#اريد_حقى
# الجزء_التاسع
قصص رعب روايات جميلة روايات رومانسية روايات اون لاين روايات كاملة
كتب وروايات
ما انتى اللى اتعاملتى معايا يا عايده على انى طرطور و معملتليش اى اعتبار
لا و الله ابدا انا كنت عاوزه اعملهالك مفاجاه عشان اشوف الفرحه فى عنيك
لا انتى جرحتى كرامتى يا عايده
حقك عليا يا عاشور ...انا مستعده اعمل اى حاجه بس تسامحنى
هو مفيش غير حل واحد عشان اسامحك و ارجع لك انتى و البنات
حل ايه دا ؟؟؟؟
انك تبيعى البيت ده و ناخد فلوسه نشترى لنا شقه فى مكان تانى غير ده
طب و ليه بس ؟؟ ما البيت جميل وواسع و مش هنلاقى زيه
يعنى مش عاوزه تبعيه ؟؟؟ خلاص يتكتب باسمى على الأقل علشان محسش انى عايش فى بيت الست
و انا موافقه بس رجعنى يا عاشور
ماشي يا عايده هفوت عليكى بكره الصبح تنقليلى ملكيه البيت و بعدين نطلع على المأذون نكتب كتابنا و نروح على بيتنا
ماشي يا حبيبي
اختى قفلت و لقت بابا واقف قدامها مش مصدق اللى بيسمعه
انتى ازاى عاميه كدا ؟؟؟ ازاى منقاده له و بتسمعى كلامه كأنه ماسك لك ذله ؟؟ انتى معندكيش كرامه يا بنتى ؟؟
يا بابا دا جوزى و مفيش كرامه بين الست و جوزها
قصدك دا طليقك
ما هو هيردنى بكرا
و هتدفعيله تمن ردك انك تكتبيله البيت صح ؟؟؟
لا يا بابا مش زى ما انت فاهم
لا انا فاهم كويس كل حاجه بس نصيحه منى يا بنتى اوعى تعملى كدا لانه اول حاجه هيرميكى فى الشارع
لا يا بابا عاشور بيحبنى ...انا ام بناته
و مكنتيش ام بناته ليه لما استحل شقاكى و طلقك و رماكى بقالك كام شهر اهو ؟؟؟ ،
انا مش هقعد اتعب قلبى كتير معاكى عارف انك عنيده و هتنفذى اللى فى دماغك بس ممكن برده تمسكى العصايه من النص مدام الباشا مش عاوز البيت باسمك فممكن تكتبيه باسم البنات و يبقى كدا لا بأسمك و لا بأسمه
حاضر يا بابا فكره حلوه برده
و راحت اختى تانى يوم قابلت طليقها و اتفاجئ بيها فى الشهر العقارى مطلعه عقد باسم البنتين
طبعا دمه اتحرق و لما طلعت من الشهر العقارى قعد يزعقلها و كان هيضربها فى الشارع
هى بقى قعدت تسترضيه لحد ما حسبها فى دماغه و قال لنفسه أنه وصى على البنتين و يقدر برده يتصرف زى ما هو عاوز فى فلوسهم
عاشور اخد اختى للمأذون و ردها و راح معاها بيتها
عاملها اسوء معامله و بقى يذل فيها ليل نهار و ياخد فلوسها زى عادته
فاتت سنه و هى يا حبيبتى ساكته مبتشتكيش بس كنت بلاحظ علامات الضرب فى وشها و لما كنت اسألها كانت تنكر
احنا مكناش بنروح لها نهائى بيتها لأن جوزها كان ملازم البيت دايما
بس هى كانت بتيجى تسيب بناتها عندى كل يوم علشان تروح شغلها و انا كنت ببقى فرحانه بيهم اوى لأن البنتين هاديين و حلوين اوى بعكس ولادى كانوا دايما يعملوا مشاكل و يتخانقوا مع بعض
اختى قعدت اسبوع متجيش و دى مكنتش عادتها ابدا ...سألت عليها فى شغلها بالتليفون عرفت انها مبترحش الشغل اصلا
قلبى اتوغوش و قلت لتكون عيانه ؟؟
قلت لبابا و هو كمان قالى أن قلبى واجعنى عليها بقالى كام يوم و بحلم بيها فى ضيقه شديده
قررنا انا و بابا نروح نسأل عليها من على الباب و مش هندخل عشان جوزها
و فعلا رحنا و خبطنا على الباب
الغريب أن الباب كان موارب و مش مقفول و بقول غريبه لان المفروض فى مكان مقطوع زى دا لازم تكون حريصه اكتر عشان الحراميه
قعدت انادى كتير اوى محدش رد علينا
بابا قالى مبدهاش لازم ندخل لتكون اختك تعبانه جوه
و دخلنا اول ما عينى جت على السيراميك اغمى عليا
بابا فوقنى بسرعه و قعدنى على كرسي
لقينا بحر دم بيجرى فى الصاله ...
و الغريب أن الدم مش متجلط زى ما يكون فى دبيحه لسه مدبوحه حالا
انا مكنتش قادره اتلم على اعصابى و قلبى انقبض و قلت اكيد اختى جرالها حاجه
بابا لف فى الاوض كلها زى المجنون ملقاش لها أثر
اتصل على البوليس اللى جه فى حوالى عشر دقائق
وابتدوا يعاينوا المكان كله لحد ما لقوا تلات صوابع ...صابعين صغيرين وواحد كبير و خدوهم تحفظوا عليهم علشان يشوفوا الصوابع دى بترجع لمين
بعد كدا البوليس بحث فى كل مكان عن جثة اختى و بناتها ملقوش لها أثر ...اما جوزها مظهرش بعد اليوم ده نهائى
ناس كتير قالوا حراميه هما اللى عملوا فيها كدا و خصوصا أن دهبها كله اختفى
و احنا قلنا جوزها اللى عمل فيها كدا و هرب
بابا بعد الموقف ده تعب تعب شديد و رقد فى السرير لحد ما مات
فضل البيت زى ما هو محدش دخله بعد الحادثه دى حوالى خمس سنين
و لما الموضوع قدم قلت ءأجره و اخد ايجاره استفيد بيه انا و اولادى
اجرته لراجل عجوز و زوجته كان بيتهم وقع و كانوا عاوزين بيت كام شهر كدا على ما يبنوا بيتهم
لكن هما تلات ايام بالظبط و لقيتهم جايين يجروا زى اللى بيجرى وراه حد و بيودونى المفتاح و بيقولولى احنا خلاص رجعنا فى كلامنا و مش عاوزين نسكن
حاولت معاهم شمال يمين مفيش فايده حتى أجرة الشهر اللى دفعوها مرضيوش ياخدوها
بعدها بسنه أجرتها لطلبه غلابه تلات اخوات و مامتهم بسعر مخفض لأن الجامعه بينها و بين المكان ده زى ما انتوا عارفين حوالى تلت ساعه
الست مكنتش مصدقه نفسها انى أجرتها لهم بالسعر ده
و فات اسبوع و لقيت الست جايه تصرخ و تقولى ولادى هيروحوا منى قوليلى البيت ده فيه ايه ؟؟
البيت مفيهوش حاجه
ازاى بتقولى كدا ؟؟ و انا ولادى كل يوم يقوموا الاقيهم مضروبين و الضرب معلم فى جسمهم ؟؟
طب و البيت ماله و مال الكلام اللى بتقوليه دا ؟ ما يمكن ولادك بيتخانقوا مع بعض بالليل
لا يا حبيبتى ولادى بيبقوا نايمين سولام يصحوا يلاقوا نفسهم كدا ...عشان كدا اجرتى لنا البيت بسعر قليل ..حسبي الله و نعم الوكيل فيكى يا شيخه ...خدى مفتاحك اهو
و مشيت الست و من يومها محدش رضى يأجره مره تانيه ...لحد ما قولت ابعيه حتى اللى هياخده ممكن يهده و يبنى مكانه عماره حلوه اوى
و عرضته للبيع بأى سعر لحد ما جت لى الست الوالده و طلبت تشتريه
و لما وضحت لها الحكايه كلها و شرحت لها قالت لى
متخافيش ابنى و مراته بيصلوا و مفيش عفاريت هتحوق فيهم و كمان ياريت العفاريت اللى بتقولى عليها دى تطفشهم عشان ابنى يرجع فى حضنى مره تانيه اصل مراته عاوزه تاخده بعيد عنا
و مضينا العقد و اخدت منها أربعين ألف جنيه و هى طلبت منى أن يتكتب فى العقد خمسين ألف عشان ابنها ميشكش و يسألها ليه السعر قليل كدا ؟؟
بقا كدا يا ماما ؟؟؟ الله يسامحك
خلاص يا استاذ فوزى صلوا بينا على النبى
اللهم صلى عليه ياعم الشيخ
احنا دلوقتى هنعمل الاتى .....
يتبع...
قصص رعب روايات جميلة روايات رومانسية روايات اون لاين روايات كاملة كتب وروايات
تعليقات
إرسال تعليق