#اغادير_ قصص رعب
#الجزء_السابع
قصص رعب
ناس مين ؟؟ مفيش ناس ....مش بقولك اتجننتى .....تعالى يلا اطلعك فوق
لا الشيخ هيودينى لحمزه
هو فين الشيخ ده ؟؟
مش عارفه
طب اطلعى يا صفيه ...هروح القسم مره تانيه يمكن يرضوا يطلعوا حد يدور معايا على حمزه 😔
و اخدنى ادهم من ايدى و انا شبه تايهه مش حاسه بحاجه زى المتخدره.... معرفش طلعت الشقه ازاى
نيمنى على سريري و انا حاضنه العروسه و دموعى نازله
انا هروح القسم ....و احاول ادخل للظابط يمكن يرضى يخرج معايا اتنين عساكر أو يبعت معايا حد نشوف الكاميرات
انت لسه مش مصدقنى يا ادهم ...ابنى هنا مبعدش عنى انا حاسه بيه
اسكتى يا صفيه بطلى الكلام اللى لا هيودى و لا يجيب ده ...انتى كدا بتعطلينى انى الاقى ابنى
براحتك يا ادهم بس اللى انت هتعمله ده ممنوش فايده
ادهم خرج و انا قعدت اكلم العروسه
وديتى ابنى فين ؟ طب رجعيلى ابنى ...طب انا عملت فيكى ايه عشان تاخدى ابنى ....انا مليش غيره ...ارجوكى انا عاوزه ابنى
قعدت اعيط كتير اوى لحد ما عينى غفلت
قصص رعب
معرفش انا كنت بحلم و الا دى حقيقه ..كنت بين الصحيان و النوم ...شفت الشيخ اللى كان واقف فى الشارع و طبطب عليا واقف قدامى
معلش يا صفيه متزعليش
ابنى يا عم الشيخ ابنى معرفش راح فين
ابنك مع جنيه شريره اسمها اغادير
اغادير مين ؟؟ و ليه خدت ابنى بالذات
ابنك هيتم خمس سنين امتى يا صفيه ؟
بعد يومين ...انا كنت نازله اشتريله هديه و اعمله تورته
هى اغادير بتخطف الاطفال اللى عمرهم خمس سنين وتموتهم يوم عيد ميلادهم
لا ...تموته لا ......ابنى حبيبي ..و اشمعنى حمزه ... اشمعنى
للاسف الصدفه لعبت دور فى اختيار حمزه ابنك
اغادير جنيه مجرمه كان عندها بنت اسمها لارا و لما البنت دى تمت خمس سنين بالتمام و الكمال ماتت من غير اسباب يوم عيد ميلادها
اغادير شالت لارا على أيدها و رفضت موتها و بقت تلف بيها على أعظم السحره الموجوده من الجن
هو الجن فيه سحره ؟؟؟
أعظم السحره فى الجن يا بنتى ...
طب و بعدين ؟؟
اغادير وصلت لساحر ملعون اسمه ابو العيون ...لان له عين فى كل مكان فى الدنيا ...لما شاف البنت على دراعها و عرف غرضها قالها انا ممكن ارجعهالك عايشه بس بشرط
اشرط يا ابو العيون
تمكنينى من نفسك ...
انا موافقه ...بس ترجعهالى فى الاول
عشان ترجع لازم لها مية روح تجمعيهم من كل حته فى الارض ....مية روح لمية طفل من أطفال البشر و يكون أعمارهم خمس سنين و تجمعيهم فى شهر واحد بس ...علشان اعمل تعزيمتى و ارجع لك بنتك ....لو فات الشهر و مجمعتيش الأرواح التعويذه مش هتنفع
سهله ...انا أجمع الف طفل مش مية بس
طيب عظيم جمعيلى ارواح الاطفال زى ما قلت لك و انا هنفذ لك المطلوب
قصص رعب
و هديلك هديه من عندى تساعدك فى تجميع الاطفال ديه ....تعالى يا زغدانه
امرك يا ابو العيون
دى زغدانه المساعده بتاعتى .....انا عاوزك ترافقيها بأى صوره تعوزها يا زغدانه
عاوزاها على صوره لارا بنتى
مفيش مشكله اتشكلى يا زغدانه على صوره لارا
امرك يا ابو العيون
و ابتدت اغادير تخطط انها عاوزه الاطفال اللى تاريخ ميلادهم ١٥ اغسطس زى ابنك حمزه ...اختارت التاريخ ده علشان تسمح لنفسها تجمع الاطفال قبل انتهاء المهلة اللى ادهالها ابو العيون و اللى تخلص يوم ١٧ اغسطس الحالى
كانت بتجوب الأرض من مشرقها لمغربها تجمع الاطفال اللى تاريخ ميلادهم يوافق التاريخ ده إلا اللى دمهم زفر دول مبتقدرش تقرب منهم
مين دول اللى دمهم زفر ؟؟؟ يمكن حمزه يطلع دمه زفر و ترجعهولى
للاسف حمزه دمه مش زفر ...و عشان كدا هى جربت معاه الدوا اللى ادتهولك و انتى اخدتيه علشان تتأكد و للاسف اتأكدت
طب و العروسه اللى فى ايدى دى حكايتها ايه ؟؟ و ليه البنت كانت عاوزاه يدبحها ؟
هقولك ايه بس يا بنتى ...اغادير و زغدانه شياطين و بيرسموا خطتهم بكل مكر و ذكاء
زغدانه بتتمثل فى صورة طفله و بتلعب مع الولد او البنت المقصوده و تديله عروسه من عرايسها و تطلب منه يدبحها لو الطفل رفض متقدرش تقرب له ..لكن لو الطفل وافق بيبقى ده بمثابه الاذن أنهم ياخدوه
بس انا ابنى موافقش ...ابنى موافقش يا عم الشيخ
للاسف يا بنتى وافق
ازاى ؟؟ ازاى يا عم الشيخ دول مشيوا تانى يوم على طول و مشفنهمش بعد كدا
هى ممشيتش زى ما قالت لك هى كانت موجوده معاكى مفرقتكيش و ساعة ما عملت دوشه فى الباب و انتى طلعتى تبصى و تشوفى أن كانت رجعت أو يكون حرامى كانت زغدانه عند ابنك جوه و صحته من نومه و قعدت تعيط له و تقوله ماما مش هتخلينى العب معاك تانى يا حمزه
ليه يا لارا ؟؟
علشان مرضتش تدبح العروسه
ماما قالت لى أن كدا غلط يا لارا
دى لعبه يا عبيط يعنى انت هتدبحها بصحيح ؟؟؟ طب منا خنقتها بالايشارب هى ماتت يعنى ؟؟؟
طيب متزعليش يا لارا ..انا هعمل اللى تقولى عليه
شاطر يا حمزه ...خد يلا السكينه اهى و ادبحها من هنا من عند رقبتها
حاضر ....ايه ده ؟؟؟ دا دم يا لارا ....دم
استنى استنى أما اجمع الدم ده فى الازازه
هتعملى بيه ايه ؟
بكرا هتشوف يا حمزه ...انا همشي دلوقتى بس اوعى تقول لماما انى جيت لك اصل انا جايه من ورا مامتى و ممكن مامتك تقول لمامتى
حاضر يا لارا مش هقول
و خرجت من عنده و اخدت الدم ادته لاغادير و كدا مكنش قدامها غير أنها تسحب حمزه منك و ده اللى عملته لما دخلتى برجليكى الشقه
انا اللى ضيعت ابنى ...انا السبب انا المجرمه
و انتى الوحيده اللى تقدرى ترجعيه
ازاى ؟؟؟ ارجعه ازاى ؟
هقولك ازاى ...اسمعى يا بنتى
قصص رعب
يتبع....
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
ياخبر دى مجرمة مش طبيعية
ردحذفياخبر دى مجرمة مش طبيعية
ردحذف