القبيحه الجزء الثامن عشر

#القبيحه

#الجزء_الثامن_عشر( +18)

لا ...انا ...خايفه ..اموت من غير ما احكيلك ...لازم تعرفى الحقيقه ...كامله ...ريحينى ...يا بنتى ...

 ‏

 ‏طب قولى يا ماما 

 ‏

 ‏الحكايه.. يا بنتى انك مش بنت قدرى 

 ‏خلاص يا ماما ملوش لازمه الكلام ده دلوقتى 

 ‏لا لازم تعرفى الحقيقه عشان ارتاح انا شلت سر كبير جوايا سنين طويله و بقيت اتعذب بيه و حاولت انى اموتك و انتى فى بطنى بس منزلتيش 

 ‏وجودك كان دايما بيفكرنى بغلطه انا مليش ذنب فيها بس اقول ايه حسبي الله ونعم الوكيل فى اللى كان السبب 

 ‏فى يوم ابوكى زعلنى غضبت و رحت قعدت فى بيت اهلى

 ‏كانت شقه فاضيه لان ابويا و امى ميتين من زمان و ليا أختين بس كل واحده متجوزه فى بلد 

 ‏الشقه بتاعه اهلى كانت مقفوله .. و لما زعلت سبت اخواتك التلاته له و كانوا صغيرين اوى علشان زهقت منه و كنت عاوزه اوريله اد ايه بتعب مع العيال و هو كان دايما يقولى انتى بتعملى ايه يعنى ؟ انتى قاعده مرتاحه فى البيت  و انا اللى بشقى و بتعب 

 ‏المهم رحت الشقه و نضفتها من التراب اللى كان ماليها 

 ‏و استنيت و قلت فى نفسي أن قدرى مش هيقدر على العيال و كلها يوم او اتنين بالكتير و هيجى ياخدنى بس للاسف توقعى طلع غلط و اليومين بقوا اسبوع 

 ‏الفلوس اللى معايا خلصت و مبقتش عارفه اعمل ايه  ...و مش ممكن طبعا اروح له لانى كنت هكسر نفسي قدامه و كان هيذلنى 

 ‏فكرت انى انزل ادور على شغل حتى لو اشتغل بياعه  فى محل 

 ‏دورت كتير اوى لحد ما تعبت ...قعدت يومين على الحال ده و بطنى كانت بتتقطع من الجوع 

 ‏وصلت لمرحله من اليأس لدرجة انى فكرت انتحر 

 ‏لغايه ما لقيت محل ملابس فى حته متطرفه ...كان جمله يعنى تجار التجزئه الصغيرين هما اللى كانوا بيترددوا عليه بس 

 ‏و عشان كدا الرٍجل كانت خفيفه عليه و مكانه مش فى مكان حلو 

 ‏رحت لصاحب المحل أسأله عن شغل و كان راجل فى الخمسينات ..اسمر اوى و عنيه فيها حول و شعره مجعد و ملامحه قاسيه و غليظه .

 ‏اكتر حاجه اخدت بالى منها أنه بقا يجبنى من فوق لتحت و حسيت أنه طمع فيا بس كنت بقول لنفسي إن الواحده تقدر تحافظ على نفسها وسط مية راجل و أنه مش

 ‏ هيقدر ياخد منى حاجه الا بمزاجى 

 ‏و شيطانى صورلى انى جايه اكل لقمه عيش و مليش دعوه بنظراته اللى بتنهش فيا 

 ‏الراجل كان اسمه سعودى و كان كاتب على يافطه المحل شركه سعودى و ابنائه لتجاره الملابس الجمله 

 ‏لما شفت اليافطه بقيت اكذب احساسي و اقول جوه نفسي اكيد انتى غلطانه الراجل متجوز و عنده اولاد اهو 

 ‏كان كل همى انى الاقى لقمتى خاصه بعد ما جوزى استغنى عنى و مسألش فيا 

 ‏العند و الكبر وصلنى انى اشتغل عند واحد زى ده علشان بس مروحش لجوزى و اعتذر له 

 ‏طلبت من الحج سعودى أنه يدينى راتبى باليوم 

 ‏لما سمع كدا لقيته برم شنبه و عينه لمعت زى ما يكون حس انى محتاجه 

 ‏و فعلا ادانى الفلوس من قبل ما حتى اشتغل وورانى المحل و الاسعار و مشي 

 ‏اخدت الفلوس جبت اكل بيها من مطعم جنب المحل 

 ‏و فضلت طول اليوم امسح و أرتب فى المكان 

 ‏الحج لما جه اخر النهار انبهر بترتيب المكان و بقى يبص و هو مستغرب 

 ‏

 ‏برافو عليكى المكان شكله اتغير اوى 

 ‏

 ‏متشكره يا حج ...هتعوز منى حاجه تانى ؟؟

 ‏

 ‏ان كان على هعوز فأنا هعوز ( قال كدا و هو بيبرم فى شنبه و عنيه هتاكلنى ...بس برده عملت نفسي مش واخده بالى )

 ‏

 ‏نعم 

 ‏

 ‏لا سلامتك روحى انتى دلوقتى انتى تعبتى انهارده و بكرا من بدرى تكونى هنا 

 ‏

 ‏حاضر 

 ‏

 ‏مشيت و نظره عينه و كلامه مكنوش مريحنى ابدا بس اعمل ايه ...ملقتش اى شغل تانى و لو سبت الشغل ده مش هلاقى اكل و بعدين مفيش حد يرضى يدينى الاجره باليوم كدا 

 ‏حاولت اقنع نفسي أن كل شئ تمام و أننا نعتبر فى الشارع يعنى مش هيقدر يعملى حاجه 

 ‏روحت و انا تعبانه جدا و نمت حلمت بكلب اسود بيعض فى لحمى و هبر منى قطعه كبيره اوى و قعدت أنزف لدرجة أن الدم كان مغطينى من تحت لفوق و مكنتش قادره اتنفس 

 ‏قمت من النوم مذعوره من الحلم ده و استعذت بالله من الشيطان الرجيم و قلت اكيد كابوس ..و اكيد الدم فسد الحلم امى كانت بتقولى كدا لما نشوف دم فى منامنا أن الدم بيفسد الحلم و أنه كدا ملوش قيمه 

 ‏

 ‏قمت الصبح رحت المحل و الحج كان قاعد قدامى عمال يشغلنى و يطلعنى على السلم الخشب ارص البضاعه على الرفوف و ينزلنى اجيب الهدوم من الكراتين 

 ‏كل ده و هو قاعد عينه هتاكلنى و انا برده عامله هبله 

 ‏فجأه لقيته قام و خد قميص من كرتونه جنبه و فرده و قالى القميص ده هيبقى حلو اوى عليكى 

 ‏لا متشكره يا حج مش عاوزه 

 ‏اسمعى الكلام ..دا حرير اصلى.. انتى تعرفى دا بكام ؟؟

 ‏لا معرفش و مش عاوزه اعرف 

 ‏متخافيش مش هاخد تمنه منك 

 ‏اشمعنى يعنى ؟؟ 

 ‏الله مش بقيتى شغاله معايا ؟؟ و اى حاجه تعوزيها انا ملزوم بيها ؟؟ 

 ‏لا متشكره مش عاوزه 

 ‏خلاص زى ما تحبى 

 ‏بعد الحوار ده قررت انى امشي و حتى لو مش هلاقى اكل بس قلت هستنى لآخر اليوم اخد اجرتى و معنتش ارجع تانى 

 ‏بعد شويه الحج قالى هروح مشوار عشر دقايق متتحركيش من المحل 

 ‏هزيت له دماغى و انا مش قادره ابص له 

 ‏الراجل غاب اكتر من ساعه و انا كنت بتمنى أنه يقعد لاخر النهار عشان اخد اجرتى و امشي على طول 

 ‏الحج دخل و معاه أكياس كبيره و الريحه مفحفحه منها 

 ‏لقيته بيطلع الاكل و قالى خدى اتغدى 

 ‏

 ‏لا متشكره 

 ‏

 ‏هو ايه اللى متشكره ؟؟ هو ده النظام عندنا و انا بجيب غدا لأى حد شغال معايا كدا مش انتى مخصوص يعنى ...خدى يا ستى اللفه و روحى كليها فى المخزن لو مكسوفه تاكلى قدامى يعنى

 ‏

 ‏اخدت اللفه و رحت المخزن عشان اكل براحتى و اتخلص من نظراته اللى زى السم دى

 ‏اللفه كان فيها كباب و كفته و سلطه طحينه و مخلل و جايب لى كمان عصير مانجا 

 ‏اكلت و كنت فعلا جعانه اوى و شربت العصير و فجاه لقيت راسي بتلف و دايخه اوى 

 ‏جيت اقوم مقدرتش اقوم حسيت أن توازنى اختل جدا 

 ‏وقعت تانى على الأرض و اتهبدت لقيته بيفتح باب المخزن و دخل  عليا 

 ‏

 ‏مالك فى ايه ؟؟ انتى دايخه و الا ايه ؟؟

 ‏

 ‏و لقيته بيقلعنى الايشارب من على دماغى و بيملس على شعرى حاولت أبعده عنى بس مقدرتش جسمى كله كان سايب 

 ‏فجأه غبت عن الوعى و حصل اللى حصل 

 ‏قمت لقيت نفسي متبهدله ...شعرى منكوش و جسمى متخربش و هدومى متنتوره حواليا ...لميت هدومى و خرجت لقيته قاعد يشرب شيشه و معاه اتنين شبهه و لا كأنه عمل حاجه 

 ‏و بقى يبص لى و يضحك و اللى معاه يضحكوا زى ما يكون قالهم 

 ‏بصيت له و انا مش عارفه اعمل ايه 

 ‏كان نفسي امسك فى زمارة رقبته بس كنت لسه دايخه و كمان خفت افضح نفسي 

 ‏ناديته 

 ‏عاوزاك فى حاجه يا حج من فضلك 

 ‏قالى مش فاضى ...أن كان على أجرة اليوم الفلوس اهى و راح راميهالى على الأرض و قعد يضحك هو و اللى معاه 

 ‏مرضتش اوطى اخد الفلوس و مشيت اجرجر فى رجليا و دموعى على خدى 

 ‏معرفش وصلت بيت اهلى ازاى 

 ‏نزلت تحت الدش بهدومى كنت حاسه ان فى نار طالعه منى بقيت الطم و اقطع فى شعرى و اخبط دماغى فى الحيطه 

 ‏طلعت من الحمام بهدومى المبلوله و نمت على السرير بيها 

 ‏كنت حاسه ان الدنيا اسودت فى عنيا و بقت ضيقه زى خرم الابره 

 ‏احساس بشع بشع كنت عاوزه اموت نفسي 

 ‏قعدت يومين مرميه على السرير من غير اكل و لا شرب لدرجة أن ريحتى طلعت 

 ‏كل اللى كان مسيطر عليا أن حياتى انتهت و انى لازم اجيب سكينه و اروح اموت اللى قضى على حياتى ده 

 ‏حاولت اقوم من السرير بعد ما عقدت العزم انى اقتله لكن لقيت نفسي مش قادره اقوم ...زى ما يكون رجليا تقلت اوى و مش قادره تشيلنى 

 ‏و فجأه لقيت باب الشقه بيفتح 

 ‏جالى ذعر شديد و مقدرتش حتى اقوم اشوف مين اللى بيفتح الباب 

 ‏سمعت خطوات جايه ناحيه الاوضه ....

 ‏و الباب اتفتح ببص لقيت ....

يتبع ..

#دجيهان_عادل

#قصص_وحكايات_د_جيهان_عادل.

فضلا غير مسموح نقل أو نسخ القصه إلا بعد اذن الكاتب ...