حكاية ابراهيم ( كامله )

#حكاية_ابراهيم 

#الجزء_الاول

فى زمن ليس ببعيد  و تحديدا فى أواخر الثمانينات كانت تعيش أسرة الاستاذ ابراهيم فى إحدى الاحياء الشعبيه 

الاستاذ ابراهيم يعمل موظف بهيئه السكك الحديديه لديه اسره مكونه من زوجة و طفلين 

أسرة متوسطه الحال تعيش داخل شقه بالإيجار مكونه من غرفتين و صاله صغيره و حمام و مطبخ

اثاث الشقه بسيط عباره عن حجرة نوم مكونه من سرير و دولاب و تسريحه 

بالصاله يوجد عدد ٢ اريكه تكتسي كل منهما بلباس قديم #دجيهان_عادل

الغرفه الأخرى بها سرير يحمل الطفلين ذوى الأربع و الخمس سنين 

ذات صباح استيقظ ابراهيم كعادته مبكرا محملا بهموم الدنيا التى لا تنتهى فقد تراكمات عليه الالتزامات و ينتظر اول الشهر بفارغ الصبر حتى يسدد بعض ما عليه من ديون 

جلس ابراهيم على إحدى الاريكتين  لتناول طعامه و بادرته دولت زوجته 

اعمل لك شاى يا ابراهيم ؟

انتى لسه معملتيش يا دولت ؟ انا كدا هتأخر على الشغل

انا مولعه على الميه و فى ثوانى هيكون جاهز#دجيهان_عادل

طب يلا بسرعه اعمليلى نص كوبايه و خلاص 

يوووو دا الشاى خلص 

يا أدى النكد اللى على الصبح يعنى انتى متعرفيش أن الشاى خلصان ؟؟

لا مخدتش بالى 

طب خلاص اسكتى بقا 

خلاص متزعلش انت عارف إن حالتنا الشهر دا اتأذمت شويه عشان الواد تعب و صرفنا عليه كتير بس الحمد لله انهارده اول الشهر يعنى هتفرج باذن الله 

تفرج ؟؟؟ دا انا سالف نص المرتب و النص التانى هندفعه ايجار لصاحب البيت 

اه و الله يا ابراهيم صاحب البيت دا راجل رخم و مبيستناش يوم واحد على الايجار و كمان راجل مش مظبوط ببقى عاوزه اتخلص منه على طول #دجيهان_عادل

مش مظبوط ازاى يعنى ؟؟

يعنى بيقعد يتكلم كدا كلام ملوش لازمه و يقولى لو عزتى حاجه انا موجود كلام سخيف كدا 

و انتى مدياله فرصه يتكلم معاكى الكلام ده ليه ؟

انا مدياله ؟؟ الله يسامحك هو دايما يتكلم كلام ع المتغطى يعنى مبيغلطتش نفسه و بعدين انا مبعرفش ارد عليه بخاف يطردنا بالعيلين و ساعتها هنروح فين بس #دجيهان_عادل

لا و الله هو ده سبب إلى بتقوليه ده ؟؟ عليا الطلاق لو وقفتى تكلميه تانى ما انتى قاعده فيها مره تانيه 

الله الله انت بتحلف عليا ليه دلوقتى هو انا كنت عملت ايه مش هو اللى بيجى يخبط و يقول هاتى الايجار

لما يخبط متفتحلوش و انا هروح اديله الايجار بنفسي و أقوله معدش يعتب البيت هنا #دجيهان_عادل

امرك يا اخويا متنرفزش نفسك بس 

يا شيخه بلا قرف 

رايح فين كمل فطارك 

سديتى نفسي الله يسد نفسك ع الصبح 

خرج ابراهيم من منزله يسب و يلعن تلك الحياه القاسيه التى احوجته لشخص مثل صاحب البيت و مما زاد حنقه أنه قليل الحيله و لا يستطيع فعليا  ترك المنزل .

ذهب ابراهيم لعمله ككاتب فى ارشيف هيئه السكك الحديدية 

تأخر خمس دقائق على مكتب الساعه و بالتالى سيتم خصم جزء من راتبه فى الشهر القادم

دخل ابراهيم إلى مكتبه و هو يسب الدفتر و الساعه #دجيهان_عادل

حضر أمامه شوقى الساعى ليمسح بعدم اتقان المكتب من الاتربه المتراكمه عليه و على الملفات الكثيره المتناثره أمامه 

هات لى شاى يا شوقى 

 شاى ؟؟؟؟ الحساب تقل يا استاذ ابراهيم 

تقل و الا متقلش انت مش لك فلوس تاخدها و بس ...متتكلمش كتير 

امرك.... على العموم انهارده اول الشهر و انا شفت الاستاذ عاطف جه مضى و طلع يجيب المرتبات من البنك يعنى كلها ساعه و نتحاسب

يا ساتر على قرك ....هو انت كل شهر تقر فى وشي كدا ...الشهر اللى فات رجعت لقيت ابنى تعبان و صرفت اكتر من نص المرتب عليه #دجيهان_عادل

انا بقرررر يا سى ابراهيم ؟؟؟ دا حتى انا عينى مليانه و بارده عليك 

طب يا سيدى روح يلا اعملى الشاى احسن دماغى وجعانى 

عنيا يا استاذ ابراهيم 

خرج شوقى تاركا ابراهيم شاردا فى همومه  ، فكيف له توفيق اوضاعه مع مثل هذا الراتب الهزيل مقابل تلك الالتزامات الثقيله .#دجيهان_عادل

انقطع تفكيره أمام صوت الاستاذ دسوقى رئيس الارشيف 

ايه يا ابراهيم ؟؟ يعنى جاى متأخر و كمان قاعد سرحان على مكتبك ؟؟

معلش يا استاذ دسوقى 

شوف يا أفندى اللى وراك ...الملفات اللى قدامك دى كلها عاوزها تخلص انهارده 

انهارده ؟؟؟ ازاى دا كتير جدا 

معرفش ازاى ...انا قايلك على الملفات دى من اسبوع فات و انت كل يوم تتلكع ...الملفات تخلص انهارده و الا هخصم لك يومين و انت عارف انا فى الشغل معرفش ابويا #دجيهان_عادل

عارف يا استاذ دسوقى ...بس انهارده القبض و اكيد هتأخر فى الطابور على ما اقبض 

اقبض بكرا يا سيدى على الأقل تكون الزحمه خفت شويه 

مقدرش و الله يا استاذ دسوقى ...صاحب البيت بينط لى اول يوم فى الشهر و كمان انا عليا ديون ....

بس بس انت هتحكيلى قصه حياتك ...انا معرفش غير انك تخلص كل الملفات دى انهارده و خلاص #دجيهان_عادل

امرى إلى الله هتأخر ساعتين بعد الشغل  اخلص فيهم الورق 

تتأخر متتأخرش انا قلت لك و انت حر 

جلس الاستاذ دسوقى على مكتبه بنظارته السميكه و بطنه المتدلى و هو ينظر من تحت نظارته لابراهيم نظرة احتقار و عدم تقدير 

انخرط ابراهيم فى تلال من الورق إلى أن جاءت الساعه الثانيه عشر ذهب ليصلى الظهر و يحجز دوره فى طابور الحصول على المرتب #دجيهان_عادل

دخل ابراهيم إلى حجره الخزينه ليجد أمامه العشرات ممن سبقوه لقبض الراتب 

نظر ابراهيم فى حسره 

يا خبر دا انا لو قعدت ساعتين مش هقبض اعمل ايه يا ربى انا لازم اقبض انهارده 

 شق ابراهيم الزحام وسط تزمر العديد من زملائه 

انت رايح فين يا ابراهيم احنا واقفين هنا من الصبح 

منا كمان واقف من الصبح ...

انت لسه جاى دلوقتى #دجيهان_عادل

مين قال كدا ؟؟ انا هنا من بدرى بس كنت واقف بره لأن نفسي بيتكتم فى الزحمه 

وصل إلى الخزنه باعجوبه 

نظر له الاستاذ عاطف ذو التسع و خمسون عام 

عامل دوشه ليه يا ابراهيم ؟؟

مفيش دوشه و لا حاجه يا استاذ عاطف قبضنى و حيات والدك بسرعه اصل عندى شغل كتير اوى #دجيهان_عادل

حاضر يا سيدى أمضى هنا الاول 

ايه دا ؟؟؟ هو المرتب ناقص عشره جنيه ليه ؟؟

معرفش شوف انت اتخصم لك ايه الشهر اللى فات 

حسبي الله و نعم الوكيل 

بتحسبن على مين يا ابراهيم ؟

مفيش يا استاذ عاطف انا مضيت اهو 

هنا ظهر أحدهم بجانب ابراهيم قائلا

يا استاذ عاطف المرتب ناقص تلاته جنيه 

تلاته جنيه ايه يا حمدى ؟؟ انت مش عددهم قبل ما تسيب الشباك ؟ #دجيهان_عادل

لا معدتش الا اما رحت المكتب 

مليش فيه انا كاتب ورقه كبيره اهى تخرم عين التخين بتقول انك تراجع فلوسك قبل ما تطلع من الباب 

يعنى ايه يعنى ؟؟ دا مرتبى و انا مش هاجى افترى عليك فى تلاته جنيه 

و لا تفترى عليا و لا افترى عليك دى غلطتك انك معدتش قبل ما تخرج 

لا مش غلطتى انا دى غلطتك انت ...انت كبرت و خرفت و مش انا الوحيد اللى بتغلط معاه كدا ....كذا مره تعمل كدا مع زمايلنا .

بقولك ايه مش عاجبك اشتكينى 

اه اشتكيك هو انا صغير و الا ايه يلا معايا على مديرك #دجيهان_عادل

انت هتخوفنى و الا ايه ؟؟ اجى معاك يا اخويا على المدير 

ترك الاستاذ عاطف الخزنه و ذهب إلى المدير..... تأخر هناك فترة من الزمان و ابراهيم يقف على نار 

وصل عاطف اخيرا ليجد الخزنه اكتظت بالناس 

جلس وراء مكتبه و هو يتمتم 

استغفر الله العظيم يارب 

يلا يا استاذ عاطف انت اخرتنى اوى قبضنى عشان امشي 

رفع عاطف رأسه ليجد ابراهيم يحدثه و يمد يده ليقبض راتبه 

منا قبضتك يا ابراهيم #دجيهان_عادل

ايه قبضتنى ازاى ؟؟؟

قبضتك و دى امضتك اهى على الدفتر 

لا لا مقبضتش انا مضيت اه بس مخدتش الفلوس 

يا أدى البلاوى اللى بتتحدف عليا انهارده يا ربى 

بقولك مقبضتش و الله العظيم ما قبضت 

طب أسأل الناس اللى حواليا انا اخدت فلوس يا جماعه 

مخدناش بالنا و الله 

و الله ما قبضت طب فتشنى 

و لا افتشك و لا تفتشنى انت بتقول انك مقبتضتش و انا بقول انى قبضتك ....

ايوه و بعدين ؟؟#دجيهان_عادل

و بعدين لو عايز تروح تشتكينى للمدير انت كمان روح 

نعم مدير مين ؟؟؟ بقولك ايه مرتبى هاخده من عينك 

عين مين يا جدع انت ؟ ما تحترم نفسك 

و انت متحترمش نفسك ليه ؟؟ مش اد الشغلانه و بدأت تخرف اقعد فى بيتكم يا اخى متقرفناش 

انت قليل الادب 

و انت عديم التربيه 

اشتبك ابراهيم و عاطف بالايدى ...نزع ابراهيم نظاره عاطف و القاها بالهواء و اخذ يسدد له الضربات فى وجهه إلى أن سقط و الدماء تنزف من أنفه و فمه #دجيهان_عادل

اجتمع الزملاء على ابراهيم و اخرجوه خارج حجرة الخزينه  و هو مازال يصرخ 

انا مقبضتش و الله العظيم ما قبضت

طب أهدى بس روح اشتكيه للمدير و هو يجيب لك حقك 

لسه هروح للمدير و يحقق فى الموضوع ...انا لازم اخد الفلوس انهارده

هنا خرج أحد الاشخاص من الغرفه قائلا

الحقوا  يا جماعه استاذ عاطف ماااات 😲

#حكاية_ابراهيم 

#الجزء_الثانى

اجتمع الزملاء على ابراهيم و اخرجوه خارج حجرة الخزينه  و هو مازال يصرخ 

انا مقبضتش و الله العظيم ما قبضت

طب أهدى بس روح اشتكيه للمدير و هو يجيب لك حقك 

لسه هروح للمدير و يحقق فى الموضوع ...انا لازم اخد الفلوس انهارده

هنا خرج أحد الاشخاص من الغرفه قائلا

الحقوا  يا جماعه استاذ عاطف ماااات 😲

هنا ترك الجميع ابراهيم و تدافعوا نحو غرفة الخزينه #دجيهان_عادل

وجد ابراهيم نفسه وحيدا.... وقف للحظات فتعالت الاصوات 

لا حول و لا قوة الا بالله ..لا حول و لا قوة الا بالله ...الراجل راح فى شربة ميه

لم يجد ابراهيم حلا الا الهروب ...فقد أطلق قدماه للرياح و هو لا يعلم إلى أين يتوجه 

عبارة واحده تتردد بداخل عقله ...

قتلته ؟؟؟ قتلته يا ابراهيم ؟؟؟ 

خرج ابراهيم من المبنى ليرى قطار يتحرك ببطئ خارجا من المحطه و بدون تفكير وجد نفسه يقفز بالقطار و يجلس على الكرسي بجانب الباب لا يعلم إلى أين يتجه القطار و إلى أين سيصل به 

كل ما يعلمه أنه خائف مذعور يريد الهروب من تلك الكارثه التى وقعت فوق رأسه 

عندما مر عليه الكمسرى أخرج ابراهيم كارنيه هيئه السكك الحديديه فابتسم له الرجل و مضى إلى حال سبيله#دجيهان_عادل

استمر القطار فى شق الأرض بسرعه كبيره ما يزيد عن السبع ساعات مر خلالها شريط حياته من بدايه موت والدته و هو فى السادسه من عمره و زواج أبوه أكثر من مره و طلاقه و عذابه مع كل امراه منهم  الى حصوله على مجموع كبير فى الاعداديه و تمنيه بأن يدخل الثانوى و منها للجامعه....... و لكن ليس كل ما يتمناه المرء يناله فقد رفض والده و الذى كان يعمل سائقا فى السكك الحديدية متعللا بكلمته المشهوره

يعنى اللى راحوا الجامعه كانوا عملوا ايه يعنى ؟؟؟

 تذكر أبوه و هو يمزق استمارة النجاح التى سيقدم بها فى المرحله الثانويه و  أصراره على تقديم أوراقه للهيئه ليعمل كاتب على الدرجه الثامنه 

مر أمام عينيه حبه الوحيد لجارته سناء و كيف كان شغفه الشديد لها و أنه لم يتمنى زوجه غيرها 

تذكر ابتسامتها العذبه و سحرها الخلاب تذكر تلك العيون الخضراء الواسعه و الشعر الطويل 

تذكر تظراته لها و نظراتها إليه #دجيهان_عادل

و لكن للمره الثانيه فى حياته يجد من يقرر و يأمر و ينفذ فقد رفض والده تلك الفتاه رفضا تاما بحجه انها جميله و من عائله مستوره على حد قوله و أنهم بالتأكيد سيرفضوا و عندما طلب ابراهيم من أبيه أن يجرب و يطلب له يدها تملص الاب قائلا

حتى لو مرفضوش اكيد هيطلبوا مهر غالى اوى و شبكه و شقه و بلاوى سودا 

طب نجرب يا أبا 

مفيش تجريب انت عاوز تحرجنى مع الناس و خلاص ...انا شفت لك عروسه حلوه و على ادنا 

عروسه ؟؟ عروسه مين دى ؟؟

بنت الاسطى خليل صاحبى بنت كويسه و مؤدبه و لسه مخلصه الاعداديه و مش هتكلفنا كتير هتتجوزوا معايا هنا فى الشقه

ازاى الكلام ده يا أبا ؟؟

زى الناس يا ابن الكلب ....الشقه هنا اوضتين و صاله انا اوضه و انت و عروستك اوضه اهو نلاقى حد يخدمنا يعمل لنا لقمه يغسل لنا هدمه 

بس انا بحب سناء يا أبا و مش عاوز اتجوز غيرها #دجيهان_عادل

سناء مين دى يا ابن الهبله ؟؟ و بعدين حب ايه اللى بتتكلم عليه ؟؟ منا قدامك اهو جربت من صنف النسا كتير و ايه النتيجه ؟؟ كلهم زى بعض جنس نمرود ميهموش الا قرشك ...طول ما معاك قرش تبقى حبيبتك لكن لو اتعذرت  و الا قصرت شويه تهب فى وشك زى وابور الجاز 

طب خلاص ما انت بتقول اهو ...انا مش عاوز اتجوز خلاص 

و بعدين بقا ؟؟؟.   يا واد يا اهبل كلهم زى بعض مفيش فرق بين سمرا و بيضا طويله و الا قصيره كلهم فى النكد واحد سناء اللى هتموت عليها دى زى دولت اللى انا اخترتهالك ....كلهم واحد يا عبيط 

لا يا أبا الكلام ده غلط 

غلط ازاى ؟؟ بقولك انا مجرب سبع نسوان و بقولك كلهم حته واحده بس الفرق انك ساعات تلاقى واحده مدندشه فى نفسها كدا ...واحده زى شيخ الغفر ..واحده نضيفه ....واحده نص نص #دجيهان_عادل

لكن فى النهايه كلهم نفس عجينه العكننه و كلمه هات هات اللى متعودين عليها لحد ما ربولى الهتهات 

و انت كدا بتقنعنى ؟؟ دا انت بتعقدنى فى الجواز خالص 

يا واد يا اهبل احنا بدل ما نجيب خدامه هنجيب واحده اسمها الوظيفى مراتك هتخدمنا بلقمتها ...بقولك ايه هو انا واجع قلبى معاك ليه ؟؟ انت هتتجوز دولت يعنى هتتجوز دولت انا أديت لابوها كلمه و خلاص 

و ان قلت لا يا أبا ؟؟

إن قلت لأ يبقى تمشى من بيتى يا روح امك و تنسي خالص أن لك اب عايش على وش الدنيا دى 

خلاص يا أبا اللى تشوفه انا من ايدك دى لايدك دى 

شاطر يا ابراهيم ...هو ده ابنى حبيبي تربيه ايدى 

تذكر ابراهيم زوجته دولت و كيف أنه لم يستطع تقبلها رغم أنها طيبه و مطيعه 

إحساسه بالقهر جعله دائما يشعر بالسخط نحوها و عدم الرضا 

حاولت دولت التقرب من ابراهيم كثيرا لكنه لم يكن ليشعر بها كان دائم التخيل لسناء  محل زوجته ...كان يسهر الليالى يدخن لفائف التبغ حزينا على ما آل إليه حاله #دجيهان_عادل

تأخرت زوجته فى الحمل لصغر سنها ...لم يعبء ابراهيم لذلك و لم يتمنى كأى رجل أن يكون له ذريه من دولت 

كان دائما لديه امل أنه سيترك هذه الحياه التى لم يختارها 

عندما توفى والده بعد زواجه بعامين قرر ابراهيم طلاق دولت بعد الاربعين فقد مات من ارغمه على هذه الحياه 

كان يخطط لحياة جديده بعيده جدا ...أخذ يخطط لعمل جديد و سكن جديد و أناس مختلفه و لكن القدر لم يمنحه هذه الفرصه أيضا فقد فاجأته زوجته انها حامل #دجيهان_عادل

لم يستطع التملص من مسؤليته الجديده 

و رزق باول طفل ...و لم تمر الا شهور قليله و علم أن زوجته حامل فى طفله الثانى 

شعر أن الحبل يلتف على رقبته أكثر و أكثر 

تذكر أولاده و متطلباتهم الكثيره التى تفوق قدرته و قدرة راتبه الهزيل و أنه كان فى كثير من العطلات يخرج ليبحث عن اى عمل باليوميه حتى يوافى بعض هذه الالتزامات .

كل يوم يدور بتلك الساقيه كالثور المربوط و الذى ربطت عيناه حتى لا يشعر بالدوار ..#دجيهان_عادل

بدأ يحدث نفسه ...هل جاءت لك الفرصه يا ابراهيم لتهرب من حياتك ؟؟ هل هذا ما تريده حقا ؟؟ لماذا لم تواجه ؟ لماذا فررت كالفأر الذى يهرب من المصيده ؟؟ هل كانت هذه الحادثه بمثابة الفرصه التى لم تعطها لك الحياه من قبل ؟؟

انقطع تفكير ابراهيم بوقوف القطار بمحطته الاخيره ليجد نفسه أمام لوحه كبيره مكتوب عليها 

مرحبا بكم فى مرسي مطروح

#حكاية_ابراهيم 

#الجزء_الثالث

بدأ يحدث نفسه ...هل جاءت لك الفرصه يا ابراهيم لتهرب من حياتك ؟؟ هل هذا ما تريده حقا ؟؟ لماذا لم تواجه ؟ لماذا فررت كالفأر الذى يهرب من المصيده ؟؟ هل كانت هذه الحادثه بمثابة الفرصه التى لم تعطها لك الحياه من قبل ؟؟

انقطع تفكير ابراهيم بوقوف القطار بمحطته الاخيره ليجد نفسه أمام لوحه كبيره مكتوب عليها 

مرحبا بكم فى مرسي مطروح

نظر ابراهيم باندهاش شديد كيف مرت تلك الساعات ..لقد اظلم النهار أيضا 

نزل ابراهيم من القطار لا يعرف إلى أين يتوجه #دجيهان_عادل

يشعر بالجوع الشديد و يريد دخول الحمام 

لو سمحت يا اخ مفيش جامع قريب من هنا ؟

ايوه اول ما تطلع من المحطه هتلاقى الجامع على ايدك اليمين 

طب معلش فى السؤال مفيش قهوه قريبه ؟

شكلك مش من البلد #دجيهان_عادل

ايوه انا غريب 

القهوه بعد الجامع بشويه يعنى لو وقفت قدام الجامع هتشوفها على طول 

متشكر اوى 

تحت امرك 

خرج ابراهيم ليجد المسجد و القهوه كما وصفهم له الرجل 

توجه للمسجد و توضأ و كان الوقت بين المغرب و العشاء #دجيهان_عادل

بدأ ابراهيم الصلاه  و فى أول سجده  اخذ يبكى و يبكى بصوت مرتفع 

سامحنى يا رب انا مكنش قصدى اموته ، انا خايف يارب ...غتنى يارب  من المصيبه دى ساعدنى 

انتهى ابراهيم من الصلاة ليجد يد تربت على كتفه #دجيهان_عادل

رفع بصره ليجد شيخ عجوز بوجه بشوش و لحية بيضاء ناصعة و جلباب ابيض 

مالك يا ابنى ؟؟ بتعيط ليه ؟؟

مفيش يا عم الشيخ 

شكلك مش من هنا اول مره اشوفك 

ايوه فعلا #دجيهان_عادل

انت منين يا حبيبي 

انا ...انا من اسكندريه 

اه يعنى جيراننا هنا 

ايوه 

طب و جاى زياره و الا شغل ؟؟

جاى ...جاى ادور على شغل 

بقى انت سايب اسكندريه و جاى مرسي مطروح تدور على شغل #دجيهان_عادل

ايوه و فيها ايه يعنى ؟؟

امممم انا فهمت انت جاى هنا ليه 

فهمت ؟؟؟ فهمت ايه ؟؟؟ لا ابدا 

اهدى أهدى مالك عامل كدا ليه يا ابنى ؟؟ انا بقول أن فى حد ابن حلال واعدك يسفرك ليبيا و من هناك تطلع على ايطاليا ...ناس كتير بتعمل كدا 

ليبيا ؟ و ايطاليا ؟؟؟ صراحه يا عم الشيخ فى واحد صاحبى قالى على الموضوع ده و قلت اجرب حظى #دجيهان_عادل

شفت عرفتك ازاى ؟؟ انا ياما مر عليا شباب زيك كدا و نصحتهم و قلت لهم بلاش السكه دى 

ليه يا عم الشيخ ؟؟

سكه خطره يا ابنى و اخرتها وحشه 

 فهمنى  ازاى من فضلك؟؟#دجيهان_عادل

اللى بيعمل الحكايه دى سماسره معدومى الضمير بيبيعوا الواحد اللى قدامه و اللى وراه هو و أهله و بعدين يشحنوا يجى مية شاب فى حتة قارب اد كدا مياخدش ربع العدد اللى راكب عليه و يجوا قبل الحدود بحوالى تلاته و الا خمسه كيلو ينزلوا الشباب دى فى الميه.... ياخدوها عوم لحد ما يوصلوا الشط...طبعا فى لانشات كتير بتغرق و ناس كتير بتموت ...و ربنا أمرنا و قالنا و لا تلقوا بأيديكم إلى التهلكه #دجيهان_عادل

و نعم بالله 

الفلوس اللى خلوا اهلهم يدبروهالهم دى ممكن كانوا يفتحوا بيها مشروع ياكلوا منها لقمة عيش احسن لهم ...هو انت كمان بعت اللى وراك و جيت ؟؟#دجيهان_عادل

لا يا عم الشيخ انا لا ورايا و لا قدامى انا جاى اجرب حظى و خلاص 

طيب يا ابنى قوم يلا عشان تصلى العشا 

حاضر يا عم الشيخ #دجيهان_عادل

انتهى ابراهيم من صلاته و خرج إلى الشارع لا يعلم إلى اين يتوجه ...فهو لا يملك حق المبيت فى إحدى الفنادق كما أنه لا يمتلك سوى جنيهات قليله لا تؤمن له اى شيئ #دجيهان_عادل

لاحظ الشيخ أن إبراهيم يقف حائرا فبادره بالسؤال 

هو انت تعرف حد هنا ؟

لا يا عم الشيخ 

يعنى مش جاى على حد ؟؟ معناها أن معندكش سكن صح ؟؟

ايوه بس انا هدبر امورى 

و ماله يا ابنى دبر زى ما انت عاوز بس انت  ضيفى الليله #دجيهان_عادل

لا لا ..متشكر اوى 

عيب عليك انا زى والدك و الناس لبعضها تعالى يا ابنى ربنا يهديك 

طب هو مينفعش ابات هنا فى الجامع ؟؟

لا للاسف الجامع بيقفل بعد صلاة العشاء مبيفتحش الا قبل الفجر بشويه ...يلا يلا انا عايش لوحدى بعد الله يرحمها مراتى ام كامل ما ماتت ...دا انت هتنورنى انهارده

لم يجد ابراهيم مكانا اخرا يأويه غير بيت الشيخ سلامه فقد كان يشعر له بعظيم الامتنان لاستضافته له تلك الليله العصيبه 

وصل ابراهيم و الشيخ سلامه إلى منزله و الذى يتكون من طابق واحد به حوش واسع و ثلاث غرف واسعه و صاله عظيمه 

البيت اثاثه بسيط لكنه انيق ..يغلب عليه الشكل البدوى و المجالس العربيه 

فى جانب من جوانب حجرة المعيشه يوجد  مجلس عربى يلتف حول منضده فوقها صنيه كبيره من الفضه و فوقها ادوات القهوه من ابريق نحاسي انيق و فنجاين من الخزف المزركش #دجيهان_عادل

فى الجانب الآخر من الغرفه يوجد منضده للطعام كبيره واسعه يلتف حولها الكثير من المقاعد  #دجيهان_عادل

اتفضل يا ابنى ...ياادى النور يا أدى النور ...البيت نور انهارده 

منور بصحابه يا عم الشيخ 

صحابه ؟؟ هو فين صحابه دول يا ابنى ؟؟

انت عايش لوحدك فى البيت الواسع ده ليه ؟؟

البيت واسع ايوه بس عشان انا عيالى كتير مكنتش حاسس بوسعه ده 

عارف حسيت امتى أن البيت بقا واسع عليا  ؟؟#دجيهان_عادل

لما ام العيال ماتت من تلات سنين البيت فضى فعلا و بقى عامل زى الخرابه زى ما انت شايف #دجيهان_عادل

طب و اولادك فين ؟؟ 

ولادى كل واحد فى حال ...اللى سافر القاهره و استقر هناك اتجوز و خلف و معدش بيهوب ناحية هنا ...و اللى سافر إيطاليا زى ما حكيت لك و شد اخواته الاتنين معاه ...و اللى اتجوزت و جوزها محرج عليها تيجى هنا ...و اللى مسافره مع جوزها فى اعاره بره #دجيهان_عادل

ما شاء الله ...يعنى انت عندك ست اولاد ؟؟ 

ايوه ...بس و لا كأنى خلفت بقعد بالايام مسمعش صوت حد فيهم ...انا اللى بشحت منهم مكالمه و بيبقوا بيردوا عليا بسرعه و مش فاضيين ليا 

معلش يا عم الشيخ دا حال الدنيا 

لا ابدا يا ابنى ...فى ناس مربيه اولادها كويس و عيالهم تحت رجليهم ...عارف انا كل يوم بدعى ربنا انى مموتش فى البيت هنا لوحدى ...خايف اعفن و محدش يعرف عنى حاجه#دجيهان_عادل

 بعد الشر عنك ربنا يديك طولة العمر ....طب مفكرتش تتجوز ؟؟

 ‏انا اتجوز ؟؟؟ لا طبعا بعد ام كامل لا يمكن ادخل ست هنا البيت ابدا ...الست دى انا عشت معاها اربعين سنه و هفضل مخلص لها لحد ما اموت ...معلش دوشتك بحكاياتى 

 ‏لا ابدا 

 ‏و انت بقا متجوز و الا لا ؟؟

 ‏انا ...انا لا مش متجوز 

 ‏طب و ايه اللى اخرك كدا ؟؟ 

 ‏متأخرتش و لا حاجه انا لسه يدوب ٢٦ سنه #دجيهان_عادل

 ‏اصل احنا عندنا هنا الشاب بيتجوز بدرى يمكن على ١٨ أو ١٩ سنه 

 ‏لا عندنا بنتأخر شويه 

 ‏طب هقوم انا بقا أحضر لك لقمه كدا على ما قسم #دجيهان_عادل

 ‏لا مفيش داعى انا هنام على السجاده دى لحد الصبح و خلاص

 ‏انت بخيل و الا ايه ؟؟؟ مينفعش تبقى فى بيتى و متاخدش واجبك انا عامل شويه كوسه باللحمه الضانى يستاهلوا بقك بس متعيبش على طبيخى بقا .

#حكاية_ابراهيم 

#الجزء_الرابع

بينما  لاذ  ابراهيم بالهروب كانت دولت تنتظره على احر من الجمر فالبيت ليس به جنيها واحدا.... كما أن الطعام قد نفذ و كانت تنتظر زوجها لتأخذ منه و تشترى ما يلزم البيت من الأرز و الفول و بعض الخضروات #دجيهان_عادل

تأخر الوقت و بدأت دولت تشعر بالقلق فزوجها لم يتأخر من قبل بهذه الطريقه

سمعت دولت من يدق على الباب ...فرحت كثيرا و ظننت أنه ابراهيم و لكن لماذا لم يفتح بمفتاحه ؟؟؟ 

تسائلت و أجابت ...يمكن المفتاح ضاع منه و الا الواد اسامه سهانى و قفل بالترباس

هرعت دولت  إلى باب الشقه و هى تقول 

ابوكو جه يا اولاد 

تبعها الطفلان و هم يهللون بمجئ ابوهم

فتحت دولت  الباب لتجد أمامها حمدى صاحب البيت يقف متكأ على جانب من جوانب الباب و فى يده لفافة تبغ مشتعله يلبس قميص حرير مفتوح الصدر ، يفرق شعره  الجعد من المنتصف ذو شارب صغير كشارب هتلر ..دائما ما كانت دولت تشبهه بتشارلى شابلن 😅

مسا مسا يا ام اسامه 

سي ابراهيم مش هنا و لما يجى هيجيبلك الفلوس 

همت دولت باغلاق الباب و لكن منعها حمدى بيده

بتقفلى الباب فى وشي يا ام اسامه ؟؟ مكنش العشم برده #دجيهان_عادل

جوزى حالف عليا متكلمش معاك و انا مش ناقصه توقع لى اليمين 

و ليه يعنى ؟؟ هو انا عملت له ايه ؟؟ يعنى قاعدين فى بيتى و بتتأمروا عليا كمان ؟

احنا و لا اتأمرنا و لا حاجه ...انت لك عندنا فلوس تاخدها و خلاص 

هى بقت كدا يعنى ؟؟؟

طيب يا ستى انا مستنى سبع البرمبه بتاعك يجى يدينى الإيجار انهارده احسن و دينى و ما أعبد  لو اتاخر يوم واحد لنا حاجز على عفشكم ...اه ما هو ماضى على كدا لما جه يجدد العقد بعد موت أبوه الله يرحمه ..سلام يا ......يا ام اسامه😏

أغلقت دولت الباب و هى تشعر بالخوف الشديد ...حمدى لا يهددها  فهو ينتظر ذلك اليوم بفارغ الصبر حتى يؤجر الشقه لغيرهم بإيجار أعلى 

أخذت دولت تحدث نفسها 

يا ترى انت فين يا ابراهيم ؟؟ الساعه بقت تسعه مساء و لسه مجاش يارب استرها 

يكونش زعل منى لما ملقاش شاى الصبح ؟؟ اكيد خد على خاطره ...طب كنت اعمل ايه ؟؟ انا بقالى كام يوم ممسكتش جنيه فى ايدى و مش راضيه اطلب منه علشان عارفه أنه ممعهوش 

يا ترى رحت لمين يا ابراهيم ؟؟ بس دا ملوش حد الا احنا و لا عنده أصحاب و لا قرايب هيروح فين بس يا ربي 

قطع اسامه حديث دولت مع نفسها 

اما أما أنا جعان يا اما 

حاضر يا اسامه 

حاضر ايه بس ؟؟ انا من الصبح جعان و عمال اقولك تقولى لما ابوك يجى لما ابوك يجى 

هنا نطق ثروت ذو الأربع سنوات 

ابوك مش هيجى يا اسامه 

اخرس يا ولد متقولش كدا ...انت اتجننت ؟#دجيهان_عادل

انا اسف يا اما 

ايه اللى خلاك تقول الكلام الفارغ ده ؟

معرفش ...هو جه فى دماغى كدا 

طب غوروا يلا على اوضتكم مش عاوزه اسمع نفسكم 

اتجه الصغيران الى الغرفه و هم يتضورون جوعا .. و لكنهم لا يستطيعون النطق مره اخرى أمام ثورة امهم العارمه

شعرت دولت بالقلق أكثر و خاصة بعد كلمة ثروت طفلها الصغير فبعض الاطفال ينطق الحق على لسانهم من حيث لا يدرون 

نام الاطفال و هم جواعى ..بينما انتظرت دولت ابراهيم ساعات و ساعات.... ازداد قلقها و بلغ مبلغه إلى أن اذن الفجر  و سمعت المؤذن يقول الصلاة خير من النوم ....وجدت نفسها تقفز كمن لدغته عقربه 

لااااا انا مش ممكن اسكت على الغياب دا كله انا لازم أنزل ادور عليه و الا اروح ابلغ القسم .

ارتدت دولت جلبابها الاسود ووضعت الطرحه فوق راسها ...دخلت على الطفلين لتطمئن أنهم مازالوا  نائمين 

هرعت إلى الشارع ...لا تعرف لها وجهه 

اروح فين يا ربى ...طب اروح القسم ابلغ ؟؟؟ اكيد هيقولولى أنه مش عيل صغير هندور لك عليه 

طب اروح شغله ؟؟؟ الوقت بدرى اوى و مفيش حد هناك 

طب اروح لمجدى زميله ؟؟ بس الساعه لسه خمسه دلوقتى و اكيد نايم 

انا هروح استنى قدام بيته لحد ما يطلع الصبح #دجيهان_عادل

انتظرت دولت أمام بيت مجدى إلى أن وصلت الساعه السابعه صباحا لم تستطع الانتظار أكثر من ذلك

اكيد زمانه صحى عشان يروح شغله انا هخبط عليهم و خلاص 

دقت دولت على الباب دقات  خجوله سريعه ...سمعت من الداخل صوت مجدى و هو يقول 

مييين ؟؟ دا مين اللى جاي لنا ع الصبح ده ؟؟؟

انا يا سي مجدى 

فتح مجدى الباب ليجد دولت تقف أمامه فى خجل 

اهلا يا ست ام اسامه 

متأخذنيش يا اخويا صحيتك من النوم 

معلش مفيش حاجه انا كدا كدا كنت هصحى عشان الشغل ...خير يا ست ام اسامه ابراهيم و الا حد من العيال جراله حاجه؟

هو انت متعرفش ابراهيم فين ؟؟ 

لا و انا هعرف منين يعنى؟؟

يا لهوى دا مجاش من امبارح 

ازاى الكلام ده ؟ هو انتوا متخانقين مع بعض و الا ايه ؟#دجيهان_عادل

لا ابدا و الله 

بس بس بس انا عرفت 

عرفت ايه يا اخويا طمنى الهى يطمن قلبك 

ههههههههه ...اه العبيط تلاقيه صدق أن عاطف مات 

عاطف مين ؟ و ايه الحكايه ؟؟ 

أصله امبارح اتخانق مع عاطف الصراف اللى بيقبضنا عشان غالطه فى المرتب ...ابراهيم يقول مقبضش و عاطف يقول قبض ...قام جوزك نزل فى الراجل ضرب ...الراجل مستحملش طب ساكت 

يا لهوى يا لهوى ...مات ؟؟؟

لا ممتش و لا حاجه هو دخل فى غيبوبة سكر لانه مكنش لحق فطر و الناس هجمت عليه عشان يقبضوا جه جوزك بقا ضربه و كمل عليه و الراجل عضمه كبيره كلها كام شهر و يخرج على المعاش ...بس الناس فوقوه و حطوا فى بقه شوية سكر و بقى زى الجن#دجيهان_عادل

طب و ابراهيم راح فين ؟؟ 

اكيد لما الناس قالوله ان عاطف مات  هو خاف و هرب ...على العموم متقلقيش بكرا يرجع لما يلاقيه لسه صاحى و زى القرد 

متشكرين يا سى مجدى 

طب عاوزه اى خدمه اعملهالك ؟؟

لا كتر خيرك ..سلام عليكم 

و عليكم السلام و رحمة الله و بركاته 

هبطت دولت درجات السلم و هى تشعر بالغم الشديد ...فكلام مجدى لم يرحها بل زادها قلقا فوق قلقها 

كان عندك حق يا ثروت ابوك مش هيرجع يا ابنى 😔

#حكاية_ابراهيم 

#الجزء_الخامس

(هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِن رِّزْقِهِ ۖ وَإِلَيْهِ النُّشُورُ ) أمرنا الله بالسعى و التوكل عليه حق التوكل بعد ذلك يأتى التيسير و التوفيق من الله عز و جل

هبطت دولت درجات السلم و هى تشعر بالغم الشديد ...فكلام مجدى لم يرحها بل زادها قلقا فوق قلقها 

كان عندك حق يا ثروت ابوك مش هيرجع يا ابنى 😔

عادت دولت إلى بيتها لتجد صغارها قد استيقظوا ..يتضورون جوعا

جبتى أكل يا اما ؟؟؟

لا يا اسامه نسيت الفلوس و هنزل اجيب لكم حالا #دجيهان_عادل

دلفت دولت إلى داخل المطبخ و أحضرت حله كبيره من الألومنيوم اخذتها و خرجت .

نزلت إلى الشارع و توجهت إلى العم حجازى صاحب مطعم الفول و الطعميه 

سلام عليكم يا عم حجازى 

و عليكم السلام يا ست ام اسامه 

مش لازمك حله كبيره ؟؟

حله كبيره اعمل بيها ايه يا بنتى ؟؟

تعمل فيها السلطه ..تنقل فيها عجينة الطعميه و الله الومونيتها من الاصلى مش هتلاقى زيها 

و عاوزه تبيعيها بكام دى يا ام اسامه ؟

اى حاجه يا عم حجازى اللى تجيبه 

يعنى خمسه جنيه تمشي معاكى ؟؟

خمسه جنيه بس ؟؟؟ 

ما هى قديمه يا بنتى و الالمونيا القديمه غير الجديده 

و الله دى جديده مطبختش فيها و لا مره 

حتى لو مطبختيش فيها تعتبر قديمه برده 

طب هات الخمسه جنيه و امرى لله 

انتى عاوزه تبعيها ليه ؟

لا مفيش اصلى مبستخدمهاش فقلت استفيد بتمنها احسن #دجيهان_عادل

اااه طيب خدى الخمسه جنيه اهم 

تسلم ...هات بقا بنص جنيه فول و بنص جنيه طعميه و خمس ارغفه 

حاضر ...اتفضلى 

صعدت دولت واطعمت صغارها و هى تفكر ماذا ستفعل ؟؟

ليس لديها أحد سوى اخ واحد يسكن بالصعيد لظروف عمله و لا يسأل عليها مطلقا منذ وفاة والديها  بسبب زوجته سامحها الله .

يا ربى انا مبعرفش اشتغل اى شغلانه انا اتجوزت صغيره اوى و عمرى ما طلعت و لا اعرف الناس بتشتغل ازاى او فى ايه 

يا رب ساعدني مش عشانى عشان ولادى ... ربنا يهديك يا ابراهيم و ترجع بالسلامه لاولادك #دجيهان_عادل

مر اليوم الثانى لغياب ابراهيم كالسنه طوووويل مظلم لم تذق فيه دولت طعم الزاد 

فى اليوم التالى اشترت دولت نصف كيلو من الأرز و نصف كيلو من البطاطس و نصف كيلو من الطماطم و تبقى معها جنيهان 

يا رب استرنى و متفضحنيش يارب ممدش ايدى لحد ابدا 

وقفت دولت لتطبخ لأطفالها الطعام 

و بعد الانتهاء من تناول الطعام سمعت دولت الباب يدق 

تسارعت دقات قلبها مع دقات الباب و تمنت أن يكون الطارق ابراهيم #دجيهان_عادل

هرولت مسرعه إلى الباب لتجد مجدى زميل زوجها يقف أمامها 

مسا الخير يا ست ام اسامه 

مساء النور يا استاذ مجدى 

مفيش اخبار عن إبراهيم ؟؟

لا و الله يا اخويا 

خير ان شاء الله ....انا قبضت له المرتب بتاعه اهو ...الاستاذ عاطف كان غلطان و ابراهيم مقبضش فعلا 

تسلم يا اخويا 

لو عزتى حاجه انا تحت امرك انتى عارفه البيت #دجيهان_عادل

ربنا يخليك يا رب شايلينك للكبيره 

طب استأذن انا ...سلام عليكم 

و عليكم السلام و رحمه الله و بركاته 

يا ما انت كريم يارب ...ياللى ما بتنسي عبدك يارب ...الحمد و الشكر ليك يا رب 

هنا سمعت دولت طرق الباب مره اخرى تصورت أن مجدى نسي شيئ 

فتحت الباب لتجد حمدى يقف أمامها بهيئته الكريهه 

مسا الخير 

اهلا 😏

يعنى المحروس جوزك مجاش و لا شفت وشه زى ما قلتى يا ام اسامه ...ايه هو كلام عيال و الا ايه ؟؟#دجيهان_عادل

الايجار اهو و مسمعش منك كلمه كمان يا اسطى حمدى

الله ...انتى مش قلتى هو اللى هيجيبه ؟؟ امال هو فين ؟؟؟

ملكش دعوه ايجارك وصلك و خلاص و لو سمحت بقا عاوزه اقفل الباب 

ماشي ..ماشي يا ست الكل انا سايبك على هواكى لما يجى ديلك على قفاكى 

أغلقت دولت الباب بوجه حمدى بكل عنف 

جلست على الأريكة تبكى 

سبتنا ليه يا ابراهيم ؟؟؟ سبتنا للى يسوى و اللى ميسواش يعض فينا ؟؟؟

الله يسامحك يا جوزى يا ابو عيالى مش قادره ادعى عليك 

انخرطت دولت بالبكاء إلى أن نامت 

رأت بحلمها انها تجلس و أمامها ماكينه خياطه و الزبائن تقف أمامها لا تجد لهم مكان من كثرتهم 

و أمامها أصناف و الوان من الاقمشه المختلفه #دجيهان_عادل

لم تكن تصدق نفسها فتحت حقيبتها وجدت بها الكثير من المال اخذت تحصيه و كلما تصورت انها اقتربت من عده بالكامل وجدت أنه لا ينتهى 

استيقظت دولت من نومها و هى تضحك و تقول بنفسها

الفرخه الجعانه بتحلم بسوق العيش 

فى اليوم التالى ذهبت دولت لجارتها خديجه لتجلس معها و تفسر لها حلمها فقد اعتادت دولت على ذلك و تعرف أن تفسير خديجه للأحلام لا يقع الأرض 

قصت دولت الحلم على خديجه و هى مبتسمه  فهى تتوقع أن تقول لها خديجه 

انتى حلمتى كدا عشان مفلسه 

و لكن خديجه نظرت لها نظره حانيه و قالت 

انتى ربنا هيرزقك من وسع يا دولت ..مش هتلاحقى على الرزق اللى جايلك 

صحيح ؟؟؟ معقوله ...ياريت ...بس ازاى ؟؟ انتى لو تعرفى حالى مكنتيش قلتى كدا ابدا #دجيهان_عادل

ماله حالك يا حبيبتى ؟؟

انا هقولك بس مش عاوزه حد يعرف كلمه من اللى هقولهولك ده 

عيب عليكى من امتى قولتيلى كلمه و طلعتها بره 

و قصت دولت على خديجه قصتها و انها الان لا تملك سوى جنيهات قليله و لا تعرف كيف ستتصرف 

سمعت خديجه القصه كامله و قالت

سبيها على ربنا ...ربنا هو الرزاق يا حبيبتى مش جوزك ...اوعى تفتكرى أن جوزك هو اللى رازقكم ...جوزك ده مجرد سبب لكن مدام انتوا لسه عايشين على ضهر الأرض و لكم لقمة عيش فيها اتأكدى إن ربك هيرزقكم من فضله 

و نعم بالله ..بس انا مبعرفش اشتغل اى حاجه يا خديجه #دجيهان_عادل

بصى يا دولت ربك اداكى اشاره بالحلم اللى شفتيه ده 

اشاره ؟؟ إشارة ايه ؟

ماكينه الخياطه ...انتى لازم تشترى ماكينه و تشتغلى عليها 

و اشترى ماكينه منين بس ؟؟ و بعدين انا مبعرفش اخيط 

 مش قلت لك أرمى حمولك على الله ؟؟؟ ...أن كان على الماكينه ممكن نجيبها بالقسط ...تدفعى مقدم بسيط و تقسطى الباقى على كذا شهر #دجيهان_عادل

طب و الخياطه نفسها اعمل فيها ايه ؟

بصى خياطه الملايات و اطقم السرير سهله انا نفسي بعرف اعملها لانى درستها فى مدرسة الصنايع اللى كنت فيها 

ممكن نجيب قماش بسعر الجمله و اعلمك ازاى تقصيه و تخيطيه و نبيعه هنا لحبايبنا 

وفى نفس الوقت نشوف مدرسه لتعليم الخياطه تتعلمى فيها بقا قص الهدوم العاديه 

و الله كلامك حلو يا خديجه بس صعب اوى 

صعب ليه بقا ؟؟

يعنى الفلوس هجيب بيها اكل لاولادى و الا اروح اجيب بيها ماكينه و توب قماش ؟

متبصيش تحت رجليكى يا دولت ما هى الماكينه و القماش دول اللى هيجبولك الفلوس و بعدين بافتراض انك اكلتى ولادك ييهم هتعملى ايه الشهر الجاى و هتدفعى الايجار للمخفى حمدى منين ؟؟

ايوا صح طب اعمل ايه ؟

شوفى أن كان على الاكل و الشرب ليكى عليا يا ستى اجيب لك طبق طبيخ كل يوم من اللى انا بطبخه

لا لا ...#دجيهان_عادل

لا ايه يا عبيطه ؟؟ احنا اخوات يا بت و اللى معايا معاكى و اللى معاكى معايا و بعدين انا بعتبر عيالك دول عيالى و الله.... انتى عارفه أن ربنا مرزقنيش بأطفال

ربنا يخليكى يا خديجه يارب و يرزقك يا حبيبتى و كل مشتاق بالذريه الصالحه

إن شالله يخليكى ....يلا قومى معايا دلوقتى هاتى بقية المرتب و يلا نروح ندور على محل نجيب منه الماكينه بالقسط 

حاضر ..

ذهبت خديجه و دولت لشراء الماكينه و القماش #دجيهان_عادل

أخذت خديجه تعلم دولت كيف تقيس القماش و تقصه و كيف تخيطه 

تعلمت دولت سريعا ...و انتجت اول ملايه من صنع يديها و كانت فى منتهى السعاده

الله تسلم ايدك يا دولت الملايه متخيطه خياطه زى الفل ...انا بقا هكون اول واحده انفعك.... اتفضلى يا ستى تمن الملايه اهو 

ايه دا ؟؟ لا لا مش هاخد منك حاجه دا انتى اللى علمتينى

الشغل مفيهوش عواطف يا ست انتى 

بس الفلوس دى كتير اوى 

و لا كتير و لا حاجه دا تمنها اللى بتتباع بيه انتى مش عايشه فى الدنيا و الا ايه يا بنتى ؟؟ #دجيهان_عادل

انا فعلا بقالى كتير يمكن من يوم ما اتجوزت مشترتش ملايه 

طيب خلاص اعملى بقا غيرها و انا هوريها لسلايفى و اخوات جوزى و متأكده انها هتعجبهم زى ما عجبتنى 

يا مسهل الحال يارب

بدأت دولت تنفذ خطة خديجه بحذافيرها تعلمت الحياكه لدى مدرسه متخصصة لتعليم الحياكه . عملت ليل نهار لتوفر لأولادها ما يحتاجونه من طعام و شراب و ملبس و تعليم .

#حكاية_ابراهيم 

#الجزء_السادس

بينما كانت دولت تعافر مع الدنيا و تتسابق مع الزمن لتوفير لقمة العيش الحلال لأبنائها مضى ابراهيم إلى حال سبيله دون أن يلتفت ورائه مطلقا و دون أن يؤنبه ضميره على تركه لاطفاله #دجيهان_عادل

وجد لنفسه الف مبرر لتركه إياهم

كان لازم اهرب ...منا كدا كدا كنت هتسجن يعنى مش هفيدهم فى حاجه..بل بالعكس هكون حمل تقيل عليهم لما يجولى زيارات أو لما الناس تعايرهم و تقولهم ابوكم مسجون 

استقر الحال بابراهيم عند الشيخ سلامه فقد عرض عليه الشيخ أن يستضيفه إلى أن يجد عمل مناسب و يستطيع تدبير منزل مناسب

انت كنت بتشتغل ايه قبل كدا يا ابنى ؟؟

كنت بشتغل اى حاجه يا عم الشيخ

انت معاك مؤهل ؟؟

ايوه معايا دبلوم 

طبعا ورقك معاك 

ورقى ؟؟ لا ورقى ضاع منى 

ضاع ازاى يا ابنى ؟؟#دجيهان_عادل

منا كان معايا شنطة هدوم فيها كل ورقى و للاسف نمت شويه و قمت ملقتهاش 

ربنا يعوض عليك يا ابنى ...بس كدا من غير ورق مش هتعرف تقدم فى اى شغلانه محترمه 

انا معايا بطاقتى يا عم الشيخ و بعدين انا ممكن اشتغل اى حاجه إن شالله صبى فى قهوه

لا إن كان على كدا فده سهله انا حبايبي كتير و ممكن اشغلك فى اى قهوه هنا

ذهب الشيخ سلامه إلى المعلم رضا صاحب قهوة السعاده ليتوسط  لابراهيم ليعمل لديه بالقهوه 

مش محتاج حد يشتغل معاك يا معلم ؟؟

اه و الله يا شيخ سلامه محتاج انا كان شغال معايا تلاته واحد بيعمل الشاى و القهوه و الاتنين التانين كانوا بيخدموا على الزباين...قوم واحد منهم بقا عمل نفسه معلم و راح فتح له مكان خاص بيه

طب انا عندى طلبك ..شاب كويس اوى

انت متأكد منه يا شيخ سلامه ؟؟؟

ايوه يا معلم دا جدع طيب ضاقت بيه الدنيا و جه يدور على لقمته بالحلال 

طب نجربه ...اصل انا مبحبش الواحد الكسلان فى نفسه كدا ...انا عاوز اللى يشتغل معايا يبقى لهلوبه 

إن شاء الله هتلاقيه لهلوبه بس فهمه الشغل و سيبه 

تمام ...خليه يجيلى الصبح

انا بنفسي هجيبهولك و اجيلك الصبح باذن الله

باذن الله #دجيهان_عادل

لم يكن اختيار ابراهيم لهذه المهنه اختيار عشوائى فهو يعلم تماما أن كثير من الناس يجتمعون على المقاهى ...اى انها ستكون بالنسبه له بمثابه نافذه على العالم سيتعرف بشخصيات جديده و ربما وصل للفكره التى أوحى الشيخ سلامه بها و هى السفر للخارج 

فى اليوم التالى توجه ابراهيم و الشيخ سلامه إلى المعلم رضا 

نظر إليه المعلم و هو يمسك بليى الارجيله و ينفث دخانها فى الهواء 

هو ده اللى عاوز تشغله يا شيخ ؟

ايوه يا معلم 

كنت فاكره اصغر من كدا ....انت اشتغلت الشغلانه دى قبل كدا يا ...اسم المحروس ايه ؟؟

انا ابراهيم 

اشتغلت قهوجى قبل كدا يا ابراهيم ؟

صراحه لأ 

انت منين ؟؟ 

انا من اسكندريه 

مش باين عليك من اسكندريه و لا حاجه 

ورينى بطاقتك كدا 

بطاقتى ...اه ...بطاقتى نسيتها فى البيت 

الله الله جاى تشتغل و ممعكش بطاقه ؟؟ هو ينفع الكلام ده ؟؟

معلش يا معلم انا ضامنه #دجيهان_عادل

مينفعش يا شيخ ...دا ممكن يكون وراه مصيبه الله اعلم بيها 

طب خلاص هو هيروح يجيب لك البطاقه و يرجع 

خلاص يروح ...ما هو شغل من غير بطاقه مينفعش 

روح يا ابراهيم يا ابنى ..خد المفتاح اهو 

لا يا عم الشيخ تعالى معايا 

يا ابنى انا واثق فيك ...خد المفتاح بس و هات بطاقتك و تعالى للمعلم 

هنا نظر المعلم للشيخ نظره تعجب ثم بادر ابراهيم #دجيهان_عادل

طب أخرج انت يا ابراهيم استناه بره و انا هتكلم مع عمك الشيخ كلمتين و اخليه يجيلك 

خرج ابراهيم و هو يتوقع كلام المعلم رضا مع الشيخ 

انت تعرف الجدع ده منين يا شيخ ؟

دا جدع غلبان الدنيا ضاقت بيه و جه يدور على لقمة عيشه هنا 

يعنى انت متعرفوش قبل كدا و لا حد دلك عليه ؟؟

صراحه يا معلم لا انا معرفوش فعلا 

يا خبر منيل ...و مقعده معاك فى بيتك ؟؟ و كمان بتديله المفتاح بتاعه ؟

و دى فيها ايه يا معلم ؟؟

الا فيها ...دا ممكن يقتلك و الا يسرقك 

لا مظنش الجدع باين عليه ابن حلال و مش بتاع الكلام ده خالص 

و الله انت اللى طيب ...الدنيا دى معدش فيها امان ...اقرب الناس لك ممكن يأذيك 

ربنا يسترها يا معلم ...هقوم انا بقا ابعته بالبطاقه #دجيهان_عادل

لا معلش انا مش هشغله عندى 

و ليه بس يا معلم مش انت وافقت ؟

انا وافقت فاكرك عارفه و عارف أصله و فصله ..طب اقولك على حاجه اقطع دراعى من هنا أن كان الواد ده من اسكندريه زى ما قال 

طب و فرضا أنه مش من اسكندريه فيها ايه اما تشغله معاك ؟

لا فيها طبعا مش يمكن قاتل قتيل و الا وراه مصيبه 

طيب متشكر اوى يا معلم 

متزعلش منى يا شيخ سلامه ...دا مال ناس يا اخويا 

لا مش زعلان و لا حاجه ربنا يعينك 

اللهم امين 

سلام عليكم 

و عليكم 

خرج الشيخ سلامه لابراهيم فوجده مضطرب أشد الاضطراب 

بادره ابراهيم بالسؤال ...

قالك مش هيشغلنى صح ؟؟

ايوه يا ابنى مش عارف ليه عمل كدا بعد ما وافق امبارح 

مش مهم يا عم الشيخ انا هدور على شغل و كتر خيرك ...معلش أحرجتك مع الناس 

لا ابدا يا ابنى كان نفسي اساعدك بس 

ربنا يخليك ...انا هسيبك و ادور شويه مع نفسي كدا يمكن الاقى اى حاجه 

ربنا يوفقك يا حبيبي ...طب معاك فلوس ؟؟

ايوه معايا الحمد لله 

دايما يارب ...يلا يا ابنى اتكل على الله ربنا يرزقك من فضله 

ذهب ابراهيم للبحث عن عمل فى مدينه كبيره لا يعلم أولها من آخرها #دجيهان_عادل

بحث ابراهيم طويلا و لكن جميع محاولاته باءت بالفشل فكل من يعرف أنه ليس من المحافظه لا يجازف بتشغيله 

عاد ابراهيم اخر النهار بخفى حنين ...صفر اليدين 

ليجد الشيخ سلامه جالسا على مصطبه أمام البيت  يمسك بمسبحه طويله و يذكر الله 

اهلا يا ابراهيم يا ابنى ...عملت ايه ؟؟

مش لاقى اى شغل يا شيخ ...محدش راضى يشغلنى عشان غريب #دجيهان_عادل

معلش يا ابنى متزعلش منهم هما برده خايفين ...طب اقولك على فكره حلوه  انا عندى دكان صغير كدا جنب محطة القطر بس قافله من زمان لأن صحتى مبقتش تتحمل الوقفه ممكن نفتحه و تقف فيه و رزقة و رزقك على الله المكسب بالنص أو لو عاوز مرتب نتفق عليه انا موافق 

يا ريت يا شيخ سلامه بس المحل ده بتاع ايه ؟؟

دا محل خردوات و عطاره 

طب ايه رايك نغير نشاطه 

ازاى يا ابنى ؟؟

يعنى نخلي جزء منه بقاله و مشروبات ساخنة و بارد علشان الناس اللى بتبقى نازله من القطر دى بتبقى نفسها فى اى مشروب يرد روحها #دجيهان_عادل

طب ما القهوه موجوده 

مش كل الناس بتقعد على القهوه يعنى الستات مثلا مينفعش تقعد على القهوه و كمان احنا ممكن نعمل سندوتشات مغلفه كدا و شكلها شيك بجانب المشروب 

و الله يا ابنى فكره حلوه اوى بس مش عارف هتعرف ننفذها و الا لا 

هنعرف باذن الله دى سهله جدا انت بس كل اللى عليك تورينى مستلزمات المحل تيجى منين و انا هجيب كل حاجه و اوضب كل حاجه و هنحاول نجيب حاجات بسيطه فى الاول و بعد كدا لما العمليه تمشي معانا هنوسع اكتر 

ربنا يوسعها علينا يا رب ...ماشي يا ابنى توكلنا على الله 

#حكاية_ابراهيم 

#الجزء_السابع

هنعرف باذن الله دى سهله جدا انت بس كل اللى عليك تورينى مستلزمات المحل تيجى منين و انا هجيب كل حاجه و اوضب كل حاجه و هنحاول نجيب حاجات بسيطه فى الاول و بعد كدا لما العمليه تمشي معانا هنوسع اكتر #دجيهان_عادل

ربنا يوسعها علينا يا رب ...ماشي يا ابنى توكلنا على الله 

بدأ ابراهيم فى تجهيز المكان

 قام بدهانه بنفسه و رص الارفف....غسل الارضيه ، جدد اليافطة الموجوده فوق المحل  

احضر غلايه كبيره و عدة اطقم من الاكواب ، و الفنجاين و الاكواب البلاستيكيه ...احضر خلاط كبير لعمل المشروبات البارده 

احضر ثلاجه لحفظ الفاكهه و تبريد المشروبات الغازيه

تعاقد مع احدالمخابز لتوريد انواع معينه من البيتزا و الكرواسون و المعجنات و تغليفها بطريقه مميزه #دجيهان_عادل

كما قام بعمل ركن خاص للسندوتشات 

بدأ المحل يعمل و الرزق يزيد أكثر و أكثر 

اقترح ابراهيم على الشيخ سلامه شراء قطعه الارض المجاوره للمحل ووضع مناضد و كراسي لاستقبال الزبائن 

و بالفعل اشترى الشيخ سلامه الأرض من مدخراته الخاصه التى ادخرها طوال حياته  و الموضوعه بالبنك

بدأ ابراهيم فى زراعة الأرض بالنجيل مع زراعه بعض الازهار الملونه الجميله 

غرس العديد من أشجار الفيكس 

اشترى عدد من المناضد الملونه و الكراسي البلاستيكيه ...

كما جهز المكان ببعض الالعاب الخفيفه للاطفال #دجيهان_عادل

وضع السماعات الضخمه فى أطراف الأرض من الأربع جهات ليشغل الاغانى 

اشتهر محل الشيخ سلامه فى المدينه بأكملها و لم يعد يقتصر على المسافرين فقط بل تعدى إلى جميع أبناء المدينه حيث كان المكان يعتبر منتزه بالنسبه لهم 

اشتهر المكان لتميزه و للتعامل الجيد لأصحابه 

بدأ ابراهيم بالاستعانة ببعض الشباب من أبناء المدينه ليقوموا بخدمة الزبائن

كان يقوم بعمل حفله كبيره يوم الخميس من كل أسبوع يحضرها عدد كبير من سكان المدينه بالاضافه الى عدد غير قليل من المصطافين .#دجيهان_عادل

زاد الرزق بفضل الله و مجهود ابراهيم الكبير الذى لم يكن ينام تقريبا 

ابراهيم اتفق منذ البدايه مع الشيخ ابراهيم أن المكسب بالنصف حيث قدم الشيخ سلامه المكان و الادوات بينما قدم ابراهيم مجهوده 

بدأ ابراهيم فى جمع المال ...و لكنه لم يفكر لحظه فيما آل إليه مصير أبنائه فقد تم مسحهم من ذاكرته نهائيا ...لم يعد ليفكر فيهم. 

و فى أحد الأيام وجد ابراهيم أحد السماسرة يتفق مع مجموعه من الشباب على السفر الى ليبيا و منها إلى إيطاليا و اخذ يعدهم بانهار اللبن و العسل التى سيجدوها هناك و أن ما يدفعوه له الان لن يوازى شئ بالنسبه لما سيحصلوا عليه هناك.#دجيهان_عادل

سمع ابراهيم حديثهم أثناء تنزيله للطلبات ضحك بداخل نفسه أنه كان يفكر مثل هؤلاء الشباب من سنتين فقط عندما جاء لهذه البلد و لكنه الآن فى وضع أفضل يكسب الكثير من المال و هو بداخل بلده 

انتهى اليوم و راجع الشيخ سلامه الحسابات حيث ان له خبره كبيره فى ذلك حيث كان يعمل محاسب بأحد الشركات فى النصف الأول من النهار أما النصف الثانى فكان يقضيه بمحل الخردوات الذى ورثه عن والده 

عاد الشيخ و ابراهيم إلى البيت منهكى القوى 

توجه كل منهما إلى غرفته ليستعد للنوم بعد يوم عمل شاق 

وضع ابراهيم رأسه على الوساده ليغط فى نوم عميق 

بعد حوالى ساعه و فى منتصف الليل سمع دق على الباب 

اصاب ابراهيم الفزع .... من الذى سيحضر الينا بتلك الساعه المتأخره ؟؟؟ 

هب ابراهيم واقفا ليجد الشيخ سلامه قد استيقظ أيضا #دجيهان_عادل

مين اللى هيجلنا دلوقتى يا عم الشيخ ؟؟؟

انا عارف يا ابنى ؟؟؟ هروح افتح و اشوف 

طب اسال مين الاول ليكون حرامى 

ههههههههه خيالك واسع يا ابراهيم. حرامى مين ده اللى هيجى يخبط على الباب ؟ الحرامى بيدخل على طول مش بيستأذن 

ربنا يستر

توجه الشيخ سلامه إلى الباب قائلا 

مين ؟؟

انا 

انت مين ؟؟

انت نسيت صوتى يا أبا انا خليل 

خليل ابنى ؟؟؟#دجيهان_عادل

عندما سمع ابراهيم ذلك دخل إلى غرفته فهو يعتبر غريب و لا يصح له الوقوف أثناء لقاء الاب بأبنه

فتح الشيخ سلامه الباب و احتضن خليل 

بقا كدا يا خليل ؟ اهون عليك السنين دى كلها متجيش تطل عليا ؟ طب اخواتك و بره إنما أنت بقا عذرك ايه ؟؟ دا انت فى القاهره يا ابنى يعنى ست و الا سبع ساعات تكون هنا 

حقك عليا يا بابا ...انا خلاص جيت اعيش معاك على طول 

تعيش معايا على طول ؟؟ طب و مراتك و اولادك ؟؟؟ و شغلك يا ابنى ؟؟

مراتى طلقتها و عيالى معاها و انت عارف انى كنت بشتغل عند ابوها فى شركته ...و طبعا مينفعش افضل فى الشركه بعد ما طلقت بنته #دجيهان_عادل

الله الله و طلقتها ليه بس يا ابنى ؟؟ 

انا غلطت يا بابا  و عرفت غلطى خلاص 

غلطت لما بصيت لمستوى أعلى من مستويا ..كنت فاكر أن ده هيبقى الصالح ليا و انها هترفعنى معاها لمستواها لكن للاسف لقيتها متكبره و بقت تذل فيا علشان مستواها اللى أعلى منى و عشان ابوها اللى مشغلنى و انا بقيت اسكت و اسكت

حرمت عليا انى اعرف حد من اهلى علشان مش من مستواهم و قالت انت لازم تنسي اهلك لو عاوز تستمر معايا 

كرهت بناتى فيا و بقوا بيعاملونى زى امهم 

لحد ما فاض بيا و مقدرتش اتحمل غطرستها و كبرها طلقتها و خرجت بشنطة هدومى و جيت على هنا فى أول قطر

لا حول و لا قوة الا بالله ...ربنا يعوض عليك يا ابنى باللى احسن منها

يا رب يا بابا ...هقوم انام انا اصلى تعبان اوى و بكرا نبقى نكمل كلام 

استنى ...متدخلش الاوضه دى 

ليه يا بابا ؟؟ هو انت اتجوزت و الا ايه ؟؟

لا اتجوز ايه بس ؟؟ دا فيها اخوك ابراهيم 

اخويا ابراهيم مين ؟؟؟

استنى هناديلك عليه 

يا ابراهيم ...يا ابراهيم 

نعم يا عم الشيخ 

تعالى عشان تشوف خليل ابنى 

حاضر يا عمى ....اهلا استاذ خليل 

مين ده يا بابا ؟؟؟؟ و ايه اللى جايبه فى بيتنا فى ساعه زى دى ؟؟

#حكاية_ابراهيم 

#الجزء_الثامن

استنى ...متدخلش الاوضه دى 

ليه يا بابا ؟؟ هو انت اتجوزت و الا ايه ؟؟

لا اتجوز ايه بس ؟؟ دا فيها اخوك ابراهيم 

اخويا ابراهيم مين ؟؟؟

استنى هناديلك عليه 

يا ابراهيم ...يا ابراهيم 

نعم يا عم الشيخ 

تعالى عشان تشوف خليل ابنى 

حاضر يا عمى ....اهلا استاذ خليل 

مين ده يا بابا ؟؟؟؟ و ايه اللى جايبه فى بيتنا فى ساعه زى دى ؟؟#دجيهان_عادل

استنى يا خليل عيب كدا يا ابنى 

مين دا يا بابا ؟؟

دا ابراهيم شريكى فى الشغل 

شريكك ؟ و شغل ؟؟ شغل ايه يا بابا ؟؟

اقعد بس و انا هفهمك على كل حاجه 

ادينى قعدت 

استأذن انا يا عم الشيخ هدخل انام عشان الشغل #دجيهان_عادل

اتفضل يا ابنى 

دخل ابراهيم و اغلق الباب 

نظر خليل لوالده بتعجب قائلا 

دا واخد على البيت كأنه بيت أبوه 

انت زى ما انت يا خليل ..كبرت و متعلمتش اى حاجه متسرع و لسانك طويل 

متشكرين يا حج ...انا خايف عليك يا بابا 

خايف عليا ؟؟؟ من امتى و انت خايف عليا يا خليل ؟ و بأمارة ايه خايف عليا ؟؟ 

انت عارف انا بقالى كام سنه مشوفتكش 

لا مش فاكر 

انا بقا فاكر ...اخر مره شفتك فيها يوم دفنة والدتك الله يرحمها بعدها مشفتش وشك خالص#دجيهان_عادل

منا كنت بتصل بيك يا بابا 

تتصل بيا كل ست شهور مره ؟؟

دا مش موضوعنا يا بابا انا عاوز اعرف الشخص ده قاعد هنا ليه و شريكك ازاى ؟

هقولك

قص الشيخ سلامه على ولده قصه ابراهيم كامله و ختم حديثه بأن ابراهيم مجتهد و كان وجه الخير عليه و أنه جنى من ورائه الكثير من الأموال 

صمت خليل لبرهه و اردف قائلا 

بقى هى الحكايه كدا ؟؟؟ و طبعا انت مش واقف معاه و لا متابع و يمكن يكون بيسرقك و انت متعرفش

ابراهيم مش حرامى يا خليل 

لما هو مش حرامى ايه اللى مقعده معاك طول الفتره دى كلها ؟ و انت بتقول أنه كسب من وراك فلوس كتير 

ابراهيم فعلا كان عاوز يمشي لما ابتدت الفلوس تجرى فى ايده بس انا اترجيته أنه يفضل معايا و ياخد بحسي كنت خايف اموت و محدش يعرف عنى حاجه ....و لما الحيت عليه وافق بشرط أنه يدفع أجرة الاوضه اللى قاعد فيها و انا وافقت عشان اريحه بس و ميسبنيش و يمشي 

و الله ؟؟؟امممم

مالك يا خليل شكلك مش مقتنع 

اصل كلامك ده خيال #دجيهان_عادل

و انا هكدب عليك ليه بس يا ابنى ؟

خلاص يا بابا انا تعبان و عاوز ادخل انام فى سرير فاضى و الا لأ؟

السراير فى الاوضه بتاعتكم زى ما هى يا خليل و بلاش تتكلم بالطريقه دى 

انا من بكرا هنزل الشغل مع اللى اسمه ابراهيم ده و اشوف اذا كان بيسرقنا و الا لا 

يا ابنى قلت لك ابراهيم مش حرامى 

هنشوف يا بابا ...تصبح على خير 

و انت من اهل الخير يا ابنى 

فى اليوم التالى استيقظت ابراهيم مبكرا قبل الشيخ و ابنه و ذهب لفتح المحل ليتجنب مقابله خليل 

استيقظ خليل و ارتدى ملابسه و لحق بابراهيم  #دجيهان_عادل

جلس خليل على المكتب الذى يجلس عليه والده دائما لمراجعة الحسابات و طلب من ابراهيم إحضار جميع الدفاتر منذ بدايه فتح المحل

لم يكن هدف خليل معرفه الأخطاء التى بالحسابات بل كان هدفه تقدير ما حققه المحل من مكاسب و ما اكتسبه ابراهيم من وراء أبوه ...فلولا المكان ما كان إبراهيم ليتحصل على مثل هذا المبلغ من المال

شعر خليل بالغيظ الشديد ، فكر كثيرا كيف يزيح هذا الابراهيم من طريقه 

عاد خليل بمنتصف النهار ليجد والده جالسا أمام المصحف يقرأ القرآن الكريم 

انتظر بجانبه إلى أن أنهى القراءه 

ازيك يا حاج 

الله يسلمك يا ابنى ...ها شوفت الشغل ماشي ازاى ؟؟؟

ايوه شفت 

طب و ايه رايك ؟؟

كويس ...بس كتير اوى يا بابا انك تدى إلى اسمه ابراهيم ده النص#دجيهان_عادل

 يا ابنى  مجهوده ...انا من غيره مكنتش هكسب المكاسب دى كلها 

 ‏و هو برده من غير المحل و الادوات مكنش حقق المكاسب دى كلها و بعدين خلاص انا جيت و هحل محله ...معدناش محتاجينه و خيرنا يفضل لينا لوحدنا ميقاسمناش فيه واحد غريب

 ‏ازاى تقول كدا ؟ عيب عليك ...دا بدل ما تحط ايدك فى ايد الجدع و تكبروا المكان ؟

 ‏هو بيعمل ايه  ؟؟ اى حد ممكن يشتغل شغله مشفتوش بيطير يعنى 

 ‏بقولك ايه يا خليل انت تبعد خالص عن إبراهيم و ملكش دعوه بيه 

 ‏بقى كدا ؟؟؟

 ‏ايوا #دجيهان_عادل

 ‏طب خلاص بقا يبقى لازم يمشي من البيت انت كنت عاوز حد يونسك و انا خلاص جيت و هعيش معاك يبقى وجوده بقا لازمته ايه ؟؟

 ‏يا ابنى عيب ...يعنى هطرد الجدع بعد ما قعد معايا  الفتره الطويله دى كلها 

 ‏ملكش دعوه انت يا بابا انا هعرف امشيه ازاى 

 ‏لا لا يا خليل ملكش دعوه بيه 

 ‏انت مالك خايف عليه اوى كدا ؟؟ يكونش ابنك و انا مش عارف 

 ‏ابراهيم اغلى من ولادى اللى خلفتهم 

 ‏بقا كدا ؟؟؟ ماشي يا بابا 

 ‏رايح على فين تانى ؟؟#دجيهان_عادل

 ‏رايح اتمشي شويه 

 ‏اوعى تروح لابراهيم و تزعله 

 ‏مش هروح لزفت استريحت ؟

 ‏ربنا يهديك يا ابنى 

 ‏ليه انت شايفنى بقطع فى هدومى ؟

 ‏انصرف خليل مغتاظا .... اتجه إلى سنترال المدينه ليتصل بأخيه الكبير كامل  بإيطاليا 

 ‏انتظر خليل بعض الوقت إلى أن أشار له موظف السنترال بالدخول فى كابينه ١

الو .... ‏ايوا يا كامل ازيك يا اخويا 

 ‏الله يسلمك يا خليل عامل ايه و اولادك عاملين ايه ؟

 ‏الحمد لله كلنا كويسين بس عاوز اشتكيلك من الحج 

 ‏ليه ماله ؟#دجيهان_عادل

 ‏جايب حتة واد صايع كدا و ممسكه كل حاجه و الواد واكل بعقله حلاوه و مكوش على كل حاجه حتى البيت 

 ‏البيت ؟؟ ازاى يعنى ؟؟

 ‏مقعده فى اوضه اخواتك البنات و الواد واخد راحته كأنه بيت أبوه 

 ‏طب ما تمشيه يا خليل مستنى ايه ؟؟

 ‏ما هو ابوك هيزعل و مش هيسمح لى بكدا دا ممكن يطردنى انا شخصيا عشان خاطر الواد ده ...انت متعرفش الواد مأثر عليه ازاى #دجيهان_عادل

 ‏طب اقولك ...اخطف رجلك و روح لأختك سميره فى السلوم و احكى لجوزها الحكايه و انا عارف انه هيخلص لك الموضوع ده 

 ‏بس فتحى جوز سميره سككه مش مظبوطه يا كامل 

 ‏منا عشان كدا بقولك روح له و هو هيخلصك من الواد ده فى ثانيه 

 ‏تمام هروح له و اشوف

#حكاية_ابراهيم 

#الجزء_التاسع

طب اقولك ...اخطف رجلك و روح لأختك سميره فى السلوم و احكى لجوزها الحكايه و انا عارف انه هيخلص لك الموضوع ده 

 ‏بس فتحى جوز سميره سككه مش مظبوطه يا كامل #دجيهان_عادل

 ‏منا عشان كدا بقولك روح له و هو هيخلصك من الواد ده فى ثانيه 

 ‏تمام هروح له و اشوف

 ‏عاد خليل إلى البيت ليجد والده يجلس حزينا 

 ‏مالك يا بابا ؟؟

 ‏مفيش يا خليل 

 ‏انت زعلان عشان الواد ده برده؟؟

 ‏لا يا ابنى انا زعلان عشانك انا كنت فاكرك اتغيرت و فهمت الدرس لما طلقت مراتك بس انت زى ما انت #دجيهان_عادل

 ‏حقك عليا يا بابا انا بس كنت خايف عليك بس اوعدك انا مش هعمل لابراهيم اى مشاكل 

 ‏صحيح يا خليل ؟

 ‏صحيح يا بابا ...بس عاوز استأذنك اروح لاختى  سميره وحشتنى اوى و نفسي اشوف ولادها 

 ‏تروح فين يا خليل انت عارف أننا قاطعين علاقتنا بيها و بفتحى عشان مشيه الوحش و ياما قلت لأختك تطلق و هى مش راضيه 

 ‏يا بابا انا مالى و مال فتحى انا رايح لاختى اتطمن عليها و هو بقى يغور فى داهيه ملناش دعوه بيه 

 ‏خلاص زى ما تشوف يا ابنى و ابقى سلملى على سميره و بوس لى العيال 

 ‏حاضر يا بابا ...بكرا من بدرى باذن الله هروحلها 

 ‏فى اليوم التالى استيقظ خليل مبكرا و اتجه إلى موقف الاتوبيس و قصد الاتوبيس المتجه إلى السلوم 

 ‏وصل خليل إلى بيت أخته ...دق الباب 

 ‏فتحت سميره #دجيهان_عادل

 ‏(سميره سيده فى أواخر الثلاثينات ، سمينه يزيد وزنها عن المئه كيلو ، ترتدى عبايه واسعه مزركشه بالوان زاهيه و ترتدى فى كلتا يديها أساور كبيره عملاقه تصل إلى منتصف يدها ، حول عنقها جنزير كبير من الذهب فى نهايته مصحف ضخم )

 ‏اهلا اهلا ازيك يا خليل يا اخويا ...ازيك يا حبيبي 

 ‏الله يسلمك يا اختى عامله ايه و جوزك و اولادك عاملين ايه 

 ‏اتفضل يا خليل واقف ع الباب ليه بس ...

 ‏احنا كويسين اوى الحمد لله زى ما انت شايف 

 ‏امال فين فتحى ؟؟

 ‏فتحى مريح شويه جوه ما انت عارف معظم شغله بالليل ...يا اهلا يا خليل و ازاى مراتك و اولادك ؟؟#دجيهان_عادل

 ‏انا طلقت مراتى يا سميره

 ‏يا خبر ...ليه كدا بس ؟؟

 ‏شويه مشاكل كدا 

 ‏لا حول ولا قوه الا بالله ما كنت تصبر شويه 

 ‏بقولك ايه هو فتحى هيصحى امتى ؟؟

 ‏فتحى بيصحى ع الضهر كدا ليه انت عاوزه فى حاجه ؟؟

 ‏ايوه موضوع كدا منيل معرفتش أحله لوحدى فاتصلت بكامل و هو اللى قالى اجى لجوزك و هو هيحل لى الموضوع ده 

 ‏خير يا رب ...انت قلقتنى ...بابا حصله حاجه ؟؟؟#دجيهان_عادل

 ‏ما هو الموضوع يخص ابوكى فعلا 

 ‏يا ستار يا رب ....طب ما تقول على طول انا قلبى وقع فى رجليا 

 ‏لا صحيلى فتحى و انا احكيلكم انتوا الاتنين سوا 

 ‏طيب استنى هعملك لقمه كدا تأكلها و تشرب كوبايه الشاى و بعدها نصحيه 

 ‏ماشي

 ‏

 ‏بعد أن تناول خليل طعام الإفطار الذى أعدته سميره و شرب الشاى أردف قائلا

 ‏يلا بقا يا سميره صحى فتحى 

 ‏حاضر داخله اهو 

 ‏استيقظ فتحى و خرج و هو يفرك عينيه 

 ‏اهلا يا ابو نسب ...خطوه عزيزه 

 ‏يعز مقدارك يا ابو حماده #دجيهان_عادل

 ‏جهزيلنا حجرين يا سمسم و اعمليلنا فنجانين قهوه كدا من ايدكى الحلوين دول

 ‏عنيا يا سيد المعلمين ....بس متتكلمش يا خليل الا اما اجى 

 ‏حاضر يا سميره بس بسرعه عشان الحق اروح 

 ‏لا تروح فين يا ابو نسب انت تقعد معانا اسبوع كدا تغير جو ...سميره بتقول انك طلقت مراتك 

 ‏ايوه 

 ‏و مالك متأثر كدا ليه ؟؟ خدت الشر و راحت يا سيدى ...الستات على قفا من يشيل ..شاور انت بس و انا اجوزك من الصبح 

 ‏لاااا انا حرمت توبه خلاص معدش ليا دعوه بصنف الحريم دا خالص ...و بعدين مقدرش اقعد هنا اسبوع و اسيب البلوه اللى عند الحج دى

 ‏دخلت سميره بالارجيله و فناجين القهوه ووضعتها أمام زوجها و أخيها 

 ‏يلا يا خليل قولنا فى ايه ؟؟؟ و بلوة ايه اللى بتتكلم عليها ؟#دجيهان_عادل

 ‏ابوكى يا سميره جايب واد صايع ممسكه المحل و مقعده عندنا فى البيت 

 ‏واد مين ده ؟؟؟و من أنهى حته ؟

 ‏انا عارف جاى من أنهى داهيه ده 

 ‏بس المحل بتاع ابوك مبيجبش همه اصلا 

 ‏لاااا دا كان زمان ...الواد ده شغل المحل و بقى للمشروبات و الوجبات السريعه و مشغل تحت ايده شباب كتير و أقنع ابوكى يشترى الأرض اللى جنب المحل و بيعمل حفلات و هلمه ...انا بنفسي شوفت الحسابات و شوفت الواد ده هابد من ورى ابوكى و لا ٣٠٠ الف جنيه 

 ‏ايه ؟؟؟ ٣٠٠ الف جنيه ؟؟ 

 ‏لا و كمان مقعده فى بيتنا وواخد راحته على الاخر زى ما يكون بيت أبوه 

 ‏ازاى بابا يعمل كدا #دجيهان_عادل

 ‏و المطلوب منى  ايه يا خليل ؟؟؟

 ‏معرفش يا فتحى انا عاوز اغور الواد ده فى داهيه و لما اشتكيت لكامل قالى روح لفتحى و هو يخلصك منه 

 ‏بس انت عارف إن ابوك مبيقبليش كلمه و عمره ما هيسمع كلامى 

 ‏منا فاهم ...احنا عاوزين نتخلص من الواد ده بأى طريقه 

 ‏عاوزنى اقتله ؟؟

 ‏لا مش لدرجة القتل يعنى ...انا عاوزه يمشي و يسيب المكان بس 

 ‏تمام متعرفش شايل فلوسه فين ؟؟؟

 ‏اكيد شايلهم فى البنك دا مبلغ كبير اوى 

 ‏تمام ...انا بقا فكرت لك فى فكره حلوه بس انت عليك جزء منها و تسيب الباقى عليا 

 ‏فكره ايه بقا ؟؟؟

 ‏انت تاخد الواد ده على الحنين و تعمل صاحبه و تعرف هو معاه كام و شايلهم فين ؟؟ بعد كدا نشوف نعرف نسلك منه الفلوس دى ازاى و بعدها نحط له حتة حشيش و نبلغ عنه #دجيهان_عادل

 ‏ايوا بقا على. الدماغ المتكلفه 

 ‏امال ؟؟ انت فاكر فى هنا مهلبيه ؟ دى دماغ الماظ يا أبا 

 ‏ايوه يا خليل اسمع كلام فتحى انا مش عارفه بابا ازاى يعمل كدا 

 ‏تمام ...هقوم انا بقا عشان ابدأ فى تنفيذ الخطه 

 ‏طب مش تتغدى معانا حتى ؟؟

 ‏لا مينفعش لازم اروح و أراقب الواد ده كويس

طيب ‏انت معاك رقم البيت يا خليل لو فى اى حاجه اتصل علينا 

 ‏حاضر يا اختى بالاذن انا بقا 

 ‏مع السلامه يا خليل 

 ‏الله يسلمكم يارب

#حكاية_ابراهيم 

#الجزء_العاشر

تمام ...هقوم انا بقا عشان ابدأ فى تنفيذ الخطه 

 ‏طب مش تتغدى معانا حتى ؟؟

 ‏لا مينفعش لازم اروح و أراقب الواد ده كويس#دجيهان_عادل

طيب ‏انت معاك رقم البيت يا خليل لو فى اى حاجه اتصل علينا 

 ‏حاضر يا اختى بالاذن انا بقا 

 ‏مع السلامه يا خليل 

 ‏الله يسلمكم يارب .

 ‏توجه خليل إلى المحل مباشرة بعد نزوله من الاتوبيس

 القى على ابراهيم التحيه و صافحه بحراره شديده و اعتذر له عن ما بدر منه بأول مقابله و برر تلك المعامله بأنه لم يكن يعرفه و لكن من حديث الوالد عنه اطمأن قلبه إليه و عرف أنه أخطأ بحقه

 ‏ابتسم ابراهيم قائلا #دجيهان_عادل

 ‏ربنا يديم المعروف يا استاذ خليل انا مش زعلان و الله اى حد مكانك كان هيعمل كدا

و الله انت ابن أصول يا ابراهيم و بعدين ‏ استاذ ايه بقا انا اخوك خليل 

 ‏الله يكرمك يا رب انا فعلا مليش اخوات و يشرفنى انك تكون اخويا و الشيخ سلامه يكون ابويا 

 ‏الشرف لينا احنا و الله.....الا صحيح يا ابراهيم انت منين ؟؟

 ‏انا ...انا من اسكندريه 

 ‏اجدع ناس يا عم جيرانا و اخواتنا 

 ‏بقولك ايه يا خليل 

 ‏نعم يا اخويا 

 ‏كنت بس عاوز استسمحك فى موضوع كدا 

 ‏موضوع ايه ؟؟ خير ان شاء الله ؟

خير باذن الله كنت عاوزك ‏ تتوسط لى عند الشيخ فيه و عارف انك مش هتكسفنى 

 ‏انا تحت امرك

 ‏ الأمر لله وحده ....انا كنت قاعد مع الشيخ لانه كان وحدانى و صعب عليا بس دلوقتى مدام انت جيت يبقى وجودى ملوش لازمه فعايزك بس تقول للشيخ انى خلاص لقيت شقه صغيره كدا و هنقل فيها اول الاسبوع الجاى باذن الله #دجيهان_عادل

 ‏ليه كدا يا ابراهيم ؟؟ يبقى انت لسه زعلان منى بقا ؟

 ‏لا و الله ما زعلان و لا حاجه بس هو ده اللى كان لازم يحصل من زمان 

 ‏بس انا مش هقدر اقول لوالدى الكلام ده هيفتكرنى انى انا اللى ممشيك 

 ‏لا منا هفهمه بس انت قوله انى اخدت مكان بس وانا هقوله أن دى رغبتى انا

 ‏و الله يا ابراهيم انا مش عاوزك تمشي خالص ...ابويا شكر فيك اوى و من كتر كلامه انا حبيتك 

 ‏ربنا يخليك يا رب دا من ذوقك و حسن تربيتك بس 

 ‏ماشي يا ابراهيم انا هفاتح ابويا فى الموضوع و ربنا يستر بقا و ميطردنيش انا كمان ...هاجى اقعد معاك #دجيهان_عادل

 ‏يا سلام دا انت تنورنى و تشرفنى 

 ‏الله يشرف مقدارك هقوم انا بقى اروح ....هستناك نتعشي سوا 

 ‏لا و الله انا مبتعشاش

 ‏لا عيب عليك دا انا بعمل بيتزا ايطالى حلوه اوى هتاكل صوابعك وراها 

 ‏صحيح ؟؟

 ‏ايوه ...اتعلمتها من مراتى 

 ‏طب ما نعمل هنا فى المحل و اكيد هتعجب الزباين 

 ‏و الله فكره حلوه ...بس لما تدوق الاول و تقولى رايك 

 ‏تمام و انا عليا الحاجه الساقعه

 ‏يلا سلام عليكم #دجيهان_عادل

 ‏و عليكم السلام 

 عاد خليل لمنزل أبيه و اخذ يتحدث عن إبراهيم بطريقه جيده و أنه اتفق معه أنهم سيدخلوا البيتزا الايطاليه كطلب جديد بالمحل

 ‏فرح الشيخ كثيرا بتعاون ابنه اخيرا مع ابراهيم و توقع نجاح اكبر للعمل و مكاسب اكثر 

 ‏الله يرضى عليك يا ابنى ....دا اللى كنت عاوزه منك من زمان #دجيهان_عادل

 ‏هو انا ليا بركه غيرك يا بابا...انا كمان بفكر نوسع نشاطنا و نفتح اكتر من محل بس الموضوع اكيد هيتكلف كتير اوى 

 ‏و ماله يا خليل انا معايا يجى ٣٠٠ الف جنيه فى البنك نشوف لنا محل حلو كدا 

 ‏٣٠٠ بس مش هتكفى للمحل اللى فى خيالى انا عاوز محل في مكان مميز و ليكن جنب الشط كدا و يا سلام لو دورين 

 ‏الدور الارضى للمشروبات و التيك اوى و الدور التانى يبقى ركن العائلات الناس تطلع و تنبسط فوق من غير اى مضايقات

 ‏بس الكلام اللى بتقوله ده يا خليل هيكلف كتير اوى 

 ‏طب ايه رايك يا بابا  ما ندخل ابراهيم معانا بفلوسه اللى فى البنك 

 ‏بنك ؟ بنك ايه ؟؟ #دجيهان_عادل

 ‏فلوسه يا بابا اللى كسبها من ورا المحل اكيد عاينهم فى البنك طبعا هى دى محتاجه نباهه 

 ‏لا ابراهيم مبيتعاملش مع البنك خالص 

 ‏و ليه بقا ؟؟ مستحرم و الا ايه ؟

 ‏معرفش بس اللى اعرفه ان فلوسه معاه عاينها بمعرفته 

 ‏حاجه غريبه اوى فى حد يعين المبلغ الكبير اوى ده معاه ...( اكيد الواد ده وراه قصه )

 ‏بتقول حاجه يا خليل ؟؟

 ‏لا سلامتك يا بابا ...هروح انا بقى اعمل البيتزا احسن ابراهيم زمانه جاى

 ‏و انا هدخل اريح على ما تعملها 

 ‏طيب ادخل انت و انا هصحيك على الاكل

 ‏ 

 ‏فكر خليل كثيرا لماذا لا يضع ابراهيم نقوده بالبنك ؟؟ و لكنه لم يهتدى لشئ 

 ‏فكر خليل بفكره أنه لابد أن يعرف عنوان ابراهيم ...و من أين أتى ؟#دجيهان_عادل

 ‏بعد حوالى ساعتين حضر ابراهيم حاملا زجاجات من العصائر و المشروبات 

 ‏دخل ابراهيم و جلس على المنضده بعد أن وضع الزجاجات أمامه 

 ‏سمع صوت خليل من المطبخ

 ‏انت جيت يا ابراهيم ؟

 ‏ايوه يا خليل 

طب تعالى شوف يا ابنى البيتزا اللى عمرك ما دقت زيها فى حياتك 

حاضر ثوانى

خلع ابراهيم معطفه ووضعه على الكرسى و شمر ذراعيه و اخذ المشروبات بحضنه و توجه إلى المطبخ 

امممم ايه الريحه الحلوه دي

انت لسه شفت حاجه ...امال لما تدوق بقا هتعمل ايه ؟؟#دجيهان_عادل

شكلها هايله فعلا 

طيب انا عملتها أنت بقا عليك تقطعها و تحطها فى اطباق لغايه ما اصحى الشيخ ياكل معانا 

هو ايه اللى نيمه بدرى كدا ؟

لا هو قالى هدخل اريح شويه و اول ما ابراهيم يجى تعالى صحينى 

طيب انا هقطع البيتزا و اصب العصير و اجيبهم على التربيزه 

خرج خليل من المطبخ ليجد معطف ابراهيم موضوع على الكرسي ...انتهز خليل الفرصه و دس يده بالمعطف و اخرج محفظه ابراهيم ليجد عنوانه #دجيهان_عادل

٩ شارع السد بشبرا الخيمه ...و بطاقه عائليه كمان ؟؟؟

و الله وقعت يا سي ابراهيم و لا حدش سمى عليك ... امال ايه حكايه أنه جاى من اسكندريه دى ؟؟؟ انا قلت الواد ده وراه قصه 

دس خليل المحفظه بسرعه مره اخرى داخل الجيب و توجه لغرفة الشيخ لايقاظه

جلس الجميع ليتناولوا البيتزا اللذيذه 

لا انت من بكرا يا خليل تيجى معانا المحل و نبتدى نقدم البيتزا دى الناس هتتهبل عليها 

لا انا بكرا رايح القاهره 

رايح القاهره فجأه كدا  ليه يا خليل مقلتليش يعنى يا ابنى ؟#دجيهان_عادل

هروح اجيب ورق مهم اوى يا بابا و هرجع على طول باذن الله 

طيب يا ابنى ربنا يصلح حالك 

فى اليوم التالى توجه خليل إلى محطة القطار قاصدا القاهره و بالتحديد شارع السد بشبرا ليعرف حكاية ابراهيم .

#حكاية_ابراهيم 

#الجزء_الحادى_عشر

فى اليوم التالى توجه خليل إلى محطة القطار قاصدا القاهره و بالتحديد شارع السد بشبرا ليعرف حكاية ابراهيم .

وصل خليل إلى العنوان المقصود.....قصد مقهى موجود بالجوار 

اخذ يتحدث مع النادل 

لو سمحت يا اخ كنت عاوز اسال على واحد كدا فى المكان هنا كان زميلى فى الدبلوم

زميلك مين و لمؤاخذه ؟اسمه ايه يمكن ادلك عليه ؟#دجيهان_عادل

اسمه ابراهيم ابو السعود 

يااا ......لا دا طفش من يجى سنتين كدا 

طفش ؟؟؟ ليه ايه اللى حصل ؟؟

موضوع اهبل كدا. ...هو كان شغال فى السكه الحديد زى أبوه الله يرحمه و فى يوم اتخانق مع صراف الخزنه و مسكه ضربه و الناس ساعتها قالوله ان الصراف مات قام خاف و هرب و من يومها مشفناش وشه 

و الصراف مات فعلا ؟؟

و لا مات و لا حاجه لسه موجود مجرلهوش حاجه 

يا خساره كان نفسي اشوفه ...هو كان متجوز صح ؟#دجيهان_عادل

ايوه مراته الست دولت ست كمل وقفت زى الأسد بعد ما هرب و بقت اشهر خياطه دلوقتى فى المكان كله و عنده اسم الله ولدين اسامه و ثروت عيال شاطره اوى فى المدرسه و بيطلعوا من الاوائل 

كويس اوى خياطه ايه بقا ؟ رجالى و الا حريمى ؟

لا حريمى بس بتعمل كمان مفارش عظمه مراتى واخده منها ست مفارش 

ربنا يرزقها برزق ولادها يا رب

يارب 

متشكر اوى يا اخ ...هقوم انا بقا 

طب مش هتشرب حاجه ؟

مره تانيه أن شاء الله اتفضل 

ايه دا يا استاذ ؟؟ لا لا 

دى حاجه بسيطه عشانك #دجيهان_عادل

منتحرمش يا رب تسلم يا استاذ 

خرج خليل من القهوه و هو يحدث نفسه 

بقا كدا يا سي ابراهيم ؟؟؟ بقا انت عامل فيها صاحب الشرف و المبادئ و انت عارف انك قاتل ؟ مفكرتش فى الشيخ الغلبان اللى انت مستخبى عنده للبوليس يقبض عليه بتهمة التستر على مجرم ؟  لا و كمان رامى مراتك و اولادك مسألتش فيهم بقرش و انت على قلبك اد كدا ؟؟

لا كدا بقا حلال اللى انا عاوز اعمله فيك 

انا لازم اشوف مراته دى ...بس هروح اقولها ايه ؟؟ اه انا اروح اعمل نفسي عاوز اشترى مفرش سرير 

صعد خليل إلى بيت ابراهيم ...لم يخطئ فى الشقه لأنها تحولت إلى ورشه خياطه 

امام الباب لوحه معلقه مكتوب عليها اتيليه دولت 

و بداخل الشقه يظهر أربع فتيات يجلسن على أربع ماكينات حياكه

دق خليل الجرس لتخرج له سيده جميله فى العشرينات

مدام دولت ؟؟#دجيهان_عادل

ايوه يا فندم 

كنت عاوز اشترى لزوجتى مفرش سرير هديه فى عيد جوازنا من فضلك 

طب اتفضل يا فندم عندى تشكيله مفارش للعرايس هايله 

الله كلهم حلوين اوى بس انا كنت عاوز لون بمبى اصل مراتى بتحب اللون ده اوى 

لا حاليا مش متوفر بس ممكن اعملك اى لون تحبه و تستلمه على طول باذن الله 

طب كويس اوى انا عاوز مفرش بمبى فى اسرع وقت لان عيد جوازنا الخميس الجاى 

بكرا باذن الله يكون المفرش موجود بس ادفع حاجه من تحت الحساب 

اتفضلى عشرة جنيه اهم 

تمام بكرا زى دلوقتى هتلاقى شغلك جاهز باذن الله #دجيهان_عادل

سلام عليكم 

و عليكم السلام و رحمه الله و بركاته

خرج خليل من بيت ابراهيم و هو يفكر لماذا ترك هذا الابراهيم تلك السيده التى يتمناها الف رجل انها جميله و محترمه و مكافحه ... شئ عجيب لا اجد له تفسير 

لكن لماذا دفعت العشر جنيهات ؟؟ هل دفعت لتعود مره اخرى لدولت ؟؟ هل أعجبتك الصبيه ؟؟؟

لا طبعا ... لم تعجبني و لكن صعب عليا حالها امراه تعيش وحيده و لا تعرف إلى أين ذهب زوجها و مع ذلك تصونه بشهادة الجميع انها امرأه بمئه رجل من عينة ابراهيم 

سأظل اليوم بالقاهره لاقابلها فى الغد و بعدها اعود اليك يا ابراهيم 

دخلت دولت قلب خليل من اول نظره فهى تختلف تماما عن زوجته المتكبره المتغطرسه ...فابتسامتها لا تفارق وجهها رغم ما هى فيه #دجيهان_عادل

لم ينم خليل تلك الليله و هو يفكر فى الأمر 

فى اليوم التالى ذهب خليل إلى اتيليه دولت ليجد المفرش قد تم تجهيزه ..أعطى خليل باقى المبلغ لدولت و هم بالانصراف 

ايه دا ؟؟ انت نسيت المفرش 

لا المفرش ده هديه منى ليكى 

و هديه بمناسبه ايه أن شاء الله ؟؟ 

معرفة خير باذن الله 

ازاى مش فاهمه ؟

صراحه انا شفتك و أعجبت بيكى و عرفت انك مطلقه و اخترعت حكايه المفرش دى عشان اتكلم معاكى عن قرب 

مين قالك أنى مطلقه انا متجوزه و جوزى موجود #دجيهان_عادل

انا اسف جدا بس اللى سألته قال إنه سابك و مشي فافتكرت أنه طلقك 

لا ابراهيم مطلقنيش 

طب انا اسف مره تانيه امال هو فين ؟؟

و انت مالك انت ؟؟

اصل انا ليا اخ شغال فى أمن الدوله و ممكن يعرف لك هو فين لو حبيتى يعنى ؟

ياريت ...دا انت تبقى خدمتنى اكبر خدمه فى حياتى 

لا انا تحت امرك ...و انا اسف لسوء التفاهم اللى حصل ده عاوزك بس تكتبيلى بياناته فى ورقه و لو فى رقم تليفون عند حضرتك ياريت 

ايوه فى تليفون  أنا مدخلاه من سنه مستعجل عشان الشغل و كدا 

طيب تمام انا هاخد بياناته و اديها لاخويا و اول ما اعرف حاجه هتصل عليكى فورا 

ربنا يخليك يا استاذ ...

أسمى خليل #دجيهان_عادل

ربنا يخليك يا استاذ خليل يارب أنا مش عارفه اشكرك ازاي 

لا خلى الشكر لما الاقيلك جوزك باذن الله 

يا رب يا استاذ يا رب 

البيانات اهى 

تمام كدا استنى منى تليفون قريب 

باذن الله يا رب ...مش هتاخد المفرش برده ؟

لا دا هديه منى لاخواتى تفرشيه لما ابراهيم يرجع باذن الله 

متشكره اوى يا استاذ خليل ربنا يسعد قلبك#دجيهان_عادل

و يسعد قلبك يا رب ...سلام عليكم

و عليكم السلام 

خرج خليل متجها إلى محطة القطار حتى يلحق قطار الخامسه ليصل بلده بعد منتصف الليل .

بماذا تفكر يا خليل ؟؟ هل حقا ستدل دولت على زوجها ؟؟؟؟

هذا ما سنعرفه فى الجزء القادم باذن الله تعالى.

#حكاية_ابراهيم 

#الجزء_الثانى_عشر

خرج خليل متجها إلى محطة القطار حتى يلحق قطار الخامسه ليصل بلدته بعد منتصف الليل .

بماذا تفكر يا خليل ؟؟ هل حقا ستدل دولت على زوجها ؟؟؟؟

وصل خليل إلى بيته بعد منتصف الليل و اخذ يفكر كيف يصل إلى نقود ابراهيم و يتخلص منه فى نفس الوقت ليخلو له الطريق مع دولت 

لابد أن يظهر لها بصورة الشهم البطل الذى يعوضها عن زوجها الندل 

فكر خليل فكره شيطانيه و قرر أن يشاركها فتحى للتخلص من ابراهيم بعد الحصول على ماله 

استيقظ خليل مبكرا ليقابل ابراهيم قبل خروجه إلى المحل

حمدالله على السلامه يا خليل

الله يسلمك يا ابراهيم 

ايه هتنزل معانا انهارده نعمل حساب البيتزا ؟؟

لا انا تعبان من السفر و عاوز استريح 

تمام ماشي يبقى ميعادنا بكرا 

بقولك ايه يا ابراهيم الحج قالك على المشروع اللى عاوزين نعمله ؟ 

ايوه قالى ... فكرتك جميله اوى و انا معاكم 

حلو اوى يبقى انا انهارده هخرج بعد الضهر ادور على مكان حلو كدا نشتريه و بعد كدا نبتدى نجهز إجراءات الشراكه و نعمل سجل تجارى 

تمام حلو اوى 

بس انت لو فاضى ساعه كدا تعالى نروح القسم نعمل انا و انت فيش و تشبيه لزوم ورق الشراكه 

فيش و تشبيه ؟؟؟ اول مره اعرف ان الشراكه محتاجه فيش و تشبيه 

ازاى يا ابراهيم ؟ دى حاجه معروفه يا جدع يعنى افرض حد من الشركا ده حرامى و الا قاتل مش نعرف برده 

اى حد بيشارك حد لازم يكون عارفه 

مش كل الناس يا ابراهيم يعنى احنا مثلا منعرفكش كويس ...انت بتقول انك من اسكندريه مع أن بطاقتك مكتوب فيها القاهره شبرا شارع السد 

ااانا ....لا دا عنوانا القديم بس احنا بعد كدا نقلنا اسكندريه 

متكدبش عليا يا ابراهيم 

و انا هكدب عليك ليه يعنى ؟؟

انت عارف كويس انت بتكدب ليه ؟؟ على فكره انا كنت فى مصر عشان الموضوع ده و عرفت كل حاجه 

عرفت ايه انا مش فاهم اى حاجه 

لا فاهم ...انت هربت بعد ما قتلت الصراف صح و الا غلط ؟

انا مقتلتش حد 

متنكرش دا انا كمان رحت المحكمه لأن فى واحد حبيبي شغال هناك و قدرت اعرف اتحكم عليك بأيه ؟؟

اتحكم عليا انا ؟؟؟ انا معملتش حاجه 

خلاص تعالى معايا القسم خايف من ايه ؟

ارجوك يا خليل 

انت خايف منى ؟ أخص عليك طب منا كنت اقدر ابلغ عنك و خصوصا أن قضيتك مش سهله دا قتل يعنى حاجه فظيعه اوى و لو اتمسكت فى بيتنا هيقبضوا علينا بتهمه التستر على مجرم هارب من العداله 

بس متخافش سرك فى بير انا ممكن اخلصك من حكم الاعدام اللى اخدته ده 

ايه ؟؟؟؟ اعدام ؟؟؟ اعدام ليه انا معملتش حاجه

منا عارف إن مكنش قصدك بس هنعمل ايه القاضى لما لقاك هربت اداك حكم غيابي بأقصى عقوبه دا اللى فهمهولى صاحبى اللى قلت لك عليه اللى بيشتغل فى المحكمه 

طب و بعدين ؟؟

بعدين بقا قدامك حل من اتنين 

يا اما تروح تسلم نفسك و يعيدوا محاكمتك و يبقى حظك حلو لو القاضى حسبهالك مشاجره و اداك عشر سنين 

عشر سنين ؟؟؟؟ 

و يا اما بقا الحل التانى اللى صاحبى قالى عليه و دا مش هيخليك تقضى يوم واحد فى السجن 

حل ايه ده ؟؟ ابوس ايدك 

صاحبى ده ممكن يسرق لك ملف القضيه و كأنها مش موجوده نهائى 

بجد الكلام ده يا خليل ؟؟؟

ايوه بس هو حراق حبتين فى حكايه الفلوس دى 

مش مهم الفلوس المهم يشيل لى القضيه خالص 

لا و كمان انا ممكن اكلم اخويا كامل و اسفرك ايطاليا لو حبيت يعنى 

يا ريت يا خليل ....انا معنتش عاوز اقعد فى البلد دى 

انت معاك كام ؟؟

كام ايه ؟؟

معاك فلوس اد ايه ؟؟

معايا ٢٠٠ الف 

بس ؟؟؟؟ دا صاحبى ده طالب ١٥٠ ألف و سفريتك مش هتقل عن ستين الف....على العموم هحاول اكلم كامل يشوف لنا سمسار سعره كويس و امان ...اصل فى اقل من كدا بس اعوذ بالله عالم جشعه بيركبوا مية نفر على اللانش و ناس كتير بتغرق يا اخويا 

خلاص انا هسيب الموضوع ده عليك يا خليل ...انا مش عارف اشكرك ازاي 

عيب عليك احنا اخوات حضر بقا الفلوس عشان ننفذ باسرع وقت 

الفلوس موجوده فى اى وقت تقول عليه

حلو اوى انا هروح اتصل على كامل دلوقتى من السنترال و اتصل على صاحبى بعيد عن الحج احسن لو عرف هيزعل منك اوى انك خبيت عليه كل ده ...و انا يا اخويا مش هقول انا يهمنى زعل الحج اوى... بس انت لازم تسرع فى حكايه الشقه اللى قلت عليها دى  عشان الحج مياخدش باله من كلامنا و اللى هيحصل بعد كدا 

تمام انا ممكن انقل فيها من بكرا انا تقريبا جهزتها خلاص 

 حلو كدا .....قوم انت على شغلك يلا 

انا خايف يا خليل 

متخفش ما انت بقالك سنتين هنا محدش عرفك هتيجى على اليومين دول ؟ يلا اتكل على الله 

حاضر متشكر اوى يا خليل

لا شكر على واجب انت اخويا يا جدع

خرج ابراهيم إلى عمله و تبعه خليل إلى السنترال ليتفق مع فتحى لتجهيز لفة الحشيش لوضعها بشقته و الإبلاغ عنه و بالتالى التخلص منه إلى الأبد  .

#حكاية_ابراهيم 

#الجزء_الثالث_عشر

انا خايف يا خليل 

متخفش ما انت بقالك سنتين هنا محدش عرفك هتيجى على اليومين دول ؟ يلا اتكل على الله 

حاضر متشكر اوى يا خليل

لا شكر على واجب انت اخويا يا جدع

خرج ابراهيم إلى عمله و تبعه خليل إلى السنترال ليتفق مع فتحى لتجهيز لفة الحشيش لوضعها بشقته و الإبلاغ عنه و بالتالى التخلص منه إلى الأبد  .

بس تجهزلى فلوس الحشيش قبل ما يوصلك يا ابو نسب دى فلوس ناس يا اخويا مش فلوسي 

طبعا يا فتحى بس مقلتليش كام ؟

حسب بقا انت عاوز ايه ؟ يعنى عاوز القاضى يرزعه حكم بالاعدام و الا المؤبد و الا كام سنه كدا 

يا ريت اعدام و نخلص منه 

يبقى ايدك على تلاتين الف جنيه هجيبلك شنطه مليانه حشيش 

حلو اوى ...انا هروح له دلوقتى أقوله على الفلوس 

ذهب خليل إلى ابراهيم فى عمله و أخبره أنه تواصل مع كامل فأعطاه رقم السمسار و أنه اتصل به و طلب منه ٦٠ الف جنيه 

٥٠ الف قبل السفر و عشره بعد السفر 

يعنى انت عاوز منى خمسين دلوقتى يا خليل ؟؟

ايوه و هات ال ١٥٠ الف كمان عشان انزل اخلص مع صاحبى اللى قلت لك عليه و اجيب لك الملف لحد عندك

و هو انا هخّونك برده يا خليل ؟

لا  بس دا حقك و عشان تكون مطمن برده 

تمام الفلوس الليله هتكون معاك 

طب و هتنقل من البيت امتى ؟

انا لسه مقولتش للشيخ و الصراحه مش قادر افاتحه 

سيب الموضوع ده عليا انا ...انا هقوله 

يا ريت انا مكسوف منه اوى 

فى المساء أخبر خليل والده أن إبراهيم سينتقل للاقامه فى شقه جديده 

استنكر الشيخ سلامه بشده و اتهم خليل بأنه السبب فى ترك ابراهيم المنزل 

اقسم خليل أنه لم يكن له يد فى ذلك و أنه تفاجأ بابراهيم يخبره بهذا الخبر 

حزن الشيخ كثيرا فهو يعد ابراهيم ولده الذى لم يلده 

دخل الشيخ غرفته حزينا 

و عندما حضر ابراهيم أخبره أنه أخبر والده عن مغادرته للمنزل 

و الشيخ مزعلش منى يا خليل ؟

و الله هو اتضايق شويه كدا ما هى عشرة برده بس انا اقنعته أن اكيد انت عاوز تستقل بحالك بقا و يمكن تتجوز و تخلف لك عيل و الا اتنين 

طيب انا هدخل اجيب لك الفلوس 

دخل ابراهيم غرفته و لاول مره منذ سنتين يتذكر أولاده بعد كلمه خليل 

يااااااا ...خليل بيقولى يمكن اتجوز و اخلف ؟ منا متجوز و مخلف ...يا ترى ولادى عاملين ايه دلوقتى ؟؟؟ يا ترى دولت عامله ايه ؟؟؟ اول مره احس انى بحبها و نفسي اشوفها 

يمكن عشان خليل قالى انى محكوم عليا بالاعدام ؟؟ أو يمكن عشان هسافر و يا عالم هشوفهم تانى و الا لا ؟؟؟ 

فعلا الإنسان مبيحسش بقيمة النعمه الا لما تضيع من ايده 

كنت ناقم على حياتى و مش راضى عنها و طفشت منها و رميتها ورا ضهرى و كأنى معشتهاش اصلا بس كنت فاكر أن ده الافضل بالنسبالى 

لكن لما بقى رجوعى لهم مستحيل حسيت اد ايه انا كنت فى نعمه مش حاسس بيها 

ياريت كل واحد فى ايده نعمه ربنا مديهاله يحس بقيمتها و يقدرها ...كان ليا زوجه محبه و اولاد جمال ضيعت كل ده بأنانيتى و بجهلى وبعدم اعترافى بنعمة الخالق عليا 

حتى الفلوس اللى شقيت فيها و كنت حاسس انى لاول مره فى حياتى بشتغل شغلانه بحبها و اخترتها بنفسي ...حتى دى خسرت كل حاجه فى لحظه واحده 

بس انا اللى استاهل ...دا القصاص العادل 

خرج ابراهيم من غرفته بحقيبتين الاولى ممتلئه بالنقود ...كل ما اكتسبه على مدار عامين أو أكثر و الثانيه ممتلئه بملابسه

وعده خليل بأنه سيدبر له الأمر فى خلال أيام .

بس ايه الشنطه التانيه دى ؟؟ 

دى شنطة هدومى انا همشي دلوقتى عشان مش قادر احط وشي فى وش الشيخ ...ابقى سلملى عليه 

حاضر يا ابراهيم مدام دى رغبتك ...

اه و فى حاجه كمان ...مفتاح المحل اهو اديه للشيخ لانى مش هقدر ادهوله بنفسي ...انا هفضل فى الشقه الكام يوم دول لحد ما اسافر.

خرج ابراهيم بعد إعطاء خليل مفتاح البيت و المحل وورقه مكتوب بها عنوانه الجديد ليحضر له ملف القضيه هناك و ليعلمه باخر مستجدات السفر . 

استيقظ الشيخ عند اذان الفجر لإيقاظ ابراهيم و محاولة إقناعه بعدم الذهاب الى مسكنه الجديد 

و لكنه لم يجده ...تعجب الشيخ كثيرا و ذهب لغرفة خليل 

ابراهيم مجاش امبارح يا خليل ؟؟

لا جه ...بس خد هدومه و مشي 

ازاى يا ابنى 

مش بقولك يا بابا ...هو شاف مصلحته خلاص و الظاهر وقع على سفريه سقع و ساب لك المفتاحين دول مفتاح البيت و مفتاح المحل

معقوله يا ابنى ؟؟ ازاى ابراهيم يعمل كدا 

معرفش يا بابا هو صحانى و ادانى المفاتيح و مشي على طول 

طب متعرفش سكنه الجديد ده فين ؟؟؟

لا مقلش فين ...بس هو انت عاوز تروح له برده بعد ما سابنا بالطريقه دى 

طب مصحتنيش ليه بس ؟؟

و الله انا كنت نايم و متلوه محستش الا اما خرج من البيت 

بقا كدا يا ابراهيم ؟؟ كدا يا ابنى ؟؟؟ تمشي من غير حتى ما تسلم عليا ؟؟ انت مزعلتوش يا خليل صح ؟؟

و الله العظيم ما زعلته يا بابا 

خرج الشيخ سلامه من حجرة خليل و قد استبد به الحزن 

توضأ وصلى و دعا لابراهيم 

يارب ارشده للطريق السليم ...يارب ابعد عنه كل شر ...يارب أهديه و ابعد عنه اولاد الحرام 

انا مش زعلان منه انا زعلان عليه ...عمل زى اولادى وسابنى و مشي كنت فاكر أنه مش هيمشي و يسبنى ابدا و أن ربنا عوضنى خير بيه بعد ما بقيت وحيد 

نام الشيخ سلامه و هو يشعر بالحزن الشديد 

فى الصباح ذهب خليل لايقاظه وجده لا يتحرك 

بابا ...بابا ...رد عليا يا بابا 

 تركه خليل و خرج الى الشارع ليوقف سياره اجره ثم اسرع إليه و حمله و توجه إلى المشفى 

 ‏قام الطبيب بفحص الشيخ وجده دخل بغيبوبة سكر 

 ‏هو فى حد زعله ؟؟

 ‏لا ابدا يا دكتور ...انا صحيت من النوم لقيته كدا 

 ‏طيب احنا هنحاول نفوقه و ربنا يستر فى الاربعه و عشرين ساعه الجايين لو عدوا على خير يبقى تمام 

 ‏لا يا دكتور ارجوك اعمل اللى تقدر عليه 

 ‏باذن الله 

 ‏عاد خليل إلى المنزل بحث بأوراق والده ...قلب غرفته ليبحث عن اى 

 ‏شيئ يفيده فى حاله إذا ما توفى والده 

 ‏لم يجد سوى مبلغ خمسة آلاف جنيه اخذها و اوراق  تفيد برصيده بالبنك و الذى يبلغ ٣١٢ الف جنيه 

 ‏نام خليل ليلته بمنزل والده و هو يخطط حياته مع دولت بعد اخبارها أن زوجها تاجر مخدرات 

 ‏و كيف سيستثمر الأموال التى اخذها من ابراهيم ليفتح شركه منافسه لشركه والد زوجته الاولى

 ‏و أنه سيريها كيف تتهمه هى و ابوها أنه لص سرق أموال الشركه و كيف يساوموه على الطلاق و إحضار جميع الأموال التى بحسابه مقابل عدم الإبلاغ عنه و التنازل عن كل ممتلكاته التى اكتسبها أثناء العمل مع والد زوجته .

 ‏#حكاية_ابراهيم 

#الجزء_الرابع_عشر

فى اليوم التالى ذهب خليل إلى المشفى ووجد الشيخ قد افاق من الغيبوبه 

حمدالله على السلامه يا بابا 

الله يسلمك يا ابنى 

انا لسه كنت مع الدكتور و هو طمنى 

كل اللى يجيبه ربنا خير ...ابراهيم مجاش تانى ؟؟

لا يا حاج ابراهيم اكيد شافله شوفة تانيه زى ما قلت لك 

الله يسهلوا يا ابنى ....انا هخرج امتى يا خليل ؟؟

متقلقش يا حاج الدكتور قالى هتفضل لآخر النهار تحت الملاحظه و بعدين هيخرجوك 

ماشى يا ابنى ...طب و المحل ؟

المحل رحت فتحته الصبح و شغلت العيال و جيت لك على طول 

خد بالك منه يا خليل المحل دلوقتى بقا له صيت و سمعه فى مرسي مطروح كلها 

متخافش يا بابا ...إن مكنتش اخليه احسن ما كان ماسكه اللى اسمه ابراهيم ده مبقاش انا خليل 

خرج الشيخ سلامه من المشفى ، وصل إلى منزله بمساعدة ابنه 

اضطجع على سريره متمنيا رؤيه ابراهيم فهو لم يجد منه إلا كل احترام و موده 

لقد غمره ابراهيم بحنان الابن الذى حرم منه ...فالبرغم من رجوع خليل الا أنه لا يشعر بحنانه ...لكن ابراهيم مختلف 

فى نفس الوقت الذى يتذكر به الشيخ ابراهيم كان إبراهيم يفكر فيه أيضا 

يا ترى يا شيخ سلامه قلت عليا ايه دلوقتى ؟؟؟ اكيد خليل فهمه ...بس هيفهمه يقوله ايه ؟؟ هيقوله انى هربان و سايب ولادى و محكوم عليا بالاعدام ؟؟ و انى كنت معرضه هو شخصيا لتهمة التستر على مجرم ؟؟؟ 

طب كنت سلمت عليه ...يا عالم هشوفه تانى و الا لا ...

دايما دى عادتك يا ابراهيم الهروووووب 

هربت من مراتك و اولادك ، هربت من الشرطه ، هربت من الشيخ سلامه 

و دلوقتى عاوز تهرب من البلد كلها 

طيب انا نفسي اشوف ولادى و اشوف دولت ...انا بعترف انى كنت انانى و مفكرتش فيهم حتى لما كونت فلوس كتير مسألتش فيهم بس انا عارف إن دولت جدعه و بمية راجل ....بس دا مش سبب يخلينى مسألش عليهم و لا ابعت لهم فلوس طول السنتين دول ...بس انا خفت ليتعرف مكانى و يتقبض عليا 

بينما ابراهيم يحدث نفسه و غارق بتفكيره  سمع جرس الباب يدق 

سلام عليكم يا ابراهيم يا اخويا 

و عليكم السلام اتفضل يا خليل 

يزيد فضلك ...ايه الشقه الحلوه دى ؟

متشكر ...ازيك انت  و ازاى الشيخ ؟؟

الشيخ كويس الحمد لله بس انا جاى ابشرك 

بشرنى يا وش الخير 

انا كلمت صاحبى و الملف بقا تحت ايده خلاص 

طب مش دا غلط عليه ؟

لا ما هو هيولع فى الاوضه اللى فيها الملفات و هتتأيد ماس كهربى امال انت فاكر هو طالب ميه و خمسين ألف جنيه ليه ما هو عشان كدا ..معاه ناس برده

طب و ايه يضمن أن ملفى يكون اتحرق 

لا هو هيجيب لى الملف و انا هنزل بنفسي اجيبهولك 

الله يكرمك يا خليل يارب ...طب و السفر عملت فيه ايه ؟؟ 

السفر يا سيدى انا كلمت الراجل و اخدت منه ميعاد بكرا هجيبه و هنقعد معاك هنا و نتكلم فى التفاصيل كلها 

طب هو السفر ده مش لازمه جواز سفر ؟

ايوه طبعا 

طب ما دى مشكله ازاى هطلع جواز و انا عليا قضيه ؟؟

ما احنا قلنا ان القضيه بقت فى خبر كان ...مبقاش لها وجود اصلا الورق مع صاحبى و لولا السمسار جاي بكرا كنت نزلت جبتهولك عشان تطمن 

طيب كويس ربنا يسهل

رجع خليل إلى البيت و انتهز فرصه مرض والده  و اخذ الهاتف و حدث فتحى و اتفق معه على إحضار المطلوب غدا 

انا مجهز لك البضاعه بس التلاتين الف يكونوا جاهزين معاك 

عيب عليك فلوس العبيط كلها معايا و محضر لك التلاتين الف اهم بس عاوزك تيجى كأنك السمسار عشان نكمل بقية التمثيليه 

و ماله دى تمثيليه سهله اوى و لك عليا انزل من عند صاحبنا اروح القسم ليا واحد مخبر صاحبى هناك هنقوله على تاجر المخدرات عتيد الإجرام 😂

حلو اوى انا عاوز اخلص من الموضوع ده بسرعه يا فتحى قبل ما اللى اسمه ابراهيم ده يسأل حد و يفهم الملعوب 

متخافش جمد قلبك و بعدين انت خلاص قفشت الفلوس يعنى حتى لو عرف ممنوش ضرر عليك 

لا انا حوار أنه يتسجن ده لازمنى اوى 

و ماله نسجنهولك 

فى اليوم التالى حضر فتحى الى خليل و معه كيس بلاستيك كبير اسود اللون به كميه كبيره من عقار الحشيش المخدر 

اشترى خليل بعض الفاكهه و المشروبات و الحلويات و ذهب إلى ابراهيم و معه فتحى 

فتح ابراهيم الباب ليجد خليل و السمسار و فى حوذتهم اكياس سوداء كثيره 

اتفضلوا يا جماعه ..ايه الكياس دى كلها يا خليل ؟؟

دى شويه فاكهه على حلويات على طلبات للتلاجه عارف انك مبتنزلش 

و ليه تعبت نفسك كدا يا خليل ؟

عيب عليك يا جدع دا انت اخويا ....اتكلم انت مع الاستاذ فتحى و انا هدخل ارص الحاجه جوه 

لا متتعبش نفسك انا هبقى ارصهم 

عيب بقا يا ابراهيم هو انا غريب و الا ايه ؟؟ يلا بس شوف الاستاذ هيقولك ايه و انا هصب لكم حاجه ساقعه و اجيبهالكم 

دخل خليل إلى المطبخ ، أخرج الكيس الذي به الحشيش ووضعه فى ضلفه مرتفعه خلف مجموعه من الأطباق المرصوصه 

وضع باقى الاغراض بالثلاجه و خرج بثلاث اكواب ممتلئه بالعصير .

جلس فتحى و خليل و اوهموا ابراهيم بأن فتحى سيساعده فى تخليص جواز السفر فى ثلاث ايام و أنه فى خلال اسبوع سيكون على الحدود الليبيه و منها سيركب المركب المتوجهه إلى إيطاليا 

خرج فتحى متجها إلى صديقه مرسي للابلاغ عن إبراهيم بأنه تاجر مخدرات كبير 

ابلغ مرسي ضابط المباحث و قدم له مرسي تحريات مكتوبه بناء على حديث فتحى له 

استخرج الضابط اذن من النيابه بسرعه ضبط و إحضار ابراهيم 

فى اليوم التالى وجد ابراهيم دق عنيف على الباب اسرع بفتح الباب ليجد عدد كبير من افراد الشرطه ينتشر بالشقه 

للوهله الأولى تخيل ان الشرطه علمت طريقه و أنهم حضروا لينفذ حكم الاعدام 

انا معملتش حاجه ...انا معملتش حاجه 

هنشوف عملت و الا لا ؟؟

بحثت العساكر بكل ركن بالشقه عن المخدرات و ابراهيم يقف لا يفهم عن ماذا يبحثون 

وجد أحد العساكر لفة الحشيش فى اعلى ضلفة المطبخ 

لقينا دول يا فندم 

اهلا ....ايه دا كله ؟؟

ايه دا ؟؟ انا معرفش ايه دا ؟ و ايه اللى جابه هنا ؟؟

تعالى معانا على القسم و انت تعرف ايه ده يا حيلتها ..

#حكاية_ابراهيم 

#الجزء_الخامس_عشر

وجد أحد العساكر لفة الحشيش فى اعلى ضلفة المطبخ 

لقينا دول يا فندم 

اهلا ....ايه دا كله ؟؟

ايه دا ؟؟ انا معرفش ايه دا ؟ و ايه اللى جابه هنا ؟؟

تعالى معانا على القسم و انت تعرف ايه ده يا حيلتها ..

تم تقييد ابراهيم و شحنه بعربة الشرطه و هناك فتح المحضر و تم سؤاله عن كمية الحشيش و التى تزن عشرة كيلوجرامات 

أنكر ابراهيم معرفته بها و أنه لم يرها بحياته 

تم تحويل ابراهيم للنيابه و هناك أخذ ١٥ يوم على ذمة التحقيق .

تابع فتحى اخبار ابراهيم و أبلغ خليل الذى طار من السعاده فقد اختفى غريمه من طريقه الى الابد .

فكر خليل فى الاتصال بزوجة ابراهيم و اخبارها بأن زوجها تاجر مخدرات ليفوز بقلبها و يشعرها بأنه الرجل الوحيد الذى وقف بجوارها ...

الو 

الو ....الست دولت ؟؟

ايوه انا دولت مين حضرتك ؟؟

انا خليل اللى جيت لحضرتك و قلت لك انى هطمنك على زوجك 

اااه اهلا و سهلا يا استاذ خليل يا رب تكون جبت لى اخبار كويسه عنه 

هو انا جبت اخبار ...بس مش كويسه خالص 

يا ستار يا رب ...ايه اللى حصل ؟؟ ابراهيم جراله حاجه ؟؟

ابراهيم فى السجن 

ايه ؟؟ انت بتقول ايه ؟؟ سجن ليه ؟؟؟ 

أهدى بس شويه ...انتى لو عرفتى الحقيقه مكنتيش اتخضيتى عليه كدا 

حقيقة ايه ؟ اتكلم من فضلك 

انا لما انتى ادتينى الاسم خليت اخويا يسأل عليه يمكن يكون معتقل و الا حاجه بس ملقاش اى حاجه ....بس وصى ناس كتير صحابه لو صادفوا الاسم ده يبلغوه على طول 

و فعلا مفيش يومين و لقى تليفون من مرسي مطروح 

مرسي مطروح ؟؟ ايه اللى هيودى ابراهيم مرسي مطروح ؟؟

انا معرفش بس اخويا قالى أنه اتمسك بكمية كبيره من المخدرات و اتعملت له قضية اتجار و يا عالم بقا هياخد ٢٥ سنه و الا اعدام 

اعدام ؟؟ يا حبيبي يا ابراهيم 

شوف انتى بتقولى حبيبي و هو اتجوز عليكى و خلف كمان 

انت بتقول ايه ؟؟

مش انا اللى بقول ...اخويا قالى كدا أنه متجوز فى مرسي مطروح و بيشتغل مع ابو مراته فى المخدرات 

معقول ؟؟؟ أخص عليك يا ابراهيم ...ليه تعمل فيا كدا ؟؟ انا عملت لك ايه ؟؟؟ دا انت مكلفتش نفسك تسال على اولادك طول سنتين ...يااااا

أهدى يا ست دولت اللى زى ده ميستاهلش منك دمعه واحده ...اللى زى ده ارميه على طول ايدك و انتى الكسبانه 

ارميه يعنى ايه ؟؟ 

يعنى لازم ترفعى عليه قضيه طلاق للضرر 

طلاق ؟؟ انا اتطلق من ابراهيم ؟؟؟

امال هتفضلى على ذمة واحد مجرم زى ده ؟؟ لا اسمحيلى بقا دا انتى تبقى ساذجة اوى 

انا عمرى ما دخلت قسم و لا اتعاملت مع محامى 

متخافيش خلى الكلام ده عليا انا هجيلك بكرا نروح لواحد محامى كويس اوى تعمليله توكيل و يرفع لك القضيه على طول..متخافيش هيتحكم لك فى أول جلسه 

لا من فضلك انا حالتى النفسيه مش مستحمله 

ما هو عشان كدا انا مستعجل ..لازم ترديله اللى عمله فيكى ... ها اجيلك بكرا ؟؟

لا لو سمحت ادينى يومين تلاته افكر 

تفكرى فى ايه بس ؟؟ هى دى محتاجه تفكير ؟ واحد مجرم سابك و طفش و راح اتجوز عليكى كمان 

من فضلك انا هقفل مش قادره اتكلم 

انا اسف إن كنت ضايقتك ..يومين كدا و هتصل بيكى ...مع السلامه 

أغلقت دولت الهاتف و جلست تبكى ...بكت كثيرا على حالها 

دخلت عليها جارتها خديجه 

مالك يا دولت ؟؟ 

تصدقى يا خديجه ابراهيم بيتاجر فى المخدرات و كمان اتجوز عليا 

مين اللى قالك الكلام ده ؟؟

الراجل اللى قلت لك عليه اللى ساب لى المفرش 

طب و ايش دراكى أن كلامه صحيح؟

و هو هيكدب ليه يعنى ؟؟؟

يمكن مبيكدبش ...يمكن غلط و دا مش ابراهيم جوزك 

يعنى ايه يا خديجه ؟؟

يعنى لازم تتأكدى بنفسك من الكلام اللى الراجل بيقوله ده و متاخديش كلامه حقيقه مسلم بيها 

ربنا سبحانه و تعالى قال يا أيها الذين آمنوا أن جاءكم فاسق بنبأ فتبينوا أن تصيبوا قوما بجهاله فتصبحوا على ما فعلتم نادمين 

صدق الله العظيم .و نعم بالله بس اعمل ايه ؟

لازم تروحى لجوزك 

بس دا بيقول فى مرسي مطروح 

و ماله مرسي مطروح مش بعيد ...اركبى القطر هتكونى هناك فى ظرف سبع ساعات 

طب لو رحت و لقيت الكلام صحيح اعمل ايه ؟؟؟

اعملى اللى انتى عاوزاه بس تكونى اتأكدتى الاول 

طب و العيال ؟؟؟ 

العيال سبيهم ليا و عندك التليفون اهو أسألى عن مواعيد القطارات و ياريت تروحى انهارده عشان على الصبح تكونى وصلتى 

نفذت دولت نصيحه صديقتها خديجه فهى دائما صائبه الرأى لديها من الحكمه الكثير 

ذهبت دولت إلى مرسي مطروح لتبحث عن إبراهيم بالاقسام 

بحثت كثيرا إلى أن عرفت مكانه 

استأذنت دولت امين الشرطه انها تريد رؤيه زوجها خمس دقائق 

أعتذر لها الأمين بأنها لابد أن يكون معها اذن من النيابه بالزياره 

بكت دولت و أخبرته أنها أتت من القاهره خصيصا لرؤيه زوجها الذى لم تره منذ عامين ...استحلفته بكل عزيز و غالى 

رق الأمين لدموعها قائلا 

خمس دقايق بس يا مدام ...لو حد شافك  هروح فى داهيه 

حاضر يا حضرت الأمين متخافش

اخذ الأمين دولت إلى حيث زنزانه ابراهيم 

أشار لها أن تحدثه عبر النافذه الموجوده بالباب 

ابراهيم 

مين ....دولت ؟؟؟؟؟؟؟؟؟ دولت مراتى ؟ ازيك يا دولت و ازاى ولادنا ؟؟

يعنى كنت سألت فيهم يا ابراهيم ؟؟

انا اسف يا دولت انا غلطت فى حقك و حق اولادنا بس ربنا عاقبنى على غلطتى معاكى و مع الصراف 

صراف ؟؟؟ صراف ايه يا ابراهيم ؟؟

الصراف اللى موته يا دولت 

الصراف ممتش يا ابراهيم ...الراجل دخل فى غيبوبه سكر و بعدين فاق 

انتى بتقولى ايه ؟؟ 

ما انت لو سألت كنت عرفت 

انا اسف يا دولت ابوس ايدك سامحينى 

اسامحك على ايه و الا ايه يا ابراهيم ؟ اسامحك على انك سبتنى و انت عارف إن كلاب السكك طمعانه فيا ؟؟ اسامحك انك سبتنى و انت عارف انى ممعيش جنيه و قلبك طاوعك تسيب ولادك و هما جعانين و تمشي ...اسامحك انك حتى مسألتش و لا اطمنت علينا عايشين و الا ميتين طول سنتين ...اسامحك على تجارتك فى المخدرات و الا جوازك عليا و انا مستنياك و محافظه عليك و على شرفك 

استنى استنى انا متاجرتش فى المخدرات و لا اتجوزت عليكى ...انا اه هربت بس عشان كنت خايف و دماغى صورت لى انى هكون عبئ عليكم لو اتسجنت بس انا لا اتجوزت و لا تاجرت فى مخدرات ...مين اللى قالك الكلام ده ؟و عرفتى انى انا هنا ازاى ؟

واحد اسمه خليل هو اللى قالى كدا 

اه يا خليل الكلب ...انا دلوقتى فهمت كل حاجه خليل ضحك عليا و قالى ان الصراف مات و انى خدت حكم بالاعدام و خد منى تحويشه السنتين على أنه هيسرق لى ملف القضيه و يسفرنى ايطاليا 

يااا كنت عاوز تهرب كمان و تروح ايطاليا ؟؟

انا كنت خايف يا دولت ...ارجوكى سامحينى 

طب و المخدرات دى جت لك منين ؟؟

المخدرات دى اكيد هو اللى حطهالى ساعة ما جاب السمسار و جالى على الشقه بتاعتى 

طب هنعمل ايه دلوقتى ؟؟؟

انا هقولك يا دولت بس تنفذى اللى هقولك عليه بالحرف الواحد 

حاضر يا اخويا ....

#حكاية_ابراهيم 

#الجزء_السادس_عشر_و_الاخيره

طب و المخدرات دى جت لك منين ؟؟

المخدرات دى اكيد هو اللى حطهالى ساعة ما جاب السمسار و جالى على الشقه بتاعتى 

طب هنعمل ايه دلوقتى ؟؟؟

انا هقولك يا دولت بس تنفذى اللى هقولك عليه بالحرف الواحد 

حاضر يا اخويا 

يلا يا ست الخمس دقائق خلصوا من زمان 

استنى بس شويه يا أمين خمس دقايق كمان 

دا جزاتى انى خليتك تشوفيه ...عاوزه تأذينى يعنى ؟؟

لا ابدا يا اخويا و الله خمس دقايق بس هيقولى على حاجه مهمه يمكن نعرف نخرجه من هنا 

خمس دقايق بالظبط و الا مش هيحصل طيب 

حاضر حاضر يا أمين 

قول بسرعه يا ابراهيم 

بصى انا طول السنتين دول كنت قاعد عند راجل طيب اوى اسمه الشيخ سلامه و للاسف هو أبو الكلب اللى اسمه خليل انا عاوزك تروحيله و تحكيله على كل حاجه و أن خليل ضحك عليا و جاب لى واحد اسمه فتحى على أنه سمسار هيسفرنى بره و حطولى حشيش فى الشقه و أنا متأكد أن الشيخ سلامه راجل حقانى و مش هيرضيه الكلام ده 

عنوانه فين الشيخ ده ؟؟

عارفه محطة القطر اللى انتى نزلتى فيها ؟؟

ايوه 

روحى هناك هتلاقى جامع أسألى على الشيخ هتلاقيه باذن الله هو على طول بيصلى هناك 

طب و لو ملقتوش ما تقولى على عنوانه عشان اروحله 

انا خايف عليكى تروحى هناك عشان خليل قاعد معاه خايف يشوفك و موضوعنا يبوظ عشان كدا بقولك روحيله الجامع 

حاضر يا ابراهيم 

ربنا معاكى يا دولت 

و معاك يا ابراهيم 

ذهبت دولت لتبحث عن الشيخ سلامه بالمسجد فلم تجده .. أخبرها أحد المصلين أن الشيخ مريض و يمكث فى بيته منذ عدة أيام 

احتارت دولت ماذا تفعل ؟؟ فقد حذرها ابراهيم من عدم الذهاب إلى منزله 

ذهبت دولت إلى أحد الفنادق لتحجز غرفه تقيم بها عدة أيام اتصلت على خديجه و قصت لها اخبار زوجها 

طمأنتها خديجه على أطفالها و على العمل بالاتاليه و طلبت منها الذهاب إلى بيت الشيخ بأى طريقه 

أغلقت دولت الخط و جلست لتفكر 

انا لازم اوصل للشيخ سلامه بأى طريقه ، الناس و انا بسألهم قالوا أن المحل بتاعه قريب من المحطه ...طب ما اكيد ابنه اللى واقف مكانه دلوقتى 

جت لى فكره حلوه ...خليل كان مدينى نمرة تليفونه انا هكلمه 

الو ...استاذ خليل 

اهلا الست دولت 

اهلا بيك ...انا فكرت فى اللى قلت لى عليه و عاوزاك تساعدنى 

يااا بس كدا عنيا ليكى يا ست دولت 

انت عارف انى خبرتى قليله فى الموضوع ده و مليش حد الجأ له بعد الله سبحانه و تعالى غيرك 

و انا هكون عند حسن ظنك 

تعرف لى محامى كويس ؟؟

اه طبعا عندى محامى عقر يخلصك من اول جلسه 

بس انا مش عاوزه اشوفه و لا اروحله خالص ..عايزه المحامى اللى يقوم بكل حاجه 

طبعا طبعا ..كدا احسن برده بصى انا هجيلك و اخدك نعمل التوكيل و بعد كدا ملكيش دعوه بأى حاجه تانى 

تمام اتفقنا ...هتيجى امتى ؟

بكرا الصبح اكون عندك 

و انا مستنياك 

أغلقت دولت الخط و اتصلت على خديجه مره اخرى 

بقولك ايه يا خديجه اللى اسمه خليل ده هيجيلك بكرا الصبح اوعى تقوليله انى فى مرسي مطروح ...قوليله أن جالها تليفون من مرات اخوها اللى فى الصعيد أن اخوها تعبان اوى و داخل عمليات و هى راحت بسرعه عشان تشوفه و انى هقعد معاه كام يوم

حاضر يا دولت 

أغلقت دولت الخط و لم تستطع وضع جسدها على السرير لترتاح قليلا 

قامت مره اخرى و ذهبت الى محطه القطار بعد أن وضعت الطرحه على وجهها لتغطيته مخافه أن تصادف خليل 

سألت عن عنوان الشيخ أخبرها أحدهم بعنوان المحل و المنزل 

اقتربت دولت من المحل فوجدت خليل يقوم مسرعا و ينادى أحد العمال 

خد يا احمد 

نعم يا استاذ خليل 

مفاتيح المحل اهيه تبقى تقفل و تروح توديها للشيخ و قوله إن جالى مشوار مهم فى القاهره هروح اعمله و هاجى بكرا باذن الله 

ماشى حاضر 

خرج خليل مسرعا متوجهها لمحطه القطار حتى يلحق قطار الخامسه مساء 

انتظرت دولت بعض الوقت و ذهبت إلى منزل الشيخ 

دقت جرس الباب 

قام الشيخ من سريره مستندا الى الحائط إلى أن وصل للباب 

فتح الباب ليجد دولت تقف أمامه 

سلام عليكم يا شيخ سلامه 

و عليكم السلام يا بنتى ...اى خدمه ؟

انا مرات ابراهيم 

ابراهيم ؟؟؟ هو ابراهيم متجوز ؟؟

ايوا يا شيخ و عنده ولدين كمان 

كمان ؟؟؟ لو جايه تسألى عليه فأنا معنديش علم بمكانه.. ابراهيم يا بنتى سابنى و مشى 

ابراهيم فى السجن يا شيخ 

ايه ؟؟ فى السجن ليه ؟؟ عمل ايه ؟؟ 

دى حكايه طويله اوى ابنك خليل السبب فيها 

انتى بتقولى ايه ؟؟ ابنى سجن خليل ؟؟ تعالى تعالى احكيلى ادخلى يا بنتى 

دخلت دولت و قصت على الشيخ حكاية ابراهيم منذ هروبه لظنه أنه قتل الصراف إلى أخذ خليل نقوده و ايهامه أن عليه حكم بالاعدام و إحضار شخص يدعى فتحى ووضع المخدرات له بالشقه و من ثم الإبلاغ عنه

سمع الشيخ حديث دولت و لم يتمالك نفسه يعرف أن ابنه يتمتع بقدر كبير من النداله و لكنه لم يتصور أن يصل لهذا الحد 

انت مصدقنى يا شيخ ؟؟

ايوه يا بنتى مصدقك ... حتى فتحى اللى بتقولى عليه دا يبقى جوز بنتى واد مجرم و بيتاجر فى الهباب ده ...بس مكنتش متخيل أن ابنى يعمل كدا ابدا 

طب هنعمل ايه يا شيخ ؟؟

انتى بتقولى أنه خد فلوس ابراهيم صح ؟؟

ايوه ابراهيم قالى كدا 

طب استنى انا هقوم ادور فى اوضته 

قام الشيخ ليبحث عن نقود ابراهيم فوجدها موضوعه تحت السرير فى حقيبه سوداء 

خرج الشيخ لدولت ...أعطاها النقود 

فلوس جوزك اهيه يا بنتى 

مش مهم الفلوس المهم ابراهيم يا عم الشيخ 

انا هطلعه متخافيش ...انا هلبس دلوقتى و اروح لظابط المباحث شوقى بيه انا اعرفه شخصيا و هروح احكيله على كل اللى قلتيه و أن شاء الله هيلاقيلنا حل ..

بس ابنك ممكن يتحبس 

ما يتحبس ...ربنا يا بنتى ميرضاش بالظلم ابدا ابنى غلط و لازم يدفع تمن غلطته 

ذهب الشيخ بمصاحبه دولت إلى ضابط المباحث و قصوا عليه الحكايه 

رسم لهم الضابط خطه بطلها الشيخ سلامه 

استخرج اذن بالتسجيل و طلب من الشيخ استدراج خليل فى الحديث و الاعتراف بما اقترفه .

عندما عاد الشيخ سلامه اتصل على ابنته و طلب منها الحضور هى و زوجها لمرضه الشديد و عدم وجود أحد معه بالمنزل 

عاد خليل فى اليوم التالى إلى منزل والده مغتاظ أشد الغيظ من ذهابه للقاهره و عودته صفر اليدين 

دخل إلى غرفته منهك القوى ...القى بجسده على السرير ...لاحظ أن أغراضه غير مرتبه كما تركها 

اوجس فى نفسه خيفه ...قام بسرعه و نظر اسفل سريره فلم يجد الحقيبه 

بحث بكل مكان لم يجدها 

قام مسرعا إلى والده 

اهلا ازيك يا خليل يا ابنى ...كدا تسافر و تسبنى و انا تعبان كدا ؟ دا انا مش قادر اقوم من مكانى 

معلش يا بابا ...كان مشوار مهم انا اسف 

دا لولا اختك و جوزها جم يشوفونى و باتوا معايا مكنتش عرفت اعمل ايه ؟

ايه اختى و فتحى جم هنا ؟؟؟

ايوا ..فتحى كلمك على التليفون رديت عليه و قلت له انى تعبان جاب اختك و جه كتر خيرهم و الله 

( يبقى هو اللى اخد الفلوس اه يا ابن الكلب يا فتحى )

بتقول حاجه يا خليل ؟؟ 

لا ابدا يا بابا ...بس كان نفسي اشوفهم 

طب ما تتصل بيهم يمكن يرضوا يجوا تانى 

فكره حلوه برده 

اخذ خليل الهاتف و هو فى منتهى الضيق اتصل على فتحى 

ازيك يا فتحى 

تسلم يا ابو نسب 

بقولك ايه ما تيجى تقعد معايا شويه انا و الحج 

و ماله يا اخويا عنيا اخر النهار اكون عندك انا كدا كدا كان ليا طلب كدا فى مرسي مطروح و كنت نازل 

حضر فتحى بالمساء و جلس مع الشيخ و خليل 

ازاى صحتك دلوقتى يا شيخ 

الحمد لله يا ابنى فى نعمه ...استأذنك يا فتحى هدخل اصلى المغرب 

تقبل الله مقدما يا شيخ 

قام الشيخ تاركا الميكرفون المتصل بعربة الشرطه الواقفه أمام المنزل ليسجل حديثهم سويا 

قام خليل إلى فتحى و امسك برقبته 

فين الفلوس يا فتحى ؟؟

فلوس ايه يا خليل ؟؟

فلوس ابراهيم اللى اخدتها من تحت سريري 

انت اتجننت ؟؟ فلوس ايه اللى هاخدها دى ؟ و انا اعرف اصلا أن فلوس الواد ده لسه معاك ؟

اه طبعا عارف ...طلع ال ١٧٥ الف جنيه يا فتحى بالذوق 

ليه هما مش كانوا ١٧٠ الف ؟

الواد ادانى ٢٠٠ الف أديت لك منهم تلاتين الف تمن الحشيش اللى حطناه فى شقته و انا خدت خمس الاف من دولاب ابويا يعنى المجموع ١٧٥ الف 

طب عليا الطلاق من اختك ما شفتهم و لا اخدتهم ...انت بتتكلم فى ايه يا جدع دا انا عندى بضاعه بملايين بالمخزن اللى تحت البيت هطمع فى ١٧٥ الف ؟؟ انا مش حرامى يا خليل انا تاجر مخدرات محترم 

امال مين اللى اخدهم بس ؟

انا اللى اخدتهم يا خليل 

انت يا حاج ....طب ليه ؟؟

يا خساره تربيتى فيك ...بقى تسجن الواد الغلبان اللى ماأسأش اليك و تسرق فلوسه انت و المجرم ده ؟؟

ايه الكلام اللى بتقوله ده يا حاج ؟

متنكرش انا سمعتك و عرفت كل حاجه 

شوفت يا خليل ظلمتنى ازاى ...ابوك اللى اخد الفلوس و انا اقول ايه سبب الدعوه الكريمه دى منه دا مبيقبلنيش  لا فى سما و لا ارض 

ما هو من أفعالك الشيطانيه اللى مترضيش ربنا يا فتحى

هنا نطق خليل و قد وصل إلى جام غضبه 

حيث انك عرفت بقا ..يبقى تجيب الفلوس احسن لك 

احسن لى ؟؟؟ 

اه ...ما كله بقا على المكشوف بقا ...ايوا انا سجنت ابراهيم و هتجوز مراته كمان ...عارف و ايه كمان انا سرقت حجه البيت و هحوله باسمى و هطردك فى الشارع أن مطلعتش الفلوس حالا 

يا خساره يا ابنى ...يا خساره 

هنا سمع الجميع طرق شديد على الباب فتح خليل ليجد الشرطه أمامه تقبض عليه هو و فتحى 

و بمواجهة المتهمين بالتسجيلات اعترفوا باالمؤامره التى دبروها لابراهيم 

أطلق صراح ابراهيم و استقبلته زوجته و الشيخ سلامه على باب القسم 

بكى ابراهيم على كتف دولت و قبل يد الشيخ سلامه

بكى الشيخ على بكاء ابراهيم و اخذ يمسح دموعه بمنديله 

متعيطش يا أبا ...انا عمرى ما هسيبك 

بتتكلم جد يا ابراهيم ؟

طبعا بتكلم جد ...انا هجيب مراتى و اولادى و نشترى بيت دورين انت دور و احنا دور و نعيش كلنا فى بيت واحد .

كنت خايف يا ابنى تسبنى و تمشي 

لا ...بقى بعد كل اللى عملته عشانى اسيبك و امشي ؟؟ جميلك هيفضل فى رقبتى ليوم الدين .

تسلملى يا حبيبي ربنا يبارك فيك انت و زوجتك يا رب 

أما انتى بقا يا اصيله ...انا هحطك تاج فوق راسي و عمرى ما انسى وقفتك معايا ابدا ربنا يخليكى ليا و ميحرمنيش منك ابدا 

و لا يحرمنى منك ابدا يا ابو عيالى 😍

🌹 تمت.🌹

ارجو أن القصه تكون نالت اعجابكم 

اذا عجبتكم القصه ارجوا الدعاء لوالدى رحمه الله عليه بالرحمه و المغفره و سائر موتى المسلمين.

#دجيهان_عادل

#قصص_وحكايات_د_جيهان_عادل.

فضلا غير مسموح نقل أو نسخ القصه إلا بعد اذن الكاتب ...