ام فاروق 4
فى عيادة الدكتور جلست ام فاروق و نفيسه زوجتى عتريس و معهم ابو محروس الجار
عملتى فيه ايه يا اللى ما تتسمى😤 ؟؟
نعم نعم و هعمل فيه ايه يا اختى 😏؟
الراجل ماشي من عندى فله شمعه منوره قوم ينادونى و يقولولى الحقى جوزك بين الحيا و الموت😏 ؟؟
تفى من بؤقك يا اختى إن شالله انتى و عيلتك كلها 😠
عيب يا جماعه الراجل جوه تعبان 🤕
مش شايف يا ابو محروس الغندوره بتقول ايه ؟ هعمل فيه ايه يعنى 🤔
معلش يا ست ام فاروق هى مراته و خايفه عليه برده
مررت عيشتها البعيده خطافة الرجاله 😠
انا خطافة الرجاله ؟ يا فشله يا ام زنون ؟؟ دا هو اللى حفى عليا على بال ما قبلته 😎
حفى ؟؟ ما هو باين يا اختى بإمارة الجوز اللى مدوباهم قبله 😜
انا حلوه ..متكاده ليه ؟ هتطقى ليه ؟؟ 😜😜
هطق منك انتى ؟؟ فشرتى دا انا قمررر ...بدر مصور 🌕
أمر بالستر يا حبيبتى. ... مكنش سابك و جالى ..دا بيبقى يا عينى مش طايق يجيلك بيبقى ماشى من عندى كأن مقتوله قتيل 🐾
ما انتى بتسحريله يا سحاره 🙄
ايوه بسحره بجمالى و دلالى 😘😍
يا جماعه ميصحش كدا ...استهدوا بالله و صلوا على النبى كدا
اللهم صلى عليه ...و الله انا محترماها بس عشان خاطرك يا ابو محروس
كتر خيرك يا ست ام فاروق ...الدكتور طلع اهو
ماله يا دكتور؟؟ طمنى عليه يا اخويا انا مراته ام ولاده 🙆
و انا كمان مراته يا دكتور و عاوزه اطمن عليه 🤷......اسكتى انتى يا بومه يا اللى جبتى أجل الراجل
سكت حسك و انقطم وسطك يا نفيييييسه
عتريس ماله يا دكتور قولى انا
انت تقرب له ايه ؟؟🧐
انا جاره اللى ساكن قباله بالظبط
عتريس عنده صدمه عصبيه شديده 🙄
من ايه ؟؟ 😶
و انا اعرف منين ؟؟ المفروض انتوا اللى تقولولى 😠
قوليله يا حسنيه عملتى فيه ايه ؟ اعترفى ياكش ياخدوكى الحبس و نرتاح منك 😏
حبس اما يهفك انتى لوحدك 😠
المهم يا دكتور حالته ايه ؟☹️
يؤسفنى انى اقولك أنه نتيجه الصدمه و سقوطه على الأرض و ارتطام دماغه حدث له فقدان فى الذاكره بالاضافه الى كسر مضاعف فى رجله 😌
يا خرااااشى ابو فاروق خلاص مش هيعرفنى ؟؟🙆
و الله احسن 😁
بتقول ايه يا ابو محروس 🤔
مبقولش ...بقول لا حول و لا قوة الا بالله
ممكن نشوفه يا دكتور ؟؟ 😔
ممكن بس متدخلوش تتخانقوا ..دكتور العظام بيجبسه جوه
عتريس🤷
ريسووو 🙆
عتريس 🤷
عتريس مين ؟؟ انا يوليوس 😜😜
يا لهوى ..يوليوس مين ؟؟😳
انا يوليوس قيصر و مش لاقى كليوبترا 😍
يا لهوى هو حصله ايه يا دكتور ؟ انت مش بتقول فقد الذاكره بس ؟🥺
لا منا نسيت اقولكم أنه جاله لوسه مع فقدان الذاكره 🥺😰
يا لهوى لوسه 😳😳😳
تمت 🌹🌷
يوليوس قيصر مرة واحدة دا عتريس ريسوطلع مثقف واحنا مش عارفين
ردحذفحلوه اوي اوي
ردحذف