#اغادير_ قصص رعب
#الجزء_الرابع_عشر
قصص رعب روايات جميلة روايات رومانسية روايات اون لاين روايات كاملة كتب وروايات
و اخدت اغادير المشروب و هى بتبص لى ...كنت حاسه انها سامعه دقات قلبى ..اه يا انا يا ربى
و اول ما قربت الكاس لبقها نزلته مره تانيه و قالت
بقولك ايه ما تاخديه شكلك لسه عطشانه
انا ؟؟؟ اه فعلا هاتيه
ههههههههه كنت عارفه أن عينك فيه و عشان كدا مش هدهولك انزلى اعمليلك غيره
سكت و مكنتش عارفه ارد ...كنت مستنيه اللحظه اللى اغادير هتحط فيها الكاس على بوقها
و فعلا رفعته مره تانيه و رشفت منه رشفه
و رجعت بصت لى و عنيها بتقول كتير ...أو يمكن انا كنت خايفه لتحس بطعم المنوم اللى ادتهولى سوفيرا
بصتها ليا خلتنى اضطرب و كان هيبان عليا ...سمعت سوفيرا بتقولى اثبتى يا صفيه اوعى تبينى لها حاجه
أغادير لقتها بتقولى ...اول مره تعملى المشروب مظبوط كدا ...كل مره بيبقى فيه حاجه غلط بس المره دى طعمه مختلف اجمل كتير
هزيت لها دماغى لانى معرفتش أقولها ايه
سكت شويه و قلت لها طب انا هنزل اعملى واحد اعملك معايا ؟؟
لا لا كدا كفايه
طيب انا خارجه
وطلعت من عندها لانى مكنتش قادره اتحكم فى خوفى كنت حاسه انها ممكن تكشفنى فى اى لحظه
نزلت لتحت و قلبى مبطلش دب
بعد دقايق سمعت سوفيرا بتقولى اطلعى لها شوفيها نامت و الا لا .....اتاكدى على بال ما أبلغ ذاكر
طلعت و انا خايفه لتكون لسه صاحيه
الباب كان موارب ...بصيت على سريرها لقيتها واقعه من عليه فى الارض متمدده
دخلت بشويش و ناديت عليها
أغادير ...اغادير ....انتى نمتى ؟؟؟
اتأكدت انها نامت
سمعت سوفيرا بتقولى
بسرعه يا صفيه روحى طلعى لارا من التلاجه ذاكر هيكون عندك بعد دقايق
جريت و من كتر سرعتى اتكفيت على وشي ...كنت خايفه اوى و مرعوبه
نزلت المطبخ و فتحت التلاجه بس ملقتش حاجه ...دى تلاجه عاديه مفيهاش اى حاجه
فضلت ادور هنا و هناك
طلعت الاوض و فتحتها اوضه اوضه بس برده ملقتش حاجه
نزلت تانى لتحت و انا بسال نفسي و بسال سوفيرا فين التلاجه دى يا سوفيرا مش لاقياها
لكن سوفيرا مردتش عليا و كان لازم الاقيها بنفسي
افتكرت أن سوفيرا قالت أن اغادير مخبيه الولاد فى سرداب
يبقى اكيد التلاجه موجوده هناك
بس يا ترى فين باب السرداب ده ؟؟
انتى فين يا سوفيرا ؟ و فين السرداب ؟ ساعدينى
معلش يا صفيه كنت مشغوله شويه اطلعى فوق لاغادير دورى على المفتاح انا كنت فاكراها مخبيه لارا بعيد عن مكان الاطفال بس الظاهر كدا انها معاهم فى نفس المكان
طب و انا هدور على المفتاح فين ؟؟
فى اوضه اغادير يا صفيه ..يلا مفيش وقت ...اسرعى ...اغادير ممكن تفوق فى اى وقت
حاضر ..حاضر
و طلعت تانى لفوق دخلت عليها لقتها نايمه و صوت شخيرها جايب لآخر الدنيا
ابتديت ادور فى كل مكان ...جنب صور لارا ..فى الإدراج ...تحت مرتبه السرير ...تحت السجاده ... مش لاقيه حاجه
قصص رعب روايات جميلة روايات رومانسية روايات اون لاين روايات كاملة كتب وروايات
بعد ما خلاص يئست بضرب يعينى لقيت اغادير لابسه سلسله جنزير و باين جزء من المفتاح لأن الباقى جوه هدومها
طب انا هجيبه ازاى ؟ دى ممكن تصحى
قلبى هيقف من الخوف ...بس حمزه ابنى يستاهل اضحى عشانه بروحى و حياتى
قربت منها بحذر شديد و سحبت السلسله من جوه هدومها و ظهر المفتاح ..كان مفتاح كبير
اول ما حاولت اقلع لها السلسله عشان اخد المفتاح صوت شخيرها وقف
و انا قلبى وقف معاه ...قلت خلاص صحيت و رحتى فى خبر كان يا صفيه انتى و ابنك
بعدت عنها خطوه ...لكن الحمد لله رجع صوت الشخير مره تانيه
قربت منها و خلعت السلسله من رقبتها
و اخدتها و خرجت بسرعه
نزلت على السلالم مش عارفه اروح فين ...ناديت على سوفيرا بس مردتش
جت لى فكره ان السرداب ممكن يكون خارج القصر
طلعت بره جرى ...بصيت حواليا لقيت اوضه فى وسط الجنينه المهجوره
دخلت لها بسرعه لقيت فيها سجاده مفروشه على الأرض
رفعت السجاده و لقيت زى ما توقعت
باب خشب كبير و مقفول بقفل ضخم
حطيت المفتاح فيه فتح
بس المكان مظلم جدا ...فجأه لقيت ذاكر قدام عنيا
انت جيت يا شيخ ذاكر ؟
ايوه استدعتنى سوفيرا يا صفيه
انا فتحت السرداب بس الدنيا ضلمه اوى تحت ...انا خايفه
متخافيش ...انا هنور لك ...يلا بينا
و نزلت على سلم خشبى وورايا الشيخ ذاكر و معاه مصباح معرفش جابه منين
اول ما نزلت لقيت نفسي غصب عنى بنادى على حمزه ابنى
الشيخ ذاكر قالى
لا لا يا صفيه ...دا مش اتفاقنا ...انتى كدا هتخلى الاطفال كلها تعمل دوشه و هتصحى اغادير اللى ممكن تدفنا هنا و ساعتها محدش هيعرف عننا حاجه
مش قادره يا شيخ ذاكر ...ابنى بينى و بينه خطوه
انتى باللى عاوزه تعمليه ممكن تفقديه
لا ..لا مش عاوزه أفقده انا عاوزه اخده فى حضنى و اطبطب عليه
تبقى تعملى اللى سوفيرا قالت لك عليه
حاضر يا شيخ ذاكر....بس انت شايف المكان ؟؟ كله اوض مقفوله هندخل فيها ازاى ؟
دورى اكيد مفاتيحها موجوده بالمكان
طب دور معايا
مقدرش ...لو كان ينفع كنت انا عملت كدا من الاول و معرضتكيش تنزلى هنا و تخترقى عالمنا
و ليه مينفعش ؟؟
عندنا قانون هنا مينفعش حد مننا يدور فى بيت حد تانى عن اى شئ و اللى يعمل كدا و يتخطى حدود غيره يكون مصيره الموت
ياااا ... معقوله ؟؟
ايوه امال ايه ؟؟ امال انا جبتك انتى ليه ؟ لازم تدورى بنفسك انتى مبينطبقش عليكى قوانينا
حاضر هدور
و بالفعل ابتديت ادور فى المكان اللى كان عباره عن صاله كبيره و اوض كتيره كلها مقفوله
الصاله كان فيها شويه حاجات بسيطه ابتديت ادور فى كل مكان لحد ما لقيت المفاتيح موجوده تحت كرسي كبير ضخم معشش عليه العنكبوت و التراب ماليه
المفاتيح أهيه يا شيخ ذاكر
برافوا عليكى ...يلا سمى باسم الرحمن و جربى المفاتيح لحد ما نلاقى لارا و الاطفال
بسم الله ...
قصص رعب روايات جميلة روايات رومانسية روايات اون لاين روايات كاملة كتب وروايات
يتبع....
#دجيهان_عادل
#قصص_وحكايات_د_جيهان_عادل.
فضلا غير مسموح نقل أو نسخ القصه إلا بعد اذن الكاتب ...
جميل اوى البارت ومشوق جدا👏👌
ردحذفجميل اوى البارت ومشوق جدا👏👌
ردحذف