه
منى انا ؟؟؟ و انا حيلتى ايه اقدمهولك ؟
انت تملك الكثير
هو فين دا ؟؟ دا انا غلبان و هطرد من بيتى خلاص
انا اقدر انكس لك البيت فى غمضة عين و لو جبت الف مهندس هيقولوا البيت سليم مية فى الميه
صحيح ؟؟؟ ياريت دا يبقى معروف عمرى ما انساه لك ابدا
لكن زى ما قلت لك خدمه قصاد خدمه
انا تحت امرك مستعد اعملك اى حاجه تطلبها منى لو فى استطاعتى يعنى
طبعا فى استطاعتك
هى ايه دى و لمؤاخذه ؟
الصبيه اللى حطيت من شعرها على البخور عشان تحضرنى
صبيه ؟؟؟
ايوا
قصدك آيه ؟ لا دى مش صبيه دا عيله صغيره
اريدها
تريد مين ؟؟؟
ابنتك
ازاى يا سيات الملك بقولك دى عيله ...هتعمل بيها ايه
تعطيها لى و سأحميها
تحميها من ايه بس ؟؟ معلش حضرتك مش هينفع و الله
مش بإرادتك يا عبداللطيف بوضع الشعر على البخور أصبحت ايه زوجتى
ايه الكلام ده ؟ زوجتك ازاى ؟؟؟ لا لا الكلام ده مش مكتوب فى الورق و لا مذكور اى حاجه عنه
لا يهمنى جهلك بالموضوع ...دى بقت حقيقه مسلم بها
يعنى ايه مسلم بها ؟؟ لا خلاص انا مش عاوز البيت و لا عاوز مساعدتك الله الغنى عن خدماتك
هاهاها ليس بهذة السهوله يااا ...عبداللطيف انا لست لعبه فى يدك انا شاه اتعرف معنى شاه ؟
لا معرفش
انا ملك ملوك الجن و لا تستطيع التخلص منى بهذه السهولة
طب انا اسف ...مكنتش اعرف كدا
لا تغضبنى فغضبى عظيم لن تستطيع احتماله
ارجوك يا سياده الملك انا فى عرضك
لا تتوسلنى الأمر غايه فى البساطه انت هتعطينى كلمه أن ابنتك تصبح زوجتى و انا سأحميها من اى خطر و ستكون لى وحدى
و ان معطتكش الكلمه دى هتعمل ايه ؟
سأحرقك انت و اسرتك جميعا و اختطف ابنتك معى تحت الارض
لا لا ارجوك ...متعملش كدا ...خلاص انا موافق بس متأذيش بنتى
و لماذا اؤذيها ؟ انها زوجتى
خلاص اتفقنا ...هتصلح لى البيت امتى ؟؟
الآن
الآن ازاى ؟
الا تعلم أن عالم الجن به المهندسين و العلماء و الأطباء و جميع التخصصات مثلكم تماما
لا اول مره اعرف الكلام ده
اذهب غدا الى هندسه الحى و قدم على تظلم و اطلب معاينه أخرى للبيت و سأسهل لك امورك
و فعلا عملت زى ما جنابور قالى و رحت الحى تانى يوم و لقيت الناس بتضحك فى وشي و بتستقبلنى استقبال كويس اوى بعكس المرات اللى فاتت
و اول ما قدمت الطلب اتقبل و اتحدد لى موعد للمعاينه فى ظرف يومين
و جه المهندس و كان مستغرب ازاى البيت اتنكس بالطريقه دى و بقت اساساته زى ما تكون معموله السنه اللى فاتت
المهندس كتب تقريره و اتلغى أمر الهدم و قعدت فى بيتى انا و اولادى و كنت فاكر أن الدنيا ضحكت لى خلاص
لحد ما بنتى بلغت و كان سنها ١٢ سنه لقيت البت بتقوم مفزوعه كل يوم و بقت تقول انها بتحس بنفس جنبها و أن حد بيحط ايده عليها أو بيحضنها و هى نايمه
انا طبعا فهمت ايه اللى بيحصلها و بقيت اموت فى اليوم الف مره على بنتى
امها لما شافت كدا وشافت أحوالها اللى اتبدلت قعدت تزن على دماغى نشوف لها شيخ عشان يعالجها
و للاسف كل ما كنا نروح لحد البنت كانت حالتها تسوء اكتر لدرجه انها كانت ساعات تظهر لنا بمظهر شيطان مخيف و بقت تتكلم لغات غريبه و بصوت مختلف و ده أثر اوى على اختها التوأم و خلاها بقت مرعوبه دايما لدرجه انها سقطت فى المدرسه سنتين من الحاله النفسيه اللى كانت فيها
للاسف انا كسبت البيت لكن خسرت بنتى
طب و ايه اللى جابك انهارده ليا ؟؟
تعبت ...تعبت اوى و انا بشوفها بتتعذب العذاب دا كله و لما سمعت عنك و ناس كتير قالوا لى عن مهارتك قايست و قلت حتى لو جنابور هيموتنى بس انقذ بنتى
على فكره يا عبداللطيف انت مصعبتش عليا خالص بالحكايه اللى انت بتحكيها دى بس انا هفكك و اسيبك تمشى
متشكر اوى يا شيخ و انا تحت امرك فى اى فلوس تطلبها
ههههههههه فلوس ايه يا ابو فلوس ؟ انا مش عاوز فلوس
طب اؤمرنى بأى حاجه انا تحت امرك و الله
انا عاوز التلات كتب اللى عندك
بس انا حرقتهم
كداب ....حسك عينك تكدب عليا تانى
انا اسف بس فعلا انا كنت هروح أحرقهم لانى مش عاوز حد يتأذى بسببهم تانى
ملكش فيه ....انا هفكك دلوقتى تروح جرى تجيب لى الكتب و تيجى
حاضر حاضر تحت امرك
بنتك خلاص خفت و جنابور مش هيقرب لها مره تانيه
كتر خيرك يا شيخ متشكر اوى
سيبه يا ابو الطراطير
خرج الراجل و جالى بعدها بنص ساعه معاه التلات كتب و كانوا من أقيم كتب السحر اللى شفتها فى حياتى
بعد كدا ....
يتبع
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
#شقة٧٧(الجزء_الثانى)
#الحلقه_الثالث_عشر
انا هفكك دلوقتى تروح جرى تجيب لى الكتب و تيجى
حاضر حاضر تحت امرك
بنتك خلاص خفت و جنابور مش هيقرب لها مره تانيه
كتر خيرك يا شيخ متشكر اوى
سيبه يا ابو الطراطير
خرج الراجل و جالى بعدها بنص ساعه معاه التلات كتب و كانوا من أقيم كتب السحر اللى شفتها فى حياتى
بعد كدا ابتديت اقرا اكتر و أستعين بالكتب دى فى تحضير عدد أكبر من الخدم
بقى معايا خدم من كل الجنسيات و الأديان
استعنت بالمئات من الجن متهم الأطباء اللى كانوا بيعملوا عمليات لبعض الحالات اللى بتجيلى و منهم المهندسين اللى كانوا بيحلوا لبعض الحالات مشاكلهم
و كتير و كتير ....
شهرتى زادت و زادت و بقى يجيلى ناس من جميع الدول العربيه و بقى يجيلى دعوات لكل الدول
لكن المغرب كانت من احب الدول لقلبى و دا لانى اعرف ان اعظم السحره موجودين هناك
سافرت المغرب كذا مره و فى مره من المرات وقع تحت ايدى كتاب سحر قديم جدا لكن مكتوب بلغه غريبه مقدرتش افهمها
استدعيت تان المترجم بتاعى......متستغربوش الجن تخصصات زينا بالظبط فيهم الطبيب و فيهم المهندس و فيهم العالم بل يمكن علمهم بيفوق علمنا شويه بحكم أعمارهم الطويله جدا
تان ده كان عفريت ابن جنيه بيلعب كدا فى الالف و متين سنه
احضر يا تان....بالعهد المأخوذ
امرك سيدى
عاوزك تترجم لى الكتاب ده يا تان
امرك سيدى
هو الكتاب ده مكتوب بأى لغه ؟
مكتوبه بالسريانيه
طب ترجم يا عم تان ...عاوز اعرف الكتاب ده مكتوب فيه ايه بالظبط ؟
دا مش كتاب دى مخطوطه
يا عم مخطوطه كتاب بلاش فلسفه و قولى مكتوب فيه ايه ؟
المخطوطه دى فيها طريقه توصل بيها لمملكه الجن و تقابل هناك ملوك الجن السبعه
يااااا ...معقول الكلام ده ؟؟
بس الموضوع مش سهل زى ما انت متخيل
ايه الصعب اللى فيه يعنى ؟؟
الطريق طويل و لازم تقدم قرابين كتير اوى عشان تقدر توصل
و ماله انا مستعد اقدم اى قرابين تطلبها المخطوطة منى
صدقنى مش هتقدر
فى ايه يا تان ؟؟ انت عمال تصعب عليا الدنيا ليه كدا ؟؟
فاكر الخلوه اللى صابر دخلهالك ؟؟
ايوه فاكرها و مستعد اعملها مره تانيه
بس الخلوه المره دى مش هتبقى ١١ يوم لا دى هتبقى سنه.
سنه ؟؟؟؟؟؟ ياااا
دا ده طلب من ضمن الطلبات
طب و ايه تانى طالبينه
لازم دم
دم ؟؟؟ يعنى ايه ؟؟ لازم ادبح انسان ؟؟
المذكور هنا دم لكن معرفش المقصود ايه انسان أو حيوان
طب ما تشوف كدا يا تان
مكتوب دم خليط بس مش فاهم ايه المقصود بالدم الخليط
طب سيبك من الدم دلوقتى ...ايه مطلوب تانى ؟؟
مطلوب زعفران و حبر دم الغزال و دم النمله و بعض الاعشاب زى عشب شعر هرقل و دقن القاضى و مسك ابيض و احمر اصلى
كمان مطلوب كعب العفريت
ايه كعب العفريت ده ؟؟
كعب العفريت عبارة عن اقراص تأتي من المغرب والعراق والاردن ويصل سعر القرص الى نحو 15 الف جنيها
و مطلوب ايه كمان ؟
الحلتيت و دم الاخوين والطقش المغربي لشق الارض
بس كدا ؟؟
لا فى اهم شئ
و ايه هو ده ؟
الزئبق الاحمر دا المفتاح اللى هتفتح بيه الباب اللى يدخلك العالم الاخر و اللى هيفتح قدامك اى شئ مقفول
و دا اجيبه منين و مطلوب منه اد ايه ؟
مطلوب منه جرام ...و تجيبه منين دى ممكن من مقبره من مقابر القدماء المصريين اعرف انهم كانوا بيدفنوا الزئبق الاحمر مع الموميات
طب مطلوب حاجه تانى ؟؟
الحاجات العاديه بقا و اللى انت عارفها كويس
اه فهمت ..طب ما الموضوع سهل اهو امال مالك مصعبه عليا ليه ؟؟
كل ده و سهل ؟؟
ايوه سهل و اقدر بالخدمه بتاعتى اجيب كل الطلبات دى فى ثوانى
ممكن اسالك سؤال
اتفضل
انت ليه عاوز تنزل مملكه الجان ...انا شايف أن اعوانك كتير و مش محتاج يكون معاك اعوان اكتر من كدا
انا هقولك بالرغم انى مش لازم اجاوبك ...لانك عارف بموجب العهد اللى بينا أنا عليا الأمر و عليك الطاعه و فقط
اعرف
طيب انا عاوز أنزل مملكه الجن فضول منى ...عاوز اشوف العالم ده شكله ايه ؟
انا بسمع عنه بس و بشوف بعض أفراده لكن معرفش المجتمع عندكم ماشى ازاى و لا شكل المبانى و لا شكل البيوت من جوه عامله ازاى
نفسي اشوف الملوك السبعه و اتكلم معاهم
يعنى عشان فضولك بس هتضحى بسنتين من عمرك بالاضافه للطلبات دى كلها ؟
سنتين ليه ؟ هو انت مش قلت الخلوه سنه ؟
و الزياره كمان مش اقل من سنه ...هتقعد سنه بحالها تحت الارض
ياااا سنه ؟؟؟ طب مش ممكن نقلل المده شويه ...يعنى شهر و الا شهرين كدا ؟
السنه هى اقل مده ....الزياره ممكن تكون سنه او تلاته او خمسه او سبع سنين
يا اااا سبع سنين ؟؟ دى زياره طويله اوى
انا بقولك على كل حاجه عشان مترجعش تقول تان منبهنيش
متشكر يا تان بس انا عاوز منك طلب
اتفضل
عاوزك تترجم لى المخطوطة دى كتابه باللغه العربيه يعنى تكتب كل المكتوب فيها ده بلغه افهمها انا و يبقى معايا فى مخطوطه جديده
امرك
هياخد منك اد ايه الموضوع ده ؟؟
ساعه
حلو اوى ...بعد ساعه تكون المخطوطه كامله عندى ...انصرف انت دلوقتى
مشى تان و انا الموضوع كبر فى دماغى اوى ....بس الطلبات مش سهله برده
بس انا اقدر عليها برده
للاسف غرورى و كبرى سهل لى كل حاجه و حسيت أن الدنيا كلها ممكن تكون طوع ايديا
انا خلاص هبدأ فى التحضير للنزول لمملكه الجن
طب و الناس هقولهم ايه ؟ دا انا بيجيلى ناس يوميا بالمئات
اه عندى فكره حلوه اوى ...انا مش هقفل بابى فى وش حد
انا هخلى .....
يا ترى صابر هيعمل ايه ؟ و هينجح أنه يدخل مملكة الجن و الا لا ؟
دا اللى هنعرفه فى الحلقه الجايه باذن الله تعالى
بعتذر عن التاخير و صغر الفصل لان مازال لديا شغل ...ارجو المعذره
يتبع
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
#شقة٧٧(الجزء_الثانى)
#الحلقه_الرابع_عشر
انا خلاص هبدأ فى التحضير للنزول لمملكه الجن
طب و الناس هقولهم ايه ؟ دا انا بيجيلى ناس يوميا بالمئات
اه عندى فكره حلوه اوى ...انا مش هقفل بابى فى وش حد
انا هخلى صافور يتمثل بشكلى و يقعد مكانى يعالج الناس
مولاى
تعالى يا تان ...خلصت ؟؟
اتفضل المخطوطة بالعربيه
شكرا يا تان ...انصرف انت
ايوه ....كل الحاجات المطلوبه دى اقدر أحضرها لكن المشكله هنا الزئبق الاحمر و الدم الخليط ده .... مين مين يقدر يفيدنى ؟؟؟ اااه مفيش غيره
تليفونى فين ؟ اهو
الو
ازيك يا سيدنا
ازيك يا شيخ صابر
الله يسلمك يا شيخنا فضل و نعمه من الله
انا سامع عنك سمع خير
الفضل يرجع ليك يا شيخ جابر
الفضل لله يا سيدى
و نعم بالله ...كنت عاوز أسألك عن حاجه كدا
خير أن شاء الله
كنت عاوز افهم ايه الدم الخليط ده ؟؟
دم خليط ايه ؟؟؟
اصل فى وصفه كدا و مكتوب فيها دم خليط و كنت عاوز افهم ايه المقصود بالكلمه دى ؟
وصفة ايه دى ؟؟
وصفه كدا لقيتها فى كتاب قديم
اه ....عاوز تدخل المملكه ؟؟
انا ...انا
عيب عليك اللى ربى خير م اللى اشترى انا عارف كل حاجه عنك و اخبارك بتوصلنى اول بأول و متابعك خطوه بخطوه
طبعا يا شيخنا ...انت الاستاذ
عاوز تعرف الدم الخليط ده ؟
ياريت يا شيخ
دا دم مختلط من تلات أنواع دم ديب و دم خروف و دم انسان
ايه التوليفة العجيبه دى ؟؟؟
الديب هو الكائن الوحيد اللى بيخاف منه الجن جدا و ممكن كمان يأكل الجن لو قابله فى مكان
الخروف دمه يعتبر دم اضحيه
طب و الإنسان ؟؟؟
دم الإنسان بيستخدم كشفره للدخول
طب و دم الإنسان ده اجيبه منين ؟
دم الإنسان مقدور عليه المشكله عندك فى دم الديب ...مفيش حد من الخدمه اللى معاك هيقدر يقرب من ديب
طب و بعدين ؟؟
بعدين لازم انت بنفسك تصتطاده و تاخد دمه
طب و دم الإنسان ؟؟؟
ملكش دعوه انت بدم الإنسان انا هجيب لك دم و كله بحسابه
طب معلش هتجيبه منين ؟؟؟
هههههه ههههههههه جابر مبيغلبش و المجاذيب ماليه الشوارع ...عاوز الدم ده امتى ؟؟
لا لسه بدرى ...لازم ادخل خلوه سنه
و الزاد بتاعك فى الخلوه ايه ؟؟؟
التمر و الزيت و الماء
امممم طيب ربنا يعينك ...كلمنى بعد الخلوه و انا هحضر لك اللى انت عاوزه
ربنا يخليك لينا يا شيخنا انا مش عارف أودى جمايلك دى فين ؟
و لا تقدر ...كل الخير اللى انت فيه دلوقتى ده سببه انا
طبعا طبعا يا شيخ ....استأذنك
اتفضل
قفلت مع جابر و على اد ما حرق دمى بكلامه و إصراره على تذكيري أنه هو اللى عملنى إلا أنه فهمنى معلومه مكنتش هقدر أوصلها ابدا ....جابر ده عقر برده
كدا فاضل الزئبق الاحمر ....كان ممكن اطلبه من جابر و خلاص بس انا مش عاوز أقوله على كل اسرار التحضيره برده ...انا ممكن أستعين بحد من الخدمه يدلنى على مكان زئبق احمر
ااااه مفيش غير يانور هو اللى هيقدر يجيب لى اللى انا عاوزه
احضر يا يانور بحق العهد المأخوذ
سيدى
تعالى يا يانور مطلوب منك تجيب لى واحد جرام زئبق احمر
منين اجيب الزئبق الاحمر ده ؟
الله.... هو انا اللى هقولك تجيبه منين ؟؟؟ اتصرف يا يانور
الموضوع مش بالسهولة دى يا سيدى الزئبق الاحمر ده مطلوب من الانس و الجن دا اكسير الشباب
اكسير الشباب ازاى ؟؟
لحسه منه لجنى عجوز يرجع شاب مره تانيه و لو قدمت له الزئبق الاحمر ده كانك بتعيد له شبابه و ساعتها ممكن ينفذ لك اى شئ تطلبه منه
اه طب و بعدين ؟؟؟
الحل الوحيد اما تشتريه و ده غالى جدا بالملايين و مش هتلاقيه هنا و أما يكون حظك حلو بقا لو لقيت مقبره فيها الزئبق ده
طب ما كدا اتحلت يا يانور نشوف مقبره
مش كل المقابر فيها الزئبق الاحمر ...مقابر الملوك بس اللى هتلاقيه فيها
خلاص يا يانور انصرف انت دلوقتى و لو عرفت اى حاجه تعالى قولى
امرك سيدى
و بعدين بقا ؟؟ انا كنت فاكر أن موضوع الدم هو اصعب حاجه طلع موضوع الزئبق ده اصعب و اصعب و مظنش جابر يقدر ينفعنى فى الموضوع ده
على العموم لسه فاضل سنه بحالها يمكن خلال السنه دى اعرف اتصرف بأى طريقه
بقيه الطلبات اللى مكتوبه فى المخطوطة سهله و اقدر أحضرها بسهوله .
بعد اسبوع كنت حضرت المكان اللى هعمل فيه الخلوه و اخترت بيت قديم عباره عن غرفه بدون شبابيك و فى وسط الغرفه دى بير ميه محفور
حضرت تمر يابس و زيت زيتون يكفينى عام بحاله ....
جهزت كل شئ قبل ما اتنقل للخلوه و خليت صافور يتشكل بشكلى و يلبس لبسي و يقعد مكانى ووصيته فى خلال السنه دى لو حد جاله عشان يفتح مقبره يدور لى فيها على زئبق احمر و لو لقاه يحجزهولى لما أخرج من الخلوه
قلعت الخواتم اللى معايا و عنتها فى خزنه كبيره عندى و دخلت الخلوه بدون اى خدمه مفيش معايا الا الزاد و بس
مرت السنه و كانت أطول سنه فى حياتى كلها ....
خرجت جسمى ضعيف جدا و حاسس ان عضمى وجعنى اوى ...الخلوه دى عشان طويله كان مسموح لى استحمى مره كل شهر و كان مسموح لى اشوف الشمس مرتين فى الشهر بس من غير ما اسيب المكان طبعا
خرجت و رجعت مكانى و لقيت الناس واقفه قدام بيتى بالمئات و سمعت الناس و هى عماله تتكلم عن كرامات الشيخ صابر و طبعا محدش عرفنى لضعف جسمى و هدومى الرثه و شكلى الغريب
دخلت على البيت .. و غطيت وشي و طلبت من واحد من المساعدين اللى بينظموا دخول الناس أنه يدخلنى للشيخ لانى تعبان اوى
المساعد بص لى و ضحك و قال
ادخلك ازاى و فى ميه و خمسين واحد حاجزين قبلك
معلش ...ارجوك دخلنى ...طب اتفضل
ايه دا انت بترشينى ؟؟
لا دا كشف مستعجل اصلى تعبان جدا
عشان انت تعبان بس هدخلك ...كام دول ؟
ميه جنيه
منا قلت لك فى قبلك ميه و خمسين واحد
طيب اتفضل خمسين جنيه كمان اهى
طب اقعد هنا لما الحاله اللى جوه تخرج
بعد دقايق خرجت الحاله و شاور لى المساعد بالدخول
دخلت على صافور لقيت .....
يتبع
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
#شقة٧٧(الجزء_الثانى)
#الحلقه_الخامس_عشر
معلش ...ارجوك دخلنى ...طب اتفضل
ايه دا انت بترشينى ؟؟
لا دا كشف مستعجل اصلى تعبان جدا
عشان انت تعبان بس هدخلك ...كام دول ؟
ميه جنيه
منا قلت لك فى قبلك ميه و خمسين واحد
طيب اتفضل خمسين جنيه كمان اهى
طب اقعد هنا لما الحاله اللى جوه تخرج
بعد دقايق خرجت الحاله و شاور لى المساعد بالدخول
دخلت على صافور لقيته قاعد مكانى و لابس لبسي و متمثل بيا زى ما امرته
اول ما شافنى قام وقف و رجع لصورته الاصليه
رحت قعدت على الكرسي و سألته
ايه الأحوال يا صافور
حمدالله على السلامه يا سيدنا #دجيهان_عادل
الله يسلمك ...طمنى
الحال عال العال ...كل شئ ماشي زى ما قلت
عظيم ....طب و الفلوس ؟
فى الحفظ و الصون فى الخزنه زى ما قلت لى
عظيم عظيم ....طب و لاقيت لى الزئبق الاحمر اللى قلت لك عليه ؟؟
لقيت لك جزء فقط
جزء اد ايه يعنى ؟؟
حوالى نص جرام #دجيهان_عادل
انا مش قلت جرام يا صافور ؟
منا ملقتش غير النص جرام ده
و لقيته فين يا صافور ؟؟
واحد جالى من حوالى تلات شهور فى بلد اسمها بنى مزار و قالى أن عنده حاجه تحت بيته ...مكدبتش خبر و اخدت الكشاف معايا
اخدت مين ؟؟
تافى هو فيه غيره ؟
تافى كويس ....و بعدين ؟؟
انا كنت موصى تافى أنه يقولى لو فى زئبق احمر فى اى مقبره نلاقيها ...اول ما نزل طلع لى فرحان و قالى الزئبق اللى انت عاوزه موجود تحت
لا و الله .....
مالك يا سيدنا ؟؟
اقف مكانك يا صافور
هو انا عملت ايه يا سيدنا
احضر يا تافى بحق العهد المأخوذ
امرك سيدنا
تعالى يا تافى ....انتوا خرجتوا كام جرام زئبق من مقبره بنى مزار ؟ #دجيهان_عادل
حوالى جرام يا سيدنا
امممممم يعنى مش نص جرام يا صافور
اصل ... اصل
اصل ايه ؟؟؟ بتسرقنى يا صافور ؟؟؟
انا لا لا
لا ايه بس ؟؟ انت اللى فضحت نفسك لما قلت إن تافى قالك أنه لاقالك طلبك
العفو و السماح يا سيدنا
الخيانه جزائها الموت يا صافور
لا ارجوك ...ارجوك يا سيدنا انا مستعد اجيب لك النص جرام الباقى
لا ما هو مش بالسهولة دى ....كنت عاوز تعمل بيه ايه الزئبق ده يا صافور ؟؟
الرحمه و السماح يا سيدنا
انطق ...كنت عاوز تعمل بيه ايه ؟
كنت هحتفظ بيه لنفسي و بعد ما اخلص دورى هنا اخد لى لحسه ارجع شباب تانى و اشوف لى جنيه حلوه كدا اتجوزها
مش مصدقك يا صافور #دجيهان_عادل
صدقنى هى دى الحقيقه
فين الزئبق يا صافور ؟؟
فى نص جرام فى الخزنه و النص التانى معايا
هاته بسرعه
بس ادينى الأمان الاول ....متقتلنيش
لك الامان يا صافور ...لولا انى عارف انك عفريت اهبل كنت موتك ....بس انا لسه محتاجك سنه كمان مدة زيارتى لمملكه الجن
اشكرك يا سيدنا ....الزئبق اهو
هات ....و يلا حضر لى بقيه الطلبات المكتوبه فى الورقه دى فى لمح البصر
حاضر.... بسسسس
بس ايه يا صافور ؟؟
مكتوب دم خليط و قدامه تلات أنواع
اه و ماله ؟؟
بسسسس
عمال تبسبس ليه ؟؟؟ ااااه انت خايف من الديب ؟؟؟؟ #دجيهان_عادل
اصل احنا منقدرش نقرب لهم
ايوه ايوه انا عارف ....خلاص يا صافور هات بقية الطلبات و ملكش دعوه بالدم
امرك يا سيدنا
انا كنت ناسي حكايه الدم دى خالص طب انا هجيب دم ديب منين دلوقتى ؟؟؟
طب ما اخلى جابر يجيبهولى زى ما هيجيب لى دم الإنسان ....كله بالفلوس يمشي
طلعت تليفونى المقفول من الخزنه و فتحته و اتصلت على جابر
سلام عليكم يا شيخنا
اهلا يا شيخ صابر ...خلصت الخلوه ؟
ايوه الحمد لله لسه راجع حالا
حمدالله على سلامتك ... اظن عاوز الدم ؟
ايوه يا سيدنا بس كنت عاوز اطلب منك طلب تانى #دجيهان_عادل
عارف ...عاوزنى اتصرف لك فى دم الديب
ايوا يا شيخنا
و ماله ...كله بحسابه
حسابه دا اللى هو كام كدا ؟؟؟
مش كتير هما متين الف جنيه بس ميه لدم الديب و ميه لدم الإنسان
يااااا دا كتير اوى
كتير على دخولك مملكه الجن ؟ و مقابلتك الملوك السبعه ؟؟
لا كتير عليا المبلغ
افتح خزنتك يا صابر هتلاقى صافور مجمع لك اد المبلغ ده عشر مرات
ياااا انت عرفت المبلغ كمان ؟؟
انا اعرف عنك اللى لا تتخيله
خلاص يا شيخ هبعت لك المبلغ مع واحد من مساعدينى و تبعت لى معاه الدم....ابعته امتى ؟؟؟
بعد يومين اتنين
حاضر يا شيخ جابر #دجيهان_عادل
قفلت معاه و انا بلعن فيه ...هيلهف متين الف جنيه كدا فى ثانيه ؟؟ هو كان عمل ايه يعنى ؟؟ بس اقول ايه انا اللى محتاجه برده
بعد يومين خليت صافور يبعت رشيد المساعد بتاعى لجابر
رشيد رجع بالازازه و كنت مستنيها على احر من الجمر
اخدها منه صافور و دخلهالى فى الاوضه اللى كنت قاعد فيها
و لقيت جابر باعت ورقه معاها و بيقولى دول التلات انواع دم المطلوبه ....حطيت لك دم الخروف هديه من عندى #دجيهان_عادل
لا كتر خيرك يا سي جابر 😏....على العموم اهو وفر عليا برده 🙄
كدا خلاص انا معايا كل طلبات التحضيره
المفروض بقا افتح المخطوطة و اشوف الطقوس اللى اعملها عشان اوصل للملكه
مكتوب انى احضر سبعه و سبعين شمعه سودا و اضلم المكان و ابتدى اولع الشموع شمعه شمعه و مع كل شمعه بنطق اسم معين من اسامى الجن
مكتوب ملحوظه مهمه ....اه مكتوب لو حصل غلط فى نطق اسم واحد من الأسماء دى هتفسد التعويذه و الله اعلم هيكون مصيري ايه ؟؟ .... انا ابتديت اخاف
متخافش يا صابر بقا بعد ما وصلت لحد هنا عاوز تتراجع ؟ #دجيهان_عادل
بعد ما اولع الشموع السبعه و سبعين كلهم عليا انى اكون محضر منقد كبير و احط فيه كل البخور و الاعشاب اللى صافور جابهم ليا ما عدا كعب العفريت و الطقش المغربى و الزئبق الاحمر
دول لهم طريقه معينه مكتوبه فى المخطوطه بدقه و مكتوب جنبها أن دى اهم خطوه فى التحضيره
كعب العفريت بيترمى على البخور قرص قرص و المطلوب منه سبع اقراص بنطق مع كل قرص منهم اسم ملك من ملوك الجن السبعه ( الملك عبدالله و مره و ابو محرز الاحمر و برقان ابو العجايب و شمهورش و الملك الابيض و الملك ميمون ابانوخ ) #دجيهان_عادل
بعد كدا بيجى دور الطقش المغربى و اللى بيتحط جزء منه على البخور و جزء تانى على الأرض و ده بمثابه ايذان بشق الأرض
الزئبق بقا مبيتحطش على اى شئ دا بيتقدم على طبق و بمجرد أنه يتقبل و يختفى من مكانه يبقى كدا الزياره اتقبلت
عملت كل المكتوب فى المخطوطة بالظبط و بكل تأنى و دقه لحد ما وصلت لانى احط الطبق اللى فيه الزئبق #دجيهان_عادل
غمضت عينى ثانيتين و فتحتها ملقتش الطبق ...كدا عرفت انهم قبلوا زيارتى
و فجأه ظهر قدامى 😳😲......
#دجيهان_عادل
يتبع
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
#شقة٧٧(الجزء_الثانى)
#الحلقه_السادس_عشر
عملت كل المكتوب فى المخطوطة بالظبط و بكل تأنى و دقه لحد ما وصلت لانى احط الطبق اللى فيه الزئبق #دجيهان_عادل
غمضت عينى ثانيتين و فتحتها ملقتش الطبق ...كدا عرفت انهم قبلوا زيارتى
و فجأه ظهر قدامى 😳😲 دخان كثيف اوى على شكل دوامه #دجيهان_عادل
الدوامه كانت واصله من الأرض للسقف و يمكن كانت معديه السقف كمان
المكان بدأ يتهز جامد و كل الحاجات الموجوده فى الاوضه بدأت تقع على الأرض
حتى المنقد اللى كان فيه البخور اتقلب على الأرض من شده الهزه #دجيهان_عادل
الدخان بدأ يتكثف اكتر و اكتر و زى ما يكون بيشق الأرض
فجأه ظهر قدامى زى سرداب طوووووويل اوى شايف أوله و مش شايف آخره
السرداب ضلمه جدا مفيهوش اى بصيص نور
مجرد ما شفت السرداب كدا قلبى اتقبض و حسيت أن نفسي ضاق و اتخنقت
و اتمنيت لحظتها انى اتراجع و اقولهم
خلاص انا اسف ...انا عيل رجعت فى كلامى #دجيهان_عادل
فجأه لقيت حاجه بتشدنى بقوه داخل السرداب
قوه رهييييبه مش قادر اقاومها ...زى ما اكون اتشفطت جواه
السرداب من بره كنت فاكره طريق طويل
لكن لما اتشفطت فيه لقيت نفسي بنزل فيه لتحت و الطريق لولبى متعرج و.... و مش مستقيم خالص
الضلمه ماليه المكان ....مش حاسس الا بأطرافى اللى عماله تخبط فى جوانب السرداب الضيق #دجيهان_عادل
ريحه التراب شاممها قويه جدا و ريحه تانيه ابتدت تظهر لما قربت اكتر و اكتر
لما ريحه التراب خفت و الريحه التانيه ظهرت بشكل أكبر عرفت انى خلاص قربت اوصل #دجيهان_عادل
فضلت على الوضع ده مده مش عارف اد ايه .....فقدت الاحساس بالزمن خالص
بس الوقت ده كان من أطول الأوقات الممله و المرهقه اللى مرت عليا فى حياتى
فجأه لقيت نفسي وقفت ...و معرفش وقفت ازاى برده
و شفت قدامى نور شديد خلانى اقفل عنيا من شدته #دجيهان_عادل
فتحت عينى ببطئ لقيت قدام عينى آلاف الجان اللى واقفين ...طبعا انا اتعاملت مع كتير منهم قبل كدا بس دى كانت اول مره اشوف العدد الرهيب ده مره واحده كدا
إن جيتوا للحق أنا اتاخدت ....و حسيت بالقلق
لكن بدد قلقى ده خروج واحده من ضمن الحشود دى كلها شعرها طويللللل بيجرجر وراها و شكلها رائع الجمال
عرفت بعد كدا انها وصيفه لاميره من الاميرات #دجيهان_عادل
الوصيفه استقبلتنى بابتسامة من غير و لا كلمه و شاورت لى انى اتبعها
مشيت وراها و آلاف الجن واقفين على الصفين و بيبصولى كأنى حاجه عجيبه اخترقت عالمهم
وصلت لقصر كبير مفروش بفرش عمرى ما شفته #دجيهان_عادل
دخلت لقيت واحد شكله مهيب قاعد على كرسي و فى ايده صولجان و شاور لى بصولجانه بالجلوس #دجيهان_عادل
بدأ الراجل يتكلم و يقولى
لقد سمح لك الملك ساروخ بالزيارة #دجيهان_عادل
الملك ساروخ ؟؟؟
نعم الا تعرفه ؟؟؟
لا ...
الملك ساروخ ابن ابليس الأكبر وله أعوان في كل الأرض ومملكته السفليّة أكبر الممالك.
متشكر للملك ساروخ جدا ....هو حضرتك ؟؟
لا ااا ....الملك ساروخ لا يقابل أحد
انا اسف ....ممكن اتعرف على حضرتك ؟؟
انا الملك طارش هل تعرفنى ؟؟ #دجيهان_عادل
ايوه طبعا اعرفك انت ملك العُمّار أو أفراد الجن اللى بيعيشوا معانا في البيوت.
و كمان الملك الموكل بكنوز الـارض ودفائنها.و كتير مننا بيحاول تحضير الملك طارش لفك الرصد عن كنوز الأرض الذهبيّة.
اى نعم و لانى الأقرب لكم فانا مكلف من قبل الملوك السبعه بمعرفه سبب و مده الزياره
السبب انى عاوز اتعرف على عالمكم اكتر و المده بقا يا ريت تبقى اقل مده عندكم
تقصد عام كامل #دجيهان_عادل
مش كتير عام ؟؟؟ مينفعش شهرين تلاته
العام لدينا كأسبوع لديكم
ستقابل كل يوم ملك من الملوك السبعه و عند انتهاء المقابله معهم ستعود من حيث جئت
ربنا يطمن قلبك #دجيهان_عادل
بعد كدا اخدونى و قدمولى الطعام
و سألنى الملك طارش تحب تشوف بعض من حكمائنا قبل مقابله الملوك السبعه ؟
طبعا اكيد ...دا شئ يسعدنى جدا
طبعا احنا عندنا حكماء كتير جدا بس حظك كويس أن أكبر تلات حكماء عندنا موجودين الان بالقصر....اول ما تدخل عليهم ألقى عليهم السلام
اتفضل يا شيخ صابر
السلام و التحيه على حكماء الجن
و عليكم السلام
احب اعرفك يا شيخ صابر بحكمائنا
ابى يزيد الحكيم و الحكيم فقطش و الحكيم يوناس.#دجيهان_عادل
اهلا بيكم اتشرفت بمعرفتكم اوى
قعدت مع حكماء الجن و لقيت عندهم حكمه و علم عمرى ما شفته و لا صادفته قبل كدا و دا طبعا بحكم أعمارهم الطويله جدا و اطلاعهم على آلاف الكتب اللى قروها من مئات السنين #دجيهان_عادل
صراحه كنت مستمتع اوى بالحديث معاهم و بالعلم الغزير و الكلام الرزين اللى بيخرج منهم و كنت اتمنى انى افضل السنه كلها معاهم احاول اتعلم منهم و انهل من علمهم الغزير #دجيهان_عادل
و اكتر معلومه عجبتنى لما قالولى أن الملوك السبعه كل ملك منهم بيخدم يوم
ومعنى خادم يوم كذا اى انه يقف فى الخدمة فى ذلك اليوم ولا يقف فى غيره من يناديه يحضر له فى هذا اليوم وهؤلاء السبعة يلقبوا السبعة الكبارعلى الجن وكل ملك منهم شديد ويحكم على 49 قبيلة وكل قبيلة تحكم على 49 قبيلة وكل
قبيلة لا يعرف عددهم الا الله..#دجيهان_عادل
فرحت بالمعلومة و كنت عاوز اسالهم عن حاجات اكتر لكن للاسف هما اللى مكنوش فاضيين ليا..... قعدوا معايا وقت صغير و انصرفوا #دجيهان_عادل
بعد كدا الملك طارش أمر أحد الخدم انه يدخلنى غرفه مفروشه فيها اوضة نوم كامله و مفروشه فرش جميل علشان انام و ارتاح استعدادا لمقابله اول ملك من الملوك السبعه
صراحه مخبيش عليكم مكنتش متخيل انى انام هناك ....كنت بقول أن عينى لا يمكن تغمض على سرير من سرايرهم و انى اكيد هفضل صاحى لحد ما الباب يتفتح و يقولولى تعالى عشان تقابل الملك الاولانى
طبعا انا معرفش مين هو ...انا اتحرجت اسال الملك طارش مين اول ملك هقابله و قلت اى واحد منهم و خلاص #دجيهان_عادل لكن للامانه اول ما حطيت دماغى على المخده محستش بنفسي و لقيت روحى مش نمت بس لا دا انا غسطت فى النوم و مجاليش اى كوابيس 😂
بقالى كتير منمتش مرتاح كدا ....لحد ما سمعت خبط على الباب فتحت عنيا لقيت .....
#دجيهان_عادل
يتبع
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
.
#شقة٧٧(الجزء_الثانى)
#الحلقه_السابع_عشر
انا اتحرجت اسال الملك طارش مين اول ملك هقابله و قلت اى واحد منهم و خلاص #دجيهان_عادل لكن للامانه اول ما حطيت دماغى على المخده محستش بنفسي و لقيت روحى مش نمت بس لا دا انا غسطت فى النوم و مجاليش اى كوابيس 😂#دجيهان_عادل
بقالى كتير منمتش مرتاح كدا ....لحد ما سمعت خبط على الباب فتحت عنيا لقيت واحد من الحراس اللى فى القصر داخل عليا بصنيه اكل و بيبص لى بصه كدا مش هى و بيقولى
افطر و استعد لمقابله الملك طارش
استعد ازاى يعنى ؟
غير هدومك دى #دجيهان_عادل
منا مش جايب هدوم معايا
الدولاب اللى قدامك ده فيه كل اللى يلزمك
طب و مالك متضايق كدا ليه يا عم ؟
نعم ؟؟؟
لا مفيش حاجه
فطرت و قمت فتحت الدولاب لقيت لبسي كله اتنقل فى الدولاب #دجيهان_عادل
لبست هدومى و خرجت لقيت الحارس اللى دخلى الاكل واقف ع الباب و بيبص لى نفس البصه الغريبه كأنه عاوز يقولى انت ايه اللى جايبك هنا
اول ما شافنى مشي قدامى و انا مشيت وراه و دخلنا على الملك طارش ألقيت عليه التحيه
نمت كويس يا شيخ صابر و الا جالك جاثوم ؟😂#دجيهان_عادل
لا جاثوم ايه ؟ دا انا نمت نومه منمتهاش من سنين
طيب الحمد لله
مستعد لمقابله الملك الاول
اكيد
بس خد بالك الملك ده فى مملكته و انت لسه هتتنقل لهناك
طب و ماله انا مستعد
عظيم اوى #دجيهان_عادل
بس ممكن اسال سؤال من فضلك ؟؟
عاوز تسأل عن اول ملك هتزوره صح ؟؟؟
ايوه يا ريت اعرف عشان مكنش زى الحمار كدا و انا داخل عليه
انهارده ايه من ايام ربنا ؟
انهارده تقريبا الجمعه
ههههه لا انهارده الاحد يوم الملك عبدالله المذهب خادم يوم الاحد
تمام
يا حباب
امر مولاى
خد الشيخ صابر على جناحك و وديه قصر الملك عبدالله
امرك يا مولاى
و فى لحظه لقيت نفسي فوق جناح كبير جدا عينى مش جايبه آخره و بطير بشكل سريع جدا #دجيهان_عادل
الخوف كان مالى قلبى و كنت ماسك فى حته من الجناح بأديا الاتنين خايف اقع
و كل ما ابص تحت الاقى مسافه شاسعه و احس انى دايخ
طبعا عدينا على بحار و على مناطق مزروعه لمسافات كبيره اوى
كنت مستغرب اوى .....انا زى ما يكون موجود على وش الأرض و بتفرج من شباك طياره
وصلنا لقصر الملك عبدالله #دجيهان_عادل
قصر رهييييييب عمرى ما كنت أحلم اشوف زيه ...كنت عمال اتلفت شمال و يمين عشان ميفوتنيش حته منه
حباب سلمنى لواحد من حراس قصر الملك عبدالله و دخلنى غرفه كبيره جدا وواسعه بشكل هايل
فى وسط الغرفه دى ترابيزه شكلها تحفه و حواليها كراسي بس كتير جدا
يعنى زى مجلس كدا ...الكراسي مرصوصه على الجنبين
الترابيزه عليها طبق كبير جدا و فيه ما لذ و طاب من ثمار الفاكهه الغريبه اللى اول مره فى حياتى اشوفها
الحارس شاورلى بالجلوس قدام التربيزه و قالى اتفضل #دجيهان_عادل
اول ما نطق بالكلمه لقيت طبق فاضى اتحط فى ايدى .....طبعا مستغربتش ما هو شغل عفاريت بقا
قمت و اخدت بعض الثمار اللى كان شكلها غريب بالنسبه لى
اكلتها و كان طعمها ملوش وصف ...مفيش اى حاجه من اللى بناكلها شبه الطعم ده
بعد شويه لقيت اتنين حراس جم و اخدونى و قالولى الملك عبدالله فى انتظارك
دخلت على الملك عبدالله شفت شئ هايل
فخامه و مهابه و حسن ....مش عارف اوصفلكم اللى شفته غير بكلمه انبهار
انا انبهرت جدا بمنظر الملك عبدالله و بالتاج الذهب اللى فوق دماغه...
الهدوم بتاعته من الدهب ...ولجام وسرج فرسه الأشقر من الذهب الخالص.
اهلا بك فى قصر الملك ابو السعيد عبدالله المذهب #دجيهان_عادل
اهلا بيك يا سيادة الملك انا سعيد اوى انى قابلت سيادتكم
قعدت اتكلم مع الملك عبدالله و عرفت أنه بيسكن في المنطقة الشرقيّة من المملكة العربيّة السعوديّة وباستطاعته تحويل التراب إلى ذهب.#دجيهان_عادل
و انه بيحكم 360 قبيلة من الجن.
🌹🌹🌹🌹🌹🌹
خرجت من عند الملك عبدالله و انا منبهر جدا باللى شفته و سمعته فى قصره
بعد كدا خدنى الحباب و رجعنى لقصر الملك طارش و هناك نمت و صحيت بنفس الشكل و الزياره التانيه كانت للملك مره خادم يوم الاتنين و بيسموه الملك الطيب
و حصل نفس اللى حصل فى قصر الملك عبدالله بس الفرق أن الفاكهه كانت مختلفه و اللى قدمهالى جنيتين من الجنيات بارعات الجمال
بعد كدا توالت الزيارات و رحت قابلت
الملك أبا محرز الأحمر خادم يوم الثلاثاء ولقيته لابس تاج احمر اللون و عرفت أنه ملك مسلم .....
الملك محرز بيلقبوا بـ "الملكابا محرز"
وكلمة "مالكابا" هي كلمة عبرية تعني الملك. #دجيهان_عادل
الملك محرز وكنيته أبو يعقوب له أتباع وجيوش ووزراء وحاشية لا تحصى. وبيتميّز الملك أبو يعقوب بقوة خارقة غير اعتيادية و عرفت منه أنه مخسرش اى معركه فى حياته . وهو ملك شرس جدا ويمتاز بالخدع العسكرية، وهو من المتطرفين في الدين.#دجيهان_عادل
كمان بيمتاز بطبعه الجدي والعصبي، ونادراً ما يبتسم.
و من المعلومات اللطيفه اللى عرفتها عنه أن اسمه في زمن النبي سليمان كان شوغال وهي كلمة سريانية معناها المفيد.
طبعا انا خرجت من عنده أكثر انبهار من اى ملك زرته من الملوك الحاكمه السبعه لأن شخصيته عجبتنى جدا #دجيهان_عادل
بعد كدا زرت الملك برقان أبي العجائب خادم يوم الأربعاء.....يسمّى بأبي العجائب لأنّه يصنع المستحيلات ويلقّب بفارس الإسلام.
و بيلبس زى اسلامى ابيض اللون
وتاجه لونه أبيض فيه خمس دوائر صفراء اللون ومكتوب عليه "أنصروا الإسلام".
وهو أصغر الملوك وعنده دهاء فكري رهيب وقوة و احلى حاجه فيه ان الابتسامة مبتفارقش وشه#دجيهان_عادل
بعد كدا رحت زياره للملك شمهورش
و طبعا كنا بنسمع الاسم ده كتير اوى فى الافلام لان له تدخلات كتير فى الشؤون الحياتيه من طلاق و زواج و غيره
و لما دخلت عنده عرفت أنه من قضاة الجن و شفت التاج الاخضر اللى لابسه ...كمان بيرتدى ثوب اخضر و طبعا هو خادم يوم الخميس....
و عرفت أن شمهورش من كبار السن و عشان كدا مبيشاركش فى اى حروب...و هو بيسكن بلاد المغرب العربى #دجيهان_عادل
بعد كدا رحت زرت الملك السادس و هو الملك الأبيض اللى بيخدم يوم الجمعة....
و هناك عرفت ان الملك الأبيض هو نائب شمهورش في القضاء.
طبعا لبسه وتاجه من اللون الأبيض ويعتنق الديانة الإسلاميّة ويعتبر من المحافظين وبيتميز بالحكمه و الكلام القليل .#دجيهان_عادل
اخر ملك زرته كان الملك ميمون أبانوخ وهو الذي يخدم يوم السبت ويلبس ردائين من اللون الابيض و تاجًا باللون الاسود .#دجيهان_عادل
و هناك عرفت انه أقوى الملوك الأرضيّة
و انه مولع بلبس الأحجار الكريمة ومعروف بقوّته وشراسته في الحروب.
هو أقوى من أي مارد أو عفريت أو أي جن على وجه الأرض.
وعرفت أنّه بيعيش في بابل في العراق لارتباطه بروايات الحضارة البابليّة. #دجيهان_عادل
طبعا الملوك السبعه دول يعتبروا مشرفين على أعمال الجن يعنى مبيعملوش الحاجات الصغيره باديهم ...و عملهم مقتصر على الاشراف فقط
خلصت الزياره للملوك السبعه و اتعلمت منها و شفت كتير اوى لو فضلت عمرى كله اتعلم مكنتش هتعلم اللى اتعلمته فى السنه دى
السنه مرت عليا زى سبع ايام محستش بالزمن نهائى #دجيهان_عادل
بعد كدا الملك طارش كان هو الموكل بتوديعى زى ما كان موكل باستقبالى و فى نهايه الزياره هدانى خاتم من لؤلؤ عليه خدمه قويه و شكرته جدا على حسن الضيافه و الخاتم
رجعت فى السرداب زى ما نزلت بالظبط
قويه هايله كانت بتشدنى بسرعه رهيبه بس المره دى لأعلى #دجيهان_عادل
و بعد زمن لا يعلمه إلا الله وصلت للاوضه اللى خرجت منها و لقيت .....
#دجيهان_عادل
يتبع
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
#شقة٧٧(الجزء_الثانى)
#الحلقه_الثامن_عشر
رجعت فى السرداب زى ما نزلت بالظبط
قويه هايله كانت بتشدنى بسرعه رهيبه بس المره دى لأعلى #دجيهان_عادل
و بعد زمن لا يعلمه إلا الله وصلت للاوضه اللى خرجت منها و لقيت الاوضه زى ما سبتها
الحاجات واقعه على الأرض فى كل مكان
و الدخان الكثيف اللى كان مالى الاوضه خف و قدرت اشوف كل حاجه فيها
كمان السرداب اللى شفته اتفتح مبقاش له أى وجود #دجيهان_عادل
خرجت من الاوضه و كان الوقت متاخر و رحت على الاوضه اللى بيقعد فيها صافور
لقيته قاعد و كان خلص شغل اليوم
اول ما شافنى و لمح الخاتم فى ايدى اتنفض من مكانه و ظهر عليه الفزع الشديد معرفش ليه #دجيهان_عادل
سألته عن الحال و قالى أن الحال عال و أنه محتفظ ليا بالفلوس اللى جمعهالى فى الخزنه زى ما قلت له
صرفت صافور و قلت له يرجع مكانه .
و قعدت افكر انى لازم اتنقل نقله تانيه خالص
مقابلتى لملوك الجان ادتنى ثقه بنفسي وصلت لحد الغرور
و قررت انى اتشهر اكتر منا مشهور
فكرت فى اللى يشهرنى الشهره اللى هى
و ساعتها مش هعالج الناس الغلابه بالف و الا الفين لااااا دا انا هيبقى مستوايا عليوى اوى اوى #دجيهان_عادل
انا لازم اعمل قناه فضائيه و اشتريلى تردد زى ما بنسمع ...و افتح لى قناه و اسميها ...اسميها ؟؟؟؟ تسميها ايه يا شيخ صابر ؟؟؟؟ ايوووووه عرفت هسميها قناة العارف بالله الشيخ صابر الهلالى
حلو اوى انا من بكرا هشوف إجراءاتها ايه و امشي فيها .#دجيهان_عادل
نمت اليوم ده و كلى امل انى هحقق اللى تخيلته و أن شهرتى هتوصل الآفاق
فى الليله دى حلمت حلم غريب اوى ...حلمت بيارا
انا بقالى سنين معرفش عنها اى شئ و يمكن نسيتها اصلا ...الحقد و الغرور اللى ملوا قلبى نسونى يارا و نسونى انى كنت عمر اصلا
انا شفت يارا مرميه فى بير غووووويط و شكلها رهيب زى الهيكل العظمى وشها شاحب جداااا و شعرها الطويل واقع كله
و هى فى الاول فضلت تعافر تعافر لكن فى النهايه بقت قعده فى قعر البير زى ما يكون مستنيه نهايتها
قمت من النوم مستغرب اوى و للاسف مبقتش ازعل و لا يكون فى قلبى ذرة حب لاى شخص #دجيهان_عادل
انا بقيت حاجه تانيه خالص ...بقيت مجرد مسخ معدوم الإحساس و المشاعر
كل اللى حسيت بيه لما شفت الحلم ده ان عمر القديم اتدفن معاها جوه البير و فاضل له حاجه بسيطه اوى عشان يروح خالص و ينتهى للأبد .
التفكير فى الحلم مستغرقش منى دقايق و قمت اخدت دش و غيرت هدومى و طلعت فلوسي اللى جمعهالى صافور حطيتها قدامى#دجيهان_عادل
و طلعت موبايلى عشان اتصل بفريد المحامى عشان اشوف إجراءات القناه الفضائيه
لما فتحت موبايلى لقيت حاجه غريبه اوى
لقيت امى رانه عليا فى اليوم اللى نزلت فيه مملكه الجان
و مش رنة واحده بس ...دى رانه رنات كتير اوى بمعدل كل شهر مره او مرتين
جالى رسايل كتير بالمرات اللى حاولت تكلمنى فيها #دجيهان_عادل
معرفش ليه اول ما شفت كلمه امى على شاشه الموبايل حسيت بعصره جوه قلبى و لقيت نفسي افتكرت كلام جابر انها مش امى و انها لاقتنى مرمى على الأرض
ساعتها لمت نفسي و قلت مالك يا شيخ صابر دى مجرد واحده ست ربتك
سرحت بخيالى و افتكرت الحاجات اللى كانت بتعملها معايا الست دى ....
الست كانت حنينه اوى عليا مكنتش تنام الا لما تيجى تطمن عليا و تقعد جنب سريرى و تطبطب عليا و تطمن غمضت عينى و الا لا
كانت تحرم نفسها من الحاجه اللى بتحبها و تديهالى #دجيهان_عادل
طب و ماله ...مش كانت عاوزه تحس بالامومه و وجودك هو اللى حسسها ؟!!
ايوه بس مش معقول الحنيه اللى كانت بنتعامل بيها دى انا مشكتش لحظه انها امى
و ماله برده ما هى لازم كانت تعمل كدا امال عاوزها تعاملك ازاى يعنى ؟
فضلت اكلم نفسي زى المجنون و معرفش ليه جه فى دماغى كلام جابر و لاول مره فكرت أن يمكن جابر ضحك عليا و كلامه كله كدب #دجيهان_عادل
فى اللحظه دى لقيت تليفونى بيرن رنته خلعت قلبى من مكانه لانى كنت مركز اوى فى موضوع والدتى ده
بصيت للتليفون لقيت رقم جابر
يوووو ...هو عرف ازاى انى رجعت ؟
الو ازيك يا شيخ جابر
حمدالله على السلامه يا شيخ صابر
الله يسلمك #دجيهان_عادل
إن شالله تكون رحلتك موفقه
الحمد لله يا شيخ
تستاهل الحمد يا سيدى ...شايفك راجع و محمل
محمل ؟؟ محمل ايه ؟؟
هتخبى عليا يا صابر ؟؟؟
هخبى ايه بس ؟ انا فعلا مش فاهم قصدك ايه
قصدى الخاتم
اه ..دا خاتم عليه خدمه عاديه
لا لا عادية ايه بس ؟ دا خادم عليه ملك من الملوك #دجيهان_عادل
ياااا مكنتش اعرف
على مين يا شيخ صابر ؟ دا انا اللى مربيك على اديا دول
يعنى عاوز ايه منى مش فاهم
عاوز الخير يعم عليا و عليك ...انا لولايا مكنتش هتبقى فى الهنا اللى انت فيه دا
هنا ؟؟؟؟ #دجيهان_عادل
ايوه هنا ...انت معاك قوه تقدر تعمل بيها اللى عقلك ميتصوروش
عاوز ايه يا جابر ؟
جابر كدا من غير شيخنا ؟؟؟؟ اه ما هو اللى على على ...عاوز الخاتم اعمل بيه مصلحه و ارجعه لك تانى #دجيهان_عادل
خاتم ايه اللى ادهولك ؟؟ الخاتم ده بتاعى و الخدمه اللى عليه تبعى انا بس
ملكش دعوه انا هعرف اخلى الخدمه اللى عليه تبقى تبعى انا
و ان قلت لك لا هتعمل ايه ؟؟
لا لا كدا انا ازعل منك و انت عارف زعلى وحش اوى
ازعل وورينى هتعمل ايه
ياااا دا احنا قوينا اهو و بقينا نعرف نتكلم كمان #دجيهان_عادل
انا بعرف اتكلم من زمان يا جابر
ماشي يا سي صابر هنشوف فتحة الصدر اللى انت فيها دى اخرتها ايه
جابر قفل السكه و بالرغم انى رديت عليه لكن الخوف اللى كان مربيه فى قلبى لسه موجود ...معرفش ليه حسيت انى اتهزيت من تهديده ....يمكن عشان عارف انه قذر و بيتبع أساليب قذره زيه
ساعتها فكرت ليه طلب منى الخاتم ده بالذات ؟؟#دجيهان_عادل
اكيد الخاتم ده له قوه انا مش مقدرها
قررت استدعى الخدمه اللى على الخاتم و اسألها عن حاجه و اشوف
حركت الخاتم و ألقيت العهد و ظهر قدامى كائن ضخم جدا
اسمك ايه
أسمى سافير
رتبتك ايه يا سافير #دجيهان_عادل
انا مارد
طيب يا سافير عاوز اسالك على حاجه
تفضل
انا عاوز اعرف ....
#دجيهان_عادل
يتبع
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
#شقة٧٧(الجزء_الثانى)
#الحلقه_التاسعه_عشر
ساعتها فكرت ليه طلب منى الخاتم ده بالذات ؟؟#دجيهان_عادل
اكيد الخاتم ده له قوه انا مش مقدرها
قررت استدعى الخدمه اللى على الخاتم و اسألها عن حاجه و اشوف
حركت الخاتم و ألقيت العهد و ظهر قدامى كائن ضخم جدا
اسمك ايه
أسمى سافير
رتبتك ايه يا سافير #دجيهان_عادل
انا مارد
طيب يا سافير عاوز اسالك على حاجه
تفضل
انا عاوز اعرف الحكايه اللى حكهالى جابر عن اهلى صحيحه و الا لا ؟ تقدر تخطف لى قرينه امى و تجيبهالى هنا
طبعا اقدر #دجيهان_عادل
فى اد ايه ؟؟
قبل ما عينك ترمش اكون جايبهالك هنا
صحيح؟؟؟ طب نفذ
و فى لحظه لقيت سافير جاب قرينه امى و وقفها قدامى
تعالى متخافيش .....اسمك ايه ؟؟
أسمى ماهس
اه عكس سهام ؟
ايوه
طيب عاوز اسالك يا ماهس انتى كنتى موجوده ساعة ما لقونى مرمى بدمى فى حته مقطوعه صح ؟؟#دجيهان_عادل
لا
لا ايه ؟ امال كنتى فين ؟
جابر ضحك عليك
ازاى ؟؟
انا حضرت ولادتك و سهام هى امك
طب و جابر هيضحك عليا ليه ؟؟
جابر كان غرضه تتمرد على اهلك لما تعرف أنهم أغراب عنك و تسيبهم و تمشي عشان يعرف يتحكم فيك كويس #دجيهان_عادل
معقوله ؟؟؟ يعنى جابر كان بيخدعنى طول الفتره دى كلها ؟؟؟ اااه عشان كدا قالى خلى ده سر ما بينا و متقولش لحد ....بقا كدا يا سي جابر ؟؟
طب قوليلى امى عامله ايه دلوقتى ؟؟؟
امك من ساعه اللى عملته فيها و تركك للبيت دموعها منقطعتش لا ليل و لا نهار ...لدرجه انها من كتر الزعل جالها جلطه فى المخ و قعدت شهور بين الحيا و الموت
لكن كان عندها امل انها تشوفك مره تانيه و مقطعتش دعاء ليك لا ليل و لا نهار أن ربنا يهديك و يبصرك بالحقيقه
طب ابويا محاولش يتصل بيا او يرجعنى ليه ؟؟
ابوك زعله كان كبير اوى اوى و زاد اكتر لما والدتك تعبت بسببك #دجيهان_عادل
طب و صحتها عامله ايه دلوقتى ؟
للاسف والدتك مبقتش تمشي على رجليها ...الجلطه اثرت عليها
سمعت الكلمتين دول من هامس و حسيت بنار ملت قلبى ...
كل اللى حصلى ده بسبب جابر ...كل اللى انا فيه دلوقتى هو سببه ....
عمرى ما كان يجى فى خيالى انى ألغى عمر و ابقى الشيخ صابر
جابر حولنى لمسخ بلا قلب وحيد مليش أهل و لا سند . مسخ همه جمع الفلوس من غير ما يعرف حتى هيصرفها على مين و الا فى ايه ؟
جابر نجح أنه يموتنى و انا على ضهر الدنيا
حتى الخدمه اللى انا فرحان بيها و بقول انى امتلكت بيها الدنيا حتى دى كذبه كبيره مفيش واحد منهم بيعمل لى خدمه الا لما يطلب منى خدمه قصادها يعنى انا اللى شغال عندهم مش هما اللى شغالين عندى
انا لازم انتقم من جابر زى ما دمر ليا حياتى
بس ازاى ؟؟ انا لسه فى جوايا خوف منه بالرغم من القوه الكبيره اللى معايا
شاورت لسافير أنه يرجع ماهس و فى لحظه كان قدامى #دجيهان_عادل
خدمه تانيه يا شيخ صابر ؟؟
ايوه يا سافير انا عاوز منك خدمه كبيره شويه و مش عارف هتعرف تعملهالى و الا لا ؟
اى خدمه تريد ؟؟
تقدر تخطف لى جابر ؟
طبعا
بس دا معاه خدمه قويه مش اى حد يقدر عليها
الامر بالنسبالى فى منتهى السهولة
بجد ؟؟ طب تقدر بعد ما تخطفه تسحب خدمته تجيبهالى
اى نعم
حلو اوى ...انا عاوزك بقا تخطفه و تسلسله و تحطه فى الاوضه اللى انا كنت عامل فيها الخلوه ...اللى فى الصحرا دى ..عارفها ؟؟
ايوه عارفها
الموضوع ياخد منك اد ايه ؟؟
مجرد لحظات
عظيم ...نفذ و ادينى التمام #دجيهان_عادل
بعد ثوانى لقيت سافير ظهر قدامى و بيقولى تم
تسلم يا سافير انصرف انت دلوقتى
انصرف سافير و قعدت افكر ازاى انتقم من جابر الانتقام اللى يشفى غليلى منه
قررت انى اسيبه تلات ايام من غير اكل و شرب و بعد كدا اروح له
و فعلا عملت كدا و سبته تلات ايام و رحت له فى اليوم الرابع
اول ما فتحت عليه الباب كان قاعد ذليل زى الكلب فى ركن من أركان الاوضه و كنت تقريبا سامع صوت بطنه من شدة الجوع لانه بيعز الاكل شويه
لما فتحت الباب كان قاعد حاطط اديه على عنيه و رأسه بين رجليه
رفع دماغه لما لقى الضوء بيتسلل للاوضه و فتح عنيه بصعوبه و هو بيبص يشوف مين اللى داخل عليه
ازيك يا جابر #دجيهان_عادل
هو انت ؟؟
هو حد يقدر يعمل فيك كدا غيري ؟؟
فكنى يا صابر و الا هتشوف السواد اللى مشفتوش فى حياتك
افكك ؟؟ هو انا رابطك ؟؟؟
ايوه انت عارف إن اديا و رجليا متسلسلين
لا لا ...متسلسلين ازاى ؟؟#دجيهان_عادل
بطل تريقه و فكنى بقولك لاحسن القى عليك تعويذه تسخطك فى لحظه
ههههههههه يا اما ....تصدق انا خوفت ...هو انت متعرفش أن خدمتك خلاص اتسحبت و بقت عندى
طب فكنى و انا اوعدك مش هأذيك
هو انت فاكرنى اهبل زى زمان و الا ايه ؟ دا مش بعيد لو فكيتك تقتلنى قبل ما رجلى تخطى بره الأوضة دى خطوه واحده
لا لا متخافش #دجيهان_عادل
لا انا مش خايف انت اللى خايف
طب بالله عليك تفكنى #دجيهان_عادل
ايه داااااا ؟ هو انت تعرف ربنا يا جابر ؟؟؟ ايه هتعملهم عليا ؟ دا احنا دافنينه سوا يا حبيبي
طب فكنى و اوعدك انى هسيب لك البلد كلها و هسافر بره مصر خالص و معنتش هتشوف وشى نهائى
طب و انا استغنى عنك و عن وشك ؟؟ دا انا لازم كل يوم الصبح اجى أصبح عليك و اخد منك هديه حلوه كدا #دجيهان_عادل
هديه ايه دى ؟؟ انا مستعد اجيب لك فلوس كتير اوى فوق ما تتصور
لا لا هو انا بتاع فلوس برده ؟ انا هاخد منك انت شويه هدايا تذكاريه شخصيه كدا ...حاجات كدا مش هتلزمك بعدين
حاجات ايه اللى مش هتلزمنى مش فاهم ؟؟
الله الله الله انت بقيت غبى و الا ايه و الا يمكن الحبسه أثرت على دماغك شويه
على العموم هقولك و امرى لله
يعنى مثلا اخد منك تذاكار زى صباع ... أو ودن ... عين حلوه كدا ...يعنى حاجات من اللى كنت بتأذى بيها خلق الله دى #دجيهان_عادل
ههههههههه على أساس انك انت كمان مأذتش خلق الله ؟؟
ما هو كله بسببك ؟؟
انا مضربتكش على ايدك يا اخويا كله بمزاجك
فعلا عندك حق ...منكرش أن جزء كبير من الغلط انا اتحمله بس ملحوقه انتقم منك الاول و بعد كدا اشوف هعمل ايه #دجيهان_عادل
طب فكنى بقا ...فكنى و انا اوعدك انى مليش دعوه بيك نهائى و لا هتدخل فى حياتك ...ارحم شيبتى دا انا زى ابوك
اخرس متجبش سيرة ابويا على لسانك ....ابويا اللى ضحكت عليا و قلت لى أنه لاقانى هو و امى فاكر و الا لا ؟
لا مضحكتش عليك هى دى الحقيقه
لسه بتكدب ؟؟؟ تانى يا جابر .....انا خلاص عرفت كل حاجه و عرفت اد ايه انت أقذر انسان شفته في حياتي
طب انا اسف فكنى ارجوك #دجيهان_عادل
انا ممكن افكك بس بشرط
شرط ايه؟؟؟ انا موافق على كل شروطك
لا هو سؤال واحد لان فى حاجه كدا جت قالت لى على حاجه و عاوز اتاكد منك
حاجه ايه ؟ و قالت لك ايه ؟؟؟
ابنك منسي راح فين ؟؟#دجيهان_عادل
و ايه اللى فكرك بمنسي دلوقتى ؟؟
متجاوبش على سؤالى بسؤال ...و قولى منسي فين ؟؟؟
منسي مات
ايوووووه ...قولى بقا مات ازاى و ليه ؟
#دجيهان_عادل
يتبع
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
#شقة٧٧(الجزء_الثانى)
#الحلقه_العشرين
انا ممكن افكك بس بشرط
شرط ايه؟؟؟ انا موافق على كل شروطك
لا هو سؤال واحد لان فى حاجه كدا جت قالت لى على حاجه و عاوز اتاكد منك
حاجه ايه ؟ و قالت لك ايه ؟؟؟
ابنك منسي راح فين ؟؟#دجيهان_عادل
و ايه اللى فكرك بمنسي دلوقتى ؟؟
متجاوبش على سؤالى بسؤال ...و قولى منسي فين ؟؟؟
منسي مات #دجيهان_عادل
ايوووووه ...قولى بقا مات ازاى و ليه ؟
مات زى اى حد ما بيموت
برده هتلف و تدور عليا ؟؟ يا جابر انا عارف انك أقذر خلق الله و عارف انك ممكن تعمل اى حاجه فى الدنيا عشان مصلحتك فجيب بقا كدا من النهايه و قولى وديت الواد فين ؟؟
كدا كدا كان هيموت
ايوووه قول كدا الحكايه و سمعنى ...احنا كنا نعرف أنه سافر مع والدته و سابوك و طبعا محدش اهتم يسأل عليه لأنه كان منبوذ بسببك ....قولى بقا قتلته هو و امه ازاى ؟؟#دجيهان_عادل
امه ؟؟؟ ايه اللى دخل امه دلوقتى فى الموضوع ؟؟
ما هى هى كمان اختفت يبقى اكيد قتلتها
كان لازم اقتلها و اقتل ابنها
يا جمالو احكيلى احكيلى
هحكيلك بس هتفكنى زى ما وعدتنى
طبعا طبعا بس احكى
قبل ما ادخل سكة السحر و الاعمال كنت راجل غلبان بشتغل غفير و كنت على أدى فى كل حاجه و ده طبعا مكنش عاجب مراتى و بقت تتمرد عليا و تشتمنى و تقل منى #دجيهان_عادل
كنت بصبر و بسكت عشان مكنش قدامى غير كدا و كمان عشان كنت بحبها اوى
و فى يوم كنت راجع من شغلى بدرى على غير العاده شفتها بتخونى على سريري مع عشيقها
الدم فار فى دماغى لكن للاسف مقدرتش اعمل اى حاجه.... هو جرى نط من الشباك و هى بكل بجاحه بصت لى و قالت
امال انت فاكر انى عايشه معاك ليه ؟؟ هو انت فاكر انك راجل ؟؟؟
ليه تعملى فيا كدا ؟؟#دجيهان_عادل
انت عارف ليه ...انا عملت لك اسره و بيت قدام الناس و مخلياك راجل قدامهم اكتر من كدا متطلبش منى
طب و منسي ؟؟
ههههههههه انت فاكر منسي ابنك ؟؟؟
يعنى انتى بتخونينى من زمان بقا ؟؟
من تانى اسبوع و حياتك
دا انا كنت راجل اهبل اوى ...ازاى معرفتكيش على حقيقتك كدا ؟؟
بقولك ايه لو عاوز تطلقنى طلقنى انا زهقت منك
بس انا بحبك #دجيهان_عادل
تصدق انك راجل عديم النخوه و عديم الرجوله ...يا راجل يا عره دا انت لسه شايفنى مع راجل غيرك
سبتها و مشيت ...كنت أضعف من انى اخنقها أو أطلقها
فضلت ماشي لحد ما وصلت حته مقطوعه بعيد عن البلد خالص معرفش وصلت هناك ازاى و فضلت اعيط اعيط و الدنيا كانت ليلت عليا #دجيهان_عادل
فكرت ساعتها اموت نفسي و اخلص من حياتى و فجأه ظهر لى راجل طويل جدا اسود بسواد الليل و ابتدى يكلمنى و دى كانت اول مره فى حياتى اشوف عفريت
العفريت ده اتفق معايا أنه يساعدنى و كنت فاكره رق لحالى
بس بعد ما غرست رجلى بقى يطلب مقابل لخدماته
اول حاجه طلبتها منه انى اتعلم السحر و فعلا علمنى و كنت اتفنن فى أذية الناس
اللى عملته فيا مراتى خلانى اكره كل البشر و أذيهم بكل ما اوتيت من قوه
طب و البشر عملولك ايه ؟ ما كنت تتشطر على اللى اذتك #دجيهان_عادل
ما هى دورها جه و انا كنت برقد لها عشان لما انتقم منها يبقى انتقام عظيم
لما ابتديت اشتغل بالسحر بقت تضحك عليا و تسخر منى و تقولى انت متنفعش فى اى حاجه لكن لما ابتديت أثبت لها انى بعرف و ابتديت ادخلها قرش اتغيرت تماما و بقت تسحب ناعم بس انا كنت خلاص بعت قلبى للشيطان و بقيت احاول اتعلم اى حاجه عن السحر علشان اكون اقوى و اقوى #دجيهان_عادل
و طبعا عرفت من خلال القرين بتاعها كل حاجه عنها و كل اللى عملته من ورى ضهرى و كان همى اعرف منسي ابنى و لا لا ؟ و عرفت أنه ابنى لكن هى حاولت تشوهنى و تغيظنى و تقول أنه مش ابنى
ركزت اوى و بقيت اسافر و اشترى كتب السحر القديمه علشان اتعلم منها اكتر و اكتر لحد ما وقع فى ايدى المخطوطه اللى وقعت فى ايدك ....بس انا غيرك انا اتعلمت اللغه السريانيه علمهالى العفريت اللى قلت لك عليه
و عرفت الطريقه بالظبط و كنت عارف إن زياره مملكه الجن وقبولهم لانسي بيكون جزائها أنهم يهدوك خاتم عظيم جدا تقدر تحقق بيه كل اللى بتحلم بيه #دجيهان_عادل
و من هنا زاد شغفى زيك تمام و لما سالت العفريت عن الدم الخليط قال زى ما قلت لك
ساعتها جه فى دماغى مراتى و أن قتلها و اخد دمها هو الشئ الوحيد اللى هيشفى غليلى منها لان هيجى من وراها مصلحه كبيره
و فعلا ابتديت اخطط لقتلها بس كان لازم اعذبها شويه قبل ما اقتلها .... حبستها و كنت بستمتع بعذابها كل يوم لدرجه انها كانت بتتمنى الموت متلاقيهوش #دجيهان_عادل
و جه اليوم الموعود و قتلتها و صفيت دمها باديا و اخدته و كنت محضر النوعين التانين و عملت الطقوس كامله لكن للاسف غلطت فى اسم و انا بولع شمعه من السبعه و سبعين شمعه ....ساعتها الدنيا اتقلبت و لقيت المكان اتحول لنار و لقيت نفسي مقلوب.... راسي تحت و رجليا فوق و النار بقت تقرب منى على شكل كوره ضخمه جدا
بقيت اتحايل و استحلفهم ميأذونيش و انى خادمهم المطيع و هنا سمعت صوت ضخم بيقول عاوزنا نسيبك قدم دم منسي ابنك قربان#دجيهان_عادل
منسي ابنى ؟؟؟ لا
هو كدا كدا هيموت لأننا هنحرق البيت باللى فيه ......انت حرقت واحد مننا لما غلطت فى اسمه و مفيش حل غير انك تثبت ولائك لينا و تقدم دم ابنك
و وافقت النار وقفت و نزلونى اخدت السكينه اللى دبحت بيها مراتى و دبحته هو كمان و قدمت دمه
ساعتها سابونى بس طبعا معدش ينفع انى اطلب الزياره مره تانيه و كان لازم استخدم حد غيري
ايه دا ؟؟؟ استنى استنى يعنى انت اللى كنت السبب فى أن المخطوطة تقع فى ايدى ؟؟#دجيهان_عادل
يعجبني ذكائك انا اللى وقعت المخطوطة فى ايدك و انا اللى كتبت الملحوظات اللى انت شفتها بنفس الخط بأنك تاخد بالك كويس اوى و انت بتنطق الاسماء عشان ميحصلكش اللى حصلى
طب و هتستفيد ايه من دا كله ؟؟
هستفيد الخاتم
طب و ليه اللفه دى كلها ما كنت جيت قلت لى دوغرى كدا
مكنش ينفع كنت هتشك فيا و يمكن مترضاش تنزل أو حتى لو رضيت كنت ساعتها هتعرف قيمه الخاتم و مش هترضى تدهولى #دجيهان_عادل
يااااااا دا انت شيطان بقا تعمل دا كله عشان الخاتم و تلعب بيا زى العروسه اللعبه فى ايدك بالشكل ده .....دا انا كنت ساذج اوى
انا قلت لك على كل حاجه فكنى بقا
لا مقولتش على كل حاجه ليه اخترتنى انا بالذات ؟؟
علشان انت شاب متعلم كل اللى كان بيجولى كانوا تقريبا جهله عديمى الايمان
بس انت عجبتنى لما جيت و حكيت لى عن مايس و لقيت أن دى مشكله تافهه جدا
مش مقتنع بكلامك مش ممكن مكانش بيجيلك الا الجهله ... اكيد فى سبب تانى خلاك تختارنى انا #دجيهان_عادل
هقولك و تفكنى ؟؟؟
ما قلنا هفكك....... اخلص
حبك لبنت خالك هو السبب ...
ازاى بقا ؟؟
انا شفت فى قلبك حب كبير لها و شفت فى عينك خوف كبير عليها دا فكرنى بحبى الكبير لمراتى و ساعتها حسيت بالغيره الشديده و قررت انى لازم اهدم الحب ده و ابعدك عن اهلك و عشان كدا اخترعت حكايه انهم لاقوك دى#دجيهان_عادل
و ازاى انا صدقت بالسهوله دى ؟
انا حطيت لك حاجه فى العصير اللى شربته لك تخليك تسمع كلامى و متفكرش ابدا ورايا
يااااا مش ممكن تكون انسان طبيعى انت اكيد إبليس متمثل فى صوره انسان
انت كدا عرفت كل حاجه ...ارجوك سبنى
انا هفك اديك و رجليك عشان وعدتك بس لكن انت هتفضل محبوس هنا لحد ما افكر هعمل فيك ايه #دجيهان_عادل
بس دا مكنش اتفاقنا يا شيخ صابر
انا متفقتش معاك انى اسيبك ...انا اه هفك ايدك من الربطه اللى رابطها لك سافير بس انا جايب معايا سلسله بحجر كبير هربط لك بيها اديك و رجليك علشان متقدرش تتحرك بس هتقدر تاكل التمر اللى انا جايبهولك#دجيهان_عادل
استدعيت سافير و طلبت منه يفك الربطه اللى رابطها لجابر و يسلسله بالسلسله الحديد اللى فى اخرها حجر تقيل علشان ميقدرش يبعد بعيد
خرجت من عند جابر و انا مذهول من اللى سمعته و حاسس انى تايه مش عارف اتصرف 😔 .
#دجيهان_عادل
يتبع
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
#شقة٧٧(الجزء_الثانى)
#الحلقه_الواحد_و العشرون_و_الاخيره
استدعيت سافير و طلبت منه يفك الربطه اللى رابطها لجابر و يسلسله بالسلسله الحديد اللى فى اخرها حجر تقيل علشان ميقدرش يبعد بعيد
خرجت من عند جابر و انا مذهول من اللى سمعته و حاسس انى تايه مش عارف اتصرف 😔 .
كل ده كنت مجرد لعبه فى ايده ....كل تحركاتى اللى كنت فاكر انى انا اللى بعملها مطلعتش انا طلع هو ...هو اللى عمل فيا دا كله #دجيهان_عادل
انا ازاى سمعت كلامه و كنت ماشي زى الاعمى وراه .
بالرغم من كل اللى عملته ده بس كنت حاسس انى حقير انسان ضعيف قذر كنت بضحك على نفسي و بقول انى ملكت الدنيا بس أدى انت عرفت انك كنت مجرد لعبه فى ايد جابر ...ياااه يا عمر ....انت بقيت مين ؟؟
قعدت اكلم نفسي زى المجنون و دخلت بيتى و انا شارد حزين و طلبت من المساعدين يصرفوا الناس
دخلت اوضتى و قعدت على سريرى و انا حاسس انى مش قادر اخد نفسي حاسس ان الدنيا كلها زى خرم الابره فى نظرى
حطيت راسي على المخده و كل اللى حصلى من اول ما رحت لجابر مر من قدام عينيا و فهمت حاجات كتير كانت غايبه عنى #دجيهان_عادل
فكرت كتير اوى و لقيت انى مليش حد اروح له احط دماغى على كتفه و اعيط و اشكيله حالى حتى ربنا مليش وش ارفع ايدى له و ادعيه
مكنتش عارف انام لحد ما سمعت اذان الفجر و كانت دى اول مره اسمع الاذان من سنين معرفش زى ما يكون حاجه كانت حاجباه عنى
اول ما سمعته و كان صوت المؤذن عذب جدا لقيت دموعى بتنزل و بالرغم من ده كنت أجبن من انى احاول حتى الجأ لربنا أو افكر انى اغتسل و اصلى
عينى غمضت معرفش ازاى و لقيت نفسي فى حته زى ما نكون يوم القيامه ناس كتير بتجرى مش عارفه رايحه فين ....الخوف سيد الموقف ...الكل خايف و مذعور و انا واقف لوحدى مفيش حد معايا و فجأه لقيت ناس شكلها ضخم جدا جايه تاخدنى و سلسلتنى بسلاسل طويله جدا كانت لافه حوالين جسمى بالكامل من رقبتى لحد رجلى و بدأو يجرو فيا و انا اصرخ و اصرخ و هما كأنهم مبيسمعوش
قعدوا يجروا فيا لحد ما وصلت لحافه زى حافه الجبل بصيت تحت لقيت نار مولعه زى نار البراكين ...حميم مصهور
ارتفع صوتى بالصريخ و بقيت استحلفهم أنهم يسيبونى و هما و لا هما هنا
و فجأه ظهرت يارا على يمينى و امى على شمالى
امى خبطت على كتف الراجل اللى ماسكنى و طلبت منه أنه يسبنى
الراجل بص لزميله التانى بمعنى اسيبه و الا لا ؟#دجيهان_عادل
الراجل التانى اللى على يمينى بص ليارا كأنه بيقولها ارميه و الا لا ؟؟
يارا قالت له أنا مسمحاه سيبه
فجأة لقيت السلسله اتفكت من حوالين رقبتى و جسمى ولقيتهم سابونى و مشيوا
وقفت مش عارف اقول ايه
فى اللحظه دى امى طبطبت على كتفى و قالت لى ارجع يا عمر
مقدرش يا اما ...جابر هيضرنى
نطقت يارا مفيش جابر خلاص ...ارجع يا عمر
فتحت عينى و انا مش مصدق اللى شفته يعنى ايه جابر خلاص ؟؟
معقوله يكون الكلام اللى شفته ده صحيح ؟؟؟ و الا عقلى الباطن هو اللى صور لى كدا ؟؟
انا لازم اتأكد بنفسي
استدعيت سافير و سألته عن جابر
سافير قالى الخبر اللى كنت مستنيه من زماااان ...جابر مات
مات ازاى يا سافير ؟؟
جابر انتحر بالسلسله اللى كان مربوط بيها لفها على رقبته و شد نفسه و مع وجود الحجر فى اخر السلسله اتخنق و مات
معقولة؟؟؟ يعنى الحلم اللى شفته كان حقيقه ؟؟؟
انا عاوزك يا سافير تشيل جثته و ترميها فى الصحرا الكلاب تاكلها
امرك
قمت من على سريري و انا حاسس براحه شديده ...حاسس انى رجعت عمر مره تانيه #دجيهان_عادل
طلعت بسرعه و ركبت عربيتى و رحت على بلدى
كان نفسي اشوف امى اوى و خاصة انى عرفت انها تعبانه
فتحت بمفتاحى اللى احتفظت بيه سنين و دخلت
امى اول ما شافتنى فرحت اوى و بقت دموعها تنزل على وشها
انا بقا نزلت على ركبتى قدام كرسيها اللى قاعده عليه و قعدت ابوس فى ايديها و رجليها و هى تحضن فيا و تبوسنى و تقولى كنت عارفه انك هترجع ...كنت متأكدة ... عارفه أن ربنا مش هيخذلنى ابدا
سامحيني يا امى #دجيهان_عادل
مسمحاك يا ضنايا ...مسمحاك
فين ابويا استسمحه هو كمان ؟
ابوك فوق بينام فى اوضتك كل يوم
و طلعت لوالدى و بوست على ايده و رجله و استسمحته
ابويا سامحنى و فرح برجوعى اوى
نزلت انا و هو لامى و فجاه جرس الباب رن
لقيت امى بتبتسم و بتقولى اكيد دى يارا ...كل يوم بتجيلى عشان تشوف طلباتى
طب انا هطلع فوق يا امى
ليه يا عمر ؟؟؟ #دجيهان_عادل
انا محرج من اللى عملته معاها
لا يا ابنى يارا قلبها ابيض و عمرها ما زعلت منك ابدا
يارا دخلت و اول ما شافتنى عيطت و انا كمان عيطت و طلبت منها اننا نروح تحت الشجره بتاعتنا علشان اقولها على اللى جوايا
يارا هزت دماغها بالموافقه من غير ما تنطق و لا كلمه
اخدتها و رحنا و مكنتش عارف ابدأ منين
يارا بصت لى و قالت لى :
ليه عملت كدا يا عمر ؟؟ ليه اذتنى و اذيت امى ؟؟ كنت فاكره انى اقرب الناس اليك لكن يا خساره#دجيهان_عادل
عذبتنى سنين و سنين لفيت على كل الأطباء اللى هنا... لفيت على المشايخ و مصدقتش أما واحد فيهم قالى انى معمول ليا سحر و انى هحلم باللى عمل فيا كدا
و شفتك فى الحلم و مصدقتش قمت اصرخ و اقول عمر لا يمكن يعمل كدا ...اكيد فى حاجه غلط .
كلامها كان بيقطع فى قلبى كأنه سكاكين و بدأت اشرحلها كل اللى حصل معايا من بدايه ظهور مايس ليا فى الشقه و تهديدها ليا انها هتأذيها و لجوئ لجابر علشان يلاقيلى حل ...و شربى السحر و سماعى كلامه و تحولى من عمر للشيخ صابر
حكيت لها كل حاجه حتى نزولى لمملكه الجن و معرفتى أن جابر هو اللى خطط لكدا وأنه هو سبب تدميري و سلب روحى
كل ده و يارا ساكته بتسمعنى ...بعد ما خلصت كلامى لقيتها بتقولى :
طب و انت مش خايف ان جابر يأذيك عشان حكيت لى الكلام ده ؟
جابر مات يا يارا ...انتحر انهارده الفجر
عاش كافر .....و مات كافر .....انا هساعدك يا عمر و هوديك للشيخ اللى عالجنى بس انت لازم تتخلص من اى شئ يخص السحر
يعنى الكتب و الخواتم و كافة شئ
حاضر يا يارا انا هعمل اللى قلتى عليه
و فعلا رحت للشيخ اللى راحت له يارا و قرأ عليا القران دا بعد ما اغتسلت و نطقت الشهاده مره تانيه #دجيهان_عادل
الشيخ طلب منى التخلص من كل شئ يخص السحر
و فعلا رجعت البيت و حرقت كل الكتب اللى كانت عندى و استدعيت الخدمه الموجوده على الخواتم اللى معايا و صرفتهم قلت لهم انا خلاص معنتش محتاجهم و يقدروا يروحوا لحال سبيلهم
بعد كدا رميت الخواتم فى النار مع الكتب و قفلت البيت و صرفت المساعدين #دجيهان_عادل
رجعت بلدى و انا خلاص تائب الى الله و كلى امل أنه يغفر لى و يرحمنى
رجعت لصلاتى مره تانيه و مبقتش اسيب فرض و امى ربنا شفاها و الحمد لله و اخدتها هى ووالدى و رحنا عمره
اما يارا بقا فسامحتنى بس خلاص معدش ينفع انى اطلب منها تتجوزنى بعد العذاب الكبير اللى عذبتو لها هى ووالدتها .
كل همى دلوقتى أن ربنا يسامحنى مش عاوز اكتر من كدا .
تمت
. 🌻🌻🌻
انا عاوزه اقول كلمه
ربنا سبحانه و تعالى غفور رحيم يغفر لنا ما لم تصل الروح للحلقوم أو تشرق الشمس من مغربها
يقول رسول الله صلى الله عليه وسلم : ((لَلهُ أشدُّ فرحًا بتوبة عبده حين يتوب إليه من أحدكم كان على راحلَته بأرضٍ فَلَاة، فانفلتت منه وعليها طعامه وشرابه، فأيسَ منها، فأتى شجرةً فاضطجَعَ في ظلِّها قد أيس من راحِلَته، فبينما هو كذلك إذا هو بها قائمةً عنده، فأخذ بخِطامها، ثمَّ قال مِن شدَّة الفرح: اللهمَّ أنت عبدي وأنا ربُّك، أخطأ من شِدَّة الفَرح))
ومن رحمته أن وعد المسيءَ بتبديل سيِّئاته حسنات، قال تعالى: ﴿ إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا ﴾
ومن رحمته أنَّه لا يؤاخِذك بمعاصيك؛ بل يكلؤك ويَرعاك ويعفو عنك ويمهل أمرَك، فأيُّ رحمة أعظم من ذلك؟
اللهم انك عفو كريم تحب العفو فاعفو عنا
❤️❤️❤️❤️
ارجو أن القصه تكون نالت اعجابكم ...اذا عجبتكم القصه ارجو الدعاء لوالدى رحمه الله عليه و سائر موتى المسلمين
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
 #الحلقه_الثانى_عشر : فى ايه يا شيخ ؟؟ انا عملت ايه ؟ بقى يا راجل يا عره تدى بنتك لواحد من الجن ...لا و مش …){kind=link}
تعليقات
إرسال تعليق