ام فاروق 6
فى بيت ام فاروق و الشجره مطرحتش برقوق 😏
ساءت حالة عتريس و بقى عامل زى الطفل ، و نفيسه مراته التانيه رفعت عليه قضيه خلع علشان الحاله اللى وصلها دى و سابته لام فاروق
حسنيه حسنيه 🤗
نعم يا عتريس 🙄
عاوز كلونبه ...كلونبه🤪
ايه كلونبه دى ؟؟🤔
كلونبه من دى 👇
اااه قصدك كرنبه .. حاضر بس سيبنى اولع الباجور و اعملك الكرنبه اللى عاوزها 😌
لا هاتى كلونبه 😠
حاضر...استنى شويه 😐
طب هروح العب مع العيال 😜
لا يا عتريس ميصحش ..اقعد هنا ربنا يهديك 😌
طب هاتى قرش 🥳
قرش ؟؟؟ و القرش ده تعمل بيه ايه أن شاء الله ؟؟؟ 🤔
اجيب حلاوه 🤣
هو فيه حلاوه بقرش يا عتريس ؟؟ يا لهوى على خيبتك يا حسنيه 😭
حسنيه حسنيه عاوز اروح الحمام 🙄
الطم ؟؟؟؟ ...منا لسه مدخلاك الحمام 😠
لا عاوز اروح ...هعملها هنا 😐
لا لا قوم ...يخربيتك يا نفيسه خلعتى م الراجل بعد ما كلتيه لحم و رمتيه عضم
بس ارجع اقول انا الغلطانه برده ...كان لازم اعمل له زعروره يعنى ؟؟؟ ما كان ماشي و خلاص 😭😭
كل ده من شورة اللى متتسماش اللى اسمها ام محروس 😠
الهى يا ام محروس يجيكى و يحط عليكى بسبب النصيحه الهباب اللى نصحتينى بيها دى 😠😠
حسنيه حسنيه 🤪
عاوز ايه تانى ؟؟ 🥺
عاوز استحمى 🤯
اسكت خالص تستحمى ايه بس ؟؟ انا بطبخ دلوقتى و لما اخلص هحميك 😡
حسنيه حسنيه عاوز شاى 🤢
اقعد هنا يا ابو فاروق و انا هعملك شاى 😩
انا زهقت يا ربى ....لما انادى على اللى متتسماش اسم بدنها شويه 😩😩
يا ام محروووووس ...يا ادلعدى يا ام محروس 😠
نعم يا حبيبتى ...خير كفالله الشر 🥺
شوف الوليه 😏 و لا كأنها عملت حاجه ؟😠
خير يا ام فاروق عملت ايه يا اختى ؟🤔
انتى يا وليه مش كنتى سبب النيله السودا اللى انا فيها ديه دلوقتى ؟؟ 😏😏
انا ؟؟ حد الله ما حصل 🤗
امال مين يا وليه قالى اتدلع عليه و اتزوق له ؟؟ و البس له الأحمر و الأخضر ؟؟🤔
انا قلت تدلعى و تحلوى بس انتى بقا عملتى فيها عفريت انا مالى انا 🙄🙄
طب مش انا يا وليه وريتك اللى عملته فى نفسي قبل ما يجى ؟؟ 🤔
ايوا حصل ☺️
طب و مقولتيش ليه يا اللى تنزغدى انى شكل العفريت ؟؟ 🤢😩
بحسبك عارفه يا اختى و عاوزه تعمليهاله مفاجاه 😃😃
مفاجأه لما تطير رقبتك يا بعيده ...اعمل ايه انا دلوقتى ؟؟ 😔😭
فى ايه يا اختى ؟🤔
فى ايه ؟؟؟ الراجل اتسخط يا اختى و بقى عيل اربع سنين 😩😩
طب ما حلو ربيه على ايدك ☺️
يا لهوتينى ...انا لسه هربيه ؟؟ دا عقبال ما يكبر هكون بقيت كركوبه 🙄😠
انتى ليه بصه لنص الكوبايه الفاضى ؟؟ 🤔
يعنى ايه مش فاهمه ؟؟ 🤔🤔
يعنى اللى حصل ده خلاه ليكى لوحدك و مراته التانيه سبتهولك لوحدك🥰😍
الله يخربيتها ما هى سابته عشان خلاص مبقاش ينفع 😩
طب استنى انا جتلى فكره حلوه اوى 😍
بسسس و لا فكره و لا نيله .. انا اسمع كلامك تانى ؟؟ توبه من دى النوبه إن سمعت كلامك مره تانيه 😠
استنى يا حسنيه 🤢
مستناش ...الله يخربيتك يا ام محروس و يخربيت أفكارك السودا 😩😩😩
تمت
#د.جيهان_عادل
روعه تسلم الايادي
ردحذف
ردحذفرووووووووعه