#اغادير_ قصص رعب
#الجزء_التاسع_عشر
قصص رعب روايات جميلة روايات رومانسية روايات اون لاين روايات كاملة كتب وروايات
أغادير بصت لى بغل و حقد شديد
و خرجت من جنبها التانى خنجر فضه بيلمع ايده من الزمرد الاحمر
هجمت بيه عليا و لقيت نفسي فى خفه بتسلق حيطان القفص اللى احنا فيه و اغادير ورايا مش سايبانى 😔
طلعت لفوق و هى كانت سريعه جدا لدرجة أنها سبقتنى و بقت فى مواجهتى
أغادير عنيها لمعت و هجمت عليا بالخنجر و خبطتنى فى كتفى
اول ما اخدت الضربه اختل توازنى و لقيت نفسي بقع لاسفل
حاولت اتمالك نفسي و امسك فى القفص مره تانيه
بس الوقعه كانت سريعه و مقدرتش امسك نفسي لكن لولا ستر ربنا كنت وقعت على وشي بس مسكت بقوه فى الحديد بدلتى اتقطعت من على دراعى و لقيت نفسي على الأرض
أغادير شافتنى و قفزت قفزه هايله و سحبت من بدلتها عصايه سحريه
اول ما لفت العصايه فى اديها القفص كله بقى كتلة نار حواليا
لدرجه انى مكنتش شايفه اى حاجه و درجة الحراره ارتفعت و حسيت انى مش قادره اخد نفسي و خصوصا مع القناع التقيل اللى كنت لابساه فوق دماغى
مقدرتش اتحمل قلعت القناع التقيل و حدفت اغادير بيه
هى اتفادته و لقيتها هاجمه عليا مره تانيه و فى أيدها الخنجر ابو ايد زمرد
و لقيت نفسى تلقائيا طلعت رمح كان متعلق على ضهرى و استقبلتها بيه
الرمح غرس فى بطنها و لقيتها وقعت و بتفرفر قدامى
معقول تموت بالسهولة دى ؟؟
كنت واقفه مذهوله ... مش مصدقه نفسي و متخيله انها هتقوم فى اى لحظه و تكمل قتال
لكن لما لقيت القفص اتشال و رجعت حلبه عاديه و ظهرت الناس مره تانيه و الأصوات حواليا ..أدركت أنها فعلا انتهت و اتأكدت اكتر لما الحكم طلع و رفع ايدى لفوق ...و مساعدين الحكم جم شالوها و من قدامى اخفوها
و لقيت الشيخ ذاكر و سوفيرا جايين عليا
مبروك يا صفيه
الله يبارك فيك يا شيخ ذاكر بس كدا هى ماتت ؟؟
ايوا يا صفيه
ازاى ؟ دا انا قلت انها هى اللى هتموتنى
ربنا كان معاكى يا صفيه و الهمك تستخدمى الرمح الساحق
ايه الرمح الساحق ده ؟
دا رمح سحرى اول ما نصله يلمس جسم بيطلق منه سم زعاف و فى خلال ثوانى يكون اللى قدامك ميت
طب ليه مقولتليش عليه من الاول يا سوفيرا ؟
علشان متخافيش من استخدامه لانه لو لمس ايدك انتى كمان كان هيموتك
الحمد لله يا رب ...فين حمزه
حمزه اهو عند الشجره
يا حبيبي يا ابنى
ماما
تعالى يا ضنايا فى حضنى
انا شفتك و انتى بتضربى الست الشريره
كله عشان خاطرك يا نور عينى ...انا احارب الدنيا عشانك
انتى بطلتى يا ماما
و انت نور عينى يا حمزه
طيب يا صفيه انتى دلوقتى تقدرى تاخدى حمزه و تمشي و انا هوصلك بنفسي
طب و ابو العيون ؟؟
ابو العيون منه لله ...ربنا هينتقم منه اكيد
بس انا عاوزه اساعدكم زى ما ساعدتونى ...بس اهم شئ تأمنوا لى حمزه ابنى
إن كان على حمزه متقلقيش حمزه هنوصله البيت فى غمضة عين و نخليكى تطمنى عليه كمان
اذا كان كدا انا معاكم
ماما انتى هتسبينى تانى ؟
لا يا حمزه انا مش هسيبك يا حبيبي بس هروح مشوار صغير مع جدو ذاكر و هلحقك على البيت ..قول لبابا ميقلقش عليا
حاضر يا ماما هقوله و انا هستناكى معاه
طب هات حضن و بوسه لماما
اجمل حضن فى الدنيا يا ناس ...مع السلامه يا نور عينى
الشيخ ذاكر اخد حمزه و اختفى و بعد لحظات ظهر مره تانيه و قالى
انا وصلت حمزه لوالده
متأكد يا شيخ ذاكر ؟؟
كنت متاكد انك هتسالى السؤال ده و عشان كدا هوريلك كل شيء على الطبيعه
الشيخ ذاكر خرج من جيبه كره ازاز شفافه و قالى
بصى فى البلوره دى هتشوفى ابنك مع ابوه
بصيت فى البلوره و شفت حمزه بيخبط على الباب و ادهم فتح له و مكنش مصدق نفسه
حمزه حبيبي كنت فين ؟ و مين جابك هنا ؟؟ و فين ماما ؟؟
ماما ضربت الست اللى خطفتنى يا بابا و بعد ما ضربتها قالت لى انها هتروح مشوار و هتلحقنى
مشوار ؟ مشوار ايه دا ؟
مش عارف يا بابا
يا ترى انتى فين يا صفيه ؟؟
مع جدو ذاكر يا بابا
جدو ذاكر دا مين يا حمزه ؟
دا اللى جابنى لحد الباب
جابك ازاى و بتقول أن امك معاه
معرفش يا بابا
انت كنت فين يا حمزه ؟؟
كنت فى حته ضلمه اوى يا بابا و كان معايا اطفال كتير و ماما انقذتنا كلنا و بعد كدا ضربت الست اللى خطفانا و خلت جدو ذاكر يوصلنى هنا و قالت لى خلى بابا ميقلقش عليا
بعد كل اللى قولته ده و مقلقش ازاى ؟؟ هى حكايه الجن و العفاريت دى صحيحه و الا ايه ؟؟
بتقول حاجه يا بابا ؟
لا يا حمزه مبقولش ...حمدالله على سلامتك يا حبيبي ..اكيد جعان تعالى انا هعملك تاكل .....
قصص رعب روايات جميلة روايات رومانسية روايات اون لاين روايات كاملة كتب وروايات
الحمد لله اتطمنت على ابنى و مستعده دلوقتى انى اساعدكم فى التخلص من ابو العيون الملعون
طب مش هترتاحى الاول ؟
مفيش وقت يا ذاكر صفيه لازم تتحرك بسرعه قبل ما ابو العيون ياخد خبر باللى حصل لاغادير
عندك حق يا سوفيرا ...طب يلا بينا
انتى دلوقتى يا صفيه المطلوب منك تخرجى ابو العيون من مخبأه و تسيبي الباقى علينا
ماشى ...عاوزانى اعمل ايه ؟؟
عاوزاكى تروحيله فى صوره زغدانه و تحاولى أنه يروح معاكى فى القصر المهجور بتاع اغادير و هناك هنبقى مستنينه
تمام ...باذن الله هحقق اللى قولتوا عليه 💪💪
قصص رعب روايات جميلة روايات رومانسية روايات اون لاين روايات كاملة كتب وروايات
يتبع....
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
هايل جدا فرحانة اوى انها انتصرت لانها كانت غيظانى اول القصة
ردحذفهايل جدا فرحانة اوى انها انتصرت لانها كانت غيظانى اول القصة
ردحذفهايل جدا فرحانة اوى انها انتصرت لانها كانت غيظانى اول القصة
ردحذف