ام فاروق ٢

ام فاروق ٢

اه يا بختك الاسود يا ام فاروق 🥺

يا مصيبتك السودا 

الناس خبيتها السبت و الحد و انا خيبتى ما وردت على حد 😏

الراجل عملت له الكوارع و الملوخيه راح طاسسهم فى وشي 🙄  ليه و ليه عشان بقوله 

كل يا اخويا ...الغندوره التانيه  ميخرجش من أيدها تعملك اكل زى ده ؟؟؟ 🤔

راح قايلى متجبيش سيرتها على لسانك الزفر ده 

رديت و قلت له انا لسانى زفر ؟ دى هى اللى زفره هى و عيلتها ...قام قالب عليا الاكل السخن الموحوح

كسر بخاطرى و حرق دمى  😏 الله يحرق دمها البعيده 

تعملى ايه يا ام فاروق🤔 تعملى ايه يا ام فاروق 🤔

ايوه مفيش قدامى غير كلام ام محروس ...اجرب مش هخسر حاجه 

هقوم اجيب صباع الاحمر اللى كنت شارياه و انا مخطوبه و قلم الكحل 

يااااه هو ريحته مكمكمه كدا ليه ؟؟ دا مبقلوش غير عشر سنين بس 🤔

و الا قلم الكحل ماله ناشف كدا ليه ؟؟

 يخربيتك هتخرم لى عينى 

 ‏

هلبس كمان الفستان الشفتشي اللى امى كانت جايبهولى ده ...لونه موووف يعنى الرومانسيه و الدلع كله 

ايه دااااا دا فى كمان قلم ازرق اهو ....كان جايلى منين القلم ده ؟؟ منين منين يا ام فاروق 🤔 

مش فاكره ...بس مش مهم هحط حبه كدا فوق عنيا الحلوين دول 

يا اختى على جمالى 

انا بقا هشقلب كيانه انهارده هربط له شعرى بفيونكه حمرا زى البنات الصغيره ....ايوا امال... ام محروس قالت لى صغرى نفسك و انا هسمع كلامها ...دا جوزها زى الخاتم فى صباعها تقوله شمال شمال يمين يمين 

الله الشراب الاسود اهو ...تعالى يا عسل دا انت هتخلينى فشر مرلين مونروا ...الجاذبيه كلها 😘

كدا بقا الايافه اكتملت و مبقاش لعتريس حجه تانيه 😋

اه يا حلاوتك يا ام فاروق 

يا طعامتك يا ام فاروق 

دا ريسو هينبهر بجمالى 

ياااا متشوقه اوى اشوف هيعمل ايه ؟

مش بعيد يطلق الغندوره التانيه دى لما يلاقينى محليه نفسي كدا 😍

حسنييييييه يا حسنيه 

نعم يا ريسوووو 

انتى فين يا وليه 

انا هنا يا حبيبي مستنياك فى اوضة النوم ...تعالى 

لا مليش نفس

اخص عليك يا عترستى 

عترستك ؟؟؟؟ الوليه اتهبلت و الا ايه ؟ 

تعالى بس اقولك 

سلام قول من رب رحيم انصرف انصرف لا تأذينا و لا نأذيك 😳😳😳

مالك يا راجل 🧐

اعوذ بالله من غضب الله اعوذ بالله من غضب الله 😳

وطى صوتك يا راجل الجيران هتتلم علينا 

اعوذ بالله ...الله اكبر الله اكبر الله ....

يا لهوى😳 الراجل طب ساكت ....منك لله يا ام محروس جبتى أجل الراجل 🙄🙄

تمت

#د_جيهان_عادل