ادم و مليكه الجزء السابع و الاخير

#ادم و مليكه _روايات رومانسيه

#الجزء_السابع_والاخير

قصص رعب روايات جميلة روايات رومانسية روايات اون لاين روايات كاملة كتب وروايات

و فعلا ادم خلانى اكلم والدته و دخلت قلبها من اول دقيقه و بقت على اخر المكالمه تقولى نفسي اشوفك يا ملوكه 

قلت لها على راسي يا امى تشرفينى ,تعالى بس تونس و انا هفسحك فى أماكن جميله جدا و اعملك اكلات تونسيه حلوه جدا

يا ريت يا حبيبتى ...انا نفسي اشوف تونس من زمان ...انا هخلى ادم يحجزلنا و اجيلك على عينى ...اجيبلك ايه معايا من مصر و انا جايه ؟؟ 

هاتيلى ادم معاكى يا ماما 

حبيبتى يا بنتى ...تصدقى انى حبيتك على حبك لابنى 

و قدرت اقنع امه بيا على اخر المكالمه و اكلت بعقلها حلاوه زى ما بتقولوا ... و زاد اقتناعها بيا اكتر اول ما شافتنى فى المطار.

استقبلت أهل ادم بكل كرم و حب و قمنا بالضيافه التونسيه على أصولها

والده ووالدته كانوا منبهرين باللى شافوه فى بيتنا من كرم و كمان من جمال بلدنا 

بابا كمان استقبلهم استقبال كويس اوى لأجل عيونى بس قال أنا لو وافقت على زواجكم هيكون عندى شرط 

ايه هو يا بابا ؟؟

يا اما ادم يجى يقعد معانا هنا او انتى تروحى تعيشي معاه فى مصر مينفعش تتجوزوا و كل واحد منكم فى بلد 

و اخترت انى أضحى عشان حبيبي و قفلت شركتى اللى كنت بحبها اوى و كنت ناجحه فيها جدا 

و اخترته هو واخترت أنه يفضل فى شغله

و اتجوزته من غير قايمه و لا قاعدة و لا مهر و لا مأخر و لا شقة 

الحمد لله هي قاعة عملنا فيها فرح و اسبوعين عسل في أوتيل و بعدين هو سافر لشغلو على ما جهزلي الورق و سافرتلو و تحولت من سيدة أعمال الي سيدة البيت و الي كانت بتدخل المطبخ كبيرها تعمل اومليت بقت بتعمل محشي و جلاش و بتحمر طعمية عالسحور اتعلمت كل حاجة هو بيحبها 

طبعا حياتنا كان فيها مشاكل زي اي اثنين و أكثر كمان عشان اختلاف العادات و التقاليد الحاجة إلى انا بشوفها عادي ممكن هو يشوفها جريمة بس كلو بيعدي بالصبر و الحكمة.

دايما كنت احط الايه الكريمه( و لا تنسوا الفضل بينكم) قدام عينى عند اى خلاف كان يحصل بينى و بينه و فعلا لو كل واحد وواحده ساعة الخلاف افتكر للتانى حاجه كويسه هو عملهاله صدقونى مشاكل كتير هتتحل بمنتهى البساطه و بعد فتره مش هيكون لها أثر اصلا

اللى اقدر استخلصه من حكايتى انا و ادم و اللى يضمن حياه سعيده للطرفين  أن الإنسان لازم يتجوز اللى يحبه و يتحرك له قلبه علشان نقدر نلتمس لبعض الأعذار

و لازم نتحمل المسؤليه مدام اتجوزنا خلاص كل طرف يتحمل دوره فى العلاقه اللى وصفها رب العالمين بالموده و الرحمه

و ياريت مندخلش حد ما بينا لأن ساعات التدخلات بتزيد حدة الخلاف

 القسوة تتكسر باللين،  متطولوش الخصام عشان طول ما انتو متخاصمين  الشيطان شغال في دماغكو 

 ‏جوزك ميقولش كلام حلو قولي انتى كل يوم و على طول مع الوقت هيتعود و هيقول 

 ‏ مراتك عندية خدها في حضنك و اطلب عنيها هتديلك من غير عند

 ‏ بلاش العلاقات الفوقية الي فيها امر و نهي اسألها و استاذنها في كل حاجة حتى لو انت في الاخر هتعمل الي في دماغك خليك حكيم  و انت خليكي ناعمة 

 ‏عاملها زي بنتك و انت عامليه زي ابنك

 ‏  و بلاش  نكد  الدنيا مش مستاهلة الحياة قصيرة استغلوها كويس و آخر حاجة عيشو الحب و متندموش عليه حتى لو الدنيا عاندت معاكم الحب حلو و ذكرى تعيشو بيها العمر كلو و ربي يسعد قلوبكم

قصص رعب روايات جميلة روايات رومانسية روايات اون لاين روايات كاملة كتب وروايات

 ‏

 ‏الله يا مليكه كلامك حلو اوى ...و الله احنا محظوظين أن احنا عرفناكم 

 ‏دا احنا اللى اتشرفنا يا ست ام عادل 

 ‏الشرف لينا احنا و الله ياريت كل البيوت تكون بالشكل ده و زى ما قلتى يا مليكه الدنيا قصيره و متستاهلش أننا نعيش فى مشاكل و نكد .

 ‏الف مبروك يا عادل يا ابنى الف مبروك يا مريم ربنا يتمم لكم بخير يا اولاد.

 ‏تزوجت مريم عادل و عاشت كما عاشت مليكه علمت زوجها الحب و الموده 

 ‏تخرج احمد من كلية الهندسه و التحق بالعمل بشركة والده 

 ‏سافر ادم و مليكه إلى تونس لعمل شهر عسل جديد كما وعدها و إلى الآن يعيشوا بموده و حب و سعاده😍

 ‏اللهم املئ بيوتنا بالسعاده و الطاعه يا ارحم الراحمين.

 ‏تمت .

قصص رعب روايات جميلة روايات رومانسية روايات اون لاين روايات كاملة كتب وروايات

ارجو أن القصه تكون نالت اعجابكم، لو عجبتكم القصه ارجو الدعاء لوالدى رحمه الله و سائر موتى المسلمين .

#دجيهان_عادل

#قصص_وحكايات_د_جيهان_عادل.

فضلا غير مسموح نقل أو نسخ القصه إلا بعد اذن الكاتب ..