#اغادير_ قصص رعب
#الجزء_العشرين_والاخير
قصص رعب روايات جميلة روايات رومانسية روايات اون لاين روايات كاملة كتب وروايات
طب يلا بينا
انتى دلوقتى يا صفيه المطلوب منك تخرجى ابو العيون من مخبأه و تسيبي الباقى علينا
ماشى ...عاوزانى اعمل ايه ؟؟
عاوزاكى تروحيله فى صوره زغدانه و تحاولى أنه يروح معاكى فى القصر المهجور بتاع اغادير و هناك هنبقى مستنينه
تمام ...باذن الله هحقق اللى قولتوا عليه 💪💪
خدى بالك يا صفيه زغدانه بتحب ابو العيون من زمان و هو معشمها بالزواج منها و بيخليها تعمله كل اللى هو عاوزه على امل أنه هيتجوزها
تمام ...متخافيش يا سوفيرا ..انتى برده خليكى معايا
لا مقدرش لو دخلت معاكى ابو العيون هيشم ريحتى على طول
طب ما هو ممكن يعرفنى انا كمان
لا متخافيش انا خليت الشيخ ذاكر يجيب شويه عرق من عرق زغدانه يدوب هترشيهم على جسمك هتبقى شكلها و ريحتها كمان
عرق 🙄؟؟؟
معلش استحملى
طب هاتى ...امرى لله
خدى اهو
اففف يا خبر .....ايه الريحه البشعه دى ؟...دا انا هموت
مش هتموتى و لا حاجه ...يلا عشان الشيخ ذاكر يوصلك لبيت ابو العيون الملعون و احنا هنستناكى فى قصر اغادير
ربنا يستر يا سوفيرا
ووصلنى الشيخ ذاكر لبيت ابو العيون ...بيت قديم متهالك و شكله يقبض القلب
خبطت على الباب ...و بعد ثوانى الباب فتح لوحده
دخلت و انا بقدم رجل و اخر رجل ...كنت خايفه اشوفه
دخلت لقيته شخص كريه الشكل و الريحه عنده عين واحده ، معندوش شعر على دماغه بس باقى جسمه الشعر فيه غزير زى الغوريلا ، أسنانه كبيره و بارزه و عنده قرنين صغيرين ...شبه الشيطان بالظبط
ابو العيون كان حواليه كتب كتير شكلها غريب و الكتابه عليها مش مفهومه على هيئه طلاسم و رموز و قدامه منقد كبير جواه نار
ابو العيون من غير ما يبص لى قال
تعالى يا زغدانه
أمر مولانا
رفع رأسه باستغراب
و انا قلبى وقع فى رجليا ...انا عكيت و الا ايه ؟؟
غريبه يا زغدانه ؟ ايه كلمة مولانا دى ؟؟
دى كلمه اتعلمتها من أغادير ...كل ما تتكلم عليك تقول مولانا ...فا...لزقت فى لسانى ..لو مش عجبالك مش هقولها تانى
لا حلوه ...عجبانى الصراحه ...شاطره يا زغدانه .....قوليلى اغادير حضرت الحاجه ؟؟
ايوه حضرنا كل حاجه
طب و مجتش ليه ؟؟؟ دا الليله اخر ميعاد بعد كدا التعويذه مش هتنفع
ما هى بتستأذنك يا مولانا انك تنتقل لقصرها
انتوا اتجننتوا ؟؟؟ انا اللى اتنقل لهناك ؟؟
اهدى يا مولانا أهدى ...هى لها وجهه نظر فى ده
و ايه هى وجهه نظرها دى ؟؟
هى خايفه أثناء نقل المية طفل حد يشم خبر و يبلغ عنها و بعدين كل شئ ينتهى
انا ميهمنيش الكلام ده ...هى طلبت منى خدمه و لازم هى اللى تيجى لغاية عندى
و مقابل الخدمه دى ايه يا ابو العيون
مقابل ايه ؟؟؟
الخدمه اللى هتعملها لها دى ؟؟
مفيش مقابل
لا فى يا ابو العيون اغادير قالت لى
دى واحده كدابه
و هى هتكدب ليه ؟؟؟
معرفش ...طب ايه رايك بقا انى مش هعملها حاجه
و انت كدا فاكر الموضوع خلص ؟؟
يعنى ايه ؟؟
يعنى لازم تيجى معايا و نروح لاغادير و تواجهها قدامى و تقولها انها كدابه و بعد كدا نسيبها و نمشي من غير ما تعملها حاجه
و ان مرحتش يا زغدانه ؟؟؟
ان مرحتش هصدق كلام اغادير و ساعتها مش هيحصل طيب
انتى بتهددينى ؟؟؟ هتعملى ايه يعنى ؟؟
لا انت عارف انى اقدر اعمل كتير ..انا اعرف عنك كل شئ
يا زغدانه افهمى دى واحده كدابه و اكيد هتكدب لما اروح اواجهها
و ماله تكدب المهم انى ارضى غرورى انك سبتها و مبقتش تحت امرها
تحت امرها ازاى يعنى ؟؟ ما تعدلى كلامك
طب قوم معايا
هقوم بس عشان اثبت لك انك غلطانه
طب يلا بينا
و فى غمضة عين كنا عند قصر اغادير
اول ما ابو العيون وصل القصر وقف شويه و بص
مالك يا ابو العيون ...يلا ندخل
انا شامم ريحه مش هى
دى ريحة الاطفال البشريين اللى مجمعاهم اغادير
لا دى مش ريحه اطفال ...دى ريحه حاجه تانيه
ايووووه ...اتحجج و اعملها حجه ...يلا يا ابو العيون انت عارف إن القصر فى حته مهجوره و مش اى حد يقدر يوصله
ايوه عارف
و دخل ابو العيون و هو قلقان و دخلته السرداب
هى فين اغادير دى ؟
مستنياك مع الأطفال تحت
اول ما دخل الاوضه اللى كان محبوس فيها الاطفال النور نور و لقيت سوفيرا قاعده على كرسي عالى و جنبها واقف الشيخ ذاكر و الاوضه مليانه رجال
اول ما شافها ابو العيون جاله هلع
شاورت سوفيرا بايدها لقيته مره واحده تم تقييده بواسطه قيود طلعت من الحيطه اللى وراه ...قيود على هيئه تعابين
قفلت على اديه و رجليه و تعبان ضخم لف حوالين رقبته
ابو العيون بص لى و قال بقى كدا يا زغدانه ؟ سلمتينى لسوفيرا ؟؟؟
ضحكت و قلت له انا مش زغدانه و هنا سوفيرا شاورت عليا و رجعت بهيئتى البشريه
ايه دا ؟ انتى مين ؟؟
انا ام طفل من اللى خليت اغادير تخطفهم عشان مخططك الشيطانى
و دخلتى هنا ازاى ؟
ملكش دعوه ...خليك فى اللى انت فيه
هنا سوفيرا اتكلمت و قالت
انت بقالك الآلاف السنين بتأذى الجن و البنى آدمين و جه دلوقتى وقت الحساب
انا معملتش حاجه
لا عملت هوريلك بعض أعمالك اللى عملتها و اللى من أجلها هتتحاسب دلوقتى
و فى لحظه كانت شاشه كبيره اتحطت على الحيطه المقابله لابو العيون و ظهرت فيها جرايم كتيره من اللى عملها منها القتل و منها الحرق و منها الاغتصاب و السلب ...حاجات بشعه مكنتش قادره اشوفها
كدب كل ده كدب
انت اللى كداب و جه وقت الحساب
انا مش هموتك على طول انا هجمدك زى ما عملت فى ذاكر عشان تحس الالم اللى كان حاسه و دا ابسط حاجه ممكن اعملها فيك
هتفضل متجمد تلات ايام بلياليهم بعد كدا هتموت و هتبقى رماد
الرحمه يا سوفيرا
و انت مرحمتش كل اللى اذيتهم ليه ؟؟
خد يا ذاكر الازازه دى و نقط له تلات نقط ...العين بالعين والسن بالسن و البادى اظلم
و فعلا توجه الشيخ ذاكر لابو العيون و قاله انت السبب فى فقدى لمراتى و كنت عاوز تموتنى من غير ما اعملك اى شئ
طب اسمعنى يا ذاكر ...هفهمك ...انا ممكن اخليك أغنى واحد فى مملكه الجن
ههههههههه فاكر الناس كلها زيك ؟؟؟ لا يا ابو العيون انت غلطت و لازم تتحمل غلطك
الشيخ ذاكر حط له النقط فى فمه و فى لحظه اتجمد و مبقاش يتحرك منه غير عنيه
الشيخ ذاكر بص له و قاله
حسيت باللى حسيت بيه ؟؟؟
ابو العيون بقى بيكى ...و مش قادر يدافع عن نفسه
هنا سوفيرا قالت لى متشكرين يا صفيه انك ساعدتينا نتخلص من الملعون ده
دا انا اللى متشكره لكم انكم ساعدتونى ارجع ابنى .
انتى كدا دورك انتهى و تقدرى ترجعى لحياتك الطبيعيه مره تانيه ...هتوحشينا يا صفيه
و انتوا كمان هتوحشونى
و اخدنى الشيخ ذاكر وصلنى لباب بيتى و ادانى ازازه صغيره و هو بيودعنى
ايه دى يا شيخ ذاكر
ابنك يا صفيه اتعرض لمحنه كبيره هتأثر عليه طول عمره ...لازم ينسي اللى حصله فى الكام يوم اللي فاتوا دول عشان يقدر يكمل حياته بشكل طبيعى
عندك حق يا شيخ ذاكر
الازازه دى هتقسميها على تلاته انتى و جوزك و ابنك هتنسيكم كل اللى حصلكم ...و كأن شئ لم يكن
و هنساك انت و سوفيرا ؟
ايوا يا صفيه ...لازم تنسي كل اللى
حصلك و تعيشي حياتك انتى و جوزك بشكل طبيعى ..
متشكره يا شيخ ذاكر
مع السلامه يا صفيه ...مع السلامه
انا بحكيلكم الحكايه قبل ما ادخل على ادهم و حمزه و انسي كل حاجه ...عارفه أن فى ناس كتير منكم مش هيصدق حكايتى بس فعلا دا اللى حصلى .
تمت🌷 .
اذا عجبتكم الحكايه ارجو الدعاء لوالدى رحمة الله عليه بالرحمه والمغفره و سائر موتى المسلمين
🌷🌷🌷🌷🌷
ملحوظه : القصه محض خيال
قصص رعب روايات جميلة روايات رومانسية روايات اون لاين روايات كاملة كتب وروايات
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
أزال المؤلف هذا التعليق.
ردحذفروعة انا مش مصدقة ان القصة خلصت دى تحفة 👌👏😍 تسلم ايدك وربنا يرحم والدك ويكون فى الجنة يارب 🤲
ردحذف