#اغادير_ قصص رعب
#الجزء_السادس
قصص رعب
يا مدام عيب كدا ...ميصحش اللى بتقوليه ده ....انا لولا مقدر حالتكم كنت عملت حاجه تانيه _ قصص رعب
هتعمل ايه يعنى ؟ يا حراميه يا نصابين انا دخلت الشقه بنفسي و كانت مفروشه
الكلام ده غير صحيح تماما ...الشقه مكنش فيها حاجه ابدا
انت هتجننى
استنى يا صفيه ...طب ممكن تيجى معانا تفتح لنا الشقه نشوف الولد جواها ؟؟
ممكن طبعا ...يلا بينا
السمسار جه معانا و فتح لنا الشقه
الشقه كانت خراب فى خراب حيطانها مكسره و التراب و العنكبوت ماليها
هى دى الشقه اللى بتقولى انها مسكونه و كمان مفروشه يا مدام ؟؟؟
انا مش مصدقه ...نجوى كانت هنا و الشقه كانت مفروشه و كان معاها بنتها لارا و العروسه
العروسه لسه عندى فى اوضه حمزه...انا مش بيتهيالى و لا انا مجنونه
انا مليش دعوه بالكلام ده حضرتك ...المهم انا فتحت لكم الشقه قدامكم اهو و شفتوها على الطبيعه قصص رعب
احنا اسفين جدا لحضرتك
لا ابدا يا استاذ ادهم ربنا يرد لكم ابنكم يارب استأذن انا
و قفل السمسار الشقه و انا واقفه مذهوله ازاى الكلام ده ؟؟ امال نجوى دى مين و العفش راح فين
انا مش مجنونه يا ادهم ...نجوى خطفت ابنى
نجوى مين دى يا صفيه ؟؟؟
مش عارفه ...طب تعالى تعالى هوريك العروسه ...تعالى يا ادهم
و دخلت جرى على اوضة حمزه دورت على العروسه بس ملقتهاش ....فوق السرير و تحته ...فى ألعابه ...فى الدولاب مفيش...مفيش اى شئ
ادهم قعد على سرير حمزه و بقى يبكى و مسك صورته حضنها و يقولى
وديتى ابنى فين يا صفيه ؟؟؟ مخدتيش بالك منه ليه ؟؟؟ دى الامانه اللى سبتها لكى يا صفيه
قعدت على الأرض و بقيت اصرخ زى المجنونه دا ابنى انا كمان ....انا اللى تعبت فيه ...لو قلبك محروق قيراط قلبى محروق اربعه و عشرين ...حرام عليك يا اخى ...حرام عليك ...كله بسببك انت ...انت اللى جبتنا المخروبه دى يا ريتنى ما جيت معاك ياريتنى يا ريتنى
ادهم قام من على السرير و قال
انا مش قادر النار مولعه فى قلبى انا هروح ادور عليه فى كل مكان ...يا حبيبي يا ابنى يا ترى انت فين يا حمزه
ادهم جرى و كانت الدنيا ليلت خلاص
كنت عاوزه أجرى وراه بس لقيت أن رجليا مش شيلانى خالص
بقيت احضن فى هدومه و اعيط و اشم ريحته ....انت فين يا حمزه ....انت فين يا ضنايا ؟؟...رحت فين يا حبيب امك
رحت فين يا عينى ....
و فجأة سمعت صوته جاى من تحت السرير
انا هنا يا ماما
قمت اتنفضت و شلت الملايه مشفتش اى شئ
انت فين يا حمزه ...انا مش شايفاك
انا هنا فى حته ضلمه مش عارف انا فين يا ماما ...انا خايف يا ماما
متخافش يا عين امك ...متخافش انا هنا معاك ...بس قولى انت فين
مش عارف يا ماما ...انا مش عارف
حمزه ...حمزه ...رد عليا يا حمزه
انت فين ؟؟؟ فين ؟؟؟
ايه دا العروسه دى كانت فين ؟؟؟ انا متأكدة انى دورت تحت السرير و مكنتش موجوده
جريت زى المجنونه معرفش جبت القوه دى منين و اخدت العروسه فى حضنى و نزلت ادور على ادهم
لقيته من بعيد بيجرى زى المجنون و ماسك موبيله و عمال يورى اى حد معدى صوره حمزه و يجرى على المحلات يوريهم الصوره
ادهم ادهم ....انا سمعته يا ادهم
سمعتى مين يا صفيه ؟؟ ابعدى عنى خلينى الحق ادور عليه قبل ما يبعد اكتر
لا يا ادهم حمزه موجود ...و الله موجود و انا سمعته
فين؟؟ فين يا صفيه ؟
معرفش بس بيقولى أنه فى مكان ضلمه
يكونش محبوس فوق السطح يا صفيه ؟؟ احنا ازاى مفكرناش فى الحكايه دى ؟
ادهم جرى و انا وراه و طلعنا على السطح ندور زى المجانين فى كل الكراكيب الموجوده و فى عشة فراخ قديمه مهجوره ...ورا اطباق الدش ....حتى العمارات اللى جنينا بصينا عليها يمكن مستخبى على سطح واحد منها
مفيش ...مفيش يا صفيه ....الواد راح فين ؟؟
و الله سمعته يا ادهم
انتى اكيد اتجننتى يا صفيه ...سمعتيه فين ؟؟
انا هنا يا بابا
فين ؟؟ انت فين مش شايفك يا حمزه
بابا ...الدنيا ضلمه انا خايف اوى الحقنى
ادهم بقا يلف حوالين نفسه و يدور فى كل مكان و يشيل اى حاجه على الأرض
فين ...فين
انا بقا جالى ذهول ...الصوت طالع من العروسه ...حمزه محبوس فى العروسه
ابنى هنا يا ادهم ...ابنى جوه العروسه دى
بطلى هبل و دورى معايا على الولد ...الولد مبعدش عن هنا
الولد جوه العروسه يا ادهم ...صدقنى
هاتى العروسه اللى مجنناكى دى .....اهى
لاااااااااااااااا بترميها ليه ؟؟؟ حرام عليك حرام عليك
و نزلت جرى على السلم الحق العروسه
لقيت العروسه واقعه و اقسم لكم انى شفت دمعه تحت عين العروسه
اخدت العروسه فى حضنى و قعدت على الأرض قدام العماره و قعدت اقولها
حقك عليا يا ابنى ...حقك عليا يا حبيبي
الناس اتلمت معرفش جم منين ؟؟؟ و شفت وسطهم راجل كبير فى السن لابس ابيض و دقنه طويله جدا و لونها ابيض زى لون شعره بالظبط
الراجل ابتسم لى و طبطب على كتفى و قالى تعالى يا ام حمزه ...متخافيش
و قمت معاه كأنى مش بارادتى و لقيت ادهم لحقنى و بيقولى تعالى هنا انتى رايحه فين ؟؟؟_قصص رعب
انا رايحه مع الشيخ
شيخ مين يا مجنونه ؟؟ مفيش شيخ
لا كان هنا و طبطب عليا و قومنى و الناس كلها شافته
ناس مين ؟؟ مفيش ناس ....مش بقولك اتجننتى .....تعالى يلا اطلعك فوق
لا الشيخ هيودينى لحمزه
هو فين الشيخ ده ؟؟
مش عارفه
طب اطلعى يا صفيه ...هروح القسم مره تانيه يمكن يرضوا يطلعوا حد يدور معايا على حمزه 😔
قصص رعب
يتبع....
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
تعليقات
إرسال تعليق