#اغادير_ قصص رعب
#الجزء_الحادى_عشر
قصص رعب روايات جميلة روايات رومانسية روايات اون لاين روايات كاملة كتب وروايات
متخافيش كل الحكايه اللى حكيتهالك دى مخدتش فى وقتكم غير خمس دقايق ، و بعد شويه هتلاقى زوجك طالع لك زعلان لانه معرفش يعمل اى حاجه ..
همشي و اسيبك دلوقتى و ميعادنا قبل الفجر بساعه هقولك على اللى تعمليه بس ابقى استنينى فى اوضه حمزه
حاضر ...هستناك .
بعد دقايق لقيت ادهم طالع و هو زعلان و باين عليه الهم و الحزن
مرضيوش يطلعوا معايا حد ...الظابط قال لازم تمر ٢٤ ساعه على غيابه ...يعنى ايه ؟؟ يعنى الواد يكون راح للابد ؟؟ ايه القانون ده ؟؟ حرام و الله حرام
أهدى يا ادهم ..ابننا موجود
موجود فين بس ؟؟ انتى اللى ضيعتيه يا صفيه
و انا اللى هرجعه يا ادهم
ترجعيه ازاى ؟؟ حمزه خلاص راح
لا يا ادهم حمزه موجود بس الوقت قصير اوى ..لازم نلحقه قبل ما تقتله
هى مين دى اللى هتقتله يا صفيه ؟؟
اغادير يا ادهم
اغادير مين ؟ انتى اتجننتى اكيد
لا انا متجننتش ...اغادير خطفت ابنى و انا هرجعه باذن الله
اغادير مين يا صفيه ؟؟ انتى مش بتقولى نجوى ؟؟
اغادير هى نجوى يا ادهم ...شششش وطى صوتك لتسمعنا
هى مين اللى تسمعنا ...انتى عقلك ضرب على الاخر
اسمعنى يا ادهم مفيش وقت انا الليله هخترق عالم الجن زى ما اخترقت اغادير عالمنا و ارجع حمزه ابننا و لو مرجعتش اعرف انى مت ابقى ادعيلى
ايه اللى بسمعه ده ؟؟ احنا لازم نروح لدكتور نفسانى يا صفيه ..اكيد عقلك جراله حاجه
لا يا ادهم انا مجراش ليا حاجه بس دى الحقيقه ابننا فى جنيه خاطفاه و هتموته يوم عيد ميلاده
و تموته ليه ؟؟
دى حكايه طويله حكهالى الشيخ ذاكر هبقى احكيهالك لو رجعت
كمان ذاكر ؟؟؟ لا انا فعلا بدأت اخاف منك
متخافش انا هروح اوضة حمزه استنى الشيخ ذاكر دلوقتى عشان يودينى لحمزه
لا لا ... رايحه فين ؟؟ انتى تقعدى هنا قدامى مش هتتحركى نهائى دا انتى ممكن تأذى نفسك
صدقنى يا ادهم
لا انا أصدق اللى شايفه بعنيا ، انتى مش طبيعيه يا صفيه
انت بتعمل ايه ؟؟ متقفلش الباب
لا هقفله و هقعد هنا قدامك لحد الصبح ما يجى
لا يا ادهم انت كدا هتخلينا نفقد ابننا للابد
و لو سبتك هفقدك انتى كمان يا صفيه
ارجوك يا ادهم مش فاضل على ميعاد الشيخ الا ساعه
متحاوليش ...انا قاعد لك اهو
يا خبر ...اعمل ايه دلوقتى يا ربى ...دا قاعد و مش باين عليه أنه هينام
طب انا عاوزه اروح الحمام من فضلك
تعالى هروح معاكى
طب يلا افتح لى الباب
و خرجت رحت الحمام و ادهم ورايا فاكر انى ممكن اعمل فى نفسي حاجه
قعدت افكر و انا فى الحمام اتخلص منه ازاى ؟ ...و جت لى الفكره
خرجت من الحمام و انا ماسكه بطنى
اه اه مغص جامد اوى يا ادهم هموت
طب هروح اعمل لك كوبايه نعناع و اعملى انا كمان قهوه
ادهم عمل النعناع و عملت زى مرات الشيخ ذاكر بالظبط
ايه دا ؟ انت مش حاطط سكر على النعناع ؟
ما انتى على طول بتشربيه من غير سكر
معلش يا ادهم طب هاتلى معلقه مش قادره اشربه كدا و بطنى بتتقطع
وراح ادهم يجيب السكر ..انتهزت الفرصه و حطيت له حبيتين منوم كنت طحنتهم و انا فى الحمام و حطيتهم فى القهوه بناعته
ادهم شرب قهوته و مفيش ربع ساعه كان بيغط فى نوم عميق
قمت من جنبه بالراحه و بوسته فى خده و سبت له ورقه أنه يسامحني و لو ربنا أراد و رجعت هصالحه بنفسي و لو مااردش يبقى يدعيلى و يفتكرنى و قلعت دبلتى و حطيتها جنب الجواب
و رحت على اوضة ادهم و قفلت على نفسي و كان خلاص الوقت حان
قصص رعب روايات جميلة روايات رومانسية روايات اون لاين روايات كاملة كتب وروايات
و لقيت الشيخ ذاكر اتمثل قدامى
جاهزه يا صفيه ؟؟
جاهزه يا شيخ ذاكر
طيب خدى الازازه دى ادهنى بيها جسمك
ايه الازازه دى ؟؟
انا لما سبتك روحت لسوفيرا و قلت لها على حكايتك و حكاية ابنك و أننا عاوزين نساعدك
سوفيرا قالت لى أنه بمجرد اختراقك لعالم الجان الكل هيعرفك من ريحتك
و الخبر هيوصل اغادير و ابو العيون و خطتنا هتبوظ
يا خبر طب و بعدين ؟
سوفيرا ادتنى السائل ده و قالت لى خليها تدهن جسمها بيه ، دا هيخلى ريحتها زينا محدش هياخد باله منها و بعد ما تدهن بيها دخلها على طول و هاتهالى
يااا...... دى ريحتها صعبه اوى
و لا صعبه و لا حاجه انتى بس عشان مش معتاده
طيب ...خلاص دهنت كل حته فى جسمى من الازازه ...ايه دا ؟ انا لبسي اتبدل !!!
طبعا يا صفيه علشان محدش يتعرف عليكى.......معاكى العروسه ؟؟؟
ايوه معايا
حطيها بين لحمك و هدومك ...العروسه هى اللى هتوصلنا للمكان اللى اغادير مخبيه ابنك فيه
حاضر اهيه
اربطيها كويس اوعى تقع منك
متخافش ...ربطتها كويس جدا جوه هدومى
تمام هاتى ايدك ....شايفه بقعه النور اللى على الحيطه دى ؟
ايوه شايفاها
ركزى عليها كويس متنزليش عينك من عليها
حاضر
هخطى خطوه ناحيه الحيطه و انا بقول بسم الله ...اوعى تغمضى عنيكى
حاضر
و فعلا ركزت على بقعه النور اللى كانت عامله زى فتحه دوامه ، الشيخ اخد ايدى و خطى خطوه ناحيه الحيطه و هو بيقول بسم الله
لقيت نفسي فى حاجه غريبه اوى الضوء حواليا محاوطنى من جميع الجهات
ضوء مبهر ..مش ابيض لا دا ملون زى الوان الطيف السبعه ، مكنتش شايفه غير الضوء حتى الشيخ ذاكر مكنتش شايفاه بس كنت حاسه أنه ماسك ايدى بقوه ..
كنت طايره جوه بقعه الضوء بمنتهى الخفه كأنى ريشه طايره فى الهوا
لحد ما فجأه الالوان اللى كنت شايفاها ابتدت تتلاشى واحده واحده و بقى اللون ابيض و لقيت نفسي فجأه واقفه انا و الشيخ ذاكر فى وسط شارع فى مدينه شكلها غريب
زى ما اكون رحت بلد اجنبى ...الأرض من الرخام و الحوائط من الجرانيت ...كيانات و صور بتتحرك من بعيد مش قادره احدد ملامحها
الشيخ ذاكر بص لى و قالى
اهلا بيكى فى مدينتنا
اهلا بيك يا شيخ ذاكر
اهم حاجه يا صفيه اوعى تخافى من اى شئ تشوفيه هنا ، طاقة الخوف ممكن تكشفنا
حاضر
يلا بينا على سوفيرا هى اللى هتقولنا هنعمل ايه علشان نوصل لحمزه
يلا بينا
قصص رعب روايات جميلة روايات رومانسية روايات اون لاين روايات كاملة كتب وروايات
يتبع....
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
جميل جدا بس مش هاقول بقى ان البارت قصير 🙈
ردحذف