#اغادير_ قصص رعب
#الجزء_السابع_عشر
قصص رعب روايات جميلة روايات رومانسية روايات اون لاين روايات كاملة كتب وروايات
لارا بنتى اتدفنت ؟؟؟ يعنى خلاص مفيش لارا ؟؟؟ زى ما حرقتى قلبى على بنتى هحرق قلبك على ابنك
انتى هتعملى ايه ؟
اللى هتشوفيه .....
وفى أقل من لحظه كانت اغادير اخدت حمزه و اختفت
فضلت اصرخ اصرخ و الف حوالين نفسي و طلعت جرى على الشيخ ذاكر
دورت عليه ملقتوش
هو راح فين ؟؟
انتى فين يا سوفيرا ؟
انا هنا جنبك
و فين الشيخ ذاكر ؟؟
ذاكر هيجى حالا كان بيوصل الطفل الاخير قبل ما ياخد حمزه
حمزه اتخطف يا سوفيرا ...
اتخطف ازاى ؟
اغادير فاقت و خطفته من ايدى
و هنا ظهرت سوفيرا و ظهر معاها ذاكر
انتى بتقولى ايه يا صفيه ؟؟ و ازاى محمتيش ابنك من أغادير ؟؟
ملحقتش يا شيخ ذاكر ...ملحقتش دى خطفته فى غمضة عين
كان لازم تنادى علينا
ملحقتش يا شيخ ذاكر ...اول ما عرفت انى دفنت لارا فى الجبل الأحمر اتجننت و خطفت حمزه
انتى قلتى لها ليه انك دفنتى لارا ؟؟
اصلها قالت لى انها هتجمع الاطفال فى ساعه
يا ادى الداهيه ...اكيد خدته و راحت بيه الجبل الأحمر
ايوا يا ذاكر هى فعلا دلوقتى فى الجبل الأحمر
منا عارف يا سوفيرا
عرفت ازاى ؟؟ قصدك ايه ؟؟
قصدى اللى فهمتيه يا صفيه ...اغادير هتدفن ابنك حى فى الجبل الأحمر
لا ...لا يا شيخ ذاكر ارجوك ودينى هناك
و هتقدرى على المواجهه ؟؟
ايوه ...بالله عليك ودينى هناك
وديها يا ذاكر
بس انتى عارفه يا سوفيرا معنى انها تروح ايه ؟؟
عارفه ...بس ملهاش خيار آخر
هوديكى يا صفيه بس عشان تاخدى ابنك من بين اديها لازم تقاتليها
اقاتلها ؟؟
ايوه يا صفيه دا القانون هنا
قانون ايه ؟؟ يعنى انتوا مش هتساعدونى ؟؟
ياريت نقدر نساعدك
بقى كدا بتتخلوا عنى ؟
ابدا ...منقدرش
كل ما اكلمكم تقولوا قانون ..قانون
و الله غصب عنى ...انتى فى عرف قانونا دفنتى بنتها و هى يحق ليها تعمل كدا في ابنك و محدش يحاسبها
بس بنتها كانت ميته و ابنى حى
القانون اعمى ميعرفش ميت من حى ..الطريقه الوحيده اللى تستردى ابنك بيها انك تقاتليها و نهايه القتال بموت حد منكم ...ها قلتى ايه ؟
هى دى فيها كلام ...انا هقاتلها حتى لو ادفع تمن ده حياتى
خدى يا صفيه
ايه دا يا سوفيرا ؟
دا درع سحرى حطيه تحت هدومك هيحميكى من اى ضربه
كتر خيرك يا سوفيرا ...يلا يا شيخ ذاكر وصلنى
احنا هنبقى معاكى يا صفيه
كتر خيركم بس رجعونى صورتى البشريه
حاضر يا صفيه
يلا يا ذاكر ...يلا يا صفيه ....بسم الله
قصص رعب روايات جميلة روايات رومانسية روايات اون لاين روايات كاملة كتب وروايات
و فى غمضة عين كنا فى الجبل الأحمر
و شفت اغادير الملعونه ماسكه معول و بتفحر ...بصيت على حمزه لقيتها مكتفاه و رمياه فى جنب على ما تخلص الحفره
انتى بتعملى ايه يا مجرمه ؟
اغادير رفعت راسها و ضحكت ضحكه هزت الجبل
كويس انك جيتى علشان تشوفى ابنك بعينك و ينحرق قلبك اكتر عليه
و الله ايه ؟؟؟ و انتى فاكره انى هسيبك ؟
متقدريش تتحامى فى الاتنين اللى معاكى دول هما عارفين القانون كويس
و انتى خالفتى القوانين يا اغادير لما خطفتى الاطفال
انا واحده مجرمه زى ما صاحبتكوا بتقول يا سوفيرا لكن انتوا لا ....انتوا مش ساعدوتها ؟؟؟ يلا بقا ورونى هتقدروا تعملوا ايه؟؟
احنا مش هنعمل هى اللى هتعمل
هتعمل ايه يا شيخ ذاكر ؟؟؟ روح أجرى روح شوف لك حاجه تعملها بدل الفضا اللى انت فيه
الله يسامحك ...بس صفيه هتقاتلك
ايه ؟؟؟ هتقاتلنى ؟؟؟؟ هههههههههه ضحكتنى يا والدى
و ايه يضحك فى كلامى ؟؟
اصل انت عارف كويس انك بكدا بتموتها لأنها عمرها ما تقدر عليا
انتى بتقولى كدا لكن صفيه لها رأى تانى
ايوه يا اغادير انا هاقاتلك ...
ضحكت اغادير مره تانيه ضحكه رجت المكان ...
طب يلا يا حلوه عشان تموتى
القتال فين يا شيخ ذاكر ؟
تحت فى سفح الجبل
طب يلا بينا
و فى لحظه لقيت نفسي فى مكان واسع و فى وسطه حلبه قتال و لقيت نفسي لابسه قناع و ملابس مقاتلين زى مقاتلى العصور الوسطى و قدامى اغادير و حوالينا ناس كتير
قبل ما القتال يبدأ جت سوفيرا جنبى و قالت لى الدرع لسه معاكى متخافيش و خدى اشربى ده
ايه دا ؟
اذا كنا منقدرش نساعدك بادينا فاحنا نقدر نساعدك بالحيله ..... دا مشروب هيديكى حركات خارقه عشان تقدرى تواجههى اغادير ...سمى الله و اشربى
بسم الله العظيم الاعظم
و بدأ القتال
أغادير لقيتها هجمت عليا و ضربتنى ضربه جامده على دماغى نزلت عليا زى الصاعقه ، افقدتنى توازنى و لقيت نفسي هويت على الأرض
سمعت صوت ذاكر بيقولى
قومى يا صفيه ...قومى عشان خاطر حمزه
قمت بالعافيه و انا مش مصدقه نفسي انى هقدر اغلبها بعد اول ضربه
أغادير كانت واقفه و ضهرها ليا و بتبص للناس اللى قاعده و هى حاطه اديها فى وسطها و فرحانه بنفسها
قمت جريت عليها و هوب لقيت نفسي بطير و ضربتها ضربه قويه برجليا
أغادير طارت فى اخر الحلبه وقعت و اتخبط وشها فى الجانب المعدنى المربوط فيه الحبال
وشها اتعور و نزل منه الدم ...حطت أيدها على وشها و شافت دمها مكنتش مصدقه نفسها
قامت بسرعه وهجمت عليا مره تانيه
هنا .....
قصص رعب روايات جميلة روايات رومانسية روايات اون لاين روايات كاملة كتب وروايات
يتبع....
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
ينفع كده قطعتى فى جزء مهم 😂😂😂
ردحذفينفع كده قطعتى فى جزء مهم 😂😂😂
ردحذف