قضية شرف
الجزء الثالث
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
صلوا على خير الأنام يا ساده يا كرام 😍
اول ما اختى دخلت و نامت على سريرها
اخويا قالها :
انا عاوز اعرف دلوقتى مين عمل فيكى كدا ؟؟؟
انطقى يا هامله ...انطقى يا واكله ناسك ، الواد اللى كان فى بطنك ده ابن مين ؟؟
سكتت اختى و بقت تعيط و بس
اخويا اتضايق اكتر و هجم عليها و مسكها من شعرها
اختى مصرختش و لا نطقت بكلمه ...عيونها كانت بتقول كلام كتير لكن لسانها مبينطقش بولا كلمه
اخويا قعد يضرب فيها لحد ما كانت هتموت فى ايده و هى برده صامده
اخويا تعب من كتر الضرب و اختى اغمى عليها و اترمت فى الارض و انا كنت بموت مش قادره اتحرك و انا سامعاه و شايفاه من ورى الباب بيعمل فيها كدا
الغريب بقا هو موقف امى ...بقيت اشد فيها عشان تدخل تحوشه عنها لكن امى كان على وشها نظرة متجهمه ، نظرة غضب شديد ...ملقتش فى وشها نظرة الحنيه اللى انا متعوده عليها
كل ما اشدها و اقولها
بالله يا اما الحقيها خوى هيموتها
تقوم تزقنى بكل قوتها لدرجة انى وقعت على الأرض اكتر من مره و تقولى
ابعدى يا بت انتى ...روحى اوضتك
بس انا مقدرتش ادخل اوضتى و اسيب اختى يحصل فيها كدا
اخويا لما لقى الهام اغمى عليها سابها و خرج
دخلت جرى عليها افوق فيها ، جبت ازازة البرفان اللى كان جايبهالها سعد فى عيد ميلادها و رشيت على ايدى و حطيتها قدام مناخيرها
اختى ابتدت تفوق
جبت شويه ميه و مسحت وشها و دموعها اللى موقفتش
اختى كانت ضعيفه اوى من النزيف اللى حصل لها لدرجه انها مكنتش قادره تقوم لوحدها
سندتها و نيمتها على سريرها
اجيب لك تاكلى يا الهام ؟؟
الهام هزت راسها لأ
ليه كدا؟ انتى زمانك جعانه ...طب لقمه و حتة جبنه حتى
هزت راسها تانى ب لا
سبتها و خرجت و لقيت أمى قاعده فى وسط الدار على الكنبه زى ما هى
ليه كدا يا اماى ؟؟ طول عمرك الحنيه كلها ، عمرى ما شفتك قسيتى على حد فينا
اختك جابت لنا العار يا ندى
طب و لما خوى يضربها العار هيتغسل ؟؟
لازم يعرف مين الكلب اللى عمل معاها كدا
طب مش يمكن حد اغتصبها غصب عنها ؟
حتى لو زى ما بتقولى ...برده العار لحقنا
حتى لو مظلومه ؟؟؟
مفيش حاجه اسمها مظلومه ... البت لازمن تحافظ على شرفها و لو فيها موتها
كانت تعمل ايه بس ؟؟
كانت تموت نفسها و لا انها تجيب لنا و لاخوها العار و بعدين مش عاوزه تنطق و تقول لاخوها على اللى عمل كدا ليه ؟؟؟
انا لو دخلت لها مش هضربها زى ما اخوكى عمل ، انها هقطع من جتتها بالحته ...لولا اخوكى حرج عليا ادخل عليها كنت عرفت شغلى معاها
بصيت لامى و هى بتتكلم و كأنى معرفهاش ...جابت منين القسوه دى كلها ؟؟ ايوا اختى غلطت بس ربنا غفور رحيم ....اذا كان ربنا بيغفر يبقى احنا كبشر منغفرش ليه
تانى يوم لقيت اخويا داخل عليا من بره و عنيه حمرا دم زى ما يكون مشفش النوم بعينه
ندى
نعم يا اخوى
البت دى مقلتش لكى حاجه؟؟
لا و الله يا خوى دا حتى مرضيتش تحط لقمه فى جوفها
عنها ما طفحت ...انا عاوز اعرف مين عمل كدا عشان اشرب من دمه و دمها
عاوزه اقولك حاجه يا سعد بس متزعلش منى
قولى
طب احلف انك مش هتزعل
بطلى كلام ملوش عازه يا ندى انا مش فايق لك
انا عاوزاك تكلم الهام بالراحه
نعم يا اختى ؟؟
هى خايفه منك و لا يمكن هتتكلم كلمه طول ما هى شايفاك متعصب اوى كدا
و هو اللى احنا فيه ده ميعصبش ؟؟
عارفه يا اخويا أن الموضوع واعر و صعب بس لازم ناخده بالهداوه
انتى عارفه انتى بتقولى ايه ؟؟ انتى عارفه اختك عملت فيا ايه ؟؟؟
اختك كسرت ضهرى ..جابت وشي فى الارض ..بقيت مش قادر ارفع عينى فى حد ليشوفنى و يعرف خيبتى فى اختى ، اختك مضرتنيش لوحدى ...مين هيرضى يتجوزك لما يعرف أن لكى اخت عملت كدا ؟؟
خلاص يا اخوى نسيب البلد و نمشي كلنا من هنا
و لا دى تنفع كمان ،، العار هيفضل ملاحقنى لحد قبرى ...مش هيغسل عارى الا موتها و موت الكلب اللى عمل كدا
موتها ؟؟ لا يا سعد و رحمة ابوك ما تعمل كدا
عاوزانى اعمل ايه ؟؟ اطبطب عليها و اقولها براوه عليكى يا بنت ابوى ؟؟؟؟؟
لا ...تاخدها بالهداواه زى ما قلت لك و تعرف منها مين عمل كدا و تجوزهولها و تلم الموضوع
على جتتى أنه يتجوزها ...انا عندى اشرب من دمها و لا حرامى الأعراض ده يدخل بيتى و يحط يده فى يدى
طب امال عاوز تعرفه ليه ؟؟
علشان انتقم منه و اشرب من دمه و يكون عبره لمين يعتبر
اخويا قام و سابنى و دخل على اوضه الهام كنت متخيله انى هسمع ضربها مره تانيه لكن مسمعتش حاجه
قربت من الباب و شفته قاعد جنبها و بيقولها
قوليلى يا خيتى مين اللى عمل كده و انا هجوزهولك
و الهام ساكته و حاطه وشها فى الارض
و رحمة ابوكى تقوليلى ...انا مش هعملك حاجه لو اعترفتى بنفسك
الهام برده ساكته و مفيش غير دموعها مغرقه وشها.
اخويا اتعصب عليها تانى و قام يضرب فيها بإديه و رجليه و هى بتعيط و حاطه اديها على دماغها و متكوره فى نفسها
اخويا خرج من عندها لما فشل أنه يعرف منها حاجه و لقى امى بتنادم عليه
سعد
نعم يا اماى
قالت لك حاجه الملعونه دى ؟؟
مش راضيه تنطق مع انى خدتها بالراحه يمكن تعترف و اقدر اعرفه ..لكن مفيش فايده منها
سبنى عليها و انا أعرف لك مين عمل كدا
لا يا اما ...انا هروح اجيب لها عمها و هو هيعرف يقررها ازاى
ما بلاش فضايح يا ولدى
الفضايح بنتك اللى عملتها و بعدين دى عرضه زى ما هى عرضنا
اللى تشوفه يا ولدى
انا هوصله و اجيبه و اجى
مع السلامه يا ولدى ربنا يكتب لك فى كل خطوه سلامه
يا ترى عم الهام هيعرف يقررها زى ما سعد قال ؟؟ و الا هيفشل زى ما فشل سعد ؟ دا اللى هنعرفه فى الجزء الرابع باذن الله تعالى
يتبع
قصص اطفال - قصص الاطفال - قصص أطفال - قصص للأطفال - قصص الأطفال - حواديت اطفال - حواديت للاطفال - حكايات اطفال - حكايات للاطفال - حكايات الاطفال - حكايات أطفال - حواديت ديزني - كتب اطفال- قصص رومانسية قصيرة - قصة رومانسية قصيرة - قصص حب رومانسية قصيرة - روايات - قصص اطفال بالانجليزي
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب و الا سيعرض للمسائله القانونيه ..
تعليقات
إرسال تعليق