#اغادير_ قصص رعب
#الجزء_الخامس_عشر
قصص رعب روايات جميلة روايات رومانسية روايات اون لاين روايات كاملة كتب وروايات
الصاله كان فيها شويه حاجات بسيطه ابتديت ادور فى كل مكان لحد ما لقيت المفاتيح موجوده تحت كرسي كبير ضخم معشش عليه العنكبوت و التراب ماليه
المفاتيح أهيه يا شيخ ذاكر
برافوا عليكى ...يلا سمى باسم الرحمن و جربى المفاتيح لحد ما نلاقى لارا و الاطفال
بسم الله
ابتديت اجرب المفاتيح واحد واحد
الاوضه الاولى اتفتحت بس كانت فاضيه
و التانيه و التالته ....
كل ده و ذاكر واقف و بيستعجلنى
يلا اوام يا صفيه
حاضر يا شيخ ذاكر
فى الاوضه رقم خمسه لقيت تلاجه كبيره زى تلاجات العرض اللى بنشوفهم فى المحلات فرحت و شاورت للشيخ
دخلنا بسرعه و فتحنا التلاجه لقيت البنت فيها ...صعب عليا شكلها
جسمها ازرق من التلج ووشها ابيض مفيهوش نقطة دم
الشيخ ذاكر لقيته بيكلم حد و بيقول لقيناها تعالوا علشان تاخدوها
و فى لحظه كان فى تلاته واقفين و معاهم صندوق حطوا فيه البنت
الشيخ ذاكر قالى تعالى يلا علشان تدفنيها
انا اللى ادفنها ؟؟ ليه ؟؟
لنفس السبب اللى قلت لك عليه ، انا مقدرش ادفنها و لا احطها فى التراب لازم حد من أهلها أو حد من الاغراب
بس همشي و اسيب حمزه ؟
مش هاخد من وقتك كتير هى خطوه واحده و تكونى فى الجبل الأحمر و هناك الحفره معموله يدوب هتنزلى البنت فيها و نردم عليها ...بعد كدا هرجعك هنا فى لمح العين ...بس قولى يا معين
يا معين
و لقيت نفسي فى حته كلها جبال عاليه و فيها جبل لونه احمر مميز جدا عن باقى الجبال
ممكن يا شيخ ذاكر اسالك سؤال ؟
هتسألينى ليه اخترنا الجبل الأحمر بالذات صح ؟؟
ايوه صح
ارض الجبل الأحمر اللى يندفن فيها لا يمكن يطلع منها تانى و لا فى قوه تخرجه لأن طبيعته بتحلل الجسم فى دقايق معدوده ...اول ما هنحط لارا و نقفل عليها هتتحلل و مش هيفضل لها أثر علشان اغادير مبيقاش عندها امل
و الله صعبانه عليا
مين ؟ لارا و الا اغادير ؟
الاتنين
لا اغادير متصعبش عليكى ..هى استحلت لنفسها قتل مية طفل علشان نفسها ، و اعترضت على قضاء الخالق و استعانت بالملعون ابو العيون
عندك حق يا شيخ ذاكر
طب يلا حطى لارا فى الحفره و نزلى عليها التراب
بسم الله ....
حطيت لارا و ردمت عليها التراب ...قلبى كان بيتقطع عليها
يلا يا صفيه قولى يا معين
يا معين
اول ما نطقت الكلمه لقيت نفسي رجعت للسرداب مره تانيه و معايا الشيخ ذاكر
يلا جربى بقية المفاتيح قبل ما اغادير تصحى
ممكن اسالك سؤال
اتفضلى
ليه متخلصتوش من أغادير بدل ما نيمتوها ؟؟
لأننا مسلمين ...احنا مبنقتلش حد بغير حق
طب ما انتوا عاوزين تقتلوا ابو العيون ؟
ابو العيون ساحر و حد الساحر القتل
عندك حق
اخدت المفاتيح و ابتديت افتح باقى الاوض....الاوض كلها فاضيه طب ليه مقفوله مدام فاضيه ...
لحد ما وصلت لاخر اوضه و فتحت بابها
لقيت حاجه غريبه الاوضه فيها مرايه ضخمه بعرض الاوضه كلها و مفيش اى حاجه غير المرايه دى
ناديت على الشيخ ذاكر
الحقنى يا شيخ ذاكر دى اخر اوضه...طلعت فاضيه ..امال فين حمزه ؟
قصص رعب روايات جميلة روايات رومانسية روايات اون لاين روايات كاملة كتب وروايات
بصى كويس يا صفيه شايفه ايه قدامك
شايفه مرايه
هى دى المدخل يا صفيه
مدخل ايه ؟ دى مقفوله و تقريبا متثبته على حيطه
قربى منها و اتاكدى بنفسك
قربت من المرايه و اول ما لمستها لقيتها طريه زى الجيلى
دخلت صابعى فيها لقيته نفد الجهه التانيه
استغربت اوى انا اول مره اشوف حاجه زى كدا
ذاكر هز لى دماغه و شاور لى انى ادخل جواها
كنت خايفه اوى و قلت له طب مش هتيجى معايا ؟؟
لا يا صفيه انتى اللى لازم تدخلى لوحدك و تخرجى الاطفال طفل طفل عبر المرايه بس خلى بالك مهما يقابلك متخافيش ...لازم تواجههى مخاوفك
هزيت له راسي بالموافقه و استجمعت شجاعتى و مريت من خلال المرايه
اول ما عديت الناحيه التانيه لقيت مكان كله ضباب ...ضباب كثيف متشوفش ايدك منه....كنت ماشيه مش شايفه قدامى ...بس واحده واحده ابتدى الضباب يتلاشي و ابتدى يظهر قدامى من بعيد زى زنزانه بابها من حديد
اكيد هى دى اللى فيها الاطفال
قربت من البوابه و اول ما حطيت ايدى عليها ظهر لى كلب اسود ضخم جدا طوله طول الباب
الكلب هجم عليا علشان يمنعنى من دخول الغرفه اللى فيها الاطفال
ابتديت أجرى و فكرت انى ارجع للمرايه بس رجعت افكر مره تانيه أن الشيخ ذاكر حذرنى من الخوف
و لقيت نفسي مره واحده وقفت ...انا لازم أواجه خوفى مش لازم استسلم
انا بينى و بين ابنى خطوه و لازم اخطيها حتى لو الكلب ده هيموتنى
اول ما وقفت و الكلب كان جاى عليا لقيته هو كمان وقف و اختفى
حمدت ربى و توجهت للباب
الباب مقفول و انا مش معايا اى مفتاح
ناديت ....حمزه حمزه ..انت هنا يا حمزه
سمعت صوته
انا هنا يا ماما .... تعالى خدينى انا خايف
متخافش يا حبيبي انا جنبك و بعد دقيقه هاخدك
بقيت ادور على اى فتحه فى الباب مفيش الباب مصمت مفيهوش خرم
طب بيتفتح ازاى ده ؟؟؟
ساعدنى يا ربى ...ساعدنى
ابتديت اسمع باقى الاطفال من جوه بدأوا فى البكا ...خرجينا ...عاوزين ماما
متخافوش يا اولاد هخرجكم ...اهدوا محدش يعمل صوت ...
حمزه... سامعنى يا حمزه ؟؟
ايوه يا ماما
متعرفش اغادير دخلتكم هنا ازاى ؟
معرفش يا ماما انا لقيت نفسي هنا فجأه و الدنيا ضلمه
فى الاول كنت سامعك و انتى بتتكلمى بعد كدا مبقتش اسمعك
طب محدش من الاطفال اللى معاك يعرف ؟
مش عارف يا ماما
اسالهم يا حمزه و خليهم يسكتوا
و سمعت حمزه من جوه بيقول لباقى الاطفال اهدوا علشان ماما تطلعكم ... حد فيكم يعرف دخل هنا ازاى ؟
الاطفال كلها قالوا لا ما عدا صوت بنت نطقت و قالت ايوه اعرف
حمزه ...يا حمزه خلى البنت اللى بتكلمك تقرب من الباب و تكلمنى
قربى يا حبيبتى متخافيش ...بتقولى انك تعرفى الباب بيتفتح ازاى ؟
ايوه
طب قولى عشان افتح لكم
حاضر ...الباب علشان يتفتح لازم ....
قصص رعب روايات جميلة روايات رومانسية روايات اون لاين روايات كاملة كتب وروايات
يتبع....
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
جميلة اوى كده تقطعيها فى اهم لحظة تسلم ايدك 👌👏
ردحذفمش عارفه اقولك لحضرتك ايه والله ابدعتي 👏👏👏👏
ردحذف