#بنت_شوارع
#الجزء_الثانى_عشر
لو عاوزه تعرفى هى فين لازم افتحلك المندل
افتحى يا اختى ...انا موافقه و تحت امرك
لا ...مش دلوقتى انتى تجيلى يوم الجمعه بعد العصر و تجيبي معاكى ابنك الصغير
ابنى ؟ قصدك عبدالله ؟ طب ليه؟
هو اللى هيشوف
طب مينفعش انا اللى اشوف
لا ...لازم طفل صغير مبلغش الحلم
طيب خلاص هجيبه و اجى يوم الجمعه باذن الله 😔
مرت الايام و ذهبت تحيه الى حسنه و معها عبدالله
أجلست حسنه عبدالله أمامها بعدما طلبت من تحيه أن تجلس بدون أن تنطق بكلمه واحده مهما حدث و طلبت منه أن ينظر فى إناء مملوء بالماء أمامه و يقول ماذا يرى
اطلقت حسنه البخور و اخذت فستان لاسماء فى يدها و بدأت تنطق بكلمات غير مفهومه ثم وجهت الحديث لعبدالله
ركز يا عبدالله انت شايف اسماء دلوقتى قدامك صح ؟؟
ايوا شايفها
هنا تهلل وجه تحيه و تخيلت انها ستصل لاسماء اخيرا
بتعمل ايه يا عبدالله ؟
راكبه مترو ...لا مش مترو حاجه زى قطر
قطر و الا مترو ؟؟ ركز يا عبدالله
مش عارف تقريبا قطر
طيب خلاص شوفلنا بقا راحت فين بعد كدا
نزلت فى حته واسعه ...اهى انا شايفها ماشيه زى ما يكون تايهه
شوفلى كدا يا عبدالله المكان اللى هى فيه انت شفته قبل كدا ؟
لا معرفوش ...هى نايمه تحت كوبرى
طب انا عاوزاك يا عبدالله تشوفلى اى حاجه مميزه المكان شوف يافطه أو اسم المكان
لا مش شايف حاجه بس ...
بس ايه يا عبدالله ؟ شايف ايه؟
بس فى جامع كبير و جواه مقام ناس كتير حواليه بيزروه
طب اسم صاحب المقام ده ايه يا عبدالله ؟
مش عااارف ....مش باين قدامى ...الصوره بتختفى ...انا مبقتش شايف اسماء
خلاص يا عبدالله ....خلاص
خلاص ايه يا ستنا ؟ عرفتى البت فين ؟
بنتك سافرت يا تحيه بلد تانيه
بلد تانيه فين يا ست حسنه ؟
بلد فيها مقام و شيخ
ما البلاد اللى فيها مقامات كتير يا ستنا ....فى اى بلد يعنى ؟
معرفش يا تحيه ابنك مشفش غير كدا و معرفش يقولى هى فى أنهى بلد
طيب خلاص يا ستنا كتر خيرك ...
انصرفت تحيه و فى رأسها الف سؤال و بدأت تسال عبدالله عن ما رآه ...و هل كان يرى حقا ؟ ام كذب ....اخذت تسأله فى جميع التفاصيل و لكنها لم تخرج منه بأى معلومه مختلفه عن ما قالته لها حسنه
عادت تحيه بخفى حنين و لم تتوصل إلى شيى
استقبلتها حميده
ها عرفتى البت راحت فين ؟
ابدا يا حميده معرفتش ..الشيخه بتقول أن البت سافرت فى مكان فيه مقام لشيخ
تكونش راحت السيد البدوى يا وليه ؟
مش عارفه يا حميده
طب بقولك ايه ما تيجى نروح السيد البدوى ندور عليها سوا
تروحى فين بس ؟ دا انتى عروسه بقالك تلات ايام بس
عروسه النيله و السواد
ليه بتقولى كدا كفا الله الشر ؟
يا اختى قلت اتجوز متولى عشان اغيظ سميره و اكسر مناخيرها هى اللى غاظتنى و كسرت ضهرى
ازاى يعنى ؟عملت ايه ؟
عرفت انى اتجوزت جوزها من هنا و النار قامت فيها و راحت دبه معاه خناقه لرب السما ...
طب ما حلو ...مش دا اللى كنتى عاوزاه
لا يا اختى ما هى سابت له السبع عيال و مشيت على أهلها فى الصعيد و الشملول جابلى السبع عيال و يقولى عيالى و هعمل ايه ؟
ضهرى اتكسر يا اختى من عمايل الاكل و الغسيل ..زهقت يا تحيه
يا لهوى ...و ايه اللى مصبرك على القرف دا كله ؟؟
خايفه النسوان تشمت فيا و يقولوا معمرتش ...و هيقولوا دا ذنب سميره لا انا مش ممكن اشمت النسوان دى فيا ابدا
ربنا يعينك يا حميده ...هدخل انا بقا اشوف عبدالشكور
اه صحيح ...ازيه دلوقتى ؟ مش بقى كويس ؟؟
بالعكس يا حميده دى حالته بتدهور يوم عن يوم ...ربنا يسترها بقا
ربنا يشفيهولك يا حبيبتى
يا رب يا حميده ...الشيله تقيله اوى و خايفه مقدرش عليها لوحدى
ان شاء الله ربنا هيعينك يا حبيبتى
يا رب يا حميده يا اختى ...ادعيلى
بدعيلك ...بس ادعيلى انا كمان اخلص من المصيبه اللى حطيت نفسي فيها دى
ربنا يكتب لك الخير يا حميده يارب
و الان اعرف انكم جميعا تشتاقون لمعرفه ما حدث لاسماء و اين ذهبت و كيف عاشت ؟ سأقص عليكم من لحظه هروبها من بين يدى تحيه و حميده و إلى يومنا هذا
🥀🥀🥀🥀
أطلقت اسماء أقدامها للرياح دون أن تنظر ورائها ...اخذت تجرى لوقت كبير و هى لا تعلم إلى اين ستذهب
مر أمام عينيها شريط عمرها القصير ...و تذكرت المعامله القاسيه التى عاملتها بها امها ...كم من ليالى كانت تضربها بلا رحمه و بدون سبب أو لأسباب واهيه ...كم من ليالى كانت تتنمر على لونها الاسمر و شكلها الذى لا يعجبها ....كم من مرات كانت تتوعد لها و تحبطها و لا تريدها أن تتعلم ...هذه ليست المره الاولى التى فكرت فيها بالهروب ....حلم الهروب من ظلم امها يراودها يوميا ...و تحلم أن الشارع سيكون احن عليها منها
وصلت اسماء إلى محطة المترو و هى تلهث ....تسللت من بين الركاب ..عبرت أسفل ماكينه الدخول ...استقلت المترو ..نزلت بمحطة الشهداء فهى تعرف جيدا أن محطة القطار بجانب محطه مترو الشهداء.....دخلت اسماء المحطه و سألت عن القطار المتوجه الى الاسكندريه فحلمها الدائم هو الذهاب لمكان به بحر واسع و خاصة الاسكندريه و التى عرفتها من خلال الكتاب المدرسي ماده الدراسات الاجتماعيه
تسللت اسماء إلى قطار الاسكندريه و جلست فى أحد أركان العربه الاخيره نظرت اسماء إلى باب القطار المفتوح ...و منظر القضبان المتلاحقة ...كلما ابتعد القطار كلما أحست بتحرر روحها
شعرت لاول مره انها تتنسم نسيم الحريه
لم تحسب اسماء اى حساب لما ستفعله بعد ذلك ...اين ستذهب ؟ و اين ستنام ؟ و كيف ستأكل ؟؟
كل ما كان يشغل تفكيرها هو الابتعاد ...الابتعاد بقدر ما تستطيع ...
كانت الاسكندريه فى نظرها اخر بلاد المسلمين ...المكان الذى لن يخطر على بال امها لتجدها فيه
توقف القطار ...استيقظت اسماء من أحلامها الورديه ...نزلت الى المحطه لا تعلم وجهتها
ظلت تمشي إلى أن شاهدت البحر من بعيد
فرحت كثيرا بمنظر البحر و هرولت سريعا إليه لتنعم بلمس المياه الزرقاء التى لم تراها الا على الخريطه
بلغت سعادتها ذروتها و هى تلمس بقدميها الماء ..و شعرت بخفة جسدها و الماء يحمله ...ضحكت كما لم تضحك من قبل
اخذت تلعب بقطرات الماء و تنثرها حولها و هى فى منتهى السعاده
ظلت بالماء أكثر من ثلاث ساعات و خرجت عندما بدأ الليل فى الدخول
كانت جائعه فوجدت بقايا طعام تركته اسره من أسر المصطافين و انصرفت
هبطت اسماء على الطعام كالهّر الجائع
بقايا اسماك ...بقايا خبز ...بقايا ثمار فاكهه
اخذت تأكل و تأكل إلى أن شبعت ...بحثت عن الماء فوجدت إحدى المقاهي الموجوده على الشط
ذهبت اليها و طلبت الماء ...رفض النادل اعطائها الماء
مفيش ميه
لو سمحت انا عطشانه
اشتريلك ازازه ميه معدنيه ...الميه اللى هنا على اد عمايل الشاى و القهوه بس
انصرفت اسماء لتبحث عن اى مكان به ماء
مرت على بعض المصطافين الذين يخرجون ليلا للاستمتاع بجمال الاسكندريه و بدأت تطلب الماء
ظلت تسال كثيرا إلى أن حنت عليها إحدى السيدات و أعطتها الماء الذى تريد
شربت اسماء الماء بنهم شديد ....
هى الان تشعر بالتعب الشديد و تريد أن تنام ...بحثت اسماء عن مسجد قريب لتنام بداخله و لكنها وجدت جميع المساجد مغلقه ....نظرت اسماء لتجد إحدى الكبارى فذهبت إليها ...فرشت كرتونه اسفل الكوبرى ووضعت جنبها لتنام
أغمضت عينيها و دخلت فى النوم فى لحظات ....بعد دقائق استيقظت على قدم تركلها فى جنبها قائله
انتى يا بت ...ايه اللى جابك تنامى هنا ؟؟؟
#بنت_شوارع
#الجزء_الثالث_عشر
نظرت اسماء لتجد إحدى الكبارى فذهبت إليها ...فرشت كرتونه اسفل الكوبرى ووضعت جنبها لتنام
أغمضت عينيها و دخلت فى النوم فى لحظات ....بعد دقائق استيقظت على قدم تركلها فى جنبها قائله
انتى يا بت ...ايه اللى جابك تنامى هنا ؟؟؟
انتفضت اسماء جالسه لتجد أمامها بنت قذرة الملابس تكبرها بحوالى خمس سنين تمسك بيدها مطواه
انكمشت اسماء فى مكانها و لم تستطع النطق
هجمت البنت عليها و اخذتها من تلابيبها
قومى كدا كلمينى زى ما بكلمك ...
انا ...
انتى ايه انطقى يا بت ؟ مين اللى مسرحك ؟
مفيش
مفيش ايه ؟.. هتصيعى و الا ايه ؟
لا و الله انا جايه هنا لوحدى
اااه وارد جديد يعنى ؟ انتى منين يا بت ؟
انا من مصر
ما كلنا من مصر يا روح امك قصدى محافظه ايه ؟
من القاهره
و جيتى هنا ازاى يا عين امك ؟
هربت من البيت
ليه ؟ جوز امك اتحرش بيكى ؟
لا
امال ؟ عاوز يشغلك فى البيوت ؟
لا
امال ايه يا بت انطقى ...هو انا هنشدوا الكلام من بوقك
لا انا هربت من امى
ليه ؟ كانت عاوزه تشغلك فى البطال ؟
لا
اه صحيح انتى لسه عيله اكيد كانت عاوزه تشغلك فى السرقه
لا امى كانت عاوزه تشغلنى شحاته و كانت عاوزه تحرقنى عشان اصعب على الناس
هههههههههه هههههههههه هههههههههه و انتى بقا يا روح امك لما تقعدى فى الشارع هتشتغلى ايه ؟؟ وزيره يا حيلتها ؟ ما انتى هتكونى شحاته برده ...دا غير اللى لسه هتشوفيه كمان من الشارع و بلاويه ...قومى يا اختى ارجعى بلدكم قبل ما العيال يتلموا عليكى و يعملوا عليكى حفله
حفلة ايه دى ؟؟
حفله يا عنيا مش عارفه الحفله قومى يا اختى قبل ما يجوا ياكلوكى هنا
فى تلك اللحظه وجدت اسماء بعض الصبيه و الفتيات قد تجمعوا حولها ...أعمارهم تتراوح بين العشر و السبعه عشر عام
نطق كبيرهم
مين الحته ؟؟
ملكش دعوه يا موس
امال مين اللى له دعوه يا سوكا ...البت فى منطقتى و لازم اعرف عنها كل حاجه
البت تايهه و هنرجعوها لأهلها
هنرجعوها ؟؟؟ ليه هنشتغلوا مصلحيين اجتماعيين و الا ايه ؟ البت دى لازمانى يا سوكا
هتعمل بيها ايه يا اخويا ؟
هنعملوا اللى هنعملوه ملكيش فيه
لا ليا البت تحت حمايتى
و الله كبرتى و طلع لك لسان يا سوكا ... انتى مش فاكره يا بت لما جتيلى و انتى زيها و ربيتك على ايدى
ما هو عشان فاكره مش عاوزاك تقرب منها
هنا أخرج موس من فمه نصف موس بسرعه فائقه و اشهره فى وجه سوكا قائلا :
طب غورى من قدامى بقا لاجيب وشك حتتين
كل ذلك و اسماء تستمع للحوار و ترتعد من الخوف فهى لا تعلم ما يتحدثون عنه و إلى ما سيؤل له مصيرها
تعالى يا حلوه اسمك ايه ؟
اسمى اسماء
لا اسماء ايه ؟ ....اسمك هيبقى لوزه اصلك حلوة زى اللوز و عاوزه تتاكلى اكل
مووووووس
فى ايه يا سوكا ؟؟
اتلم يا موس
و انتى شايفانى مبعتر يلا يا اختى خديها معاكى العشه ..عارفه لو البت دى راحت منك شوفى هنعملوا فيكى ايه ؟
اخذت سوكا لوزه و ذهبت بها إلى العشه.
العشه عباره عن حجره خشبيه تمتلئ بالمخلفات و اطارات سيارات قديمه ، فرشات من الكرتون
العشه بها عدد كبير من البنات ذات الملابس الممزقه القذره تفترش جميعهن الأرض
تعالى يا لوزه نامى هنا
انا عاوزه امشي يا سوكا
منا قلت لك يا بنت الحلال تمشي من الاول و انتى استغبيتى ... خلاص انا دلوقتى منقدرش نسيبك ...موس يقطع وشى بالموس لو عملت كدا.
هو انتى اسمك الحقيقى سوكا صحيح ؟
لا انا أسمى سكينه بس المخفى موس هو اللى طلع عليا الاسم ده
طب انا عاوزه اعرف موس عاوزنى فى ايه ؟
الا عاوزك فى ايه ؟؟ الشارع ده يا لوزه عامل زى الدوله له قانون و ريس و ناس شغاله تحت ناس
و موس ده الريس ؟
لا موس دا من الناس الشغاله ...ووظيفته يلقط اللى زيك علشان يقدمها للمعلم الكبير
طب المعلم الكبير ده ممكن يكون عاوز يعمل بيا ايه ؟
يوووو حاجات كتير اوى هو له نظره و بيوزع الشغل على حسب النظره دى ....نامى انتى دلوقتى و بكرا اكيد هنلاقى موس من النجمه هنا جاى يخدك يوديكى للمعلم
هو موس دا اسمه الحقيقى موس ؟
لا انا منعرفش اسمه الحقيقى بس هما مسميينه كدا عشان على طول فى بقه الموس مبيفارقهوش
يلا يا اختى نامى هنا و بطلى كلام كتير ملوش لازمه
وضعت اسماء جنبها على الأرض و كأنها تنام على الشوك ...بكت فى صمت و تمنت لو تستطيع الهروب مره اخرى من جحيمها الجديد
فى اليوم التالى حضر موس مبكرا ...دلف إلى داخل العشه التى بدون باب
ركل اسماء بقدمه ، فزعت اسماء من نومها
قومى يلا عشان نروح للمعلم
قامت اسماء تجر قدميها ، اخذت تحدث نفسها ما الذى سيفعله المعلم معها ؟ تصورت أنه يشبه الشيطان الذى يجلس على عرشه و حوله الزبانيه الذين يعملون لديه
اصطحب موس اسماء و معه اثنين من الأطفال الذين لا يتجاوز عمرهم الخمسة عشر عاما
دخل موس فى أماكن قديمه و حوارى ضيقه ...حاره من داخل حاره و زقاق من داخل زقاق
تعبت اسماء من المشى
يلا يا اختى ماشيه تتلكعى ليه كدا ؟
تعبت ...هو لسه فاضل كتير ؟
لا خلاص قربنا نوصل اهو
بعد دقائق وصل موس إلى مخزن قديم متهالك عباره عن طابق واحد أمامه مكان واسع ممتلئ بالخرده و اطارات السيارات
يقف على باب المخزن رجلين أقوياء البنيه تظهر عضلاتهم كالحراس الذين نراهم فى الافلام
استأذن موس فى الدخول على المعلم ابراهيم الشهير بصفيحه
اذن المعلم لموس بالدخول
المخزن من الداخل يمتلأ بقطع غيار سيارات و اجهزه كهربائيه مستعمله ، اغراض منزليه مختلفه كراسي ، اسرّه ، مناضد . شاشات كمبيوتر ، تلفزيونات ، مراوح ....و غيرها
يجلس المعلم على مكتب كبير قديم متسخ يضج بالكثير من الأغراض و فى يده الشيشه الذى ينبعث منها رائحه الحشيش
و من خلفه خزنه ضخمه يعلوها الصدأ
سلام عليكم يا معلم
و عليكم يا سيدى
انا جايب لك انهارده حاجه اخر حلاوه
حاجة ايه ؟ هو انت يجى من وراك خير ابدا يا موس
ليه كدا يا سيد المعلمين ؟
شغلك مش مظبوط يا موس ..انت مش شايف شغلك كويس
معلش يا معلم انا هظبط نفسي الفتره الجايه ...بس شوف الهديه اللى انا جايبهالك
هديه ايه يا سيدى ؟
بت وجه جديد لانج لسه بورقتها
ووقعت عليها فين دى ؟
لقيتها نايمه تحت كوبرى لسه طفشانه من أهلها
حلو ...هى فين ؟؟
مع ماندو و تيتو بره هناديها حالا
يا لوزه ...يا لوزه تعالى يا بت ادخلى ..... بوسي ايد المعلم .
وقفت اسماء كالتمثال امام ما رأته بداخل المخزن و أمام هذا المعلم الذى يبلغ وزنه أكثر من ١٥٠ كيلو لدرجه ان كرشه يخرج من الجانبين ...ذو شارب كبير قذر ، اصلع الرأس ذو جمجمه كبيره ..عيون صغيره تختفى وراء نظاره سميكه ، فم كبير ، اسنان سوداء مكسوره
تعالى يا حلوه اسمك ايه ؟
اسمى اسماء
امال ايه لوزه دى يا موس ؟
دا الاسم اللى اخترته لها يا سيد المعلمين
حلو الاسم ...انتى من دلوقتى تنسي خالص انك اسمك اسماء انتى من هنا و رايح لوزه...لوزه و بس
هنشغلها فى ايه يا معلمى ؟؟
هقولك يا موس البت دى تنفع اوى فى .........
#بنت_شوارع
#الجزء_الرابع_عشر
هنشغلها فى ايه يا معلمى ؟؟
هقولك يا موس البت دى تنفع اوى فى التوزيع
بت جديده و شكلها حلو هتديها الحاجه و توقفها فى حته حلوه و تعلمها تعمل ايه ...و توقف جنبها اتنين نادورجيه علشان لو فى اى عوء يعرفوا يتصرفوا
حاضر يا معلمى صباحك قشطه
عارف يا موس لو مظبطش نفسك هخلى نهار اللى جابوك اسود
نهاروو ابيض يا معلم
نهارو ازرق على دماغك يا اخويا ...يلا ورينى عرض كتافك
و انتى يلا يا حلوة معاه و اوعى اسمعه يشتكى منك احسن مش هيحصلك طيب ....شايفه الحبل اللى نازل من السقف ده و براميل الميه اللى تحته دى ؟ اللى بيغلط عندى بنعلقه من رجليه فى الحبل ده و ندلدل دماغه لغايه ما توصل للميه اللى فى البرميل ده ....فهمتى يا حلوه
ايوه فهمت
خرج موس أخذ لوزه إلى أحد النواصى بمكان راقى يمتلأ بالمطاعم الفاخره و المحلات أعطاها كيس اسود به عدة شرائط من عقار الترامادول
انتى يا لوزه هتقفى هنا و اى عربيه تقرب لك و تهدى عليكى تقوليلوا برشام يا باشا ؟
الشريط بميه جنيه ...معاكى عشر شرايط يعنى الف جنيه فاهمه و الا لا
فاهمه
هوقف جنبك من بعيد تيتو و ماندو اى حركه كدا و الا كدا هيجبوكى من قفاكى و هنوديكى للمعلم يعمل معاكى الصح
حاضر بس انا اااا
انتى ايه ما تنطقى
انا جعانه
متخافيش أكلك و شربك هيوصلك و انتى واقفه مكانك روحى يلا اقفى فى المكان اللى قلت لك عليه وورينى شطارتك
وقفت لوزه على إحدى النواصى ...ظلت تنتظر حوالى ساعه دون أن يقترب منها أحد
جلست على الرصيف ...أشار لها تيتو من بعيد أن تقوم من مكانها و تعود إلى حيث أوقفها موس
قامت لوزه و عادت لمكانها ...دقائق و اقتربت منها سياره سوداء و اخرج سائقها رأسه من شباك السياره
ارتبكت لوزه و نظرت إلى ماندو الذى كان يرمقها من بعيد ...أشار لها ماندو أن تدخل على الزبون
برشام يا باشا ؟؟
ايوه هاتى شريط
شريط واحد بس ؟؟ متاخدلك شريطين بدل ما تفضل رايح جاى
طب هاتى شريطين ...عاوزه كام
هما ٢٥٠ جنيه بس يا باشا
٢٥٠ ايه ؟ انا كل يوم بشترى و عارف الاسعار
خلاص يا باشا هنكرمك عشان تبقى زبوننا هات ٢٠٠ بس
خدى ال٢٠٠ اهم و العشره جنيه دى عشانك
تسلم يا باشا ربنا يخليك
بعد دقائق مر اخر ...و فى ظرف ساعه واحده كانت لوزه ابتاعت العشر شرائط و عبرت الشارع فى الناحيه الاخرى لتعطى لماندو و تيتو الألف جنيه بينما احتفظت لنفسها بخمسين جنيه لم تخبرهم بها
عادت لوزه إلى موس بصحبه ماندو و تيتو
لم يصدق موس انها باعت العشر شرائط بهذا الوقت القصير ... أعطاها عشر شرائط غيرهم
مرت الايام و قد تمرست لوزه فى بيع المخدرات بل و سبقت قريناتها فى ذلك
مع مرور الأيام زادت خبرة لوزه فى البيع ...كانت تدخر ما يعطيه لها الزبائن من بقشيش و تحتفظ به فى حفره كانت تحفرها و تضع النقود بكيس من البلاستيك و تضعها بالحفره و تغطى عليها و ذلك بإحدى الخرابات القريبه من العشه التى تنام فيها
اصبحت لوزه أكثر خبره فى التعامل مع موس و بدأت تطالب بنسبه من البيع او بأجر افضل حيث أنها تحقق لهم أرباح لا يحققها غيرها
وعدها موس بعرض طلبها على المعلم صفيحه و جاءها الرد بالموافقه فى حاله بيعها مائه شريط فى اليوم
قبلت لوزه التحدى و بدأت بتوزيع المئه شريط ...جمعت الكثير من المال من وراء المعلم و الزبائن و كانت فى كل ليله تذهب الى الخرابه لتخبئه قبل الذهاب الى النوم
مرت الشهور على هذا الوضع
أراد موس أن يعرف اين تخبئ لوزه تقودها فهى تحصل على مبالغ كبيره و لا يظهر عليها اى شيئ
ذهب موس إلى سوكا و طلب منها الحضور إلى حجرته و التى كانت معتاده على الذهاب إليها
ايوا يا موس ...كنت عاوزنى فى ايه ؟
الله ايه يا بت مالك جايه حاميه كدا ؟ اقعدى هنا
ادينا قعدنا
خدى سيجاره اهى
هات ...فى ايه بقا ؟
البت لوزا ؟
مالها ؟؟
بتودى فلوسها فين ؟؟ البت دى بتكسب فى اليوم اكتر من ٢٠٠ جنيه غير اللى الزباين بيدهولها و منعرفش عنه حاجه
علمى علمك يا اخويا
عيب عليكى يا بت دى بتنام فى حضنك كل ليله
لا بس البت دى بت خبيثه و محدش مننا يعرف عنها اى حاجه
بقا كدا ؟
اه و الله
طيب انا مسيرى اعرف بتودى فلوسها فين البت دى
عاوز حاجه منى تانى ؟
اه طبعا عاوز ...مالك يا بت موحشتكيش ؟
ما انت يا اخويا اللى مهتم اوى بالبت دى من ساعة ما شوفتها و هتموت عليها
اموت ايه بس يا بت ...دى شغل مجرد شغل.... البت شاطره زى اللهلوبه
بجد يا موس ؟
بجد يا روح موس
🥀🥀🥀🥀🥀
احتار موس و صمم أن يعرف اين تخبئ لوزه تقودها......قرر أن يتتبعها و يراقبها بنفسه بعد انقضاء عملها فى بيع المخدرات
عادت لوزه فى وقت متأخر و ذهبت كعادتها للخرابه تبعها موس و انتظر لعده دقائق ....دخل بمنتهى الخفه حتى لا تشعر به ....وجدها تخرج كيس كبير من النقود ذات فئه المئتين جنيه
تفاجأت لوزه بموس
انت ايه اللى جابك هنا ؟
ايه كل الفلوس دى يا بت ؟
و انت مال اهلك دى فلوسي انا تعبانه فيهم ...تعبى و شقايا
شقاكى ايه يا روح امك ...انتى كنتى جايلنا شحاته مش لاقيه تاكلى ...انا يا بت سبب الخير اللى انتى فيه دا كله
لا يا حبيبي دا تعبى و شقايا
حبيبك ؟؟؟؟؟ و ماله حبيبك حبيبك ....تعالى يا بت أما اقولك
انت عاوز ايه يا موس ؟
تعالى بس هقولك متخافيش
ابعد عنى لاصوت و ألم عليك الناس
ههههههه ضحكتينى يا بت ...انتى ناسيه اننا فى حته مقطوعه و مفيش حد فى المكان ده يلا يا حلوه متقاوميش عشان مقتلكيش و ادفنك مطرحك هنا و لا حد هيعرف عنك حاجه
اعتدى موس على لوزه..... اغتصب براءتها للمره الثانيه فقد اغتصبها سابقا معنويا عندما علمها تجارة المخدرات و ها هو الآن يغتصب جسدها أيضا بكل وحشيه ..مزق ملابسها،، قيد يديها ، ضربها بعنف لدرجه كسر أنفها ، شد شعرها إلى أن ارقدها جثه بلا حراك ...
اخذ غرضه منها و تركها غارقه فى دمائها
لم يكتف بسرقه شرفها فقط بل و اغتصب مالها أيضا
تركها و رحل ....
أفاقت لوزه بعد فتره ...تلملم فى ملابسها الممزقه ...تصرخ و تولول و تتوعد بأن تقتله
حاولت لوزه القيام من مكانها و لكن قدماها لم تحملها ....ظلت ملقاه كجثه متعفنه على كوم من القمامه
قضت ليلتها تصرخ و تنتحب على ما آل له حالها ...
اصبح الصباح و مرت إحدى فتيات العشه و تدعى كيما بالخرابه ...سمعت صوت نحيب ينبعث من داخل الخرابه
دخلت كيما إلى الخرابه لتجد لوزه ملقاه على الأرض ...شعرها مقطع كدمات بكل جسمها ...الدماء تلوث ما تبقى من ملابسها
لوزه ؟؟؟ مين عمل فيكى كدا ؟؟
الحقينى يا كيما انا بموت ودينى المستشفى بسرعه
حاضر حاضر طب قومى معايا
مش قادره يا كيما
طيب هروح انادى الواد صاروخ يقومك معايا
متتاخريش يا كيما
لا متخافيش ...هوا
ذهبت كيما لإحضار المساعده ...أحضرت صاروخ احد الصبيه الذى يعمل معها فى التسول
حملها صاروخ و عاونتها كيما إلى أن وصلوا بها المشفى
مكثت لوزه بالمستشفى يومين و لم تخبر أحد عن موس و ما فعله بها بالرغم من توافد كل رفاقها عليها و سؤالها من فعل بها ذلك إلا أنها أنكرت معرفة الجانى و تعللت بأن الظلام كان دامس و لم ترى من فعل ذلك بها
لماذا لم تخبرى الجميع بمن فعل بكى هذا الجرم يا صغيره ؟ بماذا تفكرين ؟؟ و ما الذى تخبئه لكى الايام بعد ذلك ؟؟
#بنت_شوارع
#الجزء_الخامس_عشر
مكثت لوزه بالمستشفى يومين و لم تخبر أحد عن موس و ما فعله بها بالرغم من توافد كل رفاقها عليها و سؤالها من فعل بها ذلك إلا أنها أنكرت معرفة الجانى و تعللت بأن الظلام كان دامس و لم ترى من فعل ذلك بها
حمدالله على السلامه يا لوزه
الله يسلمك يا سوكا
مش هتقوليلى بقا مين ابن الحرام اللى عمل فيكى كدا ؟
منا قلت لك يا سوكا الدنيا كانت ضلمه و مشوفتش حد
طب و ايه اللى وداكى الخرابه دى بالليل كدا ؟
كنت راجعه بالليل و حسيت انى عاوزه اعمل زى الناس ...دخلت افك زنقه لقيت واحد هجم عليا الظاهر كان جوه و انا مخدتش بالى و حصل اللى حصل
الله يجازى ولاد الحرام ...على العموم استريحيلك يومين على ما تشدى حيلك و بعدين تبقى تنزلى تشتغلى
لا انا مش عاوزه استريح انا عاوزه اروح للمعلم صفيحه
طب و عاوزه تروحى لصفيحه ليه يا لوزه
عاوزاه يدور لى على اللى عمل فيا كدا و ينتقم لى منه
طب خلاص هقول لموس يوديكى بكرا
لا موس لا ...مش انتى بتعرفى تروحى هناك ؟
ايوه بعرف ...بس موس لأ ليه ؟؟؟ هو فى حاجه حصلت منه ؟
لا ابدا مفيش بس انتى عارفه أن ممكن يكون اللى عمل كدا واحد من صباينه فميرضاش يودينى
انا عاوزه اقولك على حاجه يا لوزه
قولى
هو انتى فاكره أن المعلم صفيحه هيشغل نفسه بموضوعك ده ؟؟ يا ماما اللى حصلك دا عادى جدا و بيحصل لكل بنات الشارع و المعلم بقا مش فاضى للكلام الفارغ ده
و بعدين دا مش بعيد لو رحتى تقوليله الكلام ده يغتصبك هو ذات نفسه
طب بس ودينى و ملكيش دعوه
خلاص يا ستى هوديكى بس متقوليش انى انا اللى وصلتك هناك مش ناقصه مشاكل مع موس
لا متخافيش مش هقول و متقوليش انتى كمان حاجه
خلاص اتفقنا
فى اليوم التالى اخذت سوكا لوزه و ذهبت إلى المخزن تركتها بالقرب منه و انصرفت
طلبت لوزه الدخول على المعلم
دخلت لوزه على المعلم صفيحه دون خوف أو تردد فحقدها على موس هو ما كان يدفعها لمقابلة صفيحه بعد أكثر من عام من لقائها الاول به
عاوزه ايه يا لوزه ؟
عاوزه اعرض عليك عرض يا معلم
عرض ايه دا ؟؟
عاوزه اخد منك كل كميه البرشام اللى بتديها لموس و فوقيها شغل تذاكر الهروين كمان
الله الله ..هو انتى تقدرى ع الشغل دا يا لوزه ؟
ايوه اقدر ...انا معايا مجموعه عيال يقدروا يلفوا اسكندريه دى حته حته و يوصلوا للى موس و العيال اللى معاه ميقدروش يوصلولوا
طب و ليه عاوزه تاخدى شغل موس يا لوزه
فى تار بينى و بينه يا معلم
لا يا روح امك تارك ده متجيش تخلصيه عندى انا ..انتى مش فى محكمه هنا
اسمعنى بس يا معلم الواد موس ده واد وسخ و بيسمسر من وراك فى البرشام بيخلينا نبيع الشريط بميه جنيه بحالهم و ..
و انتى فاكره يا شاطره انى معرفش السعر اللى بيبيع بيه موس ؟ لا ياحلوه انا عارف كويس اوى هو يبيع بكام و سايبه بمزاجى علشان المصلحه تقضى
و اللى يقضيلك المصلحه بفلوس اكتر و شغل انضف تقول عليه ايه ؟
روحى يا شاطره العبى بعيد انتى فاكره عشان بتعرفى توزعى شويه شرايط زياده عن زمايلك تبقى كدا خلاص و عاوزه تكونى ريسه ؟
طب جربنى يا معلم مش هتخسر حاجه
اجربك بس بشرط
اشرط يا معلم ...انا ممكن اعمل لك اى حاجه تطلبها بس الكلب موس ده مياخدش ولا برشامه بعد كدا
الشرط انك تقوليلى مغلوله اوى ليه كدا من موس ؟ عمل فيكى ايه الواد ؟
معملللش
بتكدبى يا لوزه ؟؟ لهونتى فاكره انى نايم على ودانى و مش عارف ايه اللى بيحصل لصبيانى .. انا اعرف دبه النمله هنا
يعنى انت عارف هو عمل ايه ؟
طبعا عارف بس كنتى عاوزك تجيلى فى الدوغرى و تقوليلى على كل حاجه بنفسك بس انتى طلعتى بنت كلب لئيمه و جايه تتلأمى عليا
ابدا يا معلم ...انا بس مكنتش عاوزه افضح نفسي
ما انتى مفضوحه يا اختى ...هو انتى لسه هتتفضحى ؟
طب قلت ايه فى اللى قلتهولك يا معلم ؟
الواد ده لهف منك كام يا لوزه ؟؟
انت عرفت بحكايه الفلوس كمان
عيب يا بت انا صفيحه اللى اعرف القرد مخبى ابنه فين ؟ انتى بقا مكنتيش عاوزه تتكلمى عشان معرفش انك بتخنصرى انتى كمان من ورايا
لا و المصحف ابدا ...دا تعبى و شقايا و النسبه اللى انت عملتهالى و بقشيش الزباين
كام يا لوزه ؟
حوالى عشر الاف جنيه
و كنتى بتعينى الفلوس دى كلها ليه يا لوزه ؟
كنت ...كنت
كنتى ايه ما تنطقى ؟
كنت عاوزه اجمع مبلغ و اجيلك اخد شغل لحسابى
ههههههههههه ههههههههه لا و الله ...ايه يا بت التفكير ده ؟
تربيتك يا معلم
عجبتينى يا لوزه .... شوفى لما اقولك انا هديكى فرصة عمرك اللى مفيش حد يحلم بيها من العيال الرابش اللى معاكى
و انا هكون عند حسن ظنك يا معلم ....ها هتدينى شغل موس !؟؟
لا شغل موس دا ايه ؟ الشغل اللى عاوزك فيه اكبر من كدا بكتير
شغل ايه يا معلم ؟
شغل على كبير
طب و موس ؟
موس انا هجيب لك فلوسك منه لكن الحاجه التانيه دى مليش فيها انتى المفروض كنتى حميتى نفسك بنفسك
خلاص يا معلم و انا موافقه
احنا هنطلع لك جواز سفر باسم بنت واحد من رجالتنا و هتسافرى معاه على انك بنته
بعد كدا هترجعى و انتى شايله المخدرات فى شنطة لعبك اللى جايبها من بره
ااه يعنى عاوزنى اعديلك البضاعه ؟
ايوه ...انا من اول ما شفتك و انا بقول أن شكلك كويس و هتنفعى معانا فى حاجات كتير اوى
و انا تحت امرك يا معلمى
خلاص انتى زى ما انتى و محدش يعرف عن الاتفاق ده اى حاجه
انا هجهز لك بسبور مزور و هتسافرى يومين لبنان و مش عاوز و لا حد من اللى معاكى يعرف حاجه عن الكلام ده
وجب يا معلمى
و لما ترجعى من السفر برده متتكلميش خالص و لو حد سألك كنتى فين اليومين اللى فاتوا دول تقوليلهم اى حاجه كنت بضرب بولطه يومين بعيد عن المكان أو تقوليلهم رحت شقيت على اهلى و رجعت ..اى كلام يعنى
حاضر يا معلم
خرجت لوزه و هى يساورها شعورين متضادين
الشعور الاول بالحزن انها لم تستطع الانتقام من موس و تجرده من دعم المعلم له ....و لكنها فى قرارة نفسها تقول الايام بيننا يا موس
الشعور الثانى الفرح بثقة المعلم بها ...راحت تحدث نفسها بأنها لابد أن تكون جديره بتلك الثقه التى اعطاها لها صفيحه
بعد حوالى شهر ...رتب المعلم كل شيئ و استدعى لوزه و أعطاها ملابس نظيفه و بسبور مزور
انتى هتسافرى دلوقتى يا لوزه على لبنان مع شحاته ...انتى اسمك هبه شحاته منصور فاهمه يا هبه ؟
فاهمه يا باشا
عاوزك طبيعيه خالص و انتى بتعدى فى المطار عشان محدش ياخد باله من حاجه
حاضر يا معلم
سافرت لوزه مع شحاته و الذى أنهى عمله ووضع شرائط المخدرات فى شنطه كبيره مليئه بملابس و العاب اطفال
مرت لوزه من المطار بكل ثقه و عبرت بالمخدرات
فرح المعلم بها كثيرا و طلب منها أن تفعل ذلك مره كل شهر
نظرت لوزه إلى المعلم نظره استنكار
مالك يا بت بتبصيلى كدا ليه ؟
ببص لك عشان مش مصدقه
مش مصدقه ايه ؟؟
مش مصدقه معلم كبير كدا زيك و أقصى طموحه شنطة مخدرات كل شهر مره
يعنى ايه يا بت وضحى كلامك ؟؟
يعنى انت ممكن تجيب أضعاف أضعاف الشحنه دى و بطريقه اسهل و فلوس أقل كمان
لا لا ...تعالى هنا فهمينى عاوزه تقولى ايه ؟
#بنت_شوارع
#الجزء_السادس_عشر.
نظرت لوزه إلى المعلم نظره استنكار
مالك يا بت بتبصيلى كدا ليه ؟
ببص لك عشان مش مصدقه
مش مصدقه ايه ؟؟
مش مصدقه معلم كبير كدا زيك و أقصى طموحه شنطة مخدرات كل شهر مره
يعنى ايه يا بت وضحى كلامك ؟؟
يعنى انت ممكن تجيب أضعاف أضعاف الشحنه دى و بطريقه اسهل و فلوس أقل كمان
لا لا ...تعالى هنا فهمينى عاوزه تقولى ايه ؟
عاوزه اقول ان الصين البضاعه فيها على قفا من يشيل تقدر تجيب من هناك و بسعر اقل كتير من اللى بتجيب بيه من لبنان
يا سلام ...و انا بقا هروح اقول للحكومه انا هستورد برشام يا حكومه ؟
لا طبعا انت هتستورد حاجه تانيه و هتحط المخدرات فى قلب الحاجه دى
و هستورد ايه يا فالحه
هنستورد مثلا موبيلات أو اكسسورات موبيلات
طب و هنعمل ايه فى البضاعه دى ؟ انا مش عاوز اشتت نفسي فى مليون حاجه
لا البضاعه دى تبيعها بتمنها اللى جايبه بيها من الصين للتجار اللى بتتاجر فى الكلام ده و هما ما هيصدقوا بضاعه جايه لحد عندهم بدون جمارك و بنفس السعر
اه يا بنت الابالسه ...اتعلمتى الكلام ده فين يا بت ؟؟
الشارع يا معلم يعلم العفريت
و الله براوه عليكى يا لوزه ...عقلك ذرى
و لسه ....اسمع كلامى بس و انا هكسبك اد اللى بتكسبه دا مية مره
قولى يا ام مخ الماظ
احنا نجيب بودره اسهل فى الشحن و بعدين الشغل لازم يتقسم بطريقه تانيه غير اللى ماشي بيها ده
ازاى بقا ؟
لازم ننضف ...يعنى بلاش شغل سرقة الشقق و العربيات دى ...لازم نركز فى مجال واحد بس عشان نطلع كل طاقتنا فيه ....المخزن ده لازم يتهد و نتخلص من كل اللى فيه ده و نبنى مكانه مقر شركه كبيره و نعمل تحت الارض غرف سريه جواها خزن كبيره علشان انت بعد كدا مش هتلاحق على الفلوس توديها فين و طبعا مينفعش تحطها فى بنك لان البنك هيسالك من اين لك هذا ؟
احنا كمان لازم نشتغل على كبير و نوسع نشاطنا لمحافظات تانيه
لا لا كدا كتير و خطر
متخافش كل محافظه فيها تجار القطاعى اللى بيتعاملوا مع تجار الجمله بالغلا و الكوا لكن احنا هنكون حنينين معاهم على ما نجر رجلهم و يعرفونا كويس
كلامك حلو يا لوزه بس المهم التنفيذ هيكون ازاى ....اقولك روحى انتى دلوقتى لما ادور الموضوع فى دماغى
وجب يا معلمى
انصرفت لوزه و جلس المعلم يفكر فى كل كلمه قالتها لوزه
الشيشه يا ااااض
اتفضل يا سيدى المعلمين احلى شيشه لاحلى معلم
انت سمعت كلام البت دى يا كرم ؟
ايوا يا معلم سمعت
طب و ايه رايك فيه ؟
دى بتحلم يا معلمى ...بضاعه ايه اللى عاوزانا نجيبها من الصين ؟ و عاوزنا نبقى تجار جمله للمحافظات دى هبله البت دى
اهو دا الفرق اللى ما بين البت دى و بين كل رجالتى ...كلكم بتبصوا تحت رجليكم معندكوش طموح و لا عاوزينا نكبر ...عاوزين تتعلفوا زى البهايم و خلاص
يعنى كلامها عجبك يا معلم ؟
و دخل نغاشيش قلبى كمان
طب خلاص يا معلم اعمل اللى قالت لك عليه
و انا هستناك يا بغل اعمل و الا معملش ؟ يلا قوم من هنا عكرت مزاجى
مرت الايام و بدأ المعلم صفيحه فى البحث عن الطريق إلى السفر للصين ...
بحث المعلم عن اماكن بيع المخدرات إلى أن وجد أحد التجار الذى أخبره بمكان يكتظ بتجار المخدرات هناك
سافر المعلم و اتفق مع التجار على شحنه كبيره من الهيروين
اشترى اكسسوارات موبيلات
تم اخفاء البضاعه فى اماكن سريه فى داخل الكراتين
تم شحن البضاعه ، عاد المعلم من السفر و اتفق مع أحد الأشخاص من معدومى الضمير و الذى يعمل بالجمارك على تمرير البضاعه مقابل عدم تفتيشها أو التفتيش السورى لها
فى هذه الفتره ظلت لوزه كما هى أمام زملائها تسرح نهارا لتوزيع شرائط الترامادول و ينتهى بها المطاف بعد ذهابها للمعلم و الجلوس معه إلى العشه مره اخرى
و ذلك بناءا على طلبها حتى لا يشعر أحد بما تخطط له هى و المعلم
استغرقت وصول البضاعه حوالى شهر و نصف
فى هذه الفتره كانت لوزه تشعر بالتعب و لكنها لم تعر ذلك انتباها ...مرت الايام إلى أن شعرت لوزه بألم حاد فى معدتها
دخلت عليها سوكا و كيما و هى تتوجع من الالم
انتى لسه تعبانه يا لوزه ؟
ايوه بطنى هتموتنى
طب نغليلك شوية نعناع و الا شويه كمون ؟؟
شربت نعناع و شربت كمون و مفيش فايده
بطنى بتوجعنى اوى و زى ما يكون فيها حاجه بتمشي جوه
دا تلاقيه المصران الغليظ امى الله يرحمها كان بيحصلها كدا
طب و كانت بتعمل ايه ؟؟
كانت بتروح تجيب شريط بورشام من الصيدليه
طب متعرفيش شريط ايه دا ؟
لا الصراحه ...طب بقولك ايه ما تيجى نروح المشتشفى نكشف عليكى هناك و الدكتور يكتبلك على البورشام ده
لا مش قادره امشي
قومى قومى بلاش دلع هنسندوكى انا و البت كيما
ذهبت لوزه إلى المستشفى قسم الباطنه كشفت الطبيبه عليها و سألتها عن الأعراض
نظرت لها الطبيبه نظره غريبه و طلبت منها الذهاب للمعمل و عمل تحليل كتبته لها بالورقه
ذهبت لوزه لعمل التحليل ...خرجت نتيجه التحليل بعد ساعه
اخذت لوزه و سوكا التحليل و ذهبوا إلى الطبيبه
نظرت الطبيبه إلى التحليل و ظهر على وجهها القلق
ايه يا دكتوره ؟ هو انا عندى حاجه خطيره ؟
للاسف زى ما توقعت
توقعتى ايه ؟؟ هو انا عندى سرطان و الا ايه ؟؟
لا انتى حامل ....ازاى تتجوزى و تحملى فى السن الصغير ده ؟
حامل ؟؟؟ حامل ايه ؟؟ انتى بتقولى ايه يا دكتوره ؟
هو انتى مش متجوزه ؟
لا مش متهببه ...الحمل دا لازم ينزل بالله عليكى يا دكتوره
ايه اللى بتقوليه ده ؟ انتى متعرفيش أن كدا حرام ؟
لا الحرام أن العيل ده يكون فى بطنى يا دكتوره ....العيل ده ابن حرام
دا مش اختصاصى يا بنتى انا طبيب امراض باطنه
امال اختصاص مين ؟؟
روحى لدكتوره نسا و احكيلها و هى اللى تنفعك فى الموضوع ده
خرجت لوزه من المستشفى و كأن السماء وقعت فوق رأسها ....اسودت الدنيا فى نظرها ...فهى تعانى منذ شهور لكى تنسي ما حدث لها
تصيبها الكوابيس كل ليله ، تراه يخنقها كل ليله فى أحلامها تشعر بنفسه تسمع لهاثه ..تقاوم و تقاوم حتى تفيق من النوم خائره القوى...يلازمها الصداع من كثرة الكوابيس و قلة النوم ...كيف لها الآن أن تحمل فى بطنها قطعه منه ؟ كيف لها أن ترى جنينها و هو يشبهه و هى تكرهه هذا الشبه و تتمنى زواله من على وجه الارض ؟
كيف ستنظر بوجهه و هى من تجنبت رؤيه أبوه طوال هذه الفتره ؟
قطع تفكيرها صوت سوكا و هى تقول لها و لا يهمك يا لوزه انا اعرف دكتور نسا بيعمل العمليات الشمال دى هبقى اوديكى ليه
انا عاوزه اروح له دلوقتى يا سوكا
لا دلوقتى هو قافل مبيفتحش إلا بعد الساعه ١٢ بالليل
و انتى تعرفيه كويس ؟ يعنى شاطر ممكن يخلصنى من المصيبه دى ؟؟
ايوه امال ايه انا رحت مع كذا بت قبل كدا و سقطها
طب الله يطمنك
انتظرت لوزه ميعاد الطبيب بفارغ الصبر إلى أن وصلت الساعه الثانية عشر إلا الربع
ذهبت سوكا و لوزه إلى الدكتور معاطى
دفعت الكشف لممرضه عجوز تلبس نظاره سميكه عابثه الوجه ...أشارت لها الممرضه بالدخول دون أن تنطق بكلمه واحده
دخلت لوزه على. الطبيب و معها سوكا و بمجرد أن رآها الطبيب و هى ترتدى العباءه السمراء قال
ها مين فيكوا اللى جايه تكشف ؟
انا يا دكتور
ترقيع و الا اجهاض ؟
لا ...اجهاض
طب اطلعى على السرير لما اكشف عليكى
لما تكشف عليها هتعملها العمليه دلوقتى يا دكتور ؟ ( نطقت سوكا )
لما نشوف حالتها الاول هنقرر و بعدين نتفق على الفلوس كمان
متحملش هم يا دكتور اى فلوس هتقول عليها احنا تحت امرك بس تخلصنا من المصيبه دى
تمام بس انا هعمل العمليه و تاخديها و تمشي ...انتوا لا تعرفونى و لا جيتولى هنا
طبعا يا دكتور طبعا
اطلعى بقا يا بنتى لما اشوف
كشف الطبيب على لوزه بجهاز الاشعه .....امتعض وجهه و ظهر عليه الضيق الشديد
فى ايه يا دكتور ؟؟ انت مالك بلمت كدا ليه ؟
انا مش هينفع اسقطك للاسف
ليه يا دكتور ؟
اولا انتى حامل فى الشهر الخامس يعنى أى تدخل منى ممكن تموتى فيها ...ثانيا انتى حامل فى توأم و دى مشكله كبيره
توأم؟؟؟؟؟ ...يا خبر اسود ...لا يا دكتور بالله عليك تنزلهم حتى لو هموت
أهدى يا لوزه خلينا نفهم من الدكتور
اهدى ايه و نفهم ايه يا سوكا ؟ بيقولك توأم هعمل بيهم ايه و هقول ابوهم مين ؟؟
انا عندى حل تانى لو انتى عاوزه يعنى
حل ايه يا دكتور ؟؟؟
#بنت_شوارع
#الجزء_السابع_عشر.
اولا انتى حامل فى الشهر الخامس يعنى أى تدخل منى ممكن تموتى فيها ...ثانيا انتى حامل فى توأم و دى مشكله كبيره
توأم؟؟؟؟؟ ...يا خبر اسود ...لا يا دكتور بالله عليك تنزلهم حتى لو هموت
أهدى يا لوزه خلينا نفهم من الدكتور
اهدى ايه و نفهم ايه يا سوكا ؟ بيقولك توأم هعمل بيهم ايه و هقول ابوهم مين ؟؟
انا عندى حل تانى لو انتى عاوزه يعنى
حل ايه يا دكتور ؟؟؟
انتى ممكن تكملى الحمل و اشوفلك بيعه لهم ...هجيب لك تمن كويس اوى فيهم
ايه ؟؟ ابيعهم ازاى ؟ و اللى هيشتريهم ده هيعمل بيهم ايه ؟
ملكيش فيه بقا ..هو انتى لكى اكل و الا بحلقه ؟ فى ناس بتبقى معندهاش اولاد و بتاخد الاطفال اللى زى دول تربيهم و فى ناس بتشترى عيال زى دول تاخد منهم قطع غيار
ايه قطع غيار ازاى ؟؟ لا لا مش ممكن
طب ما انتى عاوزه تموتيهم اهو ...يعنى هى هياها
لا بس دلوقتى هما صغيرين ملهمش شكل لكن لما يتولدوا حرام
كدا حرام و كدا حرام و بعدين مقلتيش لنفسك ليه قبل كدا أن اللى بتعمليه ده حرام
انا معملتش حاجه دى كانت حادثه ...واحد اعتدى عليا
اومال مش واحد ؟ بقولك ايه انا ميهمنيش الكلام ده ...فكرى و ردى عليا
هنا ردت سوكا هتديها كام يا دكتور فى العيل ؟؟
هديلها ألفين جنيه
نعم ...لا يفتح الله
امال عاوزين كام ؟
عشرين باكو و لامؤاخذه
نعم يا اختى ...اما هى تاخد عشرين لوحدها ابيعه انا بكام بقا ؟؟
تبيعه زى ما تبيعه احنا ملناش فيه احنا هناخد على العيلين ٤٠ الف قلت ايه يا دكتور ؟
قلت كدا كتير يا اسمك ايه
اسمى سوكا و كدا مش كتير و لا حاجه انا اعرف ناس ممكن تشترى بالسعر ده
ناس مين دول ؟؟
ناس اعرفهم و رحت مع كذا بنت و هى بتبيع ابنها او بنتها
طب خلاص انا موافق ...انا هكتب لها على شوية فيتامينات تجيبهم عشان صحه الاطفال
لا لامؤاخذه انت اللى تجيب الفيتامينات دى ...العيال على حسابك دلوقتى يا دكتور
ماشي يا ستى و انا موافق
خرجت لوزه و هى تائهه ...اين لوزه صاحبه العقل الكبير ؟ و الفكر المتميز ؟ لماذا عجز تفكيرها أمام هذه المشكله التافهه ؟؟؟
ازاى تتفقى معاه على بيع العيال يا سوكا ؟
مش احسن ما تموتيهم ؟؟ انتى اولى بالفلوس اللى تطلع لك منهم ...هما كلهم اربع شهور و يبقى معاكى ٤٠ الف لحلوح
انا مش هقدر اعمل كدا يا سوكا
يا ستى انتى مش هتشوفيهم اصلا الدكتور هيولدك قيصرى و هناخدك ننقلك و ترجعى بالسلامه بالفلوس ...بصى كأنك حامل فى فلوس ...تخيلى اللى بطنك ده فلوس مش عيال
مش عارفه يا سوكا انا خايفه
متخافيش هتعدى بنات كتير حصل معاهم كدا و عدت
طب و شغلى ؟؟
و ايه هيمنعك من شغلك ...العيال اهم بيفضلوا شغالين لحد قبل الولاده بساعه ...انتى لسه صغيره و مش هتحسي بحمل و كمان الفيتامينات اللى الدكتور ادهالك هتقويكى اوى
طب انا مش عاوزه حد يعرف بالاتفاق اللى حصل مع الدكتور ده
و ليه بقا ؟ خايفه من الحسد ؟
انا مبحبش حد يعرف عنى حاجه
منا عارفه انتى سوسه ...ماشى يا اختى
........................
ذهبت سوكا لموس كعادتها لزيارته بحجرته
تعالى يا سوكا ..جيتى فى وقتك
انا دايما بنيجى فى الوقت المناسب يا موس
طبعا ...معاكى حشيش ؟
ايه دا ؟ هو مين اللى المفروض يسأل التانى ؟
المعلم منشفها عليا اوى اليومين دول و بيعاملنى معامله زى الزفت
و ليه كدا ؟؟ اكيد قليت باصلك معاه زى كل مره ؟
لا و الله بالعكس بس مش عارف كارفنى ليه كدا و مش مدينى وش ...و كل ما اروح الرجاله اللى على الباب يقولولى أنه مش موجود و ابقى فوت فى وقت تانى
طب مدورتش ورا الموضوع ده ليه ؟؟
دورت ....هو انا هسكت برده ؟
طب و لقيت ايه ؟
فى عيال بيقولوا أن ورا الموضوع ده البت لوزه
طب و لوزه هتعمل كدا ليه يعنى ؟
مش عارف الصراحه
اه ما هى البت لوزه دى بحورها غريقه و محدش يعرف عنها حاجه ...دا البت دى واقعه على حوار هيأكلها الشهد
حوار ايه دا يا سوكا ؟؟
لا يا عم البت محرجه عليا انى اتكلم
كدا تخبى على موس حبيبك ؟؟
بس الكلام ده سر ..البت لو عرفت هتزعل منى و هتبطل تحكيلى حاجه
عيب عليكى قولى بس
البت حامل
ايه حامل ؟؟ حامل من مين ؟
منعرفش ...بس فاكر الحادثه اللى حصلت لها من حوالى خمس شهور كدا ؟
اه
تقريبا بقا البت حملت ليلتها
طب ما يمكن البت دى مقضياها ؟
لا لا البت ملهاش فى الكلام ده
طب و ايه بقا الحوار اللى هيجيب لها فلوس
البت حامل فى توأم و الدكتور هيشترى منها جوز العيال ب ٤٠ الف جنيه
يا دين النبى 😲 أربعين ألف جنيه ؟؟؟
شفت بنت المحظوظه ؟؟
اه شفت ....دى احلوت اوى
بتقول حاجه يا موس ؟
لا مبقولش
امال مالك فرحت كدا ليه ؟؟
لا مفرحتش و لا حاجه بس بقول اكيد هينوبك من الحب جانب
ينوبنى مين؟؟ دى لو طلع منها الجنيه يطلع يصوت ...اسكت اسكت
طب خلاص روحى انتى دلوقتى
الله احنا مش هنسهر مع بعض ؟؟
لا أصل افتكرت ميعاد مع الواد ماندو على القهوه ...يلا بقا عشان متأخرش عليه
خرجت سوكا و تبعها موس و ذهب الى المكان الذى تقف به لوزه
اتجه موس إليها مباشرة ...و هى المره الاولى التى يلتقى بها منذ حدوث الحادثه..،،فقد كان يتجنب رؤيتها و كانت هى الأخرى تتجنب رؤيته
ازيك يا لوزه
.
ايه مبترديش ليه ؟؟ بقولك ازيك ؟؟
احسن منك
دايما يا رب
عاوز ايه يا موس ؟؟
عاوز ابارك لك يا لوزتى
تبارك لى على ايه ؟؟
على عيالى اللى فى بطنك
و مين قالك أنهم عيالك ؟؟
انا عارف و متأكد
و انت جاى دلوقتى عشان تفضح نفسك ؟
ههههههههه افضح نفسي ؟؟؟ افضح نفسي مين يا حلوه ...دا يعتبر شرف ليا
شرف يا عديم الشرف يا حرامى
حرامى ليه يا اختى ما انتى سلطتى المعلم يرجعلك فلوسك و خدهم منى على داير المليم
عاوز ايه يا موس ؟
فيها.. لأخفيها
نعم
زى ما سمعتى يا شاطره ...فيها لأخفيها ... النص بالنص
انا مش فاهمه بتقول ايه ؟؟
لا فاهمه بس بتستهبلى و انا متاكلش على قفايا انا ليا عشرين ألف فى فلوس بيع العيال دى
مين اللى قالك يا موس اكيد سوكا بنت الكلب
بقولك ايه ؟؟ سيبك بقا مين اللى قال من مين اللى مقالش ...هاخد العشرين الف يعنى هاخد العشرين الف
و ان مدتلكش هتعمل ايه يعنى ؟؟
منا قلت لك فيها لأخفيها ...
مش فاهمه
يعنى هشق بطنك اتنين و تروحى فيها و ابقى خلى الفلوس تنفعك بقا يا حلوه
انصرف موس تاركا لوزه فى قمة الغيظ ...لم تجد لوزه الا المعلم صفيحه ليحميها
ذهبت إليه و قصت عليه الحكايه
نظر لها المعلم بإعجاب قائلا :
يا بنت الايه يا لوزه انتى مطلعتيش سهله برده ...بقى يا بت هتبيعى عيالك ؟
طب و هخليهم اعمل بيهم ايه يا معلمى ؟
و الواد موس عرف الاتفاق ده ازاى ؟
اكيد سوكا اللى قالت له
متخافيش انا مش هخلى الواد ده يلمس شعره منك ...لو قرب لك هيكون بموته
#بنت_شوارع
#الجزء_الثامن_عشر.
نظر لها المعلم بإعجاب قائلا :
يا بنت الايه يا لوزه انتى مطلعتيش سهله برده ...بقى يا بت هتبيعى عيالك ؟
طب و هخليهم اعمل بيهم ايه يا معلمى ؟
و الواد موس عرف الاتفاق ده ازاى ؟
اكيد سوكا اللى قالت له
متخافيش انا مش هخلى الواد ده يلمس شعره منك ...لو قرب لك هيكون بموته
استدعى المعلم موس و انذره انذار شديد اللهجه و أمره بعدم الاقتراب من لوزه
خفض موس رأسه و نظر للأرض قائلا
حاضر يا معلم انت تؤمر
خرج موس و هو يسب و يلعن صفيحه و لوزه و يتوعد بنفسه أنه لن يتركها مهما حدث
مضت الشهور بطيئه متثاقله ....
استطاع فيها صفيحه أن ينفذ خطة لوزه فى التخلص من الخرده و بناء مبنى كبير أسفله غرف مصفحه و أخرى سريه لخلط البودره و تقسيمها و تعبئتها فى تذاكر جاهزه للتوزيع
قسم صفيحه العمل بحيث يتم بيع جزء من البضاعه جمله لتجار المحافظات الأخرى و الجزء الآخر قطاعى مع الاولاد التى تسرح بالشوارع
جاء موعد الولاده
ذهبت لوزه و سوكا إلى الدكتور معاطى ،و الذى قام بدوره فى تخدير لوزه ...أخرج الطبيب توأم لوزه المتماثل من بطنها
اخذ الطبيب الطفلين و سلمهم للممرضه العجوز و التى بدورها أخذتهم و تحركت بهم خارج العياده
أفاقت لوزه من العمليه و كانت لا تزال فى مرحله الافاقه
انا ولدت يا سوكا ؟؟
ايوه ولدتى
جبت ايه ؟
جبتى ولدين شبه بعض بالظبط
عاوزه اشوفهم يا سوكا
لا ما هو الدكتور مشاهم خلاص
ازاى يعمل كدا ؟؟ انا كنت عاوزه اشوفهم بس
راحت لوزه تفيق و تنام و تعاود بالسؤال عن ابنائها
انتهزت سوكا الفرصه لتسألها عن الذى فعل بها هذا الفعل ..قائله :
ابو العيال جه اهو يا سوكا
لا مش عاوزه اشوفه ...انا بكرهه ...بكرهك يا موس ...انت قضيت عليا ...سرقت شرفى و فلوسي ...مش عاوزه عيالك انا بعتهم و انت مش هتاخد النص ...المعلم هيقتلك ...
استمعت سوكا لكلمات لوزه الغير منتظمه و لكنها فهمت الحكايه
شعرت سوكا بالغيره الشديده
بقا كدا يا موس الكلب ؟ و بتضحك عليا و تقولى انى الحته بتاعتك ؟ و انك محبتش فى الدنيا دى غيرى ؟ و دينى و ما أعبد لأوريك ...
أفاقت لوزه تماما من البنج ...كتب لها الطبيب روشته بالادويه اللازمه و أعطاها الأربعين الف جنيه
عادت سوكا و لوزه إلى العشه و التى امر المعلم صفيحه بوضع مرتبه من الاسفنج على الأرض لتستريح عليها لوزه
وضعت لوزه جسدها على المرتبه بينما احتفظت بالنقود بداخل صدرها
نامت لوزه بعد اخذها دوائها
حلمت بتحيه امها اتت لها و هى تجلس على كرسي قديم متهالك و تضحك ضحكه مرتفعه و تسألها
فين ولادك يا اسمااااااء؟
ولادى ...ولادى ....مش عارفه ؟
و كنتى زعلانه منى انى عاوزه احرقك ...انتى بعتى لحمك يا اسماء ....انتى بقيتى اسوء منى .....بتكرهينى و انتى اسوء منى يا اسماء
انتى السبب ...انتى اللى عملتى فيا كدا ...انتى السبب ....منك لله
هههههههههههه متعبيش عليا تانى يا اسماء ...هربتى منى عشان تبيعى ولادك ؟
انا بكرهك بكرهك بكرهك ...انتى السبب انتى السبب
أفاقت لوزه على صوت كيما و هى توقظها
قومى يا لوزه ...قومى فى ايه ؟ عماله تصرخى كدا ليه ؟؟
مفيش يا كيما دا كابوس وحش اوى
معلش يا حبيبتى نامى و ارتاحى بس
امال فين سوكا ؟؟
مش عارفه خرجت بعد ما نمتى و قالت إن وراها مشوار
طيب ...انا هنام
طب عاوزانى اعملك حاجه
لا كتر خيرك
الى اين ذهبتى يا سوكا ؟؟؟
ذهبت سوكا إلى موس لتواجهه بما علمت من لوزه أثناء افاقتها
انكر موس ما عرفته سوكا وواجهته به و لكنها أحكمت عليه الخناق فاعترف أنه لم يكن يقصد و أنه كان مخدر بتلك الليله و لم يكن بوعيه...و أن همه الأول كان سرقة أموالها فقط
نظرت إليه سوكا باحتقار غير مصدقه اكاذيبه و لكنه اقسم لها بأنه صادق
انا عارفه انك كداب يا اض يا موس بس طيبه قلبى هى اللى بتخلينى اسامحك كل مره
انا حبيبك يا سوكا ...هو احنا يا بت لينا غير بعض ؟
يا سلام يا اخويا
حبيبتى انتى ....بقولك ايه يا سوكا ؟
ايوا
متعرفيش البت دى مخبيه الأربعين الف فين ؟؟
ايوا اعرف ...حاطاهم على صدرها لغايه ما تبقى قادره تقوم و تبقى تخبيهم زى بقيه فلوسها
الفلوس دى من حقنا يا سوكا
من حقنا ازاى يعنى ؟؟
هى البت دى كانت جايلنا بإيه ؟؟ دى واحده كانت جايه مش لاقيه تاكل و لولايا انا و انتى مكنتش وصلت للامله اللى هى فيها دى ...و بعدين العيال عيالى يعنى الفلوس من حقى ...و من حقك طبعا
طب و احنا هناخد الفلوس منها ازاى ؟؟ دى كانت بتخرف و تقول إن صفيحه هيقتلك لو قربت منها
و لا يقدر يعمل حاجه ...انا اعرف عنه حاجات توديه فى ستين داهيه ...بس الاحتياط واجب برده ... حكايه سرقة الفلوس دي تبقى عليكى انتى
نعم يا اخويا ...انت عاوز صفيحه يدبحنى البت دى محميه منه و محدش يقدر يدوس لها على طرف و لو قفشتنى و انا بسرقهم منها هتقوله و هو هيموتنى
لا ما انتى هتسرقيها من غير ما هى تحس
و دا يحصل ازاى أن شاء الله ...بقولك الفلوس فى صدرها
اقولك انا ...انتى تروحى لمعاطى و تقوليله البت تعبانه اوى ادينى حقنه مسكنه من الجامده دى اللى بيقولوا عليها فى الجدول....هو اكيد عنده .....هتاخدى منه الحقنه و تروحى تديهالها لما تقولك تعبانه اول ما تروح فى النوم تسلكى الفلوس من على صدرها و لا من شاف و لا من درى
و الله فكره يا موس ...انت فعلا شيطان
بس ليا كام فى العمليه دى
لكى التلت يا ستى
نعم نعم ...لا طبعا يفتح الله أن مكنتش اخد النص يبقى خلاص ...دى فيها رقبتى يا جدع
و لا رقبتك و لا حاجه احنا هناخد الفلوس و نشوف لنا اى حته تانيه نهرب فيها ...ايه اللى هيقعدنا هنا تانى ؟
مش بقولك ....ابليس يقولك يا عمى ...بس ليا النص برده
و انا موافق يا ستى
ذهبت سوكا و نفذت خطة موس و سرقت النقود من لوزه
أفاقت لوزه من نومها و تحسست صدرها فلم تجد النقود
صرخت لوزه ....سوكاااااااااااا
تجمعت الفتيات حولها فى هلع
فى ايه يا لوزه ؟؟ مالك ؟
سوكا فين ؟؟ راحت فين ؟؟
سوكا سرحت يا لوزه .... عاوزه حاجه ؟
ودونى لصفيحه ...انا عاوزه اروح لصفيحه
#بنت_شوارع
#الجزء_التاسع_عشر
صرخت لوزه ....سوكاااااااااااا
تجمعت الفتيات حولها فى هلع
فى ايه يا لوزه ؟؟ مالك ؟
سوكا فين ؟؟ راحت فين ؟؟
سوكا سرحت يا لوزه .... عاوزه حاجه ؟
ودونى لصفيحه ...انا عاوزه اروح لصفيحه
اوقف الاطفال تاكسي للوزه و ذهبت إلى صفيحه
أخبرته بما فعلت سوكا و انها سرقت مالها
وعدها المعلم بالبحث عنها و إعادة مالها إليها
فى هذا التوقيت ذهبت سوكا إلى موس و اعطته نصف النقود
دول الأربعين الف ؟؟
لا دول عشرين بس
امال باقى الفلوس فين ؟
معايا ...دول فلوسي هديهالك ليه ؟
مش قلنا هنهرب سوا ؟
و ماله نهرب بس كل واحد فلوسه معاه
طلعى الفلوس يا بت لاعورك
فلوس ايه يا روح امك ؟؟؟ وتعور مين يا حيلتها ؟
اعورك انتى و اعور اللى جايبينك كمان
ايوا كدا أظهر على حقيقتك انا غلطانه انى مخدتش الفلوس كلها و هربت لوحدى
لا يا ماما مش بخوطرك ...انتى عارفه كويس انى مكنتش هسيبك و لو نفدتى منى مش هتنفدى من صفيحه ...احنا دلوقتى متعلقين فى حبل واحد ...هاتى بقا و متعصلجيش
الفلوس مش معايا يا موس
نعم يا روح امك امال فين ؟؟
فى مكان امان
هنا هجم موس على سوكا و بدأ فى خنقها
اوعى يا موس ...هتموتنى ...اوعى
هنا أخرجت سوكا من جيبها مطواه صغيره و غرستها برقبة موس
سقط موس فى الحال و بدأ جسده ينتفض كالطائر المذبوح
اصاب سوكا حاله من الذهول ووجدت نفسها تطعنه مزيد من الطعنات لتتأكد أنه قد فارق الحياه
اخذت سوكا باقى النقود و هربت ....لم تتمالك سوكا أعصابها راحت ترتعد و أحست أن قدماها لا تحملها
اختبئت بإحدى الخرابات إلى أن يهدأ روعها و يأتى الليل
فى هذه الأثناء تم كشف الجريمه و بدأت المباحث فى التحريات إلى أن وصلوا لسوكا و هى تحاول الهروب على محطة القطار
قبضت الشرطه على سوكا و وجدوا معها النقود و بسؤالها عن مصدر النقود اخبرتهم ببيع الطفلين إلى أحد الأطباء معدومى الضمير ...
تم القبض على الطبيب و غلق العياده
كما أدلت سوكا بأقوالها عن صفيحه و أعماله الاجراميه من سرقه و مخدرات
تم عمل كمين لصفيحه و رجاله وتم القبض عليهم بكميه كبيره من الهيروين و الترامادول .
انفرطت المجموعه الاجراميه كما ينفرط العقد و انتهى الجميع فى لحظه كما يشتعل عود الثقاب فى كومه من القش
اما لوزه و باقى الاطفال فعند علمهم بما حدث لصفيحه و رجاله هربوا إلى أماكن متفرقة
استقلت لوزه القطار لتهرب مره اخرى ...نزلت باول محطه عندما رأت أحد امناء الشرطه و ظنت أنه قد يتعرف عليها و يمسك بها
نزلت لوزه فى كفر الدوار
جلست بأحد الحدائق إلى أن انتصف الليل قضت لوزه ليلتها بالحديقة تفترش الأرض و تلتحف السماء
استيقظت لوزه على صوت رجل عجوز يلبس جلباب ابيض طاقيه بيضاء و يضع على كتفيه عباءه
انتى يا بنتى ...قومى يا بنتى ايه إللى منيمك هنا
فتحت لوزه عيناها لتجد أمامها رجل يشبهه والدها كثيرا ...نفس النظره الحنونه
بكت لوزه عندما رأت الرجل
بتعيطى ليه يا بنتى
مفيش يا عم الحج
طب تعالى ... انتى فطرتى ؟؟
لا
طب تعالى هأكلك من عربيه الفول اللى هناك دى
تذكرت لوزه ابوها مره اخرى بنفس الموقف و بكت مره اخرى
مالك يا حبيبتى قوليلى على مشكلتك انا زى والدك برده
فعلا يا حج انا اول ما شفتك افتكرت ابويا
عاودت لوزه البكاء مره اخرى
مالك يا حبيبتى بتعيطى ليه بس ؟؟
طب اقولك تعالى انا هاخدك اوديكى لمراتى
لا لا
متخافيش يا بنتى انا عمك الشيخ محمد شيخ الجامع اللى هناك ده و كل الناس هنا تعرفنى كويس
تعالى يا بنتى ربنا يهديكى انا مراتى ست طيبه اوى و انتى شكلك تعبان اوى و محتاجه ترتاحى
بس استنى هنجيب سندوتشات الاول من عربيه الفول دى ...دا بيعمل فول حلو اوى
ابتاع الشيخ محمد السندوتشات ...تبعته لوزه
صعد الشيخ فى أحد البيوت الملاصقة للمسجد
وصل الطابق الثانى و من خلفه لوزه
دق الباب و فتح بالمفتاح لتظهر أمامه زوجته الحاجه سعاد
انت اللى بتخبط يا حج ؟؟ انا افتكرت حد غريب ...مفتحتش على طول ليه ؟
اصل معايا ضيفه يا حاجه
ضيفه ؟؟ ضيفة مين ؟؟
بنت غلبانه لقيتها نايمه فى الجنينه اللى جنب المسجد
لا حول ولا قوه الا بالله. .... اتفضلى يا بنتى
دخلت لوزه تجر أقدامها ...و بمجرد دخولها إلى بيت الشيخ محمد سقطت مغشي عليها
حملها الرجل هو و زوجته ...
احضرت زوجته جلباب نظيف و البسته لها و لاحظت الجرح الذى ببطنها
فى هذه الأثناء هرول الشيخ محمد الى جاره الطبيب
كشف الطبيب على لوزه و كتب لها الدواء
اعدت لها الحاجه سعاد دجاجه و حمرتها و بجانبها طبق من الأرز و قدمته لها
بكت لوزه و نظرت إلى الشيخ محمد و زوجته قائله
انا مستهلش كل اللى بتعملوه ده عشانى
ليه يا بنتى بتقولى كدا ؟
انا مجرمه يا عم الشيخ ...انا عملت حاجات فظيعه
و ماله يا بنتى المهم تكونى عرفتى غلطك و تحاولى متعملهوش تانى
و ربنا هيسامحنى ؟؟
ايوه طبعا ربنا غفور رحيم بيغفر الذنوب جميعا ما لم تطلع الشمس من المغرب أو تصل الروح للحلقوم
لا بس انا ذنبى كبير اوى
ربنا سبحانه و تعالى غفر لقاتل المئه نفس مش هيغفر لك انتى ؟؟ عارفه قصه الراجل ده ؟
لا معرفهاش
دا راجل قتل ٩٩ بنى ادم و حب يتوب راح سأل واحد عابد و قاله هل لى من توبه ؟
الراجل للاسف قاله تقتل ٩٩ نفس و عاوز تتوب ؟؟ ...لا طبعا ملكش توبه
راح الراجل قتله هو كمان و كمل العدد مية نفس
بعد كدا الراجل ده سأل عن واحد عالم و راح له و حكاله أنه قتل مائه نفس و سأله : هل لي من توبه ؟
الراجل رد عليه رد لطيف اوى و قاله :
و من يمنعك منها ؟؟؟ بس العالم ده أشار على الراجل أنه يخرج من الأرض اللى هو فيها لانها ارض سوء و يروح بلد الناس اللى فيها بيتعبدوا لله و بس
الراجل مكدبش خبر و خد بعضه و راح للأرض اللى العالم وصفهاله و لما قرب من البلد دى مات فى السكه
فابتدت ملايكه العذاب عاوزه تاخده و ملايكه الرحمه هى كمان عاوزه تاخده
ربنا امرهم أنهم يقيسوا بعده عن البلدين و البلد اللى يكون قريب منها اكتر هى اللى هتحدد
و فعلا قاسوا لقوه اقرب لبلد الخير و ربنا سبحانه و تعالى غفر له ذنبه
متعيطيش يا بنتى و احكيلى على حكايتك و احنا أن شاء الله نحاول نساعدك
حكايتى يا عم الشيخ ....
#بنت_شوارع
#الجزء_العشرين_والاخير
متعيطيش يا بنتى و احكيلى على حكايتك و احنا أن شاء الله نحاول نساعدك
حكايتى يا عم الشيخ بديتها الم و نهايتها ندم
انا أسمى اسماء الشهيره بلوزه...ليا اب و ام و تلات اخوات......حكايتى بدأت من و انا بحبى ...كنت صغيره اوى و كانت امى دايما تعاملنى معامله سيئه جدا معرفش ليه ، كانت بتستخسر فيا الاكل ، كانت بتتنمر على شكلى و لونى لانى شبه ابويا ، دايما كانت تحبطنى و تكسر مقاديفى و تقولى انتى مش هتنفعى ، كانت بتضربنى ضرب مبرح لدرجه ان الخرطوم أو السلك اللى كانت بتضربنى بيه كان بينزل على جسمى يعوره ،،،، طفشت من امى عشان كل اللى حكيتهولك ده و عشان كانت عاوزه تشغلنى متسوله تحت مسمى بياعه مناديل و كانت عاوزه تحرقنى عشان اصعب على الناس
هربت منها و افتكرت أن الشارع احن عليا من اهلى و سافرت اسكندريه
بس ولاد الحرام خدونى و شغلونى فى بيع المخدرات فى الاول كان غصب عنى بس بعدين بقى بمزاجى ..... بعد كدا واحد منهم ابن حرام اغتصبنى و اكتشفت بعد شهور انى حامل ..حاولت اتخلص من الحمل ده بس الدكتور الشيطان هو وواحده من البنات اللى كانت معايا اقنعونى انى ابيع ولادى التوأم .....
بعتهم يا عم الشيخ و بقيت العن من امى اللى بكرهها و بكره أفعالها
صاحبتى سرقت منى الفلوس و راحت عشان تقاسمها مع اللى اغتصبنى و يشاء ربك أنهم يختلفوا فتقتلوا و تتمسك بالفلوس و تعترف على كل حاجه و تعترف عن المعلم اللى كان مشغلنا و يتمسك الجميع
انا لما عرفت هربت ...رجليا ودتنى على اول قطر كان واقف و نزلت البلد دى و انا حتى معرفش اسمها لغايه ما لقتنى انت و اكرمتنى و دخلتنى بيتك من غير ما تعرف عنى اى شئ
لا حول و لا قوة الا بالله ...كل ده حصلك ؟ انتى صغيره اوى يا بنتى على الكلام ده ؟ معلش يا بنتى... معلش يا حبيبتى
معلش ؟؟؟؟ يعنى نظرتك متغيرتش من ناحيتى ؟
لا طبعا يا بنتى انتى ضحيه مجتمع جاهل ظالم ...ضحيه ام جشعه متعرفش معنى امومه و لا معنى الرحمه بس ابوكى فين من دا كله ؟
ابويا راجل غلبان مغلوب على أمره و امى ست شديده و دايما كانت بتذل فيه علشان معندوش مكان يروحه و كانت اوضتها مكانه الوحيد
طيب عاوز اسالك عن ولادك ...تعرفى مين اللى خدهم ؟؟
لا يا عم الشيخ انا حتى مشوفتهمش و لا اعرف شكلهم .....هو ممكن ربنا يغفر لى يا عم الشيخ ؟؟
طبعا يا بنتى ...يقول الحق فى كتابه العزيز {قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ، وَأَنِيبُوا إِلَى رَبِّكُمْ وَأَسْلِمُوا لَهُ}
اللى انتى عملتيه غلط بس مفيش حد مننا مبيغلطش ...احنا مش ملايكه و لا معصومين المهم عدم الاستمرار فى الغلط
بيعك للمخدرات جريمه فى حق نفسك و فى حق المجتمع كله ...انتى متعرفيش باللى عملتيه ده هديتى كام شاب و خربتى كام بيت ؟ بس خلاص مدام توبتى لربنا ربنا غفور رحيم
اما حكايه ولادك دى فدى صعبه اوى يا بنتى ....مهما كان الالم اللى حاسه بيه من اللى حصلك مكنش ينفع تعالجى الغلط بغلط اكبر ....مينفعش تستغنى عن ولادك لاى سبب من الأسباب
طب و انا هعمل ايه دلوقتى يا عم الشيخ انا لا اعرف طريقهم و لا حتى شكلهم اصلا
متقلقيش ...مش انتى بتقولى أن الدكتور اللى ولدك اتقبض عليه ؟
ايوه
طب عظيم انا ليا ابن اختى بيشتغل ظابط هخليه باتصالاته يحاول يعرف العيال دى انباعت لمين و أن شاء الله نوصلهم
طب و لو حتى وصلنا لهم يا عم الشيخ انا هصرف عليهم منين ؟؟
يا بنتى الرزق ده من عند ربنا ...هو انتى فاكره أن انتى اللى بترزقيهم يا اسماء ؟
ياااااا بقالى كتير محدش ندهنى باسمى
بصى يا اسماء انا هقف جنبك فوق ما تتخيلى .. هحاول ارجعلك ولادك و هشوف لك شغل فى مصنع أو اى مكان تحبى تشتغلى فيه ...الناس هنا كلها بتحبنى و محدش بيرفض لى اى طلب الحمد لله
و بالنسبه لاهلك مش عاوزه ترجعيلهم ؟؟
لا مش عاوزه
ابوكى و اخواتك موحشوكيش ؟؟
وحشونى اوى يا عم الشيخ بس هرجع اقولهم ايه ؟
طيب اسمحيلى انا هبعت اسال عنهم و اعرف اخبارهم و اطمنك عليهم
ياريت يا عم الشيخ يا ريت
مرت عدة أيام ...دخل الشيخ محمد على أسماء و الجالسه بجوار الحاجه سعاد تعلمها الحياكه
تعالى يا اسماء
نعم يا عم الشيخ
عندى لكى خبرين واحد مفرح و التانى للاسف محزن
خير يا عم الشيخ
الخبر المحزن بخصوص اهلك انا عرفت الخبر من امبارح بس مرضتش اقولك
مالهم اهلى يا عم الشيخ ؟
انا بعت مرسال على العنوان اللى ادتهولى و راح سأل على والدك و للاسف عرف أن والدك توفى بعد ما مشيتى بحوالى ست شهور
ابويا مات ؟؟؟؟؟؟ الله يرحمك يا أبا الله يرحمك يا حبيبي 🥺😢😭😭😭
متعيطيش يا بنتى كلنا لها يا حبيبتى
طب اخواتى ؟؟ و ...
امك اتجوزت بعد ما ابوكى مات و راحت للاسف اتجوزت عيل اصغر منها بكتير ...اما اخواتك بقا لما لقوها اتجوزت و مع سوء المعامله اللى انتى عارفاها دا خلاهم سابولها البيت هما كمان و محدش يعرف طريقهم
متعيطيش يا اسماء ...انا عندى لكى خبر يمكن يفرحك شويه
خبر ايه يا عمى ؟
عرفنا مكان ولادك
صحيح ؟؟؟ ازاى ؟
مش انا قلت لك على حضرت الظابط علوى ابن اختى؟ ...انا وصيته و هو راح مباحث اسكندريه و اطلع على المحضر و شاف اقوال الدكتور و عرف الدكتور باعهم لمين
طب ما كدا البوليس هيمسكنى يا عمى
لا ما هى سوكا معترفه انها هى اللى باعت الولاد و انتى لسه فى البنج و حتى مكنتيش شوفتيهم
طب احنا هنوصل العيال ازاى ؟
الشرطه فعلا وصلت لهم و اخدوهم سلموهم لملجأ و انتى تقدرى تروحى تقدمة طلب و تستلميهم لأن سوكا ذكرت اسمك انك الام الحقيقيه و حتى لو فى اى شك ممكن يا ستى يعملولك تحليل ال دى إن ايه و يتأكدوا انك الام فعلا
انا مش عارفه اشكرك ازاى يا عم الشيخ
متشكرنيش يا حبيبتى انتى زى بنتى
ربنا يخليك ليا يا رب
بكرا باذن الله هاخدك و نروح انا و علوى ابن اختى و نروح نشوف الإجراءات
و خلاص انا شفت لك شغل كويس اوى فى حضانه ...اهو منها تحطى ولادك فى الحضانه و تكونى جنبهم و منه يكون شغل ليكى
ممكن اطلب طلب كمان يا شيخ محمد
اتفضلى يا بنتى
انا عارفه انى تقلت عليك
لا عيب متقوليش كدا ...عاوزه ايه ؟؟
انا عاوزه اكمل تعليمى و احفظ القران الكريم
ما شاء الله ...حاضر يا حبيبتى باذن الله نقدم لك على الشهاده منازل و هساعدك باذن الله فى حفظ القران الكريم .
تمت
🌹🌹🌹🌹🌹🌹🌹🌹
انا عاوزه بس اقول كلمه اى حد فينا معرض أنه يغلط ، اى حد فينا مش كبير على الغلط ، ساعات الظروف بتقودنا لمصير مكناش نحب نمشي فيه ابدا و لا نتصور فى يوم أننا نخطيه من الأساس
بس يبقى الفيصل أننا نتراجع و منستمرش فى الغلط ده
يقول رسول الله ﷺ: والذي نفسي بيده لو لم تذنبوا لذهب الله بكم، وجاء بقوم يذنبون، فيستغفرون الله -تعالى، فيغفر لهم.
صدق رسول الله صلى الله عليه وسلم
استغفر الله العظيم من كل ذنب عظيم
🌺🌺🌺🌺🌺🌺🌺🌺🌺🌺
ارجو أن القصه تكون نالت اعجابكم ...اذا عجبتكم القصه ارجو الدعاء لوالدى رحمه الله عليه و سائر موتى المسلمين
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
تعليقات
إرسال تعليق