#حكايه_الست_فاطمه
#الجزء_الاول
القصه دى قصه حقيقيه لست طيبه من امهاتنا الطيبات ...مرضتش اغير اسمها علشان الناس كلها تعرف أن فى ست طيبه اسمها فاطمه حكايتها اغرب من الخيال
هحكى الحكايه على لسان زوج بنتها و معلش بقا هغير باقى الاسماء #دجيهان_عادل
السلام عليكم
انا مازن جاى احكيلكم حكايتى و حكاية حماتى....... لا امى اللى مخلفتنيش من بطنها الحجه فاطمه #دجيهان_عادل و تسمحولى ارجع لكم بالحكايه زى ما هى حكتهالى و اقولكم على حكايتها العجيبه الست فاطمه ست عاديه كانت عايشه فى قريه مع زوجها و اولادها الاتنين محمد و سلمى
فى يوم من الايام رجع زوجها من الشغل و هو تعبان شويه
فاطمه جريت عليه زى اى ست اصيله و قعدت تحت رجليه #دجيهان_عادل
لكن للاسف كان عمره خلاص نفد و مات
فاطمه بقت وحيده بطفلين فى رقبتها
اليتم وحش اوى
جوزها كان له ميراث ...راحت فاطمه الغلبانه تطالب بحق اليتامى فى مال ابوهم
عاوزه ايه يا فاطمه ؟؟
عاوزه حق عيالى يا داود#دجيهان_عادل
حق ايه يا ام حق ...ملكيش حاجه عندنا
انت بتقول ايه ؟؟
زى ما سمعتى كدا يا فاطمه
انت موافق على الكلام ده يا رشدى ؟؟
هز رشدى دماغه و دلدل رأسه و منطقش
و انت يا فؤاد ؟؟ ايه رايك فى كلام اخوك الكبير ؟؟
اللى يقوله داود ماشي
انتوا ظلمه ....معقول عاوزين تأكلوا حق ولاد اخوكم اليتامى ؟؟؟ #د.جيهان_عادل
اخرسي يا فاطمه حق ايه يا اختى ...خدى عيالك و امشى و منشوفش وشك هنا تانى
حسبى الله و نعم الوكيل فيك يا داود ...انا هاخد عيالى و همشي و مش عاوزه منكم حاجه و متأكده أن ربنا هيجيب لى حقى و هيعوض عليا باذن الله#د.جيهان_عادل
مشيت الست فاطمه و دموعها مغرقه وشها و مش مصدقه أن اعمام ولادها ممكن يعملوا كدا دا طول عمرهم تعاملاتهم معاها و مع جوزها و اولادها كويسه جدا
الست فاطمه دخلت بيتها استقبلها ولادها ...اخدتهم فى حضنها و فضلت تعيط #د.جيهان_عادل
الولد ساعتها كان عنده خمس سنين و البنت تلاته
العيال بقت تطبطب باديهم الصغيره على الأم و هما مش فاهمين ليه امهم بتعيط
الست كانت حاسه بقهر الدنيا كلها #د.جيهان_عادل
و المطلوب منها دلوقتى انها تسيب بيتها اللى فى بيت العيله و تاخد ولادها و تمشي
الست فاطمه قعدت طول الليل تفكر و حاطه أيدها على خدها
قامت الصبح لمت الهدمتين و خدت العيلين و راحت عند امها العجوزه اللى ساكنه لوحدها فى بيت من بيوت الفلاحين القديمه
الست امها كان عمرها فوق السبعين و كان عندها حكمه كبيرة#د.جيهان_عادل
دخلت عليها فاطمه و الحزن مالى وشها و القهر فى قلبها
ازيك يا اما
شالله تسلمى يا بنتى ...ازيكوا يا عيال
الحمد لله يا ستى
مالك يا بت ؟؟ ضاربه بوز ليه كدا ؟؟
مفيش يا اما #دجيهان_عادل
اهييييه هتخبى على امك يا فاطمه ؟؟
مقدرش اخبى عليكى يا اما ...انا معدش ليا غيرك دلوقتى
و بتعيطى ليه دلوقتى بس يا بنتى ؟؟
الدنيا جايه عليا اوى يا اما
ازاى يا بنتى ؟...هو ايه اللى حصل ؟ جوزك ميت من حوالى اربع شهور ...ايه اللى حصل تانى ؟#د.جيهان_عادل
أدى انتى قلتى اهو يا اما ...جوزى مات و فاتنى و فات فى رقبتى العيلين دول
طول الفتره اللى فاتت دى و انا ساكته و مطالبتش بحق ولادى فى أرض ابوهم احتراما لجوزى الله يرحمه و كنت مستنيه اخواته يجوا يسلمولى حاجته عشان اليتمى
لكن للاسف يا اما مجوش
رحت لهم انا
ها ....و بعدين يا فاطمه ؟؟#د.جيهان_عادل
و بعدين قالولى ملكيش حاجه لا انتى و لا عيالك عندنا و طردونى من الدار يا اما
و بعدين يا فاطمه ؟؟
بعدين ايه بس يا اما ؟؟ هو فى بعد الكلام اللى قلته لكى ده كلام ؟؟
طب اسمعى أما اقولك يا فاطمه
نعم يا اما #د.جيهان_عادل
هو جوزك راح فين يا بنتى ؟
جوزى ؟؟ جوزى مات
الله يرحمه يا بنتى ...خد حاجه معاه ؟؟؟
لا طبعا مفيش غير كفنه اللى على جتته
حتى دا كمان يا بنتى مش هياخده معاه و مسيره للطين و دود الارض
يعنى ايه يا اما ؟#د.جيهان_عادل
يعنى اعمام ولادك مش هياخدوا حاجه معاهم و هما مروحين و الكفن ملوش جيوب يا بنتى
يعنى ايه يا اما ؟؟ عاوزانى أتنازل عن حق اليتمى ؟
عندك اى حاجه تانيه تعمليها ؟؟
لا انا ممعييش اى ورق #د.جيهان_عادل
بس معاكى اللى اقوى من الورق يا بنتى ...معاكى الحى اللى لا بيغفل و لا بينام ...معاكى العادل اللى ميرضاش بالظلم ابدا
و نعم بالله يا اما ....طب و انا اعمل ايه دلوقتى ؟؟
انا هقولك تعملى ايه #د.جيهان_عادل
اول شي أرمى حمولك على الله و قوليله يا رب وكلتك امرى انت حسبى و نعم الوكيل
حسبى الله و نعم الوكيل
خليها على لسانك و ربك هيجيب لك حقك
طب و عيالى يا اما اصرف عليهم ازاى ؟؟
هو انتى اللى بترزقيهم يا بت ؟؟
لا طبعا #د.جيهان_عادل
طب خلاص مالك كدا ؟ انا هقولك تصرفى عليهم ازاى ؟
#حكايه_الست_فاطمه
#الجزء_الثانى
انا هقولك تعملى ايه #د.جيهان_عادل
اول شي أرمى حمولك على الله و قوليله يا رب وكلتك امرى انت حسبى و نعم الوكيل
حسبى الله و نعم الوكيل
خليها على لسانك و ربك هيجيب لك حقك
طب و عيالى يا اما اصرف عليهم ازاى ؟؟
هو انتى اللى بترزقيهم يا بت ؟؟
لا طبعا #د.جيهان_عادل
طب خلاص مالك كدا ؟ انا هقولك تصرفى عليهم ازاى ؟
ازاى يا اما ؟
انتى مش فى ايدك حتتين دهب ؟؟؟
ايوه الغوشتين اللى كان جايبهم لى شوقى الله يرحمه #دجيهان_عادل
طب خلاص بعيهم
ابيعهم ازاى يا اما ؟؟ دا دول اللى باقيين لى
يا بت احنا اللى بنجيب الدهب مش هو اللى بيجبنا و بعدين ما انتى هتجيبي غيرهم
ازاى يعنى ؟؟#دجيهان_عادل
انتى تاخدى الغوشتين و الحلق اللى فى ودنك دا و تروحى تبعيهم و تطلعى على طول على الراجل اللى بيبيع الهدوم اللى جنب محل الصاغه الراجل ده بيبيع جمله و قوليله برده انك هتاكلى فيهم لقمة عيش
طب و هبيعهم فين دول ؟؟
يوووو ...يعنى المشكله انك تبعيهم فين ؟؟ يا اختى انشالله تعدى ع البيوت و تبعيهم و الا اقولك افرشي بيهم فى السوق
انا هتكسف يا اما #دجيهان_عادل
بقولك ايه يا بنتى اكل العيش مفيهوش كسوف و بعدين انتى هتكسبى لقمتك بالحلال ...و الله يا بنتى لو حيلتى حاجه او اقدر اشتغل كنت اشتغلت انا
لا يا اما كتر خيرك كفايه انك هتتحملينى فى بيتك #دجيهان_عادل
عيب عليكى يا فاطمه تقولى الكلام ده ...يا بت دا انتى و عيالك تاخدوا عنيا ...هو انا ليا حد غيركم
ربنا يخليكى لينا يا اما ...و احنا كمان ملناش غيرك
طب يلا اتكلى على الله و روحى بيعى الدهب
دلوقتى ؟؟؟ طب ما استنى لبكرا يمكن عمام الولاد يرجعوا فى كلامهم و ضميرهم يأنبهم أنهم طردوا ولاد اخوهم اليتامى
ههههههههه انتى هبله يا بت يا فاطمه ضمير ايه اللى هيأنبهم ؟؟؟ هما دول لو عندهم ضمير اصلا كانوا عملوا كدا ؟؟ روحى يا بنتى ربنا يرضى عليكى اسمعى الكلام و متضيعيش وقت #دجيهان_عادل
و فعلا الست فاطمه سمعت كلام امها و راحت باعت دهبها و اشترت شويه هدوم و جابتهم لامها و جت
تصدقى يا اما الهدوم من تاجر الجمله ارخص كتير من اللى بنشتريها و الراجل الصراحه كرمنى اوى لما عرف انى بربى فى يتمى #دجيهان_عادل
الله يكرمه يا بنتى انتى بقا متحطيش عليها مكسب كبير هو جنيه و الا اتنين عشان تبعيهم بسرعه و تجيبي غيرهم و مش عاوزاكى يا بنتى لا تغشى حد و لا تيجى على حد ..التجاره رزقها واسع بس اهم حاجه فيها الامانه ...و لما تلاقى واحده محتاجه و نفسها فى الحاجه لعيل من عيالها نفسها تفرحه اديهالها و اعتبريها صدقه عنك و عن ولادك ....اللى عند الله يا بنتى مبيروحش ...اى حاجه زايله الا اللى عند ربنا #دجيهان_عادل
و نعم بالله يا اما ....حاضر هعمل اللى قلتيلى عليه كله
و خرجت الست فاطمه لاول مره فى حياتها تشتغل#دجيهان_عادل
الست فاطمه كانت مليحه الشكل بيضا و وشها احمر عيونها عسليه صافيه زى عيون الأطفال ابتسامتها اجمل ما فيها و لسانها الحلو حبب كل الناس فيها
مرت الايام و اتعرفت الست فاطمه فى السوق و اصبح ليها زباين كتير بيقصدوها
كل البلد عرفت الست فاطمه عشان امانتها و بضايعها اللى مفيهاش غش و كمان عشان لسانها الحلو #دجيهان_عادل
ناس كتير اتقدموا للست فاطمه لكن هى مرضيتش #دجيهان_عادل
بعد حوالى سنتين كانت الست فاطمه اشترت دكان صغير لأنها تعبت من قعده السوق فى الشمس
الست فاطمه كانت بتجامل الكل و بتراعى الناس اللى نفسها تشترى لولادها هدوم و مش معاهم #دجيهان_عادل
كانت تقسط لهم الفلوس بالشهور و كانت ساعات كتير تسامح فى حقها
الست فاطمه مكنتش بتسيب فرض و كان كل أملها تكبر ولادها و تعلمهم تعليم كويس و بعد كدا تروح تحج بيت الله الحرام #دجيهان_عادل
الست فاطمه كانت بتعرف تقرا و تكتب كويس لأنها كانت خارجه من الاعداديه و كان دايما قدامها كتاب الله العزيز بتقرا فيه
لما كانت الست فاطمه ترجع اخر النهار لأولادها كانت تسألهم عن مذاكرتهم و برغم تعبها لكن مكنتش بتمل و لا بتكل انها تشوف و تراجع معاهم كل دروسهم
الست فاطمه لتانى مره فى خلال سنتين يصيبها الحزن الشديد و المره دى بموت امها الله يرحمها #دجيهان_عادل
الست فاطمه امها تعبت شالتها على اديها و جريت بيها على المستشفى
الدكتور قالها والدتك حالتها متأخره اوى و هى مجرد ساعات و هتموت
لا يا دكتور ...ارجوك اعمل اى حاجه
ضغطها بيوطى و ميتستجبش لاى حاجه ...انا اسف #دجيهان_عادل
قعدت الست فاطمه جنب سرير والدتها بتعيط من غير صوت
امها فتحت عيونها و قالت لها
بتعيطى ليه يا فاطمه ؟
مفيش يا اما ...مفيش ...انتى كويسه ؟
انا بخير يا بنتى ...انتى زعلانه انى هموت يا فاطمه ؟؟#دجيهان_عادل
لا يا اما متقوليش كدا ..انتى هتعيشي ...هتعيشي عشان خاطرى انا ....انا مليش غيرك فى الدنيا دى
الموت علينا حق يا بنتى ...مفيش حد هيخلد فيها ...كل من عليها فان و يبقى وجه ربك ذو الجلال و الاكرام يا بنتى
و بعدين انتى عندك ولادك ربنا يخليهم لكى و تفرحى بيهم #دجيهان_عادل
ربنا يخليكى انتى ليا يا اما ...قومى بس انتى و انا هعملك الويكا اللى بتحبيها ...و هجيب لك حب العزيز ....اقولك قومى بس بالسلامه و هقدم لك على عمره و تروحى تزورى بيت ربنا #دجيهان_عادل
يا ريت يا بنتى ...بس يا خساره انا عارفه انى خلاص مبقاش فى العمر ...ابوكى جالى امبارح و قالى ما تيلا بقا يا فردوس انتى اتأخرتى عليا اوى و مد ايده و خدنى معاه و مشينا فى حته حلوه اوى كلها زرع اخضر #دجيهان_عادل
لا لا متقوليش كدا يا اما بالله عليكى ...لما ابويا يجيلك تانى قوليله انا قاعده مع فاطمه روح انت
متعيطيش يا فاطمه احنا مجرد امانه و لازم الامانه ترجع للى خالقها ...اوعى يا بنتى تزعلى لازم تحمدى و تسترجعى أو تجزعى من قضاء الله ....انا لله و انا اليه راجعون......اشهد ان لا اله الا الله و اشهد ان محمد رسول الله
اما ... اما ...اما ....يا دكتووووور ...الحقونا
🌹🌹🌹🌹🌹🌹🌹🌹🌹🌹🌹
و سلمت الحاجه فردوس الروح لخالقها و رجعت الست فاطمه مره تانيه حزينه وحيده اتكتب عليها تلبس السواد متقلعهوش 😔
#حكايه_الست_فاطمه
#الجزء_الثالث
و سلمت الحاجه فردوس الروح لخالقها و رجعت الست فاطمه مره تانيه حزينه وحيده اتكتب عليها تلبس السواد متقلعهوش 😔#دجيهان_عادل
مرت الايام و الست فاطمه تجارتها وسعت و دكانها الصغير بقا محل كبير ...مش لبيع الهدوم و بس لا دى كمان وسعت نشاطها لبيع المفروشات و كل اللى يلزم البيت
الست فاطمه بقا معاها قرش كويس و بقت تصرف على اولادها و تجيب لهم اللى هما عاوزينه #دجيهان_عادل
الست فاطمه راحت الصاغه عشان تشترى حتتين دهب تحطهم فى أيدها و افتكرت كلمه والدتها انها هتجيب غير الدهب اللى باعته و أن الدهب احنا اللى بنجيبه مش هو اللى يجبنا#دجيهان_عادل
الست فاطمه اشترت بدل الغوشتين سته و بدل الحلق الصغير اللى كان فى ودنها حلق طاره كبير و اشترت كمان سلسله جنزير
تجارة الست فاطمه بدأت تكبر بشكل فيه توفيق و بركة كبيرة بشكل غير طبيعي... المحل الصغير بقي ٤ محلات كبيرة جدا و في نفس الوقت محافظه علي اسلوب معيشتهم البسيط جدا... نفس البيت الصغير اللى اخدته بعد موت والدتها... نفس طريقة لبسهم.. نفس أكلهم و شربهم.. مفيش أي تغيير..
الست فاطمه علمت ولادها و دخلتهم الثانوى و كانت بتتمنى من ربنا تشوف العوض فيهم و يكونوا الفرحه اللى فارقتها من زمان#دجيهان_عادل
محمد ابنها كان متفوق ما شاء الله و جاب مجموع كبير و دخل كليه الهندسه
اليوم ده الست فاطمه عملت ليله كبيره لأهل الله و دبحت عجل و اكلت البلد كلها و البلد كلها فرحت لها أن ربنا عوض صبرها خير فى ابنها #دجيهان_عادل
بعدها بسنتين نجحت سلمى مراتى بس مجابتش مجموع زى اخوها
و بالرغم من كدا الست فاطمه عملت لها ليله هى كمان و عزمت البلد كلها على الاكل
سلمى دخلت معهد تكنولوجيا و دا معهد خاص بالفلوس عشان متكنش أقل من اخوها محمد#دجيهان_عادل
فى الفتره دى كنت بتعامل مع الست فاطمه بحكم انى بشتغل فى ورشه الملابس اللى بتورد لها الهدوم و المفروشات اللى بتبعها
الست فاطمه كانت ست جدعه و بمية راجل مشفتش زيها ابدا
كانت فى الاتفاقات مفيش زيها و كلمتها سيف لو وعدت تدفع الفلوس يوم معين لازم تدفع و لو على رقبتها . الكل كان بيشهد ليها بالأمانة و الجوده فى كل اللى بتبيعه.
كان صاحب الورشه ساعات يبعتنى بشغل للست فاطمه و صراحه كنت بحب المشوار ده اوى لأنها من النوع اللى ترتاح له كدا فى الكلام و لو كان بيك الف حزن تلاقيها بتطيبهولك بكلامها اللى زى البلسم
و فى يوم كنت قاعد معاها و دخلت علينا بنتها سلمى #دجيهان_عادل
اول ما دخلت عليا حسيت أن ملاك دخل عليا ...وشها سبحان الخالق زى وش طفل برئ لسه مولود
عارفين الاغنيه بتاعه تلات دقات #دجيهان_عادل
( فجأه لقيتها و كنت فاكرها عروسه البحر ، خارجه من الميه و طلتها اقوى من السحر، لما شوفتها قلبى دق تلات دقات و الطبله دخلت لعبت جوه دماغى حاجات ...)
بالظبط ده اللى حصلى
حسيت أن قلبى رفرف و كان هيخرج من صدرى
معرفش الست فاطمه لاحظت اضطرابى ده و الا ايه لقيتها ابتسمت و قالت لى
اقعد يا مازن وقفت ليه ؟؟#دجيهان_عادل
اصل ...اصل عاوز امشي يا ست فاطمه
هتمشي ليه بسرعه كدا ؟؟ لسه فى حسابات مخلصنهاش
معلش هجيلك بكرا فى نفس الميعاد اصل افتكرت أن عندى شغل
طيب يا ابنى زى ما تحب
سلام عليكم #دجيهان_عادل
و عليكم السلام
خرجت من المحل و انا تقريبا بجرى زى اللى لسعته حاجه و بقيت ماشي اشتم فى نفسي انى مشيت بالسرعه دى و قعدت الوم روحى و اقول مش عارف تقعد يمكن تكلمها كلمه و الا تسمع صوتها
و اتمنيت لما اروح للست فاطمه بكرا انى الاقيها عندها
و فضلت طول الليل ادعى ربنا انى اشوفها مره تانيه #دجيهان_عادل
و فعلا تانى يوم رحت للست فاطمه و لقيت سلمى قاعده معاها و ماسكه دفتر الحسابات بتاع المحل و بتراجع فيه
اول ما شفتها حسيت أن قلبى وقع فى رجليا و بقيت واقف زى اللى غرق فى شبر ميه
الست فاطمه لاحظت انى واقف محتاس فقالت لى#دجيهان_عادل
مالك يا مازن ؟ واقف كدا ليه ؟؟ تعالى يا ابنى يلا عشان نكمل شغلنا
سلمى بنتى بتيجى ساعات تراجع لى الحسابات
ربنا يخليهالك يا ست فاطمه
دا مازن يا سلمى من اجدع الناس اللى شفتها فى حياتى
تشرفنا يا استاذ مازن
الشرف ليا انا يا انسه سلمى
و من هنا بدأ حب كبير اوى فى قلبى لسلمى ...#دجيهان_عادل
كانت الهوا اللى بتنفسه ...كانت النور اللى بشوف بيه
قعدت كاتم حبها فى قلبى لاكتر من سنه مع أن كل حركاتى بتبين حبى الشديد ليها و خوفى عليها #دجيهان_عادل
و كنت بشوف فى عينها نظرة الاعجاب ليا بس انا فين و هى فين انا يدوب معايا اعداديه و هى خلاص هتخلص معهد التكنولوجيا بتاعها ...دا غير انى مجرد صبى على اد حالى و هى بقا بنت الست فاطمه صاحبه التجاره الواسعه
كنت كل يوم بتأكد أن حلمى بعيد اوى و أنه لا يمكن يتحقق 😔#دجيهان_عادل
و فى يوم و انا قاعد مع الست فاطمه و براجع معاها الحساب لقيتها بصت لى فجأه و قالت لى ....
#حكايه_الست_فاطمه
#الجزء_الرابع
كنت كل يوم بتأكد أن حلمى بعيد اوى و أنه لا يمكن يتحقق 😔#دجيهان_عادل
و فى يوم و انا قاعد مع الست فاطمه و براجع معاها الحساب لقيتها بصت لى فجأه و قالت لى مالك يا مازن قاعد مش مركز ليه فى الحساب ؟
مفيش حاجه يا حجه
هتخبى عليا يا مازن ؟ دا انا زى امك يا ابنى
مفيش حاجه صدقينى #دجيهان_عادل
و إذا قلت لك انى عارفه ايه اللى مشقلب حالك كدا و مخلى مخك بره راسك تقول ايه ؟
مظنش انك تعرفى يا حاجه
طب جربنى كدا
طب ايه اللى قالب كيانى ؟؟
بتحب صح ؟؟
صح يا حاجه بحب ...بحبها اوى اكتر من نور عنيا
طب ما تقولها ...ساكت ليه ؟
انا فين و هى فين ؟؟ عمر ما واحده زيها تبص لواحد زيى #دجيهان_عادل
مين اللى قالك مش يمكن تكون هى كمان معجبه بيك زى ما انت معجب بيها
يا ريت يا حاجه ...بس انا متاكد انه امل بعيد اوى اوى
ليه كدا يا ابنى ؟ ليه مستقل بنفسك كدا ؟؟
عشان دى الحقيقه يا حاجه
الحقيقه انى شايفاك من اجدع الناس اللى شفتها فى حياتى و يا بختها و هناها اللى هتكون من نصيبها #دجيهان_عادل
ربنا يخليكى يا حاجه يارب
انت بتحبها يا مازن ؟؟؟
كلمه حب دى شويه على اللى فى قلبى من ناحيتها يا حاجه ...لو اقولك انى ممكن أضحى بعين من عنيا عشانها مش هتصدقى مممكن أضحى بنفسي كلها عشان خاطرها
طب ما اللى بتقوله دا كفايه اوى يا مازن
كفايه لايه بس يا حاجه ؟؟ هى الناس بتتجوز بالحب ؟#دجيهان_عادل
هو فى احلى من الحب يا ابنى ؟؟ الحب هو طاقة النور اللى بتنور حياتنا و من غيره حياتنا بتضلم .....لما تحب واحده عمرك ما تظلمها ابدا و لا يمكن تفكر فى ظلمها و دا لأنك بتحبها
اى واحده بتفهم مش محتاجه من الدنيا دى اكتر من أن راجلها يحبها صدقنى يا ابنى دا هيسهل عليها دنيتها و يحسسها بالأمان#دجيهان_عادل
فعلا يا حاجه بس الجواز مش حب و بس
الجواز مصاريف و إمكانيات و انتى شايفه انى يدوب صبى فى ورشه و بأكل نفسي بالعافيه ...مين بقا هترضى بوضعى دا ؟؟
بقولك ايه يا ابنى كلمه ابرك من عشره انت عاوزها و الا لا ؟#دجيهان_عادل
هى مين دى يا حاجه ؟؟؟
ههههه اللى بتحبها يا ابنى ؟
طبعا ...هو انا احلم اصلا بس زي ما قلت لك يا حاجه انا امكانياتى يعنى ...#دجيهان_عادل
ملكش دعوه بالامكانيات روح اطلبها من أهلها و انا فى ضهرك هساعدك بكل اللى اقدر عليه
ما هو مش هينفع
يا ابنى تعبتنى معاك ...مش هينفع ليه بس ؟؟
طب انتى ترضى تجوزينى الانسه سلمى
ايوه طبعا ارضى امال انا بقول ايه من الصبح ؟#دجيهان_عادل
صحيح ؟؟؟ معقول ؟؟؟
و ليه لا ؟؟؟ انت راجل و ميعبكش اى حاجه
بس ازاى انا فين و هى فين ؟؟؟
يا ابنى كلنا على باب الله و بيقولك فى المثل خدوهم فقرا يغنيكم الله #دجيهان_عادل
طب مش تاخدى رأيها الاول يمكن متوافقش عليا ؟
هو انت فاكر انى ممكن افاتحك فى الموضوع ده قبل ما اجس نبض بنتى و اشوفها مايله لك و الا لا ؟
يعنى هى موافقه عليا ؟؟؟ #دجيهان_عادل
هو انت اتقدمت يا ابنى عشان توافق
انا اسعد واحد فى الدنيا دى كلها انا مش عارف اشكرك ازاي و الله انا هطير من السعاده انتى متعرفيش يا حاجه انتى عملتى فيا ايه بكلامك ده انا كنت زى الغريق و انتى انقذتى حياتى
طب بس بس مالك كدا ؟ ...أهدى شويه
انت بكرا تلبس و تتشيك و تروح تطلبها من اعمامها لان دى الأصول يا ابنى و احنا ناس تعرف الأصول و لا يمكن نتعداها
حاضر يا حاجه هروح بس لو اتكلموا فى تفاصيل الجواز يعنى ...#دجيهان_عادل
متتكلمش فى حاجه اطلبها انت بس و هات موافقه عمامها و تفاصيل الجواز دى مقدور عليها مش هنختلف ابدا
اخدت رقم عم سلمى الحج داود من الست فاطمه و طلبته يحدد لى ميعاد اروح اقابله فيه و فهمته انى عاوزه فى موضوع يخص سلمى بنت اخوه
عمها حدد لى الجمعه بعد العصر
و فعلا لبست و قولت اروح لوحدى الاول من غير اهلى عشان اشوف الكلام هيبقى ازاى #دجيهان_عادل
دخلت عنده لقيته محضر لى بقيه اعمامها و أولادهم
الاوضه كان فيها يجى تسع و الا عشر رجاله ...صراحه لما شفتهم خفت و بقيت مش عاوز اتكلم
خير يا اسطى مازن قلت لى انك عاوزنى فى موضوع يخص بنت اخويا ؟؟ خير فى ايه ؟؟#دجيهان_عادل
كل خير يا حج ...انا بس كنت جاى اطلب ايد الانسه سلمى
تطلبها لمين أن شاء الله ؟؟
ليا انا ؟؟؟؟
اول ما نطقت الكلمه لقيت كل اللى قاعدين ضحكوا بصوت عالى #دجيهان_عادل
هو انا قلت حاجه غلط و الا ايه ؟؟؟
طبعا ...دا انت الغلط نفسه
ليه كدا بس يا حج؟؟ هو انا غلطت فى ايه دلوقتى ؟؟
انت بتشتغل ايه يا اسطى مازن ؟؟
ما انت عارف يا حج بشتغل فى ورشه
صبى يعنى ؟؟؟
ايوه #دجيهان_عادل
طب و معاك شهاده ايه يا سي مازن ؟؟
معايا ... معايا الاعداديه
هنا الكل ضحك مره تانيه و لقيت عمها قام وقف و قالى :
و انت عاوزنى اجوز بنت اخويا اللى معاها معهد تكنولوجيا لواحد باعداديه ؟؟؟
طب مش تاخد رأيها يمكن توافق
معندناش بنات لها رأى ...دا اخر كلام عندى و يلا جر عجلك و مشوفش وشك هنا تانى #دجيهان_عادل
خرجت من عند عمها و قفايا يقمر عيش و الدنيا كلها اسودت فى عنيا و فقدت الأمل أن سلمى تكون ليا...... رجعت بيتى و رقدت فى سريري اسبوع وكنت قافل موبايلى و مش عاوز اكلم حد و لا حد يكلمنى
و فى يوم لقيت الباب بيخبط و امى بتفتح و بتقول #دجيهان_عادل
يا اهلا يا اهلا يا ست فاطمه
قمت اتنطرت من مكانى و كان شكلى خاسس جدا و دقنى طويله
طلعت جرى استقبلها على الباب و قلت لها
اتفضلى يا حاجه
لا انا زعلانه منك يا مازن ...اسبوع يا ابنى و منعرفش عنك حاجه ...قافل موبايلك ليه ؟ #دجيهان_عادل
معلش يا حاجه كنت تعبان شويه
الف سلامه عليك طهورا أن شاء الله
الله يسلمك يا رب
طب قوم يلا احلق دقنك دى و خد لك دش و تعالى معايا
على فين يا حاجه ؟؟؟
#حكايه_الست_فاطمه
#الجزء_الخامس
لا انا زعلانه منك يا مازن ...اسبوع يا ابنى و منعرفش عنك حاجه ...قافل موبايلك ليه ؟ #دجيهان_عادل
معلش يا حاجه كنت تعبان شويه
الف سلامه عليك طهورا أن شاء الله
الله يسلمك يا رب
طب قوم يلا احلق دقنك دى و خد لك دش و تعالى معايا
على فين يا حاجه ؟؟؟
هنروح نقعد فى المحل شويه انا و انت
حاضر ثوانى اغير هدومى بس
و تحلق دقنك دى
حاضر #دجيهان_عادل
رحت مع الحاجه المحل و لقيتها بتقولى
انا عرفت اللى حصل بينك و بين اعمام سلمى
متزعلش نفسك ...على العموم سلمى لسه قدامها شويه لحد ما اتخلص و انت ممكن بعد فتره كدا تبعت لهم مره تانيه انك عاوز تخطبها
يا حاجه دول عاملونى معامله وحشه اوى و انا كرامتى متسمحليش اروح لهم مره تانيه
لو بتحب بنتى هتروح يا مازن
انا بحبها ...بحبها اكتر من روحى
معلش يا ابنى نعمل الأصول عشان محدش ياكل وشنا
و فعلا عدت طلبى مره و اتنين و تلاته و فى كل مره اترفض منهم بحجه انى أقل منها فى التعليم #دجيهان_عادل
فضلت على الحال ده تلات سنين ...تلات سنين مش عارف راسي من رجليا اروح لاعمامها يقولوا لا يمكن...... اروح لامها تقول اصبر لحد ما زهقت و فاض بيا
فى الفتره دى قربت من سلمى اكتر و هى قربت منى ...بس طبعا كله فى حدود الأدب
لما عرفتها عن قرب عرفت انى لو لفيت الدنيا كلها عمرى ما الاقى زى الانسانه دى و لا الاقى زى امها فى طيبتها و حنيتها و يمكن دا اللى كان مصبرنى على سخافه اعمامها
و فى يوم قررت انى اكلم الست فاطمه لانى فعلا زهقت و الموضوع مش باين له نهايه
انا عاوز اتكلم معاكى كلمتين يا حاجه
اتفضل يا مازن #دجيهان_عادل
عجبك اللى احنا فيه دا ؟؟؟ انا مش عارف انتى ليه مصممه على موافقه اعمامها ؟؟ هما مش دول اللى أكلوا حقكم زمان
يا ابنى اللى ملوش كبير بيشتريله كبير ...يعنى ترضى تتجوز عروسه ملهاش عيله و حسب و نسب
ايوه ارضى ....يا حاجه انا مش عاوز اى حاجه من الدنيا الا سلمى
طب متزعلش يا ابنى ...انا هروح لاعمامها و احاول اقنعهم بنفسي و أن شاء الله خير
و راحت الست فاطمه لداود عم سلمى الكبير #دجيهان_عادل
سلام عليكم يا ابو احمد
و عليكم السلام يا ام محمد ...اتفضلى
ازيكم عاملين ايه ؟؟ و ازاى ولادك
بخير الحمد لله كلنا زى الفل
الحمد لله ...كنت عاوزه اكلمك فى موضوع كدا يا ابو احمد
خير يا فاطمه ؟
خير أن شاء الله انتوا مش موافقين على العريس اللى متقدم لسلمى بنتى ليه ؟
عريس مين دا ؟
مازن ابن الحج ابراهيم #دجيهان_عادل
اه الواد اللى مش متعلم ده ؟؟ طب و دا ينفع يا ست يا كمل ؟ عاوزه تجوزى بنتك لحتة عيل ممعهوش شهاده ؟
بس البت رايداه يا داود
الله الله على التربيه ...و الله و عرفتى تربى يا مرات اخويا
انا مربيه بنتى احسن تربيه يا داود و قطع لسان اللى يقول غير كدا ؟
انتى جايه تشتمينى فى بيتى و الا ايه يا فاطمه؟؟ كدا انا فهمت البت مش متربيه ليه ؟#دجيهان_عادل
لو بنتى مش متربيه يبقى العيب على أهلها اللى رموها هى و امها و اخوها و طردوهم من بيتهم و استحلوا ورثهم
انتى جايه تقطمينى و الا ايه ؟ ايه لزوم الكلام ده دلوقتى ؟
ملوش لزوم يا داود بس انا جايه اقولك انى هجوز بنتى للى هى عايزاه
و احنا ملناش دعوه بيكم و لا هنحضر لها فرح
و من امتى و انتوا ليكوا دعوه بينا يا داود ؟؟ على العموم انا عملت اللى عليا و جيت لك حسب الأصول
كلك واجب يا ست فاطمه
سلام عليكم #دجيهان_عادل
و عليكم
و مشيت الست فاطمه و هى دمها محروق ...يعنى هى كبرتهم و نسيت اللى عملوه فيها و هما برده معندهمش احساس و لا دم
لما رجعت الست فاطمه من عند داود و كنت مستنيها فى المحل على احر من الجمر لقيت وشها متغير و فهمت طبعا أنه رفض تانى
لقيت الست فاطمه جابت المصحف اللى بتقرا فيه و قالت لى
احلف يا مازن على المصحف ده
احلف على ايه يا حاجه ؟
احلف انك هتعمل اللى هقولك عليه و مش هتقول لحد اى حاجه عنه
طب افهم بس
لا متفهمش ...انت واثق فيا و الا لا ؟
طبعا يا حاجه واثق فيكى
طب احلف #دجيهان_عادل
و الله العظيم و حق هذا الكتاب العظيم انى اعمل اللى هتقوليلى عليه و مش هجيب سيره لحد ابدا
قامت الست فاطمه و فتحت خزنتها و طلعت رزمتين من الفلوس و قالت لى ...خد دول
ايه دول ؟؟
هات الشبكه للبت و ادفع مقدم الاوض
لا لا ...مش ممكن اخد منك الفلوس دى
انت حلفت و متقدرش ترجع فى حلفانك بس انا مكنتش اعرف انك هتحلفينى على كدا معلش يا حاجه انا اسف
يا مازن انا عارفه انك راجل حر ...انا ليا نظره فى الإنسان و عارفه انك بتحب بنتى و لو بنتى لفت الدنيا مش هتلاقى حد يحبها زيك
فعلا و الله يا حاجه #دجيهان_عادل
طب خلاص اسمع الكلام
مقدرش يا حاجه
هو انت مش زى محمد ابنى و الا ايه ؟ بتعتبر نفسك غريب ؟
لا و الله ربنا اعلم انا بعتبرك امى التانيه
طب خلاص خد الفلوس و انت حلفت أن ده سر بينا .
و فعلا اخدت الفلوس و اشتريت الشبكه
الست فاطمه ساعدتنى فى كل حاجه حتى فى العفش و الشقه و كانت محلفانى انى مقولش كلمه لمخلوق حتى بنتها
و جه يوم الفرح ...اليوم اللى استنيته سنين و سنين
عملنا فرح على الاد وطبعا مفيش حد من اعمامها أو أولادهم حضروا الفرح
الست فاطمه كانت فرحانه اوى ...عمرى ما شفت الفرحه فى وشها زى ما شفته الليله دى
خلص الفرح و رحنا على شقتنا انا و عروستى حبيبتى #دجيهان_عادل
الست فاطمه هى و محمد وصلونا لباب الشقه و لاحظت أن حماتى أدت لمراتى شنطه جلد صغيره فى أيدها قبل ما تمشي
اول ما دخلنا و قفلنا الباب علينا كانت الفرحه مش سايعانى
عروستى اجمل من القمر نفسه
شكرت ربى على نعمته اللى انعمها عليا و اللى مكنتش احلم بيها اصلا
نورتى بيتك يا عروسه
بنورك يا حبيبي
ايه ؟؟؟ قولى كدا تانى ؟؟ انتى قلتى حبيبي ؟#دجيهان_عادل
ايوه
يا خرااااشى عليكى و على كسوفك اموت انا
بس بقا يا مازن
حاضر يا قمر ... حاضر يا عسل حاضر يا قشطه بالعسل
الله ايه دا كله ؟؟؟
دا أقل من أنه يوصفك يا حبيبتى
طب خد الشنطه دى
ايه دا ؟
دول عشرين ألف جنيه امى ادتهملى و خد كمان فلوس النقطه بتاعتى
ايه دا ؟ دا كتير اوى #دجيهان_عادل
ما هو امى مجامله البلد كلها
طب و انتى بتدينى الفلوس دى ليه ؟
خليهم معاك
و اخليهم معايا ليه ؟؟ ما تخليهم معاكى انتى
خدهم بس يا مازن يمكن تحتاجهم
حاضر يا ستى انا هريحك و هعينهم فى الدولاب #دجيهان_عادل
تمام
طب ايه ؟ هنصلى الاول ركعتين سوا و الا ناكل الاول ؟
لا هنصلى بس سبنى اصلى انا الاول و بعدين نبقى نصلى سوا
و هو كذلك يا قمر
و فعلا سلمى مراتى راحت اتوضت و لبست الاسدال و دخلت تصلى فى اوضتنا
استنيت يجى ربع ساعه و سلمى بتصلى
فتحت الباب لقيتها ساجده و عماله تدعى ربنا بصوت مسموع قفلت عليها الباب و خرجت #دجيهان_عادل
بعد كدا سلمى اتأخرت اكتر من نص ساعه
بقيت مستغرب بس قولت اسيبها براحتها
لحد ما شفت خيال طويل على الحيطه قلت اكيد خلصت و طلعت على المطبخ
قمت ابص ملقتهاش
رحت فاتح الاوضه لقيتها لسه ساجده
قلت ايه يا ست العرايس هنقضى طول الليل فى الصلاة و الا ايه ؟؟؟
قربت منها و ....
#حكايه_الست_فاطمه
#الجزء_السادس_والاخير
بعد كدا سلمى اتأخرت اكتر من نص ساعه
بقيت مستغرب بس قولت اسيبها براحتها
لحد ما شفت خيال طويل على الحيطه قلت اكيد خلصت و طلعت على المطبخ
قمت ابص ملقتهاش
رحت فاتح الاوضه لقيتها لسه ساجده
قلت ايه يا ست العرايس هنقضى طول الليل فى الصلاة و الا ايه ؟؟؟
قربت منها مسمعتهاش بتدعى حطيت ايدى عليها لقيتها وقعت
ايه دا ؟؟؟ يا خبر
سلمى سلمى
جريت بره الشقه زى المجنون انادى اى حد من الجيران عشان يفوقوها
الجيران دخلت بسرعه و حاولوا يفوقوا فيها و يحطوا على رأسها ووشها ميه بس مفيش فايده
واحد من الجيران طلب الإسعاف و ركبت معاها العربيه و مجاش فى بالى انى اتصل على والدتها أو اخوها و اقولهم
لما وصلت المستشفى و الدكتور كشف عليها قالى البقاء لله
انت بتقول ايه يا دكتور ؟؟؟ انت قصدك سلمى مراتى ماتت ؟؟؟ انت هتهزر ليه يا دكتور ؟؟ دا مش وقت هزار يا اخى
طب اكشف تانى يمكن مغمى عليها
و الله انا كشفت و هى فعلا ماتت بس لازم احولها المشرحه علشان نحدد سبب الوفاه
وفاه ايه يا دكتور ؟؟ دى عروسه مبقالهاش ساعه ....دى بنت صغيره مكملتش ٢٢ سنه ...انت اكيد غلطان ....هاتولى دكتور كبير ...انا مستعد اجيب اكبر دكتور فى البلد ....مراتى ممتتش انت دكتور صغير مش فاهم حاجه
قعدت اهلل و اهبل و الناس تهدى فيا
سلمى مراتى حولوها المشرحه و اتصلوا على الست فاطمه و محمد
لقيت الست فاطمه جايبه ميكروباص هى و محمد و جايين
محمد كان قاعد زعلان فى اخر كرسي فى الميكروباص و مرضيش ينزل
نزلت الست فاطمه من العربيه بكل هدوء و دخلت المشرحه
طلبت من الدكتور اللى هيشرح الحاله انها تشوف بنتها لآخر مره فى حياتها
الدكتور وافق على طلبها بالرغم أن ده ممنوع و طلب من المساعد بتاعه تغطيه الجثه كامله ما عدا دماغها و أنه يشيل ادوات التشريح من جنبها عشان امها متشوفهاش
و دخلت الست فاطمه و شافت بنتها جثه بعد ما كانت مسلمهالى عروسه من ساعه واحده بس
الست بصت لبنتها و قالت
طبتى حيه و ميته يا حبيبتى ...انا لله و انا اليه راجعون
و باست سلمى فى جبينها و خرجت
و هى خارجه كانت هتقع سندها الدكتور و اخدها تستريح فى اوضة الدكاتره
الست فاطمه طلبت من الدكتور شربة ميه و سجادة صلاه
الدكتور جاب لها ميه و عصير بس هى شربت بق ميه واحد
الدكتور فرد لها المصليه و قفل عليها الباب و خرج
لما رجع الدكتور لجثة سلمى لاقى ابتسامتها على وشها زادت و الهدوء النفسي اللى على وشها رائع
الدكتور شاف من الازاز بتاع باب المشرحه خيال لحاجه طويله ماشيه فى الطرقه
خرج الدكتور بسرعه يشوف ايه دا
لقى حاجه غريبه زى النور و لها جناحين مرت من جنبه بكل هدوء و كانت خارجه من الاوضه اللى فيها الست فاطمه
الدكتور بيقسم أنه حس بقشعره فى جسمه كأن كهربا مسكت فيه
ساعتها افتكر كلمتى لما سألنى عن سلمى و قلت له انى شفت خيال طويل على الحيطه قبل ما ادخل عليها الاوضه
و عرف أنه نفس الخيال اللى انا شفته
جرى الدكتور على الاوضه اللى فيها الست فاطمه لاقاها ساجده على الأرض من غير اى صوت و لا حركه
قعد جنبها و هزها لاقاها وقعت
قام ساندها و مقعدها على الكنبه
و خرج الدكتور و هو مذهول ...معقول دا يحصل
الست على وشها نفس الابتسامه الجميله اللى على وش بنتها
خرج الدكتور و قالى بقيت مش مصدق و حسيت انى هتجنن
الدكتور قعد يهدى فيا و سأل على حد من أهل سلمى غيري قلت له اخوها قاعد فى الميكروباص
خرج الدكتور و هو مش عارف هيقول الخبر لاخوها ازاى ؟
ازاى هيقوله أن امك دخلت تشوف اختك ماتت هى كمان ؟
الدكتور ركب العربيه و دخل للكرسي الاخير اللى قاعد عليه محمد و قاله
البقاء لله يا محمد ....
محمد مردش و لا اتلفت له خالص
محمد ....محمد
محمد هو كمان مات و على وشه نفس الابتسامه
الدكتور بقا يستغرب و أمر أن الجثه تخرج و تتحط جنب الجثتين التانين
الناس اللى كانوا واقفين من الجيران بقوا يصرخوا و ساد حاله من الهرج و المرج الشديد
انا بقا دخلت ووقفت و شفت التلاته كانوا نايمين و الابتسامه على وجوهم مشرقه
ياا الله... ايه بين التلاتة دول و بين ربنا... ايه العهد اللي أخدوه انهم يعيشوا مع بعض و يرحلوا مع بعض... ايه البنت اللي ماتت اول يوم تبعد فيه عن امها... و امها و اخوها يموتو في اول يوم تبعد فيه اختهم عنهم... ايه الابتسامات التلاتة الهادية دى.... ايه الملايكة التلاتة اللي نايمين دول... وهل موت السجود ده سهل كده؟... احنا فين من الناس دى... ايه الهدوء و السكينة اللي ختموا بيه حياتهم ده...
كل الأحداث دى مأخدتش نص ساعة تقريبا
نص ساعة اتغير فيها بالنسبة لي الكون كله....
مكنتش مصدق وحاسس انى فى كابوس رهيب
الفجر اذن و لقيت الدكتور بيحط ايده على كتفى و يقولى البقاء لله ....تعالى يا مازن نصلى الفجر فى المسجد
قمت معاه من غير ما انطق و لا كلمه ، اتوضيت و دخلت المسجد
و اقسم بالله العظيم كانت هذه هي التلاوة...
( إن الذين قالوا ربنا الله ثم استقاموا تتنزل عليهم الملائكة ألا تخافوا ولا تحزنوا وأبشروا بالجنة التي كنتم توعدون * نحن أولياؤكم في الحياة الدنيا وفي الآخرة ولكم فيها ما تشتهي أنفسكم ولكم فيها ما تدعون * نزلا من غفور رحيم * )
و ختم الشيخ التلاوة بآيه " وما يلقاها إلا الذين صبروا، وما يلقاها إلا ذو حظ عظيم"
رجعت المشرحه و الدكتور كتب سبب الوفاه للتلاته و كان السبب السكته القلبيه
الدكتور حاول يدفع رسوم الغسل و الاكفان للتلاتة بس انا رفضت و قلت له سلمى مديانى فلوس لكده و قالتلي هتحتاجهم..
زى ما يكون قلبها كان حاسس 😔
انا واثق أنهم دلوقتى فى مكان افضل لكن أنا اللى قلبى اتحرق عليهم
الناس دى انا مشفتش فى طيبتها و لا هشوف و عشان كدا ربنا ختم لهم بخير و كانت وشوشهم منوره و الابتسامه مشعه مشفتش لها مثيل
صلحوا اللي بينكوا و بين ربنا... كل اللي فوق التراب تراب... مفيش حاجة مستاهلة
تمت
🌻🌻🌻🌻🌻🌻🌻🌻🌻🌻
انا عاوزه اقول بس حاجه
الدنيا دى قصيره اوى و أن طالت
مهما يكون عمرك طويل برده هنرجع للخالق الحق هنقف قدامه كلنا و هيحاسبنا على كل كبيره و صغيره
يقول رسولَ الله صلى الله عليه وسلم قالَ: “لا تزولُ قَدَمَا عبدٍ يومَ القيامةِ حتَّى يُسألَ عن أربعٍ عَن عُمُرِه فيما أفناهُ وعن جسدِهِ فيما أبلاهُ وعن عِلمِهِ ماذا عَمِلَ فيهِ وعن مالِهِ مِنْ أَيْنَ اكْتَسَبَهُ وفيما أنفقَهُ “.
فلنتقى الله و نعلم أننا محاسبون ، اى حد غلط فى حق حد عليه بالاعتذار ، اى حد اخد حق حد عليه بارجاعه ، اى حد قصر فى حق حد يحاول يعوضه ...الدنيا مش مستاهله نتصارع عشانها و لا نأكل حق بعض ...محدش بياخد حاجه معاه و هو ماشي
اللهم احسن خاتمتنا جميعا يارب
🌹🌹🌹🌹🌹🌹🌹🌹🌹🌹
ارجو أن القصه تكون نالت اعجابكم ...اذا عجبتكم القصه ارجو الدعاء لوالدى رحمه الله عليه و سائر موتى المسلمين
#قصص_وحكايات_د_جيهان_عادل
ردحذفرووعه يا دكتور كالعاده