اريد حقى الجزء السابع

#اريد_حقى

# الجزء_السابع

قصص رعب روايات جميلة روايات رومانسية روايات اون لاين روايات كاملة

 كتب وروايات

 ‏ و لقيت نفسي بترفع من السرير و انا بصرخ و محدش سامعنى 

لحد ما كنت هخبط فى السقف وهى باصالى بعنيها المخيفه و مركزه عليا زى ما يكون النظره دى اللى رفعانى بالشكل ده 

فضلت اصرخ و احاول احرك اديا و رجليا عشان انزل لتحت و ابص على ولادى خايفه عليهم 

راحت هى باصه عليهم هى كمان و ابتسمت 

انا خفت اوى على اولادى ...خفت تاخدهم أو تموتهم رحت صارخه 

انتى عاوزه منى ايه ؟؟ سبينى فى حالى

راحت راده بصوت تخين اوى و قالت

اااااريد. .... حقى 

حقك ايه ؟؟؟ و عاوزه حقك ده من مين ؟؟؟ 

اول ما سألتها السؤال ده الست شاورت بايدها ناحيتى لقيت نفسي لزقت فى السقف تماما زى ما يكون ملزوقه بغرا

بعد كدا الست بصت لاولادى مره تانيه و بصت للبنتين اللى معاها شمال و يمين و هى بتهز لهم دماغها 

 راحوا البنتين انقضوا على السرير زى الاسود اللى رايحه تاكل الفريسه 

و كل بنت منهم اخدت ولد من ولادى و رجعت مكانها جنب امها 

انا فضلت اصرخ ...اصرخ لحد ما نفسي اتقطع ووقعت على السرير مره تانيه

و هى اختفت هى و اولادها 

اول ما وقعت على السرير اتفزعت من النوم و قمت اصرخ زى المجنونه و ادور على اولادى 

فوزى قام على صوتى 

فى ايه ؟؟ فى ايه ؟؟؟

ولادى ...ولادى ...العفريته اخدتهم ...ولادى 

فوزى اتنفض و بقا يلف فى الاوضه زى المجنون و يصرخ و انا اصرخ و مش عارفين نعمل اى حاجه 

 خرجنا بسرعه بقينا نجرى فى كل مكان جوه و بره مفيش فايده 

تعبنا من كتر الجرى مش لاقيين اى حاجه ...

فوزى جرى على تليفونه و لقيته بيتصل برقم قلت اكيد بيتصل بالشرطه لكن لقيته بيقول :

ايوا يا ماما ....كتر خيرك يا ماما عيالى اتخطفوا و انتى السبب ..انتى السبب يا ماما 

يا لهوى اتخطفوا ازاى يا ابنى؟؟ و مين خطفهم ؟؟؟ 

مش عارفه مين؟؟ الله يسامحك يا امى الله يسامحك 

فوزى قفل المكالمه و خبط التليفون فى الحيطه من شدة نرفزته التليفون نزل حتت

 

و بعدين يا فوزى هنعمل ايه ( قلت كدا و انا بخبط على رجليا )

اسكتى انا مش ناقصك انتى كمان 

عاوزه اولادى يا فوزى ...عاوزه ولادى ....يا نور ....يا فخر ....يا نور 

اسكتى بقولك اخرسي خالص 

احنا لازم نروح للوليه اللى باعت البيت ده و نشوف المصيبه اللى اتحطينا فيها دى 

هتصل على ابويا اخد رقم السمسار منه 

هتتصل ازاى ؟؟ تليفونك اتكسر مية حته ، خد تليفونى اهو 

و لسه فوزى جاى يتصل لقينا جرس الباب بيضرب 

جريت يمكن تكون العفريته لكن لقيت أبوه و اخواته الرجاله اخدوا توكتوك و جم جرى فى عشر دقايق 

فى ايه يا فوزى ...ايه الحكايه ؟؟ العيال فين ؟؟

العيال اتخطفوا يا بابا العفريته اخدتهم 

عفريت ايه دى ؟؟ اتكلم كلام عاقلين يا ابنى 

و الله زى ما بقولك كدا يا بابا العفريته اخدتهم ...البيت هنا كان فيه واحده مقتوله بعيالها 

انت بتقول ايه يا فوزى ؟؟ 

اه و الله يا سامح و امك كانت عارفه و مش راضيه تقول 

طب و حتى لو فى واحده مقتوله ازاى يعنى تخطف عيالك ...دا كلام ضد المنطق 

خليك فى منطقك انت يا استاذ خليل ...اللى حصل قلته و العيال كانت نايمه جنبنا قمنا ملقنهمش 

طب مش يمكن حراميه ؟؟ انت قلت إن مراتك كانت سمعت حد فى الجنينه قبل كدا و انت طلعت دورت عليهم 

يعنى يا مصطفى بنباهتك دى الحراميه هيدخلوا يسرقوا العيال من وسطنا ؟؟

البيت معفرت من اول ما جيناه و اخر حاجه حرقوا عربيتى 

ايه ؟؟ حصل امتى ده يا ابنى ؟؟

هى ماما مقلتش لك ؟؟

لا مقلتش حاجه انا لقيتها بتصحينى و بتصرخ و بتقول عيال فوزى اتخطفوا نزلت جرى بالجلابيه اللى لابسها انا وأخواتك و وقفنا توتكتوك كان مارر بالصدفه و جينا على هنا جرى 

تعالوا اما اوريكوا العربيه عشان تصدقونى 

و خرج فوزى فرجهم على الكاوتشات اللى سايحه و كرسي السواق و بقيه العربيه سليمه 

اخواته و أبوه بقوا واقفين مذهولين 

ابوه قاله 

الشمس طلعت اهى يا فوزى ...هنتصل على الشيخ حسنى يجى يشوف حكاية البيت دى ؟؟

و نتصل على الست اللى باعت لنا البيت و السمسار يا بابا 

حاضر ..أهدى بس و انا هعمل لك كل اللى عاوزه 

حمايا مسك التليفون و بدأ يتصل بكل اللى له شأن بالموضوع 

و انا كمان اتصلت على أهلى و قالولى مسافة السكه نكون عندك 

بعد شويه ابتدت الناس تيجى 

السمسار و معاه الحاجه ناديه صاحبة البيت 

بعدها جه الشيخ حسنى ...(حمايا اتصل بالتوكتوك اللى وصله و قاله يروح يجيب الشيخ حسنى من بيته )

و بعدها على طول لقيت ماما و بابا جايين 

الشيخ حسنى اول ما دخل قعد يصلى على النبى و يقول 

اللهم صلى و سلم و بارك على رسول الله ...اللهم لا حول و لا قوة الا بالله ...بسم الله الله اكبر و لا حول و لا قوة الا بالله 

دخلت ماما بعده ملهوفه 

فى ايه يا ندى ؟؟ العيال راحت فين ؟؟

العيال راحت يا ماما ...راحت 

الشيخ حسنى قال 

استهدوا بالله يا جماعه ...عاوزين نفهم الحكايه كلها عشان نشوف هنتصرف ازاى ؟؟

هنا بص فوزى للسمسار اللى من اول ما دخل منطقش غير كلمه السلام عليكم 

قوله على الحكايه يا حاج ...مش حرام عليك تبيع البيت انت و الست اللى معاك دى و انتوا عارفين أنه بيت مسكون ؟؟؟

لا انا قايل لوالدتك كل حاجه 

لا انت قلت لها أن فى واحده اتقتلت و مقلتش أن عفريتها بيطلع 

هنا اتدخلت الحاجه ناديه و قالت لا يا ابنى احنا مخبناش على الست الوالده اى حاجه 

انا عرفتها كل اللى حصل مع اختى و اولادها و كمان الناس اللى جم سكنوا بعدها و اللى حصلهم 

ايه ؟؟؟ انتى بتقولى ايه ؟؟ هو فى حد سكن هنا قبلنا ؟؟

ايوه فى أسرتين سكنوا هنا بس من فترة طويله

طيب ممكن تحكيلنا يا حاجه الحكايه كلها من فضلك عشان افهم و اعرف اساعد الجماعه دول 

حاضر يا شيخ ...الحكايه بدأت لما ...

يتبع...

قصص رعب روايات جميلة روايات رومانسية روايات اون لاين روايات كاملة كتب وروايات