#اغادير_ قصص رعب
#الجزء_السادس_عشر
قصص رعب روايات جميلة روايات رومانسية روايات اون لاين روايات كاملة كتب وروايات
حمزه ...يا حمزه خلى البنت اللى بتكلمك تقرب من الباب و تكلمنى
قربى يا حبيبتى متخافيش ...بتقولى انك تعرفى الباب بيتفتح ازاى ؟
ايوه
طب قولى عشان افتح لكم
حاضر ...الباب علشان يتفتح لازم تذكرى كلمة سر
كلمة سر ايه يا حبيبتى ؟
مش فاكره .. بس انا كنت اول واحده تجيبنى الست الوحشه دى هنا و كانت بتتكلم مع واحده تانيه شكلها وحش اوى و بتقولها انا هخبى الاطفال اللى هجيبهم فى الزنزانه اللى فى السرداب
التانيه دى قالت لها طب و حرس المدينه ؟؟ ممكن فى اى وقت يهجموا على القصر و لو لقيوا الاطفال دى مش هتشوفى النور مره تانيه
متخافيش مفيش حد يقدر يفتحه
و ليه بقا ؟ مش له مفتاح ؟
لا ملوش .... الباب ميفتحش الا بكلمة سر و كمان هعين عليه حارس شديد ميقدرش و لا انس و لا جن يعدى منه
حتى انا ؟؟؟
حتى انتى ...الحارس ده ميعرفش غيري و اى حد يقرب من الباب يقطعه حتت
يا خبر ....بس انتى واعيه
طبعا المسأله دى بالنسبالي حياه او موت
طب مش هتقوليلى كلمه السر
لا طبعا يا زغدانه
كلمه سر ؟؟؟ طب مسمعتيهاش و هى بتنطقها يا حبيبتى ؟
لا هى تمتمت بكلمه مش مفهومه و الباب اتفتح دخلتنى و قفلت عليا ...انا هنا فى الضلمه بقالى كتير و عاوزه اشوف ماما
حاضر يا حبيبتى هتشوفيها ...بس لو كنتى سمعتى بس الكلمه ؟
لا مسمعتش
انتى فين يا سوفيرا ؟؟؟ ساعدينى
انا هنا معاكى ...أهدى يا صفيه و هتقدرى توصلى
طب متعرفيش ممكن تكون كلمة السر ايه ؟
لا يا صفيه هى كانت بتمتم بيها مفيش حد فى الكون يقدر يعرفها
طب انا عاوزه منك حاجه تانيه
عاوزه ايه يا صفيه
رجعينى لصورتى البشريه
و ليه عاوزه ترجعى لصورتك البشريه ؟
علشان حمزه و الاطفال يأمنوا ليا ..انا دلوقتى فى صوره زغدانه و ممكن يخافوا منى لما يشوفونى
ااه ...تصدقى فاتت عليا ؟؟ ....خلاص بمجرد فتحك للباب هترجعى تانى صفيه و هرجعك زغدانه مره تانيه مع آخر طفل تخلصيه من الأسر ... خلى بالك يا صفيه الاطفال مينفعش تخرجيهم كلهم مره واحده
ليه يا سوفيرا ؟؟
الاطفال لازم يخرجوا بالترتيب اللى دخلوا بيه يعنى أول طفل دخل هو أول طفل تطلعيه ...و تروحى توديه للشيخ ذاكر
طب و انا هعرفهم منين ؟؟
هما عارفين الترتيب لأن اغادير كانت بترقمهم و تخليهم يحفظوا رقمهم
و ليه اغادير كانت بترقمهم ؟
ابو العيون هو اللى طلب منها كدا علشان لما يجى يعمل التعويذه بتاعته يضحى بطفل طفل برقمه
يعنى كدا حمزه ابنى هيكون آخر طفل و الا فى طفل بعده ؟؟
لا حمزه فعلا رقم ميه و هو آخر طفل هتخرجيه
انا قلقانه يا سوفيرا
متقلقيش ربنا معانا
بعد ما خلصت كلام مع سوفيرا وقفت قدام الباب و قلت اجرب الأسماء اللى اعرفها نطقت و قلت
أغادير
الباب مفتحش 😔
ابو العيون
برده مفتحش🥺
زغدانه
مفيش فايده مفتحش🥺 ....ايوه عرفت
لارا
برده مفتحش ...طب و بعدين دا دى الاسماء اللى انا عارفاها ...دلنى يا رب
اه يمكن كلمه السر مش كلمه واحده يمكن كلمتين ....هجرب تانى
. لارا خمسه
مفتحش برده
لارا ١٠٠
اول ما نطقت اسم لارا ووراه عدد الأطفال الباب اتفتح و انا رجعت لصورتى البشريه دخلت بسرعه على الأطفال
الدنيا ضلمه بس لما الباب اتفتح دخل ضوء بسيط ..... ناديت
حمزه ...يا حمزه
جه حمزه ناحيه الصوت
ماما ...ماما
اخدته فى حضنى و جه الاطفال عليا كلهم مسكوا فيا و بدأوا يعيطوا و يطلبوا منى انى اروحهم بيوتهم
اهدوا يا اولاد انا هساعدكم ...بس لازم تسكتوا و متعملوش صوت
لو عاوزين تخرجوا من هنا و تروحوا لاهلكم لازم تسمعوا كلامى
الاطفال كلها ردت حاضر مش هنعمل صوت بس خرجينا من هنا
متخافوش هاخدكم كلكم و اوصلكم لراجل طيب اسمه الشيخ ذاكر و هو ده اللى هيوصلكم كلكم لبيوتكم
الاطفال سكتت كلها ، و مكنتش قادره اسيب حمزه من حضنى بس هعمل ايه لازم أنقل الاطفال واحد واحد
مين فيكم رقم واحد ؟
انا رقم واحد
تعالى معايا يا حبيبتى
و اخدت اول بنت و عبرت بيها الطريق و نفدت بيها من المرايه و سلمتها للشيخ ذاكر
الشيخ ذاكر اول ما شافها فرح اوى و قالى برافو عليكى يا صفيه كنت عارف انك هتقدرى تنقذيهم ...بس فين حمزه ابنك و فين باقى الاطفال ؟
سوفيرا قالت لى لازم اعبر بطفل طفل بترتيب نزولهم و حمزه ابنى آخر طفل
و ماله يا بنتى متقلقيش انتى هتخلصى فى دقايق و كل طفل تسلميه هناخده نوديه...باذن الله ربنا هيسترها معانا لأننا بنعمل خير
قصص رعب روايات جميلة روايات رومانسية روايات اون لاين روايات كاملة كتب وروايات
و ابتديت انقل الاطفال واحد واحد و اعبر بيه المرايه ...الشيخ يستلمه منى و يسلمه لمساعدينه ياخدوه فى لمح البصر يرجعوه لاهله
خلصت كل الاطفال و كان فاضل حمزه ابنى كان آخر طفل هيخرج
رحت علشان اجيبه و كنت فى منتهى السعاده و بقيت أجرى علشان أوصله بسرعه و اخده فى حضنى و اشيله طول الطريق لحد ما اعبر بيه المرايه
اول ما دخلت عليه قلت له و انا فرحانه
يلا يا حمزه عشان تروح البيت
سمعت صوت
يروح فين ؟؟؟
التفت ورايا لقيتها هى .....اغادير 🥺
انتى ...انتى جيتى هنا ازاى ؟
انتى اللى جيتى هنا ازاى ؟؟؟ و ازاى تقتحمى بيتى و تهربى الاطفال ؟؟
يا بجاحتك ....بقى عاوزه تسرقى ابنى و عاوزانى اقف اتفرج عليكى
ابنك بقا ملكى و الاطفال اللى هربتيهم اقدر اجمعهم تانى فى ساعه واحده بس
و تجمعيهم ليه ؟
ملكيش فيه ؟
اظن عاوزه تجمعيهم عشان لارا ....اللى متعرفهوش أن لارا خلاص اتدفنت فى الجبل الأحمر و زمانها اتحللت خلاص
انتى بتقولى ايه ؟
اللى سمعتيه
انتى كدابه ...لارا بنتى فى التلاجه
لارا الله يرحمها خلاص راحت لخالقها
انتى مجرمه و لازم انتقم منك
انتى اللى مجرمه و عاوزه تعترضى على قضاء ربك
لارا بنتى اتدفنت ؟؟؟ يعنى خلاص مفيش لارا ؟؟؟ زى ما حرقتى قلبى على بنتى هحرق قلبك على ابنك
انتى هتعملى ايه ؟
اللى هتشوفيه .....
قصص رعب روايات جميلة روايات رومانسية روايات اون لاين روايات كاملة كتب وروايات
يتبع....
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
ايه ده ليه كده انا كنت متوقعة انها تظهر بس كنت بتمنى انها تفضل نايمة 😢
ردحذف