ليلى و الذئب
الجزء الخامس
انا فحصتها و تقريبا كدا من الفحص المبدئى عندها جلطه
جلطه ؟؟؟ جلطه ازاى ؟
ضغطها مرتفع جدا و مش راضى ينزل و يمكن دا اللى عامل فيها كدا .. بس متقدرش نأكد على الكلام دا الا بعد ٢٤ ساعه
ليه بعد ٢٤ ساعه ؟
لأن للاسف الجلطه مبتظهرش فى الاشعه الا بعد مرور ٢٤ ساعه ...فأحنا مقدمناش الا اننا نستنى ...ادعيلها
لا حول و لا قوة الا بالله ....ربنا يشفيكى يا ناديه ...جيب العواقب سليمه يارب ..
انتظر فوزى مرور الساعات إلى أن ظهرت نتيجه الاشعه و بالفعل أصيبت ناديه بجلطه افقدتها الشعور بالنصف الأيسر من جسدها
ذهب فوزى للطبيب المعالج و سأله
انا عاوز اعرف يا دكتور حالة مراتى بالظبط
و الله زوجة حضرتك أصيبت بجلطة فى المخ
ايوا منا عرفت ....عاوز اعرف الجلطه دى هتعمل فيها ايه ؟؟
مش هتعمل فيها حاجه
ازاى مش هتعمل ؟ و هى مبتتحركش و بقها اتعوج و مش قادره تتكلم يا دكتور
يا فندم دى حاجه طبيعيه
طبيعية ازاى فهمنى
يعنى دى آثار الجلطه لكن احنا باذن الله هندوبها بالادويه و بعد كدا المدام هتعمل علاج طبيعى و ترجع زى الفل
يعنى هترجع سليمه ؟
باذن الله بنسبه كبيره
ليه هو ممكن يحصل لها ايه ؟؟
يعنى لو اهملت فى ادويتها ممكن متخفش تماما
لا لا مش هنهمل و باذن الله الدوا فى مواعيده بس هى حزينه على بنتنا اللى اختفت هل دا ممكن يزود حالتها ؟؟
و الله احنا بنديها مهدئات مع الادويه بتاعه الجلطه و باذن الله تعدى منها على خير
يارب يا دكتور ...انت متعرفش ناديه مراتى دى بالنسبالى ايه هى و بنتى طبعا ...دول عيلتى الوحيده مليش اى حد غيرهم
ربنا يقوم لك المدام بالسلامه و يرجع لك بنتك باذن الله
يارب يا دكتور
جلس فوزى بجوار سرير ناديه و أخذ يحدثها
يلا يا ناديه قومى كدا ...مش وقت دلع ...احنا محتاجينك و شركتك محتجاكى ...الله امال مين هيمضى الصفقه الجديده ؟ دى الصفقه اللى بتحلمى بيها من عشر سنين ...دى اللى هتنقلنا نقله تانيه خالص
فتحت ناديه عينيها و أخذت تبكى بدون صوت ..الدموع تغرق وجهها
الله الله ...متعيطيش بقا العياط مش كويس عشانك ...باذن الله هتكونى زى الفل
أشارت ناديه بيدها السليمه على صوره ليلى المعلقه فى السلسله التى ترتديها و كأنها تريد السؤال عنها
اه قصدك ليلى ؟؟؟ انا كل شويه بتصل بالقسم و بتابع معاهم متقلقيش و هما قالولى اى مستجدات هنعرفها هنتصل عليك على طول ...متخافيش يا ناديه هترجع باذن الله
رفعت ناديه عينيها للسماء كأنها تدعو و تأمن على دعاء فوزى
بس انتى شدى حيلك بقا عشان لما ترجع تلاقيكى كويسه و زى الفل ....لو رجعت لقتك بالشكل دا هتزعل عليكى اوى
اومأت ناديه برأسها إلى فوزى بالموافقه على حديثه
🌷🌷🌷🌷🌷🌷
ليلى تلك الاسيره التى وقعت فى يد من لا يرحم
مازالت فى اسرها تتألم و كلما مر الوقت تشعر بالخوف الشديد وينزوى أملها فى الخلاص من تلك الورطه التى وقعت فيها
كان سيد يسمح لها بالذهاب إلى حمام قذر مرفق بالغرفه الموجوده بها كل يومين مره واحده لتقضى حاجتها
كانت تترنح من قلة الطعام و من قلة الحركه
هزل جسدها و أصبحت ثيابها رثه ذو رائحه كريهه فهى على هذا الحال منذ ثلاثة أسابيع
ثلاثة أسابيع لم ترى الشمس فيهم ، لم ترى إلا وجه سيد و أحد رجاله و يدعى سبعاوى كان فى بعض الأحيان يدخل لها بعض اللقيمات
أما لبيب فقد اختفى و لم يعد يزورها إطلاقا منذ اخر مره رأته و سيد يقوم بضربه
لا تعلم ما الذى جرى به ؟ و لا يهمها أن تعلم
انقضى أسبوع آخر
طلبت ليلى من سيد أن يتركها لتتحمم و ياتى لها بثياب نظيفه غير ثيابها التى لم تعد تحتملها
ضحك سيد قائلا
تكونيش فاكره نفسك فى رحله يا مزمزيل ؟
انا عاوزه استحمى ارجوك انا مش طايقه نفسي
مش طايقه نفسك عشان مستحمتيش شهر ؟؟ دا الواد لبيب بيقعد بالست أشهر ميستحماش
و انا مالى و مال لبيب
خلاص انا اهو قدامك بقعد بالشهرين الميه متلمسش جسمى و ريحتى زى الفل اهى
اه ما هو واضح
واضح ايه ؟ هو ايه اللى واضح ؟
ريحتك
هتقلى ادبك و الا ايه ؟؟
انا عاوزه اعرف انت حاجزنى هنا ليه ؟
معنديش أوامر اقولك انا حاجزك هنا ليه ؟
يعنى انت واخد أوامر من حد انك تخطفنى ؟؟
انا اخد أوامر من حد ؟؟ المعلم سيد على سن و رمح ياخد أوامر من حد ؟
ما انت اللى قلت كدا دلوقتى ؟
لا مقولتش
لا قولت
بقولك ايه بلاش لماضه يا بت انتى مش ناقص وجع دماغ
خرج سيد سريعا تاركا ليلى و هى تشعر بالغضب الشديد
أغلق الأنوار كالعاده
حاولت ليلى الامتثال للنوم
اغمضت عينيها و تذكرت والديها
بكت ليلى و انتحبت فقد اشتاقت لحضن أمها و حنانها
فجأه سمعت ليلى صوت الباب يفتح بهدوء شديد و استطاعت رؤيه مقبض الباب و هو يتحرك
انكمشت ليلى فى سريرها و تخيلت أنه سبعاوى لأن سيد لم يتعود الدخول عليها فى هذا الوقت
حبست ليلى انفاسها و أغمضت عيناها بقوه و أخذت تقرأ ما تحفظه من سور صغيره و ايه الكرسي بنيه أن يحفظها الله من هذا الشخص
فكرت بسرعه و قررت إذا لمسها ستصرخ بأقصى ما لديها من قوه و لو أنها غير واثقه فى أن أحدا سيغيثها
اقترب الشخص الذى دخل الغرفه من سرير ليلى
كانت تسمع خطواته الحذره و كأنها طرقات تثقب رأسها
يرتعد قلبها كلما شعرت باقترابه
أصبح أمام سريرها مباشره هى تشعر به و تسمع صوت أنفاسه
اقترب من وجهها أكثر و أكثر
قررت ليلى أن تصرخ
و بمجرد أن فتحت فمها وجدته يضع يده على فمها بكل قوه .......
يتبع
صلوا على حبيبكم النبى
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق